今次又係我YO媽同大家講下香港澳洲大不同！好多人都話移咗民，好辛苦喎，其實究竟有咩咁辛苦呢？佢地都會話因為無咗工人姐姐，咁家務邊個做呢？又唔識煮飯,唔通日日外賣咩，何況澳洲嘅外賣點會有香港咁方便呀？等我同大家分享下我嘅經歷啦！
更多文章：【幾個移民媽】澳洲睇樓買樓大不同 移民專家：三個重點要留意
我本身係一個完全唔識整嘢食嘅人,係香港朋友嚟屋企聚會只會係打邊爐,連最基本洗米都唔識嘅我的確係呢10年突飛猛進，叫做煮餐飯仔食唔死一家三口。香港屋企清潔又會有工人或鐘點做，係香港每日放工返到屋企根本都唔洗擔心啲衫有無人洗？ 有無飯食？廁所乾唔乾淨？的確嚟咗澳洲真係所有嘢都一腳踢。
剛剛同YO爸嚟到澳洲，仲未有小朋友，倆口子的確會為家務上有分歧。既然大家都返工，家務應該大家分工合作，加上澳洲極少何會加班，所以一般5點幾就會返到屋企，大家分工整晚餐，有時都會幾開心。而買餸一般會係星期六日一次過買哂，點解？當年我嚟澳洲時，星期一至星期五超級市場關5點，得星期六可以有足夠時間購食材，同埋星期日係唔開，真係攞命。不過呢幾年澳洲人生活模式都開始轉變，大部份超市都關9點，以家星期日仲有營業，不過就關5點。但係呢幾年發覺有24小時開嘅超市，所以真係方便咗好多。
當然啦煮飯其實只係一部分，因為澳洲一般係獨立屋，2000-3000呎仲加花園，清潔先最攞命，頭兩年我地都會自己做吓，不過之後我地發覺其實澳洲都流行請鐘點，一般澳幣$20-$35不等，每星期來一次，每次3、4小時，計落又同香港其實差唔多。另外我哋好流行洗碗機、吸塵機、乾衣機……呢啲全部都可以減輕我地平日生活上工作。
到生咗小朋友，問題都會多咗，因為大家都返工，無工人姐姐，邊個喺屋企湊小朋友呢？我就比較好彩，我媽媽幫我睇。咁其他人呢？佢地都會放child care托管，呢啲 child care一般開6點，所以返工前可以放低，晚上7點前就接返。 收費每天澳幣 $100起，政府會根據父母收入去決定有幾多補貼，就算去到返小學， 一般上學時間8:40，如果就唔到返學放學時間，都可以放before school或 after school，大部分學校都會有呢啲服務去幫助上班嘅父母。
所以其實嚟到澳洲，有自由空氣，多咗空間畀小朋友，大家付出嘅可能唔同，但一家人嘅相處時間又多咗，有得必有失！
利安環球物業創辦人及執行董事張肇麒（Terence）笑言，早年與家人移居到澳洲時，最不習慣的人絕對是他的媽媽。他指出，以前家中有外傭姐姐幫忙，但她去到澳洲後沒有外傭姐姐，被逼由一個事業型的女性，變成要留在家中打理家頭細務的家庭主婦。
眼見媽媽用了一段時間去適應，Terence指出，現時澳洲和英國也有「鐘點」的選擇，比以往普遍，惟價錢相對較貴，大概一小時需要港幣600至700元。「你會搵到人幫手做家務，但煮飯嗰啲都要係自己嚟。」
Terence寄語即將移民到外地的媽媽們，不要太緊張。他明白到了外地，生活或會出現翻天覆地的變化，但只要有能耐和耐性，所有問題都可以迎刃而解。他相信只要慢慢接受新生活模式，或許更會發現新生活的美好。
