親子王國

標題: 有冇駕駛學院的同學或師兄師姐? [打印本頁]

作者: kinbb媽咪    時間: 08-4-12 00:39     標題: 有冇駕駛學院的同學或師兄師姐?

我係駕駛學院學棍波輕型貨van,5月中考試(沙田區)。同我一齊學(自動波)的朋友啱啱考完但肥左,所以我好緊張,有冇最近考左又pass左的師兄師姐分享下心得!感激不盡!
作者: williamyiu    時間: 08-4-13 12:56

我剛在二月pass考銀城棍波van,你是大組遝是智專?
作者: kinbb媽咪    時間: 08-4-14 00:36

我friend都係考銀城線自動波私家車,但冇你咁好彩,佢肥左。哀轉彎唔稳定。
我原是大組,中途改左智專。智專會唔會好d呢?
你練習左幾多堂?唔計理論課。
係唔係要好熟悉先至得呀!?我仲有十二堂上完就要考啦!聽講好多人都要考兩次至pass!係唔係真係咁難架?
原文章由 williamyiu 於 08-4-13 12:56 發表
我剛在二月pass考銀城棍波van,你是大組遝是智專?

作者: williamyiu    時間: 08-4-14 23:29

理論加場內外約廿七堂(不太肯定),場內考時依足程序也很易PASS,記著車速一定要盡量慢(緊記)很多同學車速快呔盤轉不切入位就肥了,場外緊記轉彎不要和其它車場平排及太接近,車頭在前車後呔位置(大約)緊記,這一點很易肥,另一點就是過線望鏡拎頭緊記做得明顯考官也会肥你,祝你好運!
作者: HY412    時間: 08-4-17 16:40

我老公之前考棍波-智專, 因斜路泊車流後肥路, 加上佢話棍波好易死火.

之後另一朋友考自動波-大組, 肥路試, 話佢望盲點轉頭不足 , 激死.

原文章由 kinbb媽咪 於 08-4-14 00:36 發表
我friend都係考銀城線自動波私家車,但冇你咁好彩,佢肥左。哀轉彎唔稳定。
我原是大組,中途改左智專。智專會唔會好d呢?
你練習左幾多堂?唔計理論課。
係唔係要好熟悉先至得呀!?我仲有十二堂上完就要考啦!聽講好多人都要考兩次 ...

作者: 567    時間: 08-4-17 17:30

我都係剛考左泊車,調頭,上斜(van棍),pass左,路試排左5月中呀,上星期第一次出街,幾好玩呀,無係場內咁悶~~haha,不過我自己都預要考二次先pass了
p.s.我係智專+元朗考
作者: esmehouse    時間: 08-4-17 17:33

我 99 年係香港仔個間駕駛學院考牌,考自動波,好好彩一次過 pass 左
作者: dhc    時間: 08-4-17 22:51

原文章由 kinbb媽咪 於 08-4-14 00:36 發表
我friend都係考銀城線自動波私家車,但冇你咁好彩,佢肥左。哀轉彎唔稳定。
我原是大組,中途改左智專。智專會唔會好d呢?
你練習左幾多堂?唔計理論課。
係唔係要好熟悉先至得呀!?我仲有十二堂上完就要考啦!聽講好多人都要考兩次 ...


我情況同你好似,又係O係沙田學,都係中途轉做智專組,同樣係學棍波貨VAN,我就上年十一月考到個牌(第二次至PASS)

第一次未就兩PART都衰哂!!! O係場內考時,有其他學員會唔遵守場內o既交通指示過馬路。我考果時就係冇預計有d咁o既人。果朝有個女仔o係非行人過路處過馬路,我又冇諗過佢會同我駕車鬧快wow!點知佢真係死都要同我鬧快,但阿sir話我衰太接近物體。之後個心已經好慌,後來太緊張就死埋火!衰o左!


第二part考銀成路試,我就衰轉彎時扭軚太慢,因而接近物體。因為果度成日有d大型車(可口可樂大貨車、工程車)所以預錯時間扭軚。轉彎時我知顧猛咁望住左邊,驚死踏黃線/上壆,於是好小心慢慢咁轉彎,因而冇留意隔離線同我同一時間轉左o既大型車。

[ 本文章最後由 dhc 於 08-4-19 00:24 編輯 ]
作者: kinbb媽咪    時間: 08-4-18 22:27

我另一個朋友昨日啱啱考完,但又肥左。兩park都唔pass。拍位哀撞壆;路試就比前面的同學好心做壞事,佢考安睦線。喺多石停車場時行係佢前面的同學見佢考緊試,就好心把車駛埋一邊讓我的朋友行先,就因為佢停埋一邊而令路面窄左,在轉彎時上左壆。唉!冇辦法啦!
因為我地都係考縱合試。我朋友話第一park考得唔好就好影響第二park,因有心理壓力。唔知其他考緃合試的同學有冇同感呢?
作者: 567    時間: 08-4-19 11:07

我老公就係睇過話緃合試合格率無咁高,所以我簡左分開考,因操好一樣考,會信心大d,咁多野要我記真係好大壓力呀~~不過我考泊車時林考前學一堂,都係咩都做錯哂....好緊張呢,但上到考車時,我出奇咁定....(因預衰la,最多咪比錢考過),好彩都pass左,亞sir仲話我學左咁耐,泊得最靚係今次同控制到架車咁慢呀~~比佢笑死....
不過考完有張單比返我睇,個考官都寫我中左好多錯呀,多數係開車無睇鏡....但我記得我全部有睇的.佢只有上斜開車果下話我有睇(我係成個頭同身令向佢果邊),原來真係要好大動作佢先當你做左呀~~大家小心呀!!!
作者: kinbb媽咪    時間: 08-4-19 23:39

好大動作佢先當你做左呀~~大家小心呀!!!
你呢句講得啱呀!我有個朋友都係咁話呀!佢話令頭睇鏡的動作真係要做夸張d,如果唔係考官感覺唔到你有睇!

567:
    恭喜你pass左泊位呀!希望你的路試都一樣咁順利啦!我5月14日考呀!你快定我快呀?我都預左要再考的啦!
作者: 567    時間: 08-4-20 13:12

我排左5月16日呀....遲你二日,
今日上第3-4堂出街,明顯好左好多,無咁緊張,都記得2條考車路線....不過都有死火呀~~haha~~記得第1-2堂出街,係黃格度死火呀,比車狂响安呀....(有無攪錯,明知人地係學仔...咁都唔就下...)我一錯...就咩都唔記得呀~~haha
作者: kinbb媽咪    時間: 08-4-20 22:19

你都好叻喎!咁快就記得兩條考試線,我上左十堂八堂都一頭霧水,只記得兩條咋!後尾跟朋友的車兜左幾圈至熟悉咋!我呢輪好忙,要下星期再開始操,直至到考試。唔知會唔唔生梭左添。
死火我就好少,唔記得望鏡多,同有時切線後唔記得息燈,轉彎唔夠穏定。
原文章由 567 於 08-4-20 13:12 發表
我排左5月16日呀....遲你二日,
今日上第3-4堂出街,明顯好左好多,無咁緊張,都記得2條考車路線....不過都有死火呀~~haha~~記得第1-2堂出街,係黃格度死火呀,比車狂响安呀....(有無攪錯,明知人地係學仔...咁都唔就下...) ...

作者: 567    時間: 08-4-20 22:34

你仲有幾堂就考呀?
我仲有9堂就考了~~不過無打算補鐘呀,因預左衰左都要補ga la~~haha~~
我都打算叫老公帶下我行d路呀...因上堂時顧得果樣又記唔到路了~~~haha~~
係呢...你泊車泊成點呀??我一向係驚泊s位呀,因唔係下下做到,三手軑同斜路就好ok呀....點知到考果時..泊車好靚呀.窄路三手軑返而最多錯呀,我回唔直軑呀,幾驚撞野呀.....又話我扭死軑呀...haha~~好彩佢都比我pass啫....

我比個大貼士你....就係考果日,叫亞sir張架考車泊係多數考果二個位的對面....等你開車時就直去...咁就唔會泊斜左個位....架車直就好易泊到個s位了!!!
作者: kinbb媽咪    時間: 08-4-22 00:30

比個大貼士你....就係考果日,叫亞sir張架考車泊係多數考果二個位的對面....等你開車時就直去...咁就唔會泊斜左個位....架車直就好易泊到個s位了!!!
你呢個貼士都唔錯喎!等我都話比我d朋友知。

我仲有十三堂(包括自己加左的五堂),唔知夠唔夠堂添!到時再睇亞sir的意見,如有需要我都會再加堂。有時我地的技術唔穏定係因為唔夠熟練。考第二次要再比租車費、買路票,不如將呢d錢去補鍾好過,唔知我的諗法啱唔啱呢!?我有個朋友成日告誡我及同我一齊學的朋友:你地唔好褀望唔補鍾就一次pass呀!...千其唔好為荷包慳錢,你地起碼要去補多十堂先去考呀!...我啱啱肥左的朋友要參加一個短期課程共12堂,再加租車、路票等要$5xxx,差不多六千。因佢兩part都哀左,佢都好後悔冇好似你咁分開來,分開考壓力冇咁大同唔會受第一part的失準而影響。

其實我覺得熟悉路線都有好大的幫助。因為起碼知道喺邊度切線、喺邊度有交通燈、邊度有路口等要留意,路面掌握熟悉對我們的判斷係有幫助的。


作者: 567    時間: 08-4-22 09:58

補鐘...我無諗過呀...因考街跟本就係特發野多,都預唔到咁多,我老公話補鐘錢不如留返來再考好過,其實有十幾堂學街,都差唔多了,元朗有4條線考,多數都係考果二條,我學左4堂街,都記得果二條路了,昨日仲叫老公車我去學院時,再行下...
第四堂亞SIR全部話我無望盲區....haha~~我真係無意識去睇因學泊車時都無叫望....下星期去學要留意下先!!!

你係點學呀??孖鐘學,學完泊車就出街?定頭一個堂泊后一堂街咁?

記得我學泊車時,多數頭半個鐘都係度遊雲...都唔記要做d咩(因我要返工呀,夜晚要湊b,所以簡星期日早上學,一星期先學一次孖鐘咋),

你補鐘點計呀??係咪智專又會貴d?你亞sir有無sale你補呀??
作者: aa1001    時間: 08-4-23 01:37

我一年前就係o係沙田學棍波van,因為窮,所以只跟大組無入智尊。初頭場內練時都幾緊張下,但慢慢就覺得好悶,成日一二波、泊位、掉頭、上斜,阿sir淨係format式為考試而教,學到o既都有限。到後期果幾堂,出街喳熟o左,同d阿sir一路傾閒計一路喳,有時重去到好遠,試過有個阿sir叫我o係河畔條大直路開到四波,超過70km/h,哈哈,當時真係有d驚!

考part1重點:
- 泊位:慢車快呔,望鏡睇線,最後望車尾魚眼鏡睇位停車,千奇唔好泊出界。
- 掉頭:慢車快呔,望鏡睇壆,記得打o岩燈(通常都唔記得)。
- 上斜(停車):切記望鏡打燈,預好時間踩brake。
- 上斜(開車):切記望鏡打燈,千奇唔好溜後。

考part2重點:
- 學院出口:望右邊交通時唔好忘記望埋左邊行人,因為係暗斜,小心溜後。
- 行車:忌快,最高三波,少用為妙。
- 過線:一定要誇張大動作拎頭望盲點。
- 燈位:就算綠燈都預早收少少油,以防衝黃燈或停出界。
- 小瀝源路燈位:因為暗斜,小心停車溜後及開車死火。
- 學院入口:直角左灣,呔慢隨時駛過隔離線,所以最好慢車,必要時用一波。

我考試時上斜停車無打燈,小瀝源路燈位開車死火...mouth:
慶幸part1及part2都係一剔過攪掂!

後感:智尊plan,由頭到尾同一架車同一個sir,雖可盡快熟習,但學唔到野;大組plan,堂堂唔同車唔同sir,可感受個別車的微細分別從而增加對機械o既掌握及了解,可吸收個別導師o既唔同經驗從而增加對路面突發情況o既應變能力。

[ 本文章最後由 aa1001 於 08-4-23 01:50 編輯 ]
作者: kinbb媽咪    時間: 08-4-23 23:53

首先恭喜你!你一次就pass,可想而知你係十個考生只有一兩個pass中的其中一個,都好唔間單喔!你當時考邊條線架?

多謝你咁詳細的分享!我覺得兩種plan都各有利弊。我上左二十堂大組,剩下十二堂時轉左智專。....

我好中意你所列的重點非常精簡,我會print兩張比我另外的同學朋友摆喺手袋得閑睇下。因呢d導師成日有講,但我地總是會忘記做呢d細節野,顧到呢樣又顧唔到嗰樣。
原文章由 aa1001 於 08-4-23 01:37 發表
我一年前就係o係沙田學棍波van,因為窮,所以只跟大組無入智尊。初頭場內練時都幾緊張下,但慢慢就覺得好悶,成日一二波、泊位、掉頭、上斜,阿sir淨係format式為考試而教,學到o既都有限。到後期果幾堂,出街喳熟o左,同d阿sir一路 ...

作者: kinbb媽咪    時間: 08-4-24 00:14

我係孖鍾學的,咪時我覺得上一堂做完熱身就冇左下文,好似唔夠喉。我學左泊位後耐唔耐都有操下,有時頭半堂操下,之後再出街,都冇一定,亞sri睇我的表現再作決定。因我冇返工,雖有工人,但要跟小朋友功課,所以我多數係上午練習。星期六日就較少,不過我打算在考試前一星期浸住日日去練,希望有幫助。補堂係我自己要求的,因我覺得自己唔係好熟。
我下星三開始再上堂。
原文章由 567 於 08-4-22 09:58 發表
補鐘...我無諗過呀...因考街跟本就係特發野多,都預唔到咁多,我老公話補鐘錢不如留返來再考好過,其實有十幾堂學街,都差唔多了,元朗有4條線考,多數都係考果二條,我學左4堂街,都記得果二條路了,昨日仲叫老公車我去學院 ...

[ 本文章最後由 kinbb媽咪 於 08-4-24 00:16 編輯 ]
作者: 567    時間: 08-4-24 11:01

我個亞SIR話佢教的,泊車十個有九個PASS,街就十個有六個la,所以合格率都好低下....
星期日原本我book左十點,亞sir話有個學生好想要10點上,問我可唔可以調上11點半...其實我無咩問題ge....之后我問個學生係咪學街?佢話二樣都學,不過就考了,咁我要求做跟車,但唔想跟泊車果part...佢就我,話10點半之后如果出左街就入返學院接我wor,幾好呀....
我覺得同個亞sir夾唔夾係好緊要呀....我有朋友又係智專,同我一齊學,一樣係分開教的,佢學左6堂仲未學過調頭...頭二堂係場內行下,3-4堂就係上斜,5-6堂就s位....學得好慢...之后轉左亞sir了!!
作者: 567    時間: 08-4-24 11:06

我個亞SIR話佢教的,泊車十個有九個PASS,街就十個有六個la,所以合格率都好低下....
星期日原本我book左十點,亞sir話有個學生好想要10點上,問我可唔可以調上11點半...其實我無咩問題ge....之后我問個學生係咪學街?佢話二樣都學,不過就考了,咁我要求做跟車,但唔想跟泊車果part...佢就我,話10點半之后如果出左街就入返學院接我wor,幾好呀....
我覺得同個亞sir夾唔夾係好緊要呀....我有朋友又係智專,同我一齊學,一樣係分開教的,佢學左6堂仲未學過調頭...頭二堂係場內行下,3-4堂就係上斜,5-6堂就s位....學得好慢...之后轉左亞sir了!!
作者: aa1001    時間: 08-4-24 22:16

原文章由 kinbb媽咪 於 08.4.23 23:53 發表
首先恭喜你!你一次就pass,可想而知你係十個考生只有一兩個pass中的其中一個,都好唔間單喔!你當時考邊條線架?

多謝你咁詳細的分享!我覺得兩種plan都各有利弊。我上左二十堂大組,剩下十二堂時轉左智專。....

我好中意你所列的重點非常精簡,我 ...


重print埋添?唔使咁認真...
我當時考「銀城」線,即係最短最易果條線。
當時有好多學員都係考果條線,聽講d考官係為左想慳時間考多幾個喎。
其實我當時學車既心態,唔係將考試及格定為目標,而係為左想日後喳好d車去盡量學多d,所以我上堂時問既問題好多時都係同考試無關。
作者: kinbb媽咪    時間: 08-5-14 23:12

567:
我今日考左銀城路線呀!總算全部都pass晒!
技術的熟練都好重要,信心會大d!
我有一個朋友話,由生手到熟練一般都要三十堂(不計理論堂)左右。不過有d人對機械的野會易上手d,特別係男人都會比女人叻d。
緃觀我頭尾都加左8堂,同我同期開始學的四人中(包括我),有一個也同你一樣分期考,佢中期試前加了十堂,路試前又加了十堂,但兩park都pass左。而另外兩個上完課程就去考,但全部都肥左,要重考!不過我都好感激佢地,因我有吸收左佢地的經驗!

你加油呀!
希望後日都收到你的好消息啦! 記得上來報喜呀!
作者: HarryMaMa    時間: 08-5-15 09:25

Hello, 我二月係元朗一次pass左自van綜合(睇位易又可以吸多個牌 ), 考宏業東街.  算好彩, 過年小車D. 同埋記得週圍望唔好淨望前面, 睇盲位真係要大動作D. 前面睇唔清就一定要收慢. 我重本住要考多次咁去考架, 我諗會冇咁緊張!   ......我重記得果日一出大閘就有3隻狗狗歡迎我, 唯有慢落黎等佢地過哂先行.
GOOD LUCK

[ 本文章最後由 HarryMaMa 於 08-5-15 09:39 編輯 ]
作者: 567    時間: 08-5-15 09:59

kinbb媽咪,
恭喜哂呀.....我明天考了,心情都唔係好緊張,可能預左肥la~~haha~~加上有d唔舒服.....
作者: 567    時間: 08-5-15 10:33

HarryMaMa ,
元朗果d狗真係好形呀,以為條路係佢地呀~~我亞sir話呢幾隻狗同學院賺左唔小錢~~HAHA~~
作者: kinbb媽咪    時間: 08-5-15 21:40

多謝!

你今晚早d瞓,養足d精神,你唔緊張已贏三成啦!
祝你明日成功!
原文章由 567 於 08-5-15 09:59 發表
kinbb媽咪,
恭喜哂呀.....我明天考了,心情都唔係好緊張,可能預左肥la~~haha~~加上有d唔舒服.....

作者: HarryMaMa    時間: 08-5-15 23:53


係呀, 有時撻係路中心曬太陽添

原文章由 567 於 08-5-15 10:33 發表
HarryMaMa ,
元朗果d狗真係好形呀,以為條路係佢地呀~~我亞sir話呢幾隻狗同學院賺左唔小錢~~HAHA~~

作者: kinbb媽咪    時間: 08-5-16 00:01

恭喜你!
我都係本住要重考的心態去應考的,咁可能會令自己輕鬆d。
希望其他朋友都可以一次過pass!
原文章由 HarryMaMa 於 08-5-15 09:25 發表
Hello, 我二月係元朗一次pass左自van綜合(睇位易又可以吸多個牌 ), 考宏業東街.  算好彩, 過年小車D. 同埋記得週圍望唔好淨望前面, 睇盲位真係要大動作D. 前面睇唔清就一定要收慢. 我重本住要考多次咁去考架 ...

作者: 567    時間: 08-5-16 19:24

我衰左了....衰黑仔la~~明明雙程路,但二邊無啦啦都有死車.....我係大路行緊(因死車我要做超車動作)..但無啦啦有架車左轉入來,個考官話唔夠位比佢行...佢stop停我....唉~~~但明明我係大路行緊ma,都唔駛留意左轉的車(但有死車,無位佢行)....唉~~佢話我應該停左先讓佢行wor~~~我都唔知點講好....之后程車我好順利呀~~如果唔係左轉架車...我就唔會肥la~~~e+唔見左三千幾~~真心痛
作者: kinbb媽咪    時間: 08-5-16 22:35

再加油啦!下次的考期幾時呀?
泊位、窄路掉頭應該冇問題,是嗎?
其實考官考我地控制架車的技術之外,仲有一樣好重要就係考埋我地係唔係一個安全的駕駛者,有冇安全的應變能力,不論是你影響了別人或是你被嗰D失魂車影響到。
我考試前一天練習時要右轉入一個停車場,跟在我後面的一輛拖頭車我以為佢突然加速要扒我頭,我被佢嚇到死火,原來佢由我後面的停車場出口處入停車場。亞SIR話我停車係啱的,但要做返停車程序的野。由此我得多個經驗:我唔影響到別人之餘,我仲要唔好被別人影響到。
初初出街時我問亞SIR:『點解前面架車扒我頭都唔打燈的?』亞SIR話:因為佢有牌,而你冇牌囉!(比佢激死!)
所以你嗰單野表面睇好似唔公平,但都冇計。鬼叫我地要靠佢比個牌我地咩!佢叉唔倒人地咪來叉我地囉!

祝你下次成功啦!
原文章由 567 於 08-5-16 19:24 發表
我衰左了....衰黑仔la~~明明雙程路,但二邊無啦啦都有死車.....我係大路行緊(因死車我要做超車動作)..但無啦啦有架車左轉入來,個考官話唔夠位比佢行...佢stop停我....唉~~~但明明我係大路行緊ma,都唔駛留意左轉的車( ...

作者: 567    時間: 08-5-17 09:38

下次係6月20考上午呀~~係呀~~今次咪當拎個經驗law~~不過個考官都捉得好緊下...我轉彎時佢都特登起身小小睇下我有無出介~~~
我肥左個亞SIR仲灰過我....我諗佢以為我會PASS,因我果日學車時表現好好,模擬個TEST都PASS左呀~~不過考果時有好多未知知數....算我唔好彩la~~e+要補7堂先考~~6月先再上堂了~~~
作者: kinbb媽咪    時間: 08-5-19 23:13

567:
我有一個朋友今日考第二次,泊位pass左,考街時因接近路邊的一堆報紙(冇碰到)時被考官storp停佢。......
路上會有好多突發事件的,希望你也吸取我朋友的經驗。
佢下次考期係6月尾。
和我同時報名學車的好朋友下星期一第二次考。希望佢一切順利啦!
原文章由 567 於 08-5-17 09:38 發表
下次係6月20考上午呀~~係呀~~今次咪當拎個經驗law~~不過個考官都捉得好緊下...我轉彎時佢都特登起身小小睇下我有無出介~~~
我肥左個亞SIR仲灰過我....我諗佢以為我會PASS,因我果日學車時表現好好,模擬個TEST都PASS左 ...

作者: 567    時間: 08-5-20 17:01

係呀~要肥你好易咋~~所以果日真係要睇彩數~~我覺得7成彩數3成係技術呢~~haha~~講真la~~真係比我考到都未必敢楂車出街住,起碼要老公同我操下先la~~
你個牌拎到手未呀??你pass左有無人sale你金牌路路通呀??我亞sir係我咪考前都同我講定(佢真係以為我會pass),考完有人sale你路路通就唔好join最貴果隻,join千幾就算了,我個亞sir好攪笑,真係唔願做咁,我問佢有無叫過人補鐘呀?佢話好小,除非真係好唔得(不過佢話補鐘都找出面街果d好過學院la,街$130一個鐘,學院要3百元)
作者: Feco媽    時間: 08-5-22 10:04

D 考官想點就點la!我考parking 時, 車前邊邊只是個影貼到條白線內邊約1cm,咁就"肥"la!!講真park位時,車是向後方行,點會做成危險呀?!考官想點就點,冇得上訴
作者: kinbb媽咪    時間: 08-5-24 00:35

我今日終於攞到個正牌!$900,十年。雖然有牌,但叫我揸出街我都會好惊。
我個朋友話,佢星期一先考,亞sir已經sale佢路路通la,佢仲問我意見。其實佢考第二次時己報左短課程比了$5xxx,後尾自己又加左7堂要$2xxx,頭頭尾尾已比左七八千了。仲未計第一次報時已比左$8xxx。
路路通都有好處:因我地學車咁耐行來行去都係呢幾條考試路線,我地高速公路、嵗道、回旋處等都未行過,就當去見識一下囉!而且有咩危險事時亞sir會storp停架車,而我地老公架車就唔得。
我個人意見:如果要考兩次先pass的話,我就未必會join路路通。考第二次時已經嘥左咁多錢,而且學院嗰d又唔係平過人。我join左最平呢個得3個鍾多d都要$1060(佢話原價要$1460,我e+諗起都覺得自己笨左!),學你個亞sir話出面$130一個鍾,你諗下$1060喺出面可以學幾多個鍾?我同我的朋友講,如果你唔想join最好快d諗定d有說服力的理由來推佢la,因佢一定會sale你架!而且亞sir一個sale唔掂你,佢其他同事會『圍攻』你,你地準備定接招啦!..haha....
作者: 我愛Corina    時間: 08-5-25 07:05

其實我覺得考車好講luck囉...我考果陣,我做到好好ga,可以話係一路順風,之前亞sir話我渣得好好,但係我係failed左,佢mark左我冇望盲點,我唔係無望,只不過冇好大動作去望...唉..不過算啦,佢話我唔得,我咪遲d先考過囉...因為我係讀大學果陣放summer返hk考,唔夠時間即刻再補考....
其實我係漸進課程,我parking passed( manual van),如果我再返去考auto,會唔會好蝕呢!!
作者: 我愛Corina    時間: 08-5-25 07:09

其實我覺得就算係學院passed左,出去都係唔識渣車ga!!我係外國學車,呢度咩路都要去到,又多hill start,所以都好難pass,但一pass就真係識渣車....
作者: kinbb媽咪    時間: 08-5-28 00:23

其實有牌先係我地學車的開始,經驗是在實踐中穫得........

我昨天考試的朋友已經pass左啦!佢都有突發事發生,但佢可以應付到。佢考河畔線回學院在牛皮沙街轉入脆杆街時突然有架小巴扒佢頭停車落客,右邊又有其他車行緊,佢唯有小急停車,仲擢了一下,佢跟住同講:『呀!亞sir,真係唔好意思,我都係冇辦法先咁呀!』不過考官都認同佢的做法,比佢pass!事後我朋友都好感激教佢的智專老師,因呢個金牌智專老師喺平時教左佢好多危機處理的技巧,所以考試時可太派用場。

希望來緊考試的所有朋友都好運啦!

[ 本文章最後由 kinbb媽咪 於 08-5-28 00:25 編輯 ]
作者: graceng    時間: 08-6-3 21:28

我5月22日0係元朗學院pass左路試~

我係考最易考既元朗村,

其實都好驚險,有幾個位都可能導致我唔合格,

有7成係彩數,差d冇左$3400

所以我用左$2100報左6節路路通~~
作者: 567    時間: 08-6-5 13:55

我都黑仔了~~一考就考宏業東...最難果條..肥左了(未入到球場位已經衰左)唉~~我考3點8呀,仲諗住個考官就收工,會簡元朗村tim~~我朋友考三次都係元朗村呀~~希望下次考會係元朗村la




歡迎光臨 親子王國 (http://www.baby-kingdom.com/) Powered by Discuz! X1.5