懷孕前後今日: 0|主題: 329719

收藏本版

發帖

返回列表

跳至頁

查看: 4223 | 回覆: 8

我的QE生產歷程 [複製鏈接]

macy_macy

別墅

積分: 921

1^#

發表於 15-10-25 16:55 |顯示全部帖子 |倒序瀏覽 |打印

19/10. 38weeks4
見完醫生了解所有情況，醫生都唔建議我肚入面個個食好住好，唔比自然作動先出世。所以就安排左我上病房聽胎動胎心跳，如果無問題就20/10早上先入院「引產」。當然19/10當晚安然無事，準備返屋企買定椰青作最後衝次，清下胎毒，加點清走佬袋、幫相相差足電。
19/10個晚執完野都已經好累，老公突然千叮萬囑我記得剪指甲，哈哈，因為聽姑娘講太多恐怖經歷。明明話自己唔緊張，但成晚根本訓唔著，碌下碌下。
20/10 38weeks5
約左早上八點入醫院，一入院打算一早出門搭的士，點知返工時間根本等唔到，如果自然作動想要部的士都唔知點算。
見等左一陣都無，噤不如搭返地鐵，地鐵當然好多人，因為返工時間，直到今日入院「引產」大大肚個，都無咩人讓座比我，我老公每次同我搭地鐵都專登摸下我個肚，比人知我大住個肚，哈哈！
去到QE急症室排隊登記入院，估唔到一大早噤多人排隊入院，當然唔止大肚婆啦！
整好晒，跟指示先上C2，因為係公務員關係，上到C2就查詢A11有無位，姑娘話要排下隊因為都有人等緊，噤向C2到 4人房settle down 左先，再等醫生檢查。
同房有三位媽媽都係約期今日「引產」，一個過左預產期、另一個同我一樣！等緊醫生時先上晒機檢查呀B胎動同胎心。之後見醫生見左過期居留個位媽媽先，檢查宮頸夠唔夠熟，之後就話夠晒，可以直接上產房人工穿水生。
當時我求神拜佛，希望我都可以...一等另一位媽媽已經第二胎但因為宮頸唔夠軟都無得直接上產房。等了又等，我以為唔記得左我，我好急，因為老公向門口等緊，如果無得即日穿水老公就可以先行離開，等到十點十五分終於在到我檢查。
病房醫生好似八成都係男人噤，檢查完當然好彩係無我分，醫生話宮頸未夠熟，所以要轉頭塞藥軟化宮頸，問左每個人反應都唔同。
塞藥時唔可以落地，一唔聽胎動同胎心..直到兩個小時，塞左藥半個鐘左右個肚開始痛，同宮縮，個時好開心，因為噤快見效，我想快快見到呀B，但過多陣又無料到，等到差唔多兩個小時唔比落地但我又好急又肚餓，當然剛好係中午探病時間，姑娘可能唔記得左我，再等多廿分鐘我忍唔住按鐘求救！
直到下午五點前我仲好精玲，咩反應都無，周圍行來行去，仲偷偷地落去七仔買零食，haha!但我對面個位太太已經典晒床。
五點到，我開始宮縮得比較勁，幾分鐘一次，我第一胎鬼知咩叫胎動，但只知幾分鐘硬到個肚帳晒，又痛，聽人講好似m痛，我以為係陣痛羅，我仲以為噤小兒科。走去同姑娘講我2-3分鐘就宮縮好m痛，係咪陣痛，可以再檢查，她一句話：陣痛痛到無你噤精神.....會硬到按都按唔入😑😑😑，無同我檢查啦！姑娘都有禮貌既，不過我死死地氣行返埋床。

待續.......

0 0 0

私人傳訊

macy_macy

別墅

積分: 921

2^#

發表於 15-10-25 17:17 |顯示全部帖子

回覆：我的QE生產歷程

成晚就係向痛同急既邊緣渡過。keep 住去厠所，但落床又好辛苦。典下典下！
好唔容易到左第二朝，發覺無再噤痛，唔知係慣左定真係無噤痛。我心諗我已經兩晚無訓，同感覺到雙腳無晒力，到時真係黎料都唔知仲有無氣力生。
題外話，A11我住二人房，最高個層向海，環境都唔錯，仲有得點餐簡野食。同私家醫院有得比。

私人傳訊

macy_macy

別墅

積分: 921

3^#

發表於 15-10-25 17:18 |顯示全部帖子

回覆：我的QE生產歷程

21/10 38weeks6
每一次痛都係人生既高鋒，琴日姑娘已經話唔好亂噤All驚壓到個子宮腫左。話覺得急未必真係，因為BB愈來愈低，會有噤既感覺。
但一早起身我唔理三七二十一去坐下先，因為我聽人講會生生下all屎，我唔想噤！
之後真係有屎all,十萬個開心。
去完時，發現有粉紅色，都無反應，洗手上返床，之後覺得係咪終於見紅哩，塞左成24小時藥！再去厠所探個明白，今次真係帶鮮紅既分泌物，終於有紅啦，即刻同姑娘講。
剛好八點多醫生巡房，檢查完，話子宮琴日得五成熟，今朝六成熟，心諗：痛左成晚先多得一成，剛剛合格落產房人工穿水再加催生。
唔好以為係開度數，係一度都未開，只係子宮成熟度，但一步一步既痛都係我人生未經歷過，我已經覺得好痛。

私人傳訊

macy_macy

別墅

積分: 921

4^#

發表於 15-10-25 17:19 |顯示全部帖子

回覆：我的QE生產歷程

落去前要配定血，驚生唔到要緊急開刀。打好豆之後9點半落到產房，成8-10個助產姑娘整好胎心機，同媽媽陣痛指數部機，同應該吊緊鹽水另一包就催生藥。
十點到姑娘話老公到左，但要等醫生幫我穿左水先入得來。姑娘整好晒野就走晒啦，得返得一個向產房等，好凍即刻叫姐姐比多張被我，等左勁耐終於醫生向十一點左右到到，幫我人工穿水，穿個下向，個一刻都係痛....每接近一步呀B出世，都係我未接觸既痛，心諗之後唔會再痛丫嗎。左攪右攪，吉左幾下，突然間暖水流出如倒海！洗唔洗噤多，流噤多到生完仲有無家，姑娘話可能生十幾個鐘，好驚流晒要開刀，因為無胎水就要開刀。一唔路穿水我一路吸笑氣。吸到就來暈都覺得好痛！之後姑娘拿拿林叫我停話穿完啦！
之後等左一陣開始催生點滴。但仲未見到老公入來，就問姑娘，我老公到未，姑娘反問我你打左比老公未，我話一早向出面，你地話穿左水先入得，姑娘完全唔記得左我老公向出面，好彩問一問。
姑娘叫我睇定無痛既資料因為見話琴晚痛都好小兒科，都痛成噤。自問都唔算怕痛既人，之後以防萬一睇左先，老公入到來準備啦。
開始陣痛，吸氣都仲叫做忍到下，不過都係痛到典晒家啦！
之後好難噤過...由十一點開始落催生、之後一路痛到1點鐘、一大痛就典到我掟開左個笑氣！向到左典右典同大叫，真係好自然痛到大叫，我大叫：上網又話生仔聞笑氣唔痛，呃人既。
我老公好認真回我：上網既野都好信既，邊個話生仔唔痛。
我都無心情理他，一痛先聞笑氣，根本止唔住痛同唔夠快，試過幾次聞到wing 左耳鳴，即刻掟開個罩！
之後老公開始識睇陣痛部機，幫我羅住個笑氣，一見唔對路就比我聞，佢時間好準，但羅唔實攪到我成日聞唔到，生到我發脾氣🙈🙈🙈，大叫我聞唔到，個黎料但聞唔到真係想叫人殺左我！
個刻覺得無笑氣止痛點生，個幾兩個鐘都係得我同老公向產房，因為根本未開齊度數，都唔知開左幾多，但聽到話一度都未開，直到兩點鬆，我真係頂唔順啦！
本身唔想打無痛分免，之後大叫姑娘我要打，佢地即刻叫醫生來，三個麻醉醫生好快就再，之後問東問西，做劇痛加重，幾十秒痛大次聞笑氣都聞到wing 晒，又問有咩病呀。
之後開始準備，好次插左條管向背脊，都唔係好知咩事，之後我典得愈來愈勁，姑娘話你噤醫生打唔到家，好危險家。
之後隱匿聽到，醫生話我無打過，係咪噤樣，似係實習定點，攪左好耐，叫我攣弓蝦米訓向到比氣他們插支野入背脊骨到！屈左好耐，攪左一輪仲未打，我一路痛到想旭但都比人按實左，話唔好旭啦！好危險，我估應該係插左條管入背脊骨，但未入藥！
劇痛又唔比人旭，一路聞笑聞，痛到唔想放手，但開始耳鳴，想暈，之後被迫放手笑氣！
之後又要痛再聞，唔理噤多，我頂唔順，大叫可唔可以快手，好痛，打得未！
姑娘話唔好再亂旭啦，就快家啦！
攪左好耐真係好耐，成身無著衫又凍！
終於差唔多到三點打完，打之後就，問我腳有無反應，問我幾分痛，我痛到暈點知，大叫我好痛唔知幾多，生得未呀！
個刻我根本唔知開左幾多，只係知醫生話薄左好多家啦，整晒所有，醫生話加大個催生藥由三去到六，其實每下痛都有大量胎水流出，我仲擔心緊，會唔會無晒，之後打完無痛仲痛既，過左半個鐘都仲係好痛，姑娘比左個按藥制我，話仲好痛就按一下會自動加藥，但加多句最好唔好啦！
之後每次痛都好想All,但得我同老公，上網睇同朋友經驗，叫唔好亂all 唔係會爆同pat pat 都會爆！由完全未開到開到十度，好似一個鐘到，因醫生見用左無有之後加重催生藥既關係。
但真係好想all,之後痛到忍唔到，一痛就試all,反而無噤痛，之後又驚，到下次痛就大叫左幾次生得未呀！好痛呀！
之後有兩個姑娘同醫生入來檢查，話差唔多啦，我問可唔可以all ,佢終於比我試生，但我聽到開得九度，試左幾次，又叫老公去睇下係咪見到呀B頭髮，之後可能開始出藥力，痛慢左，其實未必痛慢左，係有些痛止左，但去到劇痛都痛！要她們提我係咪痛，話痛就all, 但真係唔知幾時痛要入戲肉先知，但已經唔夠時間推。
之後突然叫我唔好all,話要整好晒野，要Bb向清潔既環境出世，叫我忍下，但有時點忍，姑娘話已經開晒啦，你有痛就push la , 生左五次到呀b 終於出世，用左半個鐘都無就出世啦！
呀b 個頭一出，姑娘叫我唔好再push la ,
我未出晒黎就聽到呀 b喊出聲啦，之後打麻醉剪回陰，終於見到佢啦，個下腳又震，成個都震，已經無晒力啦

完......