母乳餵哺

收藏本版
回覆 發帖
返回列表
跳至頁

首頁
1

尾頁
   1
ashleychungli


別墅

積分: 537


1#
發表於 15-7-24 17:04 |只看該作者
作為一個爸爸，呢樣野我除左幫太太準備佢所需既用品外都無咩幫到佢

我地係雙薪家庭，咁太太放完大約3個月產假後就俾外母daycare 夜晚我車佢返屋企，我想問準備bump 方面係咪要我地屋企同佢office 每邊一部？
電bump 同手bump 邊樣會好啲
私人傳訊回覆 引用

ashleychungli


別墅

積分: 537


2#
發表於 15-7-24 17:11 |只看該作者

回覆：新手爸爸請教咁多位餵母乳媽媽

同埋我老婆係一隻豬嚟嫁，勁懶瞓，我屋企狗狗已經訓練緊我每晚2-3 點要起身，準備之後餵奶，想問下到時我係去暖奶用樽餵定應該放bb去媽媽到等佢埋身餵？
私人傳訊回覆 引用

leo20466


大宅

積分: 3791


3#
發表於 15-7-24 18:26 |只看該作者

回覆：ashleychungli 的帖子

電泵快過手泵，雙泵最好，適合在職媽媽返工時用，你可買定一個泵，如生後真係夠奶，產假後都keep住餵先決定再買多部，多d儲奶樽，儲奶袋，冰袋，餵奶巾，防漏墊...都唔遲
私人傳訊回覆 引用

chu_peipei


男爵府

積分: 9385


4#
發表於 15-7-24 18:51 |只看該作者

回覆：新手爸爸請教咁多位餵母乳媽媽

樓主，首先想讚你係一個好老公會生前已經諗定呢d野。

我只針對餵人奶呢part講，其他坐月時既無微不至照顧同愛我唔講喇。

泵就一定要既，不過頭3個月仲未番工就只須要買定1個奶泵，睇下部機同老婆夾唔夾先再買第2個for番工用。 一定要電雙泵，手泵手斷都似。睇下你老婆中意做全埋身奶媽定各50%喇。我自己就中意c6番工時我就埋身，但c6放左工就佢用奶樽餵，呢個亦都係一個訓練bb埋身又得食奶樽又得，所以我建議你每晚b b臨訓前嗰餐都你負責餵，老婆就泵奶早d休息。好既奶樽都唔少得，我用pigeon父母乳實感系列，我覺得好好，我女到而家，16個月大埋身又得樽餵都得。呢個亦係你親子既好時間。
另外，最重要係言語同實際行動支持太太，講多d類似辛苦你喇老婆餵人奶俾我地既bb,千期唔好質疑話bb成日喊人奶夠唔夠架，泵得咁少既。。呢d說話好乞人憎架。奶樽奶泵你負責主動洗，唔好要老婆日以繼夜餵人奶咁攰都要擔心未洗奶樽奶泵呢d多餘問題。

講番自己，我餵到而家16個月，c6好支持，我都好感恩同有能力繼續完成呢個餵人奶使命。

加油

私人傳訊回覆 引用

ashleychungli


別墅

積分: 537


5#
發表於 15-7-25 10:11 |只看該作者

回覆：新手爸爸請教咁多位餵母乳媽媽

謝謝，兩位既回覆。
私人傳訊回覆 引用

MCEsc


男爵府

積分: 6959


6#
發表於 15-7-25 15:06 |只看該作者

回覆：新手爸爸請教咁多位餵母乳媽媽

樓主抵讚！
泵最好有兩個，一個放公司一個放屋企，因為返工泵奶就拎好多野。咁泵既配件買多套，儲埋先洗（如果無工人），儲奶袋，用來儲冰奶，買住少少，如果多奶先再補買。
仲有冰袋，樽買多幾個。
不過，我就建議你先買一個泵，睇下會唔會長餵先（有人會某些原因放棄），差不多返工先買第二個泵，冰袋，配件。
另，同上，千祈咪個b有少少野（如唔肯食奶，唔訓覺）就質疑老婆食左乜，又或是係咪d奶無營養。如果有老人家質疑，要維護老婆！
私人傳訊回覆 引用

moonmoonstar


大宅

積分: 2808

食得好勳章 美好大世界2017勳章 BK Milk勳章


7#
發表於 15-7-26 03:35 |只看該作者

回覆：新手爸爸請教咁多位餵母乳媽媽

如果想一直餵，點都要一個奶泵，如果屋企一個公司一個就唔洗每日拎成斤重的野來來回回，因為除左泵之外，你仲有冰袋，冰種呢d野要拎。但我自已覺得拎都無咩問題，所以我係一泵跟身。
至於未返工前我唔建議成日泵，因為初生b食得密，由其開初一頭半個月可能唔離手添，餵已經耐，仲要抽時間泵，而且頭3個月係身體適應期，奶量就由此段時間形成。你埋身多d身體就了解你需要幾多奶，泵唔係唔得，但效果無咁好，好容易就會有奶量不足的危機。
但我都覺得如果穩定左，有時有時間 都可以泵下當儲備，都可以等你幫手餵下，媽媽休息返一餐半餐。同埋人奶媽可以了解下bb食量，增加餵母乳的信心。
而你最重要係比任何人都要相信你太太餵到人奶，因為媽媽見bb日喊夜喊要作食奶，引密密餵到b不離手，加上可能有親人係度指指點點，媽媽都可能對餵母乳失去自信，擔心自已無奶餵飽bb而放棄餵人奶。所以你筏角色好重要，支持佢，鼓勵佢，幫助佢，咁樣捱得過三月的話，就能發現同享受餵母乳。
私人傳訊回覆 引用

ashleychungli


別墅

積分: 537


8#
發表於 15-7-26 09:57 |只看該作者

回覆：MCEsc 的帖子

我係無記質疑老婆亂食野嫁，因為佢既早餐/下午茶/晚餐都係我煮，宵夜就我去買。所以我質疑佢即係質疑我自己咋
私人傳訊回覆 引用

amypunwm


大宅

積分: 1750


9#
發表於 15-7-28 04:32 |只看該作者
其實，最重要係多啲鼓勵同肯定。我老公係一個好好的母乳爸爸。

例如：我次次呻泵得好少奶，我老公都會話"唔係呀,都幾多，唔錯“，佢仲叫屋企人唔好bb次次一喊就問佢係唔係肚餓。我老公會幫我入奶落奶袋，佢知點樣儲奶，幫輕我唔少。佢幫我上綱買泵，研究點用，仲送咗個雙泵俾我返工用。去街要餵奶泵奶好麻煩，佢都無怨言。仲有支持我用餵奶巾。所以，你可以多吸收母乳資訊，做個智囊，同時負責向旁人解釋。

不過，你地要有心理準備係辛苦。第一胎bb初生時我一天平均餵十至十二次，最高紀錄十七次。返工時，我較兩個鬧鐘起身泵奶。眼瞓我用水洗面。然而，努力是有回報的。我第二胎三天上奶，技巧純熟好暢順，bb好好湊。大囝又好跟我地。初生盡量多埋身，你同太太會輕鬆些。

我們沒有工人，雙職家庭，我都可以餵大囝至兩歲八個月自然離乳，細囡三個幾月，出世到現在沒吃過奶粉，你地都可以。唔識唔緊要，多啲上來問。

有需要可以睇我舊post，裏面有我分享。
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見