懷孕前後

收藏本版
發帖
返回列表
跳至頁

首頁
12

尾頁
   0
445566


複式洋房

積分: 308


1#
發表於 05-5-3 10:14 |只看該作者

懷有第二胎既媽咪.. 請安慰我

我很疲累啦…. 我有一個3歲既女兒, 現肚子裡有一個2個月大既bb, 我很辛苦… 每天都要經過暈同嘔, 這2個步驟… 我已經好倦…. 唔想食.. 但又要食… 食完又要嘔, 嘔完又暈… 暈了都要堅持工作… 我既淚水都哭乾了……

我唔敢告訴別人, 我有了bb, 公司除了我直屬上司外, 其他人都唔知我有了bb, 我唔敢同人講, 包括父母同老爺奶奶, 我唔係因為迷信未足3個月而唔講, 而係我真係面對唔到, 我很想同別人講, 我好辛苦, 好頭痛, 好倦, 但是… 我沒有勇氣告訴我既家人, 什至我既朋友.

我既老公, 不是不好, 只是唔明白女人陀bb 既感受, 我身體真的很不健康, 我無法好好地照顧我既女兒, 放工回家, 已經很想睡, 女兒不段要求我同佢玩, 我都堅持, 因為我唔想佢覺得, 媽咪有了小bb 就唔錫佢, 我好努力, 不過我真係力不從心… 就好似這2天既假期, 工人放假了, 我要照顧女兒, 但是.. 我不是嘔就暈… 好辛苦… 女兒3歲, 有時明事理, 有時又唔明, 講真, 佢3歲而已, 不能要求佢太多, 我老公沒有耐性, 很少事就閙女, 我耳朵沒有清靜時, 我好辛苦.. 我想好好休息…. 但係老公再嘈下去, 受害一定係個女… 我既耐性亦沒有了…. 唯有陪住個女, 叫佢唔好唔聽話… 一天假期過去了, 又第二天假期, 我力圖自己今天可以處理好一點, 只不過… 又係如此, 到黃昏, 我真係想不到可以如何, 唯有叫工人回來… 晚上想了又想… 是否一個工人好過一個老公呢….

我為什麼要生多一個….. 請告訴我….. ????? 為了女兒有個伴, 本來係我生多一個既原因… 但現在.. 睇來對佢一點好處都沒有, 細既都未出生, 佢已經係受害人了….

我問自己.. 當細既都出生了, 我可以處理嗎??? 我既老公會明白嗎? 我很想唔要啦.. 你地安慰我啦. 支持我啦.. 我真係沒法再下去了….
私人傳訊

軒軒


複式洋房

積分: 474


2#
發表於 05-5-3 10:35 |只看該作者

Re: 懷有第二胎既媽咪.. 請安慰我

445566,
唔好咁唔開心啦,我都係剛剛有左bb,有左3個月,我都有個囝囝3歲半,可能你近排好唔舒服,先會令自己咁唔開心,我前排都好似你咁,好唔舒服,想嘔又嘔唔到,肚餓又食唔到嘢,我又唔夠時間睡覺,早上仔仔要返學,我自己又要返工,半夜睡得2,3個鐘就醒左睡唔到,仔仔午睡我又要做家務,我當時都好似你咁,好唔開心,係度諗我係唔係唔應該生第二個,我仔仔很頑皮,一出街就周圍走,無時停,現在仲成日扭計,我都好驚自己處理唔到兩個小朋友,不過現家無之前咁唔舒服,又食到嘢,心情都好好多,個人諗d嘢都自然會樂觀d,其實你可以將自己有左bb的消息話比其他人知,咁其他人自然都會關心你多d,你又可以舒發下自己心情,有咩事情唔好谷埋谷埋,一定要講出來,我都係架,我有咩唔舒服,都一定會同老公講,有咩擔心或者有咩諗法都會同佢講,等佢知道你點諗,你又知道佢點諗.大家溝通多d,關係都好d,你唔舒服同佢講,等佢知道原來有bb係咁辛苦,知道老婆為左佢要咁辛苦,開心d啦 記住呀,有咩事都好.開心又好.唔開心都好.一定要講出來,唔好谷住谷住呀
私人傳訊

YSmom


複式洋房

積分: 293


3#
發表於 05-5-3 10:41 |只看該作者

Re: 懷有第二胎既媽咪.. 請安慰我

445566,

I have similar situation with you. I am now nearly three months' pregnant and have a son of nearly 4.

I am also suffering from morning sickness and my son always asks me to play with him after I go home from work.

Yes, it is a very difficult period now because we are in a bad condition. However, for most of the case, morning sickness will pass after three months. You only have one more month to overcome. You have a maid to help you for six days a week. You only have less than a day to look after your daughter.

When I was very uncomfortable and could not play with my son, I would tell him the case and ask my maid to put down her work for the time being and play with him. You should emphasize that you are not ignoring her but just too sick to look after her. Children usually need someone to play with them and my son accepts the arrangement.

Have you discussed the issue with your husband? What's his response?

Don't give up. It's a life. The situation will be better.

Let's support each other. Will pray for you.
[img]http://b1.lilypie.com/UDC5p8/.png[/img]
私人傳訊

sarahlee


伯爵府

積分: 19306

好媽媽勳章


4#
發表於 05-5-3 10:45 |只看該作者

Re: 懷有第二胎既媽咪.. 請安慰我

445566,

睇完你段文字, 覺得有o的心同感受, 因為我同你既case差唔多, 我都係岩岩再bingo(預產期係12月頭), 大囡依家2歲10個月, 有時朝早都會嘔, 屋企冇工人, 呢兩日都係得我照顧亞囡, 我都有試過後悔再懷孕, 因為如果老公唔係屋企, 有時自己好倦, 但亞囡就鬼死咁精神, 試過同亞囡講媽咪唔舒服, 要休息, 不如你係媽咪房玩, 咁我就乘機"哈"下, 其實可以帶佢番媽咪屋企, 但我亞媽隻腳唔好(要用手扙), 所以又唔想佢咁大負擔, 我諗好你少少係我老公都會幫下手, 平時放工佢煮飯, 呢排佢見我倦會幫我洗埋碗, 叫我早o的休息, 我同你一樣諗住生多個小朋友等佢有個伴, 將來有事都可以共同分擔, 不過我成日都會同自己講係頭呢三個月辛苦o的姐, 之後會舒服o的既, 同埋有時見到大囡訓覺個樣就唔後悔生多個(因為我覺得小朋友訓覺個樣最天真無邪, 最可愛), 其實你有冇試過同你老公傾下陀得好辛苦, 想佢支持下, 或者同自己亞爸亞媽傾下, 亦可以搵朋友傾下, 咁會舒服好多架, 我o地一齊努力呀.


私人傳訊

991129


水晶宮

積分: 54483

2018復活節勳章 hashtag影視迷勳章 好媽媽勳章 畀面勳章


5#
發表於 05-5-3 10:59 |只看該作者

Re: 懷有第二胎既媽咪.. 請安慰我

445566,


Morning sickness is common and it will be over later.

But may I know why you are not dare to inform your relatives and friends about this? Yes, I can understand sometimes man cannot exactlly help you so much. But I think others can share with you at least mentally if you can inform them . Also, try to share your feelings with your husband and let him take care of or be patient to your daughter much more ....

Be happy and take care of yourself!
私人傳訊

CMMANDY


公爵府

積分: 27457

牛年勳章


6#
發表於 05-5-3 12:07 |只看該作者

Re: 懷有第二胎既媽咪.. 請安慰我

445566 ,

恭喜哂妳呀!! 將會做第2 任媽咪, 告訴妳的外家, 同她們分享妳的喜悅, 告訴妳的女兒, 將會做姐姐了, 妳要為囡囡同BB設想, 將要面對的野看開D, 有了BB,情緒會影響一切, 因為妳現在將責任迫哂在自己處, 老公唔識"口弟"量妳, 令妳感到身邊沒人幫到妳, 所以妳是需要俾人幫, 妳有工人, 可以由佢同大女玩, 可以安排一D興趣班, 等妳放工後可以休息而小朋友可以同小朋友玩, 男人其實唔識表達吧! 妳愛佢才會同佢生BB, 外家或信任的人, 係妳現在需要的, 唔好諗其他野, 亦唔需要收埋自己, 有人問妳, 妳乾脆告訴她們, 就快再做媽媽, 這是開心事 , 無限的祝福, 就係妳帶給BB. 祝妳一切順利. :wink: :wink:
私人傳訊

cocoWong


大宅

積分: 4906


7#
發表於 05-5-3 12:23 |只看該作者

Re: 懷有第二胎既媽咪.. 請安慰我

我都想呻下,我有個5歲半囝囝,而家懷第二胎5個月,一直以來我地都好想生多個,但礙於好多顧慮所以拖到而家先再要,有左之後有時我都有後悔吾知為咩生多個 ?-( 無人會知我有幾辛苦,無人會體諒我,包括我的枕邊人佢都一樣,我吾敢同公司講我有左我擔心會被炒,我講比99知,佢都吾會幫輕我,由有左到而家我無論有咩吾舒服都仲要駕電單車(我住澳門,所以電單車是最方便的交通工具)早上送大囝返學,然後再趕返工,晚上放工再到99接囝囝趕返家,都是晚上8時多了,回家後.又要幫頑皮到極點的囝囝溫書,又要我勞氣,還不要緊,他的成績卻與我付出的時間和精力成反比,我真不董得教,待他訓後我還要應付一大堆家務,不到凌晨我都沒得睡..................我很吃力
:-( 我很害怕以後多個點算,好像甚麼都要我一力承擔,同老公講過要他分擔,他仍是晚晚忙於應酬,左耳入右耳出一樣 他根本就不明白我有多大壓力,多辛苦,好像我受苦是應份的,我怕我遲早會撐不住 :-( 我為了這些feel無助時會自己大哭一埸. :-(我真的真的..................很累
私人傳訊

445566


複式洋房

積分: 308


8#
發表於 05-5-3 12:51 |只看該作者

Re: 懷有第二胎既媽咪.. 請安慰我

很多謝各位既開解, 亦讓我在此呻下...

我都唔明白為何我不告訴別人, 我沒有咩原因, 只係唔想講, 講了又如何, 誰會明白我, 又可以幫我呢....

我沒法可以release 自己, 我想不通, 想不透.. 很累...

我既朋友, 大部份都只係生一個, 生2個既都說後悔極了, 我又如何跟他們說我今天既苦惱....

我既家人... ?? 比我奶奶老爺知既話, 我肯定地答你地.. 我一定仲辛苦.. 因為佢地係好迷信既人.. 我唔想佢地煩我... 佢地一定好多野要我follow.. 到時.. 我既壓力會仲大..

至於我父母.. 佢地一直都唔支持我生小朋友既... 仲講生多個, 換來既.. 都只會係.. 叫你唔好嫁.. 你又去嫁.. 叫係唔好生.. 你又去生.. 生一個都算啦.. 仲多個...

我既淚水都哭乾了, 誰人可以幫我...
私人傳訊

Auntie-DOS


別墅

積分: 870


9#
發表於 05-5-3 13:33 |只看該作者

Re: 懷有第二胎既媽咪.. 請安慰我

其實你應該話俾你身邊嘅人知，起碼講俾你老公或者同事、朋友知，佢地未必幫到你但係講咗出黎會舒服好多！我都曾經有後悔生多個，因為陀第二胎都好辛苦。個大仔又係成日痴到實，好在我奶奶幫手！

老人家有時係會煩D，'arm'聽咪聽，唔'arm'聽咪當唱歌囉！捱過咗頭3個月會好好多，跟住到bb出細就會好忙！做啊媽係好辛苦，但係當你見到bb個樣你就會忘記。
UncleDOS教育資訊網:
http://edu.uncledos.com/
私人傳訊

CMMANDY


公爵府

積分: 27457

牛年勳章


10#
發表於 05-5-3 13:37 |只看該作者

Re: 懷有第二胎既媽咪.. 請安慰我



咁多問題, 妳都決定要生, 根本妳就唔需要回想, 呢d問題已經唔係妳架啦! 拋左佢啦 ! 做媽媽需要無限勇氣, 妳已經踏出左, 現在妳需要的係, 為bb向前行, 囡囡知道將會有多一個弟妹而高興, 偉大的媽媽, 努力呀
私人傳訊

過客


大宅

積分: 1820


11#
發表於 05-5-3 14:02 |只看該作者

Re: 懷有第二胎既媽咪.. 請安慰我

445566, me too
我都係唔鍾意講出口, 你睇到就係, 睇唔到就算......
不過我姑奶就同我唱通街 比我奶奶知道左, 而家煩到我死, 老公都唔會企你個邊, 佢永遠都覺得佢屋企人大晒, 要你去就佢地, 比佢地玩, 為左大 b 同細 b, 我開始同佢駁火......以前我咩都收埋, 谷埋谷埋成肚氣, 最終都係大 b 同我去承受, 而家 我唔再忍, 有咩都發出黎, 唔理佢地有咩 feeling..............因為我要保護我個可愛既大小 bb :lol:
私人傳訊

watersi


民房

積分: 100


12#
發表於 05-5-3 14:03 |只看該作者

Re: 懷有第二胎既媽咪.. 請安慰我

Dear 445566,

我都好孤單，除了老公之外，我沒有老爺奶奶，父母姊姊又不可以說，因身在外國的他們和我感情又不好ｏ我阿媽更發神經地從外國回來，要我送大女兒給不孕的姐姐，起初我都好憎姐姐，因父母很愛她，又送她去留學，又要搶我的女兒給她ｏ
現在我反而有些同情姐姐，因她接受2次人工受孕，第一次流產，第二次撞車，胎死腹中ｏ兒女是上帝送給自己最好的禮物，點辛苦都好，點都好過冇！現家我仲驚我阿媽突然回港要煩住我，搶我BB，心驚膽跳！我就快搬屋啦，希望佢地以後吾好嚇我。 :-( :
私人傳訊

oknsca


男爵府

積分: 8408


13#
發表於 05-5-3 14:12 |只看該作者

Re: 懷有第二胎既媽咪.. 請安慰我

我都係有兩個小朋友,相差歲半!兩個都係我湊,我都好明白你而家有幾辛苦!不過你諗下,自己已經好幸福,可以有自己既BB,有個好家庭,同埋可愛0既女兒其實已經幸福到不了!

其實你有時間唔開心都好幸福!我生第二個BB時,連"想"唔開心0既時間都無,隨時要standby餵人奶,基本上都無點訓過,邊有時間"想"唔開心？!每日就諗點樣可以儲多d奶,怕唔夠奶...如果有得訓一陣已經好開心!我都有怨過,真係非人生活,但係對住BB就幾辛苦都會撐落去!加油!
私人傳訊

Cosmac2


大宅

積分: 1775


14#
發表於 05-5-3 14:30 |只看該作者

Re: 懷有第二胎既媽咪.. 請安慰我

445566,

我都好明白你感受, 我都係懷有第二胎既媽咪, 我差不多4個月先同人講, 一直都係自己睇住囝囝, 有時真係覺得好辛苦, 不過我比你好少少, 我老公都好支持我, 但既然當初已決定要第二個bb, 咁就要撐落去, 過多幾個月肚入面個bb開始旭, 你又會有唔同感覺。

如果你平時放工真係好累, 咁咪瞓一陣囉, 之後再同囡囡玩, 同小朋友玩可以係重質不重量。

而假期問題, 你可以同你工人商量一下, 暫時冇假放或放半日, 最多補番錢比佢。

開頭嗰幾個月係辛苦d, 不過好快就過架啦, 唔好比太大壓力自己, 保持輕鬆嘅心情, 小心身體。
私人傳訊

ltse


別墅

積分: 594


15#
發表於 05-5-3 15:42 |只看該作者

Re: 懷有第二胎既媽咪.. 請安慰我

445566,

放開d啦! 時間會不知不覺咁過去, 好快就會覺得好d, 無咁暈, 無咁嘔, 到時完全無事時, 你就會feel到bb係你個肚裡面陏. 時間真係會過得好快, blink下隻眼就會見到兩個都大個哂架啦啦! 你想下我地做女個陣時, 或返學時, 宜家咪做咗人地呀媽羅!

我有個3.5歲的仔仔, 現在是第2胎剛剛過了3個月, 所有之前的唔舒服都慢慢減退, 之前一杯奶飲落肚, 不用5秒, 即刻沖入toilet全部嘔哂出來, 分分秒秒都想嘔, 連晚上半夜都想嘔, 不能睡在床上, 只能用pillow在旁坐下來睡. 個仔好乖, 每次聽到我唔想嘔, 總話mummy, 飲d茶啦/ 去廁所啦/ 我有膠袋呀等.. 宜家雖然都唔係好食得野, 但已比之前好好多啦!

我亦agree 佢地, 同個工人商量下叫佢隔個星期放假, 渡過這段時間.

記得多d休息, 唔好太操勞, 身體好d, 就會覺得時間過得快d架啦!
私人傳訊

HoWangMami


子爵府

積分: 11049


16#
發表於 05-5-3 17:13 |只看該作者

Re: 懷有第二胎既媽咪.. 請安慰我

445566
放開D,唔好諗咁多啦,我都係第二胎MAMI,我係我仔3歲多時有左第二個,到而家已經有左7個多月啦,想起初時都幾辛苦架,又係食又嘔唔食又唔得,但時間過得都好快,不適的感覺會過去,而家我已經可以開心咁等BB出世!
其實初時的想法就好似你一樣,想比囝囝一個伴,初時囝囝唔明白,而且佢仲係冇時停果隻,同佢講小心D,唔好撞到我或者要佢唔好四圍走,佢都唔多明,又唔多理我!但到現在,佢已經知道MAMI肚入面有另一個BB,個BB係佢細佬,佢而家仲每日都走黎同我個肚講,細佬你今日乖唔乖呀?比D時間你囡囡,又比D時間自己,唔好迫自己,遲下你會發覺,要多一個BB這個決定係對架!
私人傳訊

mrsyu


別墅

積分: 634


17#
發表於 05-5-4 00:56 |只看該作者

Re: 懷有第二胎既媽咪.. 請安慰我

445566,

時間真係過得好快嫁，唔好放棄呀。我自己有第二胎初期又係成日頭暈，身體又有其他毛病，亦試過要call白車入急症室。當時家人都俾好大壓力，令到我很煩。另大囡又跌親，手要'打石膏'，仲要額外小心照顧。
你要令自己放鬆，開心D，BB會感覺到嫁！
私人傳訊

445566


複式洋房

積分: 308


18#
發表於 05-5-4 09:56 |只看該作者

Re: 懷有第二胎既媽咪.. 請安慰我

各位mommy

好多謝你地支持.. 聽見你地咁多相同既感受, 我心情好d.. 因為起碼我知有好多人支持我...

依架真係好辛苦, 食咩都嘔, 又暈.. 根本唔可以習中精神, 好倦....

不過我會努力架啦.. 如果我一有睇唔開, 就上來.. 同你地講下... 我想我會好d...

謝謝
私人傳訊

小妹


民房

積分: 171


19#
發表於 05-5-4 11:36 |只看該作者

Re: 懷有第二胎既媽咪.. 請安慰我

Hi 445566,

我都是第二胎既媽咪, 大兒子已五歲多了，第一胎與第二胎心情分別很大!
當然老公的開心和關懷，也比第一胎少! 因為所有人也覺得第二胎已經有經驗應該自己可以 take care 自己!

但作為一個懷孕的媽咪，除了身體上的不適，容易疲倦外，心情的起伏也行很大，往往想起上一胎，周圍所有人也很關心你，當然奶奶也時常有電話給慰問啦! 尤其與老公不開心的時候，自己一個人面對所有問題，心情可以想像到有可等的失落!!!!

或許只有懷孕女人才可明白大家的心情!! 互相勉勵吧!
私人傳訊

羊羊ma


民房

積分: 105


20#
發表於 05-5-4 14:14 |只看該作者

Re: 懷有第二胎既媽咪.. 請安慰我

各位第二胎媽媽, 我地一起加油吧!!

我第一個仔係為老公生嘅（現１９個月），第二個係為大仔生嘅（現懷孕３．５個月）．初時都驚唔知點湊，同好唔舒服，想嘔，唔想食野，食完又再想嘔．都好辛苦．加上有懷孕糖尿，不可食太多，經常肚餓，瘦了５磅．
日日只帶著身返工．人都唔係好開心．

不過睇完你地的留言後，都各得應該要勇敢面對．
若決定把ｂｂ生下來，就應開心ｄ，等大仔見到媽媽開心，第日生出來嘅細ｂ又開心幾好呢

各位第二胎媽媽努力呀
:lol:

私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見