吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 嬰兒用品› 慘不忍睹，欲哭無淚的家庭攝影

嬰兒用品今日: 0|主題: 93241

收藏本版

發帖

返回列表

跳至頁

查看: 2157 | 回覆: 5

慘不忍睹，欲哭無淚的家庭攝影 [複製鏈接]

星夏

別墅

積分: 724

1^#

發表於 16-8-29 04:38 |只看該作者 |倒序瀏覽 |打印

其實成件事已經超過大半年，但最近因為要為個女預備家庭相做幼稚園手工，不得不攞返出嚟睇，真係不吐不快，越睇越火滾！

話說年初，經常唔喺香港嘅c6 會返嚟，臨急臨忙想搵人影studio家庭照，fb搵咗幾間，有一個係朋友介紹，話都ok, 咁啱佢有期就book咗佢，點知就出事

事前已經同佢講咗話會有一個5個月，一個2歲半去影，仲怕因為2個小朋友難控制，專登加鐘，等佢可以慢慢影。諗住佢會set個有玩具嘅環境可以影到小朋友童真。點知去到studio, 原來佢喺租人哋嘅。都算啦。但竟然係一間，一家幾十口影全家幅嗰種擺設無玩具，無乜道具，隔離房有帳幕玩具搖搖馬，但就話無租到，唔可以用。嗰吓都已經有啲唔開心。乜都無，咁唔通諗住一個2歲半可以坐定定影3鐘相？仲要條友只係單人匹馬，話無錢請助手。嗰吓真係中伏！

大家有小朋友都知，同小朋友影相，一定係一個影，另外有人要幫手引小朋友注意鐘頭方向。佢一條友，淨係識叫：妹妹，妹妹，望呢邊，呢度。我個女真係睬佢都有味。

好啦，無玩具，無道具，唯有靠我同個女玩，去佢笑。我個女最鐘意伏匿匿，一玩就會笑得好開心。唉，呢條友，捉到鹿唔識脫角。我同個女，來來回回玩咗2x個round, 玩到佢都攰，但條友，影嚟影去都影唔到。大佬，呢啲場面，我唔係專業嘅，都寧做連環快拍啦，咁就實有一張中。點知條友，憨居居咁，想係度等機會。自己無咁嘅實力，就咪鬼扮大師去學人捕足嗰剎那啦！最後影到我老公又忟又燥，未夠鐘已經不停催走人，仲要俾老公鬧。

成果？唉，都心知不妙。

約3星期後，條友send返啲soft copy俾我。一開，除咗我個仔，因為得5個月，未識爬未識走，可以影得正常之外，其他百幾張相，凡係有我個女嘅，或者1家4口相，竟然係無一張見得人！唔係全部無望鏡頭，就係合眼，講緊嘢，表情扭曲，我個女悶到扭計，等。千幾蚊拎出嚟影相，完全無一張家庭合照係可以見人！望住啲相，真係好想del晒佢！

0 0 0

私人傳訊

星夏

別墅

積分: 724

2^#

發表於 16-8-29 04:44 |只看該作者

回覆樓主:

唉，呢啲攝影，又無得退錢，本來好想喺佢個fb上留言，但佢嗰個係blog, 無得留言去剷佢。見佢都而家，影咗2年幾都仲係得2百幾個like, 真係好心佢摺埋咪再呃人錢啦！

已經唔係貪平，諗住有朋友影過話ok, 地點又唔太遠搵佢。(本來想搵mary, 但我俾咗錢先講有後補期，另一間覺得ok嘅，又喺屯門太遠)

呢批相，應該會永遠俾我打入冷宮。可憐難得第一次嘅一家4口家庭相，就咁俾佢ruin咗。下次都唔知老公幾時會再返嚟可以去影lu

私人傳訊

sillykaka

男爵府

積分: 8234

3^#

發表於 16-9-5 10:41 |只看該作者

邊間咁差？

私人傳訊

星夏

別墅

積分: 724

4^#

發表於 16-9-5 10:49 |只看該作者

sillykaka 發表於 16-9-5 10:41
邊間咁差？

佢叫folaxx

我都唔想打爛人飯碗，但真心覺得，無功力就自己練習吓先，但唔係收人錢去做佢練習對象囉

私人傳訊

tamagotchi123

大宅

積分: 2669

5^#

發表於 16-9-5 14:54 |只看該作者

星夏發表於 16-8-29 04:38
其實成件事已經超過大半年，但最近因為要為個女預備家庭相做幼稚園手工，不得不攞返出嚟睇，真係不吐不快， ...

真係勁0個D, 其實攝影師自己一個已經可以吸引到小朋友。我覺得1歲以下真係要D玩具/卡通衫/動物衫, 咁會可愛少少。我仔9個月大時影過, 我會問定攝影師會提供什麼, 再按自己BB的需要攞D佢平時0既玩具去。
之後2歲幾又影一輯, 今次係影英式風格, 即係無乜背景(白/灰淨色), 個攝影師淨係攞住個小足球, 同我仔玩下, 已經好多張笑得燦爛。跟住有張椅, 係可以旋轉, 轉下轉下又笑一餐。之後攞兩張好普通小童膠椅, 用特別角度又好CUTE。同埋攝影師真係勤力, 常常瞓身。
不過以上兩間影樓都執咗, 所以我都搵唔返攝影師。
下次樓主留意, 多睇攝影師其他相參考, 同埋主動問佢會包D乜。
影家庭相一定係time cost貴過package cost, 我要全家總動員去喎, 做多D資料, 一tick過OK。
同埋BB/小朋友唔會有耐性, 其實1-1.5小時已最盡。

私人傳訊