吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 氣管炎,氣管敏感,久咳,哮喘交流區 _ 請進 ...

嬰兒醫護今日: 0|主題: 79139

收藏本版

發帖

返回列表

跳至頁

查看: 68707 | 回覆: 91

氣管炎,氣管敏感,久咳,哮喘交流區 _ 請進 [複製鏈接]

12 3 4 5

PinguLinusLee

大宅

積分: 2171

1^#

發表於 07-10-17 10:18 |只看該作者 |倒序瀏覽 |打印

我個女自兩個月前患上支氣管炎後變成氣管敏感一直咳,病情反反覆覆.

請問有經驗的家長,可否入來分享一下經驗和對策. 若果有氣管敏感的是不是一定會長期咳嗽不能治癒,有什麼對策可以交流一下. 多謝大家

0 0 0

私人傳訊

NYH

洋房

積分: 95

2^#

發表於 07-10-17 10:53 |只看該作者

我個BB都係氣管敏感，醫生話一轉天氣就會咳同鼻塞,加上香港空氣差，大部分小朋友都係咁，冇得預防,為有食藥同滴鼻，我個B每次都要食成大半個月藥，好慘:-( ，聽說可以同佢去游吓水（暖水泳池）做吓運動，強化佢氣管同抵抗力，就會冇咁嚴重．

私人傳訊

chanrita1214

複式洋房

積分: 245

3^#

發表於 07-10-17 11:34 |只看該作者

我個女都係情況一樣,9月頭入了一次醫院, 因為氣管炎氣促,一食藥就嘔番o西出o黎,祗肯飲水, 於是唯有送佢入院, 要吊鹽水+萄葡糖水,加打消炎針,每天聞氣 4天便可出院,跟住10月頭又黎一次, 先係流鼻水三日跟住開始咳,半夜氣促, 呢次無送佢入院,因佢肯食藥同有胃口食o野,唔想佢入院, 大家都無o甘辛苦!不過因口服藥+每天到醫務所聞氣, 療效比較慢, 足足食了10天藥, 聞了8天氣, 現在雖然無咳, 但聲音仍有痰, 再帶佢睇了中醫, 現在食緊中藥,呢兩天凍左, 佢D鼻敏感又o黎, 不停打噴嚏及流鼻水,所以都要不停起身睇佢摸下夠唔夠暖, 又唔可以蓋太多被, 驚焗親佢,
其實醫生話氣管敏感=哮喘,睇你接唔接受到這個名詞, 我當然接受唔到, 但當你睇到個女o甘辛苦, 如果正面D睇這件事, 起碼可以更加正視個女的病況,日常生活要更加小心謹慎,
1.唔可以食o野/凍飲
2.唔好比佢做太劇烈運動-勁跑步/跳彈床
3.落街大風一定要保護住氣管,著高領衫或用頸巾圍住條頸
4.冷氣地方一定要加衣
唔可以冷親條氣管,就算滿頭大汗,最多不停幫佢抹汗
雖然『哮喘』一詞令我們非常害怕,但醫生話祗要小心照顧, 讓病情不再惡化, 長大些身體抵抗力強些, 便會有所改善, 平時煲些強壯氣管的湯水, 蟲草川貝鱷魚倫肉之類, 希望大家努力啦!

私人傳訊

PinguLinusLee

大宅

積分: 2171

4^#

發表於 07-10-17 11:50 |只看該作者

多謝兩位家長的分享. 我個女真是令我非常掛心,但我又要返工,好難全面照顧好她. 我都好害怕這個病會累她一生 :-( :-( 我現在也是給她中葯,但好像沒有什麼好轉,今早起身的情況更差了,還出了一些風癩. 我現在也改變了一些想法和態度,要積極去處理,否則會令情況更不好.

請多些家長可以入來分享一下經驗,使我們可以小心預防一些細節和聽取一些心得.

私人傳訊

hosiuman610

複式洋房

積分: 182

5^#

發表於 07-10-17 14:38 |只看該作者

唔使怕，我個CASE同你差唔多
我仔仔2歲，9月頭起氣喘，入左二次醫院，醫好3-4日又復發……病情反反覆覆，成日咳，流鼻水，多痰，經個差唔多一個月到而家先好翻D，最初我到好擔心但係而家見到佢又紮紮跳，個人先定翻。

我建議你：
第一: 你一定要冷靜
第二: 你個女除左咳有無鼻水？
第三: 我建議先睇西醫第病情穩.......之後先用中藥
第四：你屋企係唔係好大塵，你如果"係"唔好成日開窗。
第五：D毛公仔收埋唔好比佢玩。
第六：睇多二個醫生攞多意見。
第七：唔好比佢翻學

有問題再提出，希望你女女盡快好翻

私人傳訊

PinguLinusLee

大宅

積分: 2171

6^#

發表於 07-10-17 15:29 |只看該作者

hosiuman

多謝你的分享. 請問你有沒有和你仔仔看那個醫生呢? 有沒有看過中醫?

原文章由 hosiuman610 於 07-10-17 02:38 PM 發表
唔使怕，我個CASE同你差唔多
我仔仔2歲，9月頭起氣喘，入左二次醫院，醫好3-4日又復發……病情反反覆覆，成日咳，流鼻水，多痰，經個差唔多一個月到而家先好翻D，最初我到好擔心但係而家見到佢又紮紮跳，個人先定翻。

我建議你：
第一: 你 ...

私人傳訊

chillyrose

大宅

積分: 1536

7^#

發表於 07-10-17 16:35 |只看該作者

我覺得香港真係好多小朋友有氣管敏感的問題，包括我個仔。咁啱我地都係去睇曹延州，佢真係幾好，不過我個仔久不久天氣轉都有呢個問題，仲要本來氣管敏感，跟住又傷風，臨好番又再氣管敏感，如果睇個唔夠經驗的醫生真係好麻煩，因為我個仔最初發燒曹醫生放假，我地唯有去住St. Paul睇門診，個醫生都不知幾求其過永其，開成5支藥水俾我個仔，又有抗生素，我後來怕食完仲大問題，所以淨係餵佢食退燒藥，再去睇番曹醫生，感覺認真爭好遠。曹醫生呢方面好專，好有經驗，我對佢好有信心。

當然，食得藥多都唔好，況且人人都話唔保健吓以後容易患哮喘，所以我又跟bk媽咪講煲d虎乳靈芝湯，上次試過好似掂，但係唔算顯著，睇番原來我用料配得唔好(我自己識o既都放d落去

)，今次隔咗一排呀仔又敏感，我餵佢食曹醫生d藥之外，去藥材舖搵人幫我執，果然飲完呀仔好咗好多，所以我想推介俾其他媽咪。

材料除咗有虎乳靈芝，佢建議我加甲怪(唔識打呢兩個字)，我見到仲有陳皮、蜜早、無花果、南北杏、淮山等等，加咗$10瘦肉，12碗水用大火煲滖轉中火，2個鐘後變成2碗水，好香，呀仔唔會唔飲。我只係盡量詳細寫响度俾大家參考，其他媽咪有興趣可以問吓相熟藥材舖叫佢地幫你執，真係幾有效噃。我就大概$60一劑。

備註：曹醫生d藥要每隔6個鐘餵1次，夜晚瞓咗都要起身餵，係有效有必要，但係我地會瞓得唔好，所以我先再加中藥湯治療。我咁做絕對唔係因為佢開o既藥唔得。

私人傳訊

chillyrose

大宅

積分: 1536

8^#

發表於 07-10-17 16:38 |只看該作者

同埋唔好食生果，因為果酸會剌激佢咳

私人傳訊

鎧盈囡囡

別墅

積分: 670

9^#

發表於 07-10-18 00:06 |只看該作者

氣管敏感

原文章由 chillyrose 於 07-10-17 16:35 發表
我覺得香港真係好多小朋友有氣管敏感的問題，包括我個仔。咁啱我地都係去睇曹延州，佢真係幾好，不過我個仔久不久天氣轉都有呢個問題，仲要本來氣管敏感，跟住又傷風，臨好番又再氣管敏感，如果睇個唔夠經驗的醫生真係好麻煩，因為我 ...

請問妳哋講嗰個曹醫生？電話？邊區呀？thx

私人傳訊

LILY媽咪

珍珠宮

積分: 41995

10^#

發表於 07-10-18 00:22 |只看該作者

唔好意思, 想問吓老人家係咪都唔食得. :(

原文章由 chillyrose 於 07-10-17 16:38 發表
同埋唔好食生果，因為果酸會剌激佢咳

私人傳訊

kittylam

水晶宮

積分: 52985

2025勳章 2025勳章蛇年勳章精緻種植勳章醒目開學勳章畀面勳章 BK Milk勳章

11^#

發表於 07-10-18 11:20 |只看該作者

原文章由 PinguLinusLee 於 07-10-17 10:18 發表
我個女自兩個月前患上支氣管炎後變成氣管敏感一直咳,病情反反覆覆.

請問有經驗的家長,可否入來分享一下經驗和對策. 若果有氣管敏感的是不是一定會長期咳嗽不能治癒,有什麼對策可以交流一下. 多謝大家 ...

不用太過擔心,我媽咪,我自己,我個細仔都是氣管敏感患者.
我個細仔出世就因為呼吸困難,皮膚都變成藍色,立刻要搶救,之後住了9天醫院,一出世就食了7天抗生素,他遺傳了我們的敏感體質.
出了院還不斷看醫生因為有痰聲,一直到1.5個月才有小小改善,3個月又因為氣管炎送院,怕呼吸問題,一住又1個禮拜.
1歲前一直因為氣管問題差不多未停過看醫生,情況到他會走路才開始有改善,我在他會走路就不用BB車鼓勵佢多運動,多曬太陽,我經常褒百合瘦肉粥比佢食,食到兩歲,氣管情況有明顯好轉,目前3歲了...成年只係病過1次...就是剛剛上學,可能被傳染了,我覺得多鼓勵BB走路,曬太陽係比食藥更好,氣管敏感基本上不能根治,但可以改善!

私人傳訊

bigheadcat

大宅

積分: 1109

12^#

發表於 07-10-18 11:45 |只看該作者

我想問吓你地有冇人買部聞氣機番屋企聞架唔駛日日去診所如果係幾多錢一部呀

私人傳訊

kittylam

水晶宮

積分: 52985

2025勳章 2025勳章蛇年勳章精緻種植勳章醒目開學勳章畀面勳章 BK Milk勳章

13^#

發表於 07-10-18 13:26 |只看該作者

原文章由 bigheadcat 於 07-10-18 11:45 發表
我想問吓你地有冇人買部聞氣機番屋企聞架唔駛日日去診所如果係幾多錢一部呀

我看開的醫生可以借回家聞,直到D藥聞曬...!你可以問下你看開個醫生有冇得借!

私人傳訊

ec2love

民房

積分: 48

14^#

發表於 07-10-18 16:49 |只看該作者

我囡囡依家有6.5個月，囡囡氣管容易敏感，一咳就有hehe聲，醫生話無辦法，因香港空氣太差﹑天氣又開始涼，唯有盡量唔好冷親囡囡，要等囡囡長大些氣管就會闊些，就無咁易有hehe聲．．我問醫生囡囡算唔算how喘，佢話囡囡咁細未能斷定佢係how喘，但條氣管弱就一定，我依家不知幾擔心．．．真係心痛

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

15^#

發表於 07-10-19 00:16 |只看該作者

有冇發覺, 通常踏入 2 歲, 氣管敏感問題就會出現??

我仔仔2歲前, 體質真係幾好, 睇親醫生都係一d小事, 但2歲後, 佢突然夜晚勁咳, 初初起時, 往往咳到嘔, 一直以為佢夜晚餐飯 & 奶食得飽, 所以消化不良, 後來發覺佢有鼻寒, 於是開始睇醫生, 醫生說係鼻涕倒流, 令佢濁到而咳, 鼻涕倒流仲形成痰, 展展轉轉反反覆覆咁, 天氣轉就比較夜晚咳得多, 來來回回都睇左幾個醫生, 多數都係話仔仔敏感而鼻涕倒流, 但有一個醫生說係 "氣管炎"佢開既藥都唔錯, 不過, 仔仔一向對食藥都超抗拒, 可能因為我未必跟足 d 藥去喂, 所以佢都唔係好得晒.

近排入秋, 仔仔又開始夜晚咳, day time 都有咳聽到好多痰, 食猴棗, 係化到, 但佢吐唔到出來, 成日吞返, d 鼻水又多, 所以又要睇醫生, 帶佢去睇趙永, 建議噴鼻, 有類固醇, 都要試啦, 點知發覺噴完 d 鼻涕仲多, 仲有黃色, 覺得唔對路, 帶佢睇另一個, 呢個兒科專科醫生於播道醫院出來的, 佢 d 藥仔仔都夾到, 呢個醫生說仔仔係氣管炎 + 已經有小小耳炎 (因為鼻涕變黃, 係發炎流左去耳仔), 而家仔仔食氣管藥水 + 青蛙糖 + 抗生素 (對付耳炎), 叫做唔洗聞氣, 老實講, 我都接受唔到仔仔咁呀, 醫生一日冇講仔仔係哮喘, 我都冇咁擔心.

仲有, 我將全家既枕頭換左防滿枕, 加左防滿床墊, 窗 lim 定期用70度熱水洗, 床單被鋪都要用熱水洗 & 一星期換一次, 仲有, 雖然醫生說空氣清新機唔係太有效, 但我都買埋放響房, 仔仔訓時就開到天光, so far, 佢1week冇再咳醒了, 我都很開心. 真係幾辛苦嫁, 我係full time 媽咪, 日日用滴露抺地, 勤力 d 煲湯水比仔仔. 都係希望佢唔好變哮喘......

by the way, 想知道曹延洲係咪醫氣管/哮喘好呀? 我知佢都幾出名, 於養和應診 & 有私家診所. 我想問, 佢診金幾多? 於養和睇 or 佢診所睇會平 d?

另外, 蟲草對肺都唔錯, 最近都燉左一次蟲草比仔仔, 唔知關唔關事, 做齊咁多樣野, 仔仔就冇咳了, 大家努力呀!!!

[ 本文章最後由 moonychan 於 07-10-19 00:19 編輯 ]

私人傳訊

chillyrose

大宅

積分: 1536

16^#

發表於 07-10-19 13:32 |只看該作者

大人同細路都一樣，我意思係病個時唔好食生果或者生蕃茄之類

原文章由 LILY媽咪 於 07-10-18 00:22 發表
唔好意思, 想問吓老人家係咪都唔食得. :(

私人傳訊

chillyrose

大宅

積分: 1536

17^#

發表於 07-10-19 13:45 |只看該作者

曹醫生大約$440-520一次。

冬蟲夏草我去個間藥材舖都有教我，佢地可以高溫加工磨成粉，每朝早用一茶匙粉開溫水俾呀仔飲，一兩可以飲大概十幾次，用平價d貨計起黎都兩百幾蚊1次，好貴吓，所以我最後選擇煲中藥湯，:lol: 講出黎都覺得自己有d cheap。

另外平時冇病個時做多d運動，增強身體免疫能力都好重要。千祈唔好俾佢咁容易凍親，因為好多時傷風感冒就會引起氣管敏感。

我唔係專家，只係用家，全部都係個老闆教我o既。

私人傳訊

chillyrose

大宅

積分: 1536

18^#

發表於 07-10-19 13:50 |只看該作者

曹延洲
上午
診所: 中環皇后大道中183號中遠大廈12樓1207室
Tel: 2545 7733
下午
養和醫院
星期三休息
平日返診所話10am開，醫師就11am先到

原文章由 moonychan 於 07-10-19 00:16 發表
有冇發覺, 通常踏入 2 歲, 氣管敏感問題就會出現??

我仔仔2歲前, 體質真係幾好, 睇親醫生都係一d小事, 但2歲後, 佢突然夜晚勁咳, 初初起時, 往往咳到嘔, 一直以為佢夜晚餐飯 & 奶食得飽, 所以消化不良, 後來發覺佢 ...

私人傳訊

彤b^^

禁止訪問

積分: 20403

19^#

發表於 07-10-19 22:01 |只看該作者

提示: 作者被禁止或刪除內容自動屏蔽

私人傳訊

fundfund

珍珠宮

積分: 32696

2025勳章 2025勳章蛇年勳章醒目開學勳章

20^#

發表於 07-10-20 11:11 |只看該作者

冬蟲夏草唔好直接磨粉阿!!因為D冬蟲夏草有好多沙(我已經係位元堂買), 每次都要洗成10次D沙至洗得清, 如果直接磨粉會食哂D沙落肚

原文章由 chillyrose 於 07-10-19 13:45 發表
曹醫生大約$440-520一次。

冬蟲夏草我去個間藥材舖都有教我，佢地可以高溫加工磨成粉，每朝早用一茶匙粉開溫水俾呀仔飲，一兩可以飲大概十幾次，用平價d貨計起黎都兩百幾蚊1次，好貴吓，所以我最後選擇煲中藥湯，:lol: 講出黎都覺 ...