| 王菲下月於上海舉行一場演唱會，真係一票難求架！(資料圖片) | |
王菲九月為演唱會舉行記者會。(資料圖片) 
(資料圖片) 王菲將於下月30日喺上海舉行一場《幻樂一場》演唱會，天后開演唱會，仲要只開一場，當然會係一票難求啦！今日就有大陸傳媒報道，話有黃牛賣廣告，開價王菲演唱會嘅第一排嘅開票要成100萬人民幣，認真嗱利！
自從王菲宣佈喺上海舉行一場演唱會後，當時官方已公佈演唱會嘅門票，最貴嘅係7800人民幣，最平嘅就係1800人民幣，阿菲嘅經理人陳家瑛當時仲話，1800嘅門票佔全場一半嘅位置，相信一般歌迷應該可以負擔。但係之前就傳過阿菲嘅演唱會嘅門票前排票係38000人民幣，同後排28000嘅人民幣，但10月25日官方售票平台發聲明辟謠，話門票仲未開始發售，市面上嘅都係假票，仲提醒歌迷唔好受騙，但今日就再有黃牛黨嘅廣告顯示，阿菲嘅上海演唱會黃牛價最低係1800人民幣，CD區門票係7800-18800人民幣，AB區係7800-21800人民幣，第1排1號2號嘅門票就叫價100萬人民幣。
發表於 
返回列表
