母乳餵哺 今日: 0 | 主題: 85708

積分: 757

1^#

發表於 08-5-9 20:55 |只看該作者 |倒序瀏覽 |打印

原本決心要餵全人奶，但囝囝已經第十九天了，兩邊乳房加埋都唔夠一安奶，又有好多乳管阻塞的大粒小粒，每次餵完都仲好餓，唔補奶粉唔得，點算？姑娘話有nipple confusion,唔通真係要改用杯餵至得，但會好煩同好浪費，有無計？

0 0 0

私人傳訊回覆引用

積分: 4072

2^#

發表於 08-5-9 21:48 |只看該作者

你依家隔幾耐餵一次呀？你泵出來唔同小b食咁多o架！我初時都係少奶媽，後來密密餵，完全feed on demand唔計時，小b食完可以係一個鐘頭又叫食，辛苦d唔緊要，最後收成正果。
我唔明你話乳管阻塞的大粒小粒係物嘢意思，我朋友就一早通知我要好好用手刮甩乳頭d一粒粒嘢，唔好阻住d奶出，都幾痛，但係你會見到之後d奶柱有幾條，出得好咗。
我之前唔夠奶，姑娘叫我唔好咁易放棄，叫我餵完再用泵泵奶，然後杯餵(我初時得幾滴，因為小b都食哂，所以從來無用過杯餵)，可能你初時只係可以泵到好少好少奶，但除咗補比bb之外，主要作用係刺激腦部叫佢做多d奶。
你試吓全埋身餵，佢幾時要食就比，如果佢食食吓停，就試吓停下再餵，再唔要先休息。之後如果仲頂得順就泵吓奶，攰就要爭取時間休息。有人幫的話就飲吓湯水，如果無人幫或大攰就可以試飲 organic mother's milk 或者黑豆'張' (如果你抵得涼) 啦！
係呀！bb太細真係最好唔好用奶樽餵，要等佢食人奶technique好咗先試奶樽，我就响佢滿月後先有間中比奶樽佢，主要係出街先比。
加油呀！

[ 本文章最後由 little-angie 於 08-5-9 21:53 編輯 ]

私人傳訊回覆引用

V.G

積分: 757

3^#

發表於 08-5-9 22:47 |只看該作者

回覆 #2 little-angie 的文章

little-angie, 多謝你既詳盡回覆。因為我生完阿B之後貧血，精神好差，姑娘建議我休息好D先，盡量4個鐘俾到佢埋身啜一次，結果我夜晚訓覺，日頭4個鐘一次每日只啜到4次咁上下，事實上佢食奶粉飽左，都會三四個鐘先再肚餓，我都試過唔計時間咁餵，如果唔俾奶粉，一放低就喊肚餓，再俾佢啜足兩個鐘都係肚餓，好陰公咁，我亦好疲累，一俾奶粉的話，俾少D又繼續扭，俾多D又34個鐘唔駛埋身，聽你意思係咪一定要用杯咁阿B先肯努力啜我先做到多D奶？請問仲有無其他奶媽有其他方法？
乳房上的大粒小粒硬塊我都有聽姑娘講用手按完再用手搾奶或在BB啜奶時按摩硬塊等BB啜通那些塞了的乳管，但有D粒粒好頑固，個幾星期都仲響度，個心好煩!
我其實一直個乳頭都覺得痛，唔係姿勢唔正確，姑娘都話我乳頭無損,
而係阿B頭幾下總係好大力，整到我好痛，所以當我用盡各種方法都唔成功，已經去到幾灰心既地步，雖然呢一刻仍然係度垂死掙扎緊.......

私人傳訊回覆引用

JefPriJer

積分: 583

4^#

發表於 08-5-10 00:09 |只看該作者

原文章由 V.G 於 08-5-9 22:47 發表
little-angie, 多謝你既詳盡回覆。因為我生完阿B之後貧血，精神好差，姑娘建議我休息好D先，盡量4個鐘俾到佢埋身啜一次，結果我夜晚訓覺，日頭4個鐘一次每日只啜到4次咁上下，事實上佢食奶粉飽左，都會三四個鐘先再肚餓，我都試過唔 ...

努力呀!唔好放棄!
我B女而家12日，佢由第二日開始補奶粉，開頭用奶咀餵，但健康院姑娘叫我用杯餵，但B女唔識食，所以改用匙餵，佢先食到。而家最大問題係佢體重仲未回到出世時重量，下星期要再返健康院check體重。因我大仔只是半人奶B，所以好想B女做全人奶B。加油!

私人傳訊回覆引用

clintonma

積分: 652

5^#

發表於 08-5-10 14:10 |只看該作者

我都有d塞, 成日食完/pump完都有d硬塊, 但用手指大力練下, 練到有奶出再pump就好快pump清... 練都幾大力同幾痛, 次次谷都練到個胸紅晒... 耐左就bb食都會自動清, 唔駛再練, pump就都係要按下先得

私人傳訊回覆引用

積分: 4072

6^#

發表於 08-5-10 19:35 |只看該作者

原文章由 V.G 於 08-5-9 22:47 發表
little-angie, 多謝你既詳盡回覆。因為我生完阿B之後貧血，精神好差，姑娘建議我休息好D先，盡量4個鐘俾到佢埋身啜一次，結果我夜晚訓覺，日頭4個鐘一次每日只啜到4次咁上下，事實上佢食奶粉飽左，都會三四個鐘先再肚餓，我都試過唔 ...

我唔係講乳房入邊有硬塊，我係講乳頭有d一粒粒好細粒o既粒粒，如果無捽走會塞住乳頭出奶，你可能無呢個問題，我只係想提醒吓唧！
你養番好身體未呀？如果ok，我提議你唔好淨係等bb食先埋身餵，而响佢要食之間再用手泵泵奶，泵完後再用手清，因為用泵未必泵得清哂，如果你handle 到，就試吓一邊比bb食，另一邊用pump同時pump奶，會pump得多d。至於杯餵之後pump出來o既奶係想bb飽多dd，咁補奶粉就唔駛咁多囉！
想補充一樣嘢，我之前有段時間餵bb餵得好密，結果佢由之前跌磅至忽然响一個星期增咗一磅，姑娘話我唔駛餵得咁密，我就同佢講bb成日喊喎，跟住佢就話bb喊未必係因為想食，可以係扭其他嘢，好似佢如果肚仔多風唔舒服、尿片太濕、甚至有d扭抱等都會喊，佢叫我試吓比安撫奶咀佢等佢唔駛咁快叫食又或者放佢入bb車 (平瞓)然後推吓佢 (不個唔好成日做慣哂喎)。不過最終都要睇bb濕片夠唔夠來衡量佢食奶夠唔夠。
好似 Clintonma 咁講，多d大力按吓d硬塊位會幫到你出奶，就算用手pump都要响出奶少o既時候，用pump o既邊大力壓落佢，pump o既同時壓吓左、壓吓右，你會見到d奶再出好dd，仲有如果你唔可以同時埋身餵兼用pump 泵另一邊，咁你可以用另一隻手幫你乳房出奶，方法係用手'連'你個乳房幫助d奶出快d，'連'吓放吓，希望咁bb無食得咁吃力啦！

[ 本文章最後由 little-angie 於 08-5-10 20:01 編輯 ]

私人傳訊回覆引用

積分: 128508

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

7^#

發表於 08-5-10 20:26 |只看該作者

bb 只係出世20日左右, 你仲有大把青春, 唔駛咁快放棄喎, 要返工時至諗仲餵唔餵啦, 到時你又可能唔捨得唔餵.

你自己要抖夠精神, 放鬆自己, 食番多 d 野飲多d 湯水, 自己唔 fit 點去湊bb... 我初初都好少奶, 手擠一次得 10ml, 有晚姑娘叫我休息下同埋學泵奶, 咁我第一次泵就有70ml, 再過多一日泵到有 130ml, 個個姑娘見到都嘩嘩聲咁讚勁.

bb 咁細, 你係上緊奶和學餵奶之餘, bb仲係學緊啜奶, 同埋佢個咀未有力度可以大力啜, 所以有時真係要餵成粒鐘, 同埋隔一陣bb 又要喊要奶. 好正常呀.

你要留意bb 喊聲, 你會分到幾時係喊要奶(哇哇聲), 幾時係喊其他野(尖叫咁喊).

必要時可補奶粉, 但要埋身餵完 bb 之後至補啦. 你可以考慮埋身餵, 之後擠清d 奶再餵, 最後至補奶粉. 我果陣響院係埋身餵, 之後補奶粉, 因為我唔知一定要擠清 d 奶去防止乳腺炎. 我係響醫院補過幾次奶粉, 返到屋企第一個月都冇補過, 九成係埋身餵, 雖然唔知佢食左幾多, 但佢一喊要食咪餵佢, bb 都有重到, 所以你唔駛咁對自己咁無信心.

補奶粉或餵泵奶都好, 用杯會較好. 你會見到 bb 明明係訓著, 但有奶掂到佢個咀唇時, 佢會識得啜架, 我都唔知佢係咪真係訓著...

你摸到一粒粒, 即係有奶, 而家至放棄好可惜喎!! 你可以餵/泵邊襟 d 粒粒. 我好鍾意襟/掃d 粒粒, 冇晒粒粒就要大力按d硬塊, 不過有時有 d 痛...

總之要冇晒呢 d 野至得. 有時d 奶出完一次, 明明冇得出仲會有粒粒或硬塊, 咁你要不停按摩/襟d 粒粒, 直到有第二次噴奶至得, 有時果d 可以有成 1oz 奶咁多.

而家諗番轉頭,初初真係好辛苦, 餵得成奶後, 之後仲有好多問題要面對, 不過好快會捱過. 而家乜都順晒時, 仲可以邊餵bb邊打遊戲機或者影下相睇電視甚至上網和講電話.

私人傳訊回覆引用

V.G

積分: 757

8^#

發表於 08-5-11 00:31 |只看該作者

多謝咁多位既鼓勵，我會試下你地講既方法睇下有無進展，不過我今日又收到檢驗報告話我響醫院度感染到尿道炎，要食果隻抗生素係唔可以餵人奶，醫生叫我Pump奶然後倒左去，我唸9日D藥過之後，可能BB更加唔再啜我都唔定，真係屋漏兼逢連夜雨......
仲有 ,我實在到依都唔想餐餐用杯餵奶，一來要餵好耐，幾煩，而且D奶會天一半地一半，奶粉我都覺得好浪費，何況係滴滴皆辛苦既人奶？而且依家我老公都會幫我用奶樽餵奶，如果用杯，佢一定反對又唔會同我合作，所以我其實真唔明點解用杯咁煩同浪費你地都可以接受倒呢？係咪你地可以餵到唔點漏，又想請問係咪用匙餵唔會天一半地一半呢? 4安奶會唔會要餵足一個鐘呢/

私人傳訊回覆引用

積分: 4072

9^#

發表於 08-5-11 03:22 |只看該作者

原文章由 V.G 於 08-5-11 00:31 發表
多謝咁多位既鼓勵，我會試下你地講既方法睇下有無進展，不過我今日又收到檢驗報告話我響醫院度感染到尿道炎，要食果隻抗生素係唔可以餵人奶，醫生叫我Pump奶然後倒左去，我唸9日D藥過之後，可能BB更加唔再啜我都唔定，真係屋漏兼逢 ...

其實我真係未用過杯餵，不過姑娘話如果bb郁嚟郁去就可以包起佢先餵……但係好似你o既情況，我都覺得要杯餵似乎好難，成9日喎，不過你都盡咗力，你唯有响呢9日裡面盡力泵奶，希望9日內上奶好好多，出奶出得快，到時bb可能會肯埋身食都未定，始終埋身個 feel 唔同奶樽，佢要奶樽主要係因為埋身食太辛苦唧，你繼續努力泵，到時出奶快，bb食得無咁辛苦就會鍾意埋身食都未定，如果到時bb唔肯埋身食你都可以泵比佢嘛！加油呀！

私人傳訊回覆引用

積分: 128508

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

10^#

發表於 08-5-11 21:08 |只看該作者

我果陣響醫院留醫, 姑娘教用杯所以就用杯, 的而且確係煩好多同埋要耐性, 但bb 冇 nipple confusion, 對之後餵奶都有用. 況且我有大把時間可以慢慢餵, 所以唔怕攪到佢濕晒. 初生bb 成日訓, 要摷醒佢俾佢飲奶, 醫院個杯有 60ml, 咁我每次餵 30ml, 咁bb 一下子郁時都唔怕倒瀉奶, 而且飲唔晒既人奶仲可以放入雪櫃. 有時佢飲緊又會訓著, 又要再整醒佢.

你可以試下將個杯輕輕壓住bb 下唇, 當上唇掂到 d 奶時, bb 自然會去啜黎飲. 有時見bb 明明訓緊都仲識由個杯吸 d 奶入個咀度, 覺得佢好好笑又好神奇. 當你慣左時, 用杯唔係好煩.

醫院 d 姑娘餵得好快但會倒晒d 奶出黎, 明明漏左好多都仲可以寫住bb 食左 70ml!

我見到都肉赤, 話晒滴滴皆辛苦.

你食緊藥時仲可唔可以飲魚湯?

[ 本文章最後由 bosch 於 08-5-11 21:15 編輯 ]

私人傳訊回覆引用

V.G

積分: 757

11^#

發表於 08-5-12 18:13 |只看該作者

little-angie, 我聽你講完先留意到乳頭真有小小白點，用手刮真係幾痛，不過我用棉花棒慢慢都整得走，希望之後真係見到奶柱啦！我都希望好似你咁講趁呢段時間催谷奶量，到時可以容易D埋身。
Bosch,醫生無話唔飲得魚湯，我會照飲，希望催谷多D奶，不過其實我本身都差不多日日飲，奶仍然咁少，或者可能我無半夜起身餵奶或泵奶，所以奶少，但如果我起身又會精神差，因為我日頭瞓唔著，夜晚又會因為倦極而熟睡，都唔知係咪自己決心唔夠定係身體唔好搞到自己唔成功，我都好盼望有一日會好似你講咁餵到順晒變得好輕鬆就一天光晒。

私人傳訊回覆引用

積分: 4072

12^#

發表於 08-5-12 20:38 |只看該作者

你煲魚湯有無用青木瓜，有效d喎！
你要放鬆d，真係可以的話就試吓泵埋半夜個餐，半夜造奶好d，有時叫老公幫你按摩吓，等你可以放鬆d，過咗一個月後，真係樣樣都會順暢，同埋都會變成習慣，忍耐吓，你會得o架！

私人傳訊回覆引用

積分: 128508

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

13^#

發表於 08-5-13 01:25 |只看該作者

慢慢黎啦, 第一個月真係非人生活, 真係日日夜夜都冇得訓. 你或者泵密d, 唔好等谷至泵啦, 仲有要按摩多 d. 醫院 d 單張話望下bb, 諗下bb 都有助上奶.

私人傳訊回覆引用

KongSiuBB

積分: 1408

14^#

發表於 08-5-13 13:43 |只看該作者

不如你叫屋企人試下用針筒來餵?雖然一次真係餵到幾ml (唔知有無大d容量), 但係無咁容易漏左d甘露! 我朋友個bb係瑪麗住左成個月都係用針筒...不過唔知係咪因為佢係早產bb.

你自己就必定埋身餵!
一定要有耐性! 掃風,換nappy,家務等叫其他人幫手,你就只係餵奶同休息...
祝你成功!

私人傳訊回覆引用

V.G

積分: 757

15^#

發表於 08-5-13 18:33 |只看該作者

多謝你地，我依家有番D信心同力量，我會繼續努力，做到幾多得幾多，唔放棄！

私人傳訊回覆引用

積分: 128508

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

16^#

發表於 08-5-13 21:33 |只看該作者

雖然係非人生活, 但正因為你會日日夜夜都超忙, 所以時間會好快過, 所以好快就你會變成奶媽.

我果陣忙到連傷口都唔得閒洗, 藥又唔可以準時食...

記著bb 訓覺你都去訓覺, 爭取多 d 休息.

私人傳訊回覆引用

PeggyTsui

積分: 4764

17^#

發表於 08-5-13 23:37 |只看該作者

My girl was borned Oct. 2007. She'll be 7 mths this week. I'm working but still breast-feeding her.

I also started off using cup to feed. But I when I feed with cup, I use milk powder. Hospital taught me to feed every 4 hours. Breast feed first then cup feed. However, health centre taught me to breast feed every two hours and do not feed any milk powder. So I changed feeding every two hours starting the second week. My girl can identify the differences between my breast and the cup. But she's ok with any of it. I use milk bottle instead of cup after one month.

If you turn her sideway, she should be able to eat easily and quicker. Suggest you feed her left side 15-20 minutes, then right side 15-20 minutes. Then in the next meal, start right side first and then left side. If you feel you have more milk, pump after feeding. I know it's very tired but try your best to pump.

I don't suggest you to pump if you are still having your maternity leave. The simulation from BB sucking directly is different from pumping. You will feel your milk getting more and more if you feed her more. Let BB to get used to eating first. Don't worry BB have enough or not because she'll cry if she hasn't eat enough. Let her eat if she cry. Pump in around 5 weeks.

Nurse said the third week eats more so you'll feel she keeps asking for more but it's ok. Once you get into one month and more milk, you'll enjoy breast feeding.

Remember, if you feel blockage, you MUST peel off the blocking skin QUICK. It won't heel by itself.

Lastly, drink more liquid before you sleep. After wake up, you'll get more milk.

Keep it up!!

[ 本文章最後由 PeggyTsui 於 08-5-13 23:39 編輯 ]

私人傳訊回覆引用

lamyy

積分: 604

18^#

發表於 08-5-14 01:19 |只看該作者

如果用樽餵,可以試下用橡膠奶咀,因為橡膠奶咀軟Ｄ,比較似nipple,bb唔使太大力就食到奶,咁到埋身時就唔會啜得你太大力,冇咁易有nipple confusion.

私人傳訊回覆引用

V.G

積分: 757

19^#

發表於 08-5-14 17:19 |只看該作者

我都聽到好多建議話feed on demand. 不用理佢食得夠唔夠，我其實都真係試過一兩日咁做，但根本我既奶無可能夠佢食，依家佢一餐食成4-5安奶粉，我最多一日先泵到6-7安(依家一日泵5次，依家每次平均有一安多D)，我真係不停咁俾佢啜，啜住就瞓，一放低即喊，過左幾個鐘我就累到死左，佢亦好似餓得好慘咁，結果都係用樽補奶粉，我D奶量都唔見得有幾改善，以為用左Chu chu果隻母乳奶嘴會少左nipple confusion呢個問題，但係似乎都係唔得，我依家想試下果隻mother's milk
tea, 希望有用，但未知響邊度買倒，要check下.

私人傳訊回覆引用