自由某個帖有會員講開古墓入面嘅新娘係咩一回事？既然已經打咗咁多字，所以再貼埋喺呢邊。
被符紙封印住嘅係岳綺羅，佢肉身只有十五六歲，係百多年前一個富家小姐，但真身其實係一個棄嬰，被青雲觀師祖收養，但佢心術不正，最後被逐出師門，及後害人無數，師祖將佢封印喺古墓入面。至於佢同段三郎嘅愛情故事有不同版本又係點解呢？
呢度有D複雜：
最初根據文懸懸誌記載，岳綺羅同段三郎相愛，但因為門弟問題，兩家父母反對，段三郎吊頸殉情，岳綺羅冇死，之後失踪，原來係俾段家捉去陪葬，呢個係對一般老百姓講嘅版本。但點解顧大人間屋會鬧鬼？就係因為地下封印咗岳綺羅個怨靈，無心好奇，唔覺意將佢解封。
之後第4、5集會講到岳綺羅發現無心有不死身，同佢係天造地設一對，於是對佢窮追不捨，發現無心愛月牙，覺得只要月牙消失就可以令無心移情於佢，於是設計令月牙陷入夢境之中，親身經歷之前岳綺羅同段三郎一段情，情節就係以上咁，兩人相愛不為家人所容，段三郎自殺，岳綺羅（月牙）想殉情，點知突然失去知覺，醒番已喺屋企被人困住，最後個妹仔放佢仲話佢知段三郎出殯，月牙即刻走去哭靈，俾段家捉走，幫佢換晒新娘裝放入棺材中陪葬，其實整個都係岳綺羅佈嘅局，試圖令月牙代替佢被封印，籍此除去月牙，好彩顧大人及時入夢提醒月牙，佢唔係岳綺羅，月牙有無心幫助醒番，走出岳綺羅個局。
去到11集，無心月牙同顧大人去搵出塵子，講出古墓中被封印嘅惡靈被放出嚟，周圍害人，出塵子講出其實岳綺羅係佢師叔祖，原本係個棄嬰，被出塵子太師祖帶回道觀內養大，見佢聰明，於是破例收為徒，點知佢醉心於妖術邪法，想修成永生不滅之邪法，被續出師門。她開始修練，最終修成邪術，奪去他人肉身，成為該人，她最後搶咗富家小姐岳綺羅嘅肉身，成為十五六歲少女，情竇初開，想嘗試談一場戀愛，可惜佢不明白當時社會門弟之分，搵咗窮小子段三郎，段家反對，三郎提出分手，岳綺羅不能忍受有人居然敢膽離開佢，於是攝其魂魄，從此段三郎就如活死人聽命於佢。但日子一久，岳綺羅對段三郎生厭，以妖術攝其魂魄再控制佢令佢自己上吊死去。青雲觀見到岳殺害太多人，於是出手封印佢個肉身於古墓中，而果個守護古墓嘅長髮女鬼就係當年岳以妖術起死回生嘅妹仔。
花旗太太生活在花旗國，留意時差，你問我未必即時答到。
）
發表於 
返回列表
