我細個屋企好嚴,媽咪講到明打到18歲,街唔比出,電話唔比傾,學校旅行亦係年年冇我份,頭髮長定短佢決定,衫亦只可以佢買。好熟嘅同學仔都比阿媽鬧過,話佢地帶壞我,好彩大過左都冇影響過友誼。到我17歲去外國讀書真係走到走唔切,係勁開心可以離開個監獄。依家結埋婚生埋小朋友,阿媽依然有話我尼樣果樣唔好。我生活正正常常,大學畢業,有份幾好嘅工,有時都唔知做錯D乜。有時好羨慕朋友可以同佢地D媽咪有講有笑好似朋友咁,我阿媽永遠黑起塊面,連我老公都怕左佢。現在同媽咪關係一般,講電話都無出聲,比佢(emoji)(emoji)哦哦一輪,不過好感激佢供書教學同嚴厲管教下令我循規蹈矩。有時好想去表示愛佢,但阿媽好似永遠拒人千里外。而我亦同自己講,一定唔會用同一方法去教我個囡,我希望同囡囡可以有傾有講,起碼佢有咩事都會同我商量而唔係怕左我
http://tickers.cafemom ... w%2C%2C59.png..