家事百科 今日: 1 | 主題: 39130

積分: 255

1^#

發表於 16-12-23 01:01 |只看該作者 |倒序瀏覽 |打印

我住緊居屋，我間房隔離就係人地廚房，唔知係咪水喉老化，佢一開水就有vv聲響！

平時夜晚7、8點佢地煮完飯洗碗唔嘈到我同老公瞓覺都算，呢一兩個月有時凌晨3點幾較timer 洗衫真係俾啲聲嚇醒，無覺好瞓⋯⋯忍無可忍先投訴！

同管理處講，叫我凌晨聽到有聲先投訴，上到嚟人地都關左水喉啦⋯⋯
叫管理處約時間試下，隔離屋又死都話唔關佢事遲遲都無回覆！

試過直接同隔離屋講，門鐘又無，拍門又唔應，好似逃避緊咁，完全唔知想點⋯⋯

遲啲我生左bb要坐月好需要休息，到時仲有呢啲噪音真係人都癲⋯⋯ 有咩辦法可以快啲解決...?!

0 0 0

私人傳訊

積分: 20619

2^#

發表於 16-12-23 08:15 |只看該作者

比比的媽媽發表於 16-12-23 01:01
我住緊居屋，我間房隔離就係人地廚房，唔知係咪水喉老化，佢一開水就有vv聲響！

平時夜晚7、8點佢地煮完飯 ...

呢個程況，如你非常肯定係隔離屋一開水喉就有聲，就係水錘效應。
好大機會係你鄰居的喉管係老化，但對方有方法可以解決到。

你夜晚一發現有聲叫管理處上嚟聽無可能，你自己去親自拍門人哋都唔睬你，因為佢唔知你係邊個，除非佢識你。

暫時唯一方法，你要求管理處聯絡你隔離單位的業主，相約時間做個實地測試，有結果後，先有其它嘢可以做到，暫時不想係度長篇大論，因為我發覺呢度有不少人係搞事，唔係真心幫人解決問題

我建議你書面去信管理處，要求佢哋拹助，不要“口講口賠”，並且要求佢哋定時報告進展給你。最好你記低埋幾時幾刻聯絡過邊個，要有好好記錄，因為係作為日後採取行動的證據

不過，你有心理準備問題唔係一時三刻可以解決，但真係要做左第一步先

P. S. 我做左物管廿幾年

私人傳訊

積分: 255

3^#

發表於 16-12-23 10:32 |只看該作者

crshk 發表於 16-12-23 08:15
呢個程況，如你非常肯定係隔離屋一開水喉就有聲，就係水錘效應。
好大機會係你鄰居的喉管係老化，但對方有 ...

多謝你解釋得咁詳細。
我已經打左個email去管理處，attach 埋啲錄音、日期時間資料俾佢地。

請問係咪夜晚11點-朝早7點發出噪音我先至可以投訴？

私人傳訊

積分: 20619

4^#

發表於 16-12-23 10:54 |只看該作者

比比的媽媽發表於 16-12-23 10:32
多謝你解釋得咁詳細。
我已經打左個email去管理處，attach 埋啲錄音、日期時間資料俾佢地。

唔係，嚴格來講滋擾無分時段，普通法同成文法“嘈音管制條例”所規管的不同，當然最終你要向你的律師尋求法律意見
不過順帶一提，你依家可以拍定片做記錄，係你間房拍低嘈音發生時的情況，一定要在每日不同時段，環境一定要好寧靜，以便錄到嘈音，而且要顯示到日期和時間，將來不幸要採取法律行動時會好有用

私人傳訊

積分: 255

5^#

發表於 16-12-23 11:14 |只看該作者

crshk 發表於 16-12-23 10:54
唔係，嚴格來講滋擾無分時段，普通法同成文法“嘈音管制條例”所規管的不同，當然最終你要向你的律師尋求法 ...

好，多謝你嘅建議。

如果同管理處搞左好耐都無結果，有無可能可以搵公證行幫手？

私人傳訊

積分: 20619

6^#

發表於 16-12-23 11:38 |只看該作者

可以，但收費不平，通常真係無得搞，要採取法律行動先行呢步

私人傳訊

missvivi

男爵府

積分: 5530

7^#

發表於 16-12-24 22:59 |只看該作者

回覆：crshk 的帖子

比個like你！高水準答案，真心幫人！

私人傳訊

積分: 20619

8^#

發表於 16-12-25 09:38 |只看該作者

missvivi 發表於 16-12-24 22:59
比個like你！高水準答案，真心幫人！

唔洗 LIKE。。。
我覺得上得黎呢度應該係真心問人, 所以真係真心答, 工作上成日遇到，幫下人無乜所謂。。

不過個個網都有D 真心搞事既人, 呢度也不例外。

私人傳訊

bbmiumiu

大宅

積分: 1257

9^#

發表於 16-12-27 00:55 |只看該作者

回覆：crshk 的帖子

真心幫人，好人有好報，我都想俾like你！

私人傳訊

ms_stefan

大宅

積分: 3497

畀面勳章

10^#

發表於 17-1-6 16:47 |只看該作者

我屋企都係咁, 最大問題係唔知邊一户，朝朝早都沙沙聲起碼30分鐘, 好煩~

私人傳訊

積分: 255

11^#

發表於 17-1-6 17:46 |只看該作者

ms_stefan 發表於 17-1-6 16:47
我屋企都係咁, 最大問題係唔知邊一户，朝朝早都沙沙聲起碼30分鐘, 好煩~

你朝早先有？係咪人地刷牙洗面？

我隔離屋死都唔認凌晨喺廚房有開過水⋯⋯
呢一個星期11點之後就無開水，我估避風頭

私人傳訊

momososo

伯爵府

積分: 15601

12^#

發表於 17-1-8 16:12 |只看該作者

crshk 發表於 16-12-23 08:15
呢個程況，如你非常肯定係隔離屋一開水喉就有聲，就係水錘效應。
好大機會係你鄰居的喉管係老化，但對方有 ...

我屋企厠所亦有很大的去水聲，晚上要関上廁所門，否則被吵醒！特別是早上六點幾開始梳洗用廁所，及晚上約九時多後冲涼時段，可能間中到深夜3㸃，總是聽到去水渠衝激聲音，繁忙時間較頻密，10分鐘左右一次，時長時短，可能同用水多少有関，樓上剛入伙2年左右，但可能無換喉。依頻密度來看，不似只是一家人用水，又未知是否幾層樓嘅廢水都經我嗰層而產生噪音？已請管理員上來check, 他們要連同十時才到位的師傅一齊檢查，十時幾後已較安靜，難測到！結果，派人上樓上單位冲水，又聽不到喉管噪音！真煩！

未知是否與水管老化有關？請指教！

私人傳訊

積分: 20619

13^#

發表於 17-1-8 16:27 |只看該作者

momososo 發表於 17-1-8 16:12
我屋企厠所亦有很大的去水聲，晚上要関上廁所門，否則被吵醒！特別是早上六點幾開始梳洗用廁所，及晚上約九 ...

你住幾多樓? 成棟樓又幾高?

如果係污水渠落水聲的話，係好難搞, 當然有其他辦法.

樓主的情況同你不同, 佢係食水來水喉有聲，處理方法不同的.

“結果，派人上樓上單位冲水，又聽不到喉管噪音！” - 係無用的, 佢地無可能模擬到繁忙時間幾戶人甚至更多戶同一時間沖水的情況。

私人傳訊

積分: 20619

14^#

發表於 17-1-8 16:30 |只看該作者

momososo 發表於 17-1-8 16:12
我屋企厠所亦有很大的去水聲，晚上要関上廁所門，否則被吵醒！特別是早上六點幾開始梳洗用廁所，及晚上約九 ...

仲有, 污水喉好少換, 除非塞左要拆開通喉, 漏水或意外整穿整爛左.

私人傳訊

ms_stefan

大宅

積分: 3497

畀面勳章

15^#

發表於 17-1-10 10:50 |只看該作者

回覆比比的媽媽的帖子

應該係一用水就有聲, 廚房洗手間同我房都聽到，唔細聲呢排仲有D開關水喉嘅吱吱聲, 早上同夜晚真係不停，下午我唔喺家就唔知

好煩擾!

私人傳訊

momososo

伯爵府

積分: 15601

16^#

發表於 17-1-11 01:26 |只看該作者

crshk 發表於 17-1-8 16:27
你住幾多樓? 成棟樓又幾高?

全棟樓有12層，我住低層！最煩是一至六都出咗去，星期日寫字樓和師傅又休息，且噪音又少咗，真麻煩！污水渠落水聲是近幾個月才出現，不知是何原因做成？

私人傳訊

Linda_lady

禁止訪問

積分: 6621

17^#

發表於 17-1-11 03:08 |只看該作者

提示: 作者被禁止或刪除內容自動屏蔽

私人傳訊

積分: 20619

18^#

發表於 17-1-11 07:27 |只看該作者

momososo 發表於 17-1-11 01:26
全棟樓有12層，我住低層！最煩是一至六都出咗去，星期日寫字樓和師傅又休息，且噪音又少咗，真麻煩！污水渠 ...

如果你甘樣講, 我只可以估計係樓上單位用水量大左，例如之前無人住, 所以在繁忙時間大量污水在同一時間排出, 加上你住低層, 所以一定 “應聲"。其實可能日日都係甘, 只不過星期一至六你都出咗去不為意.

你可以做的, 係自己係污水喉包防火隔音棉, 會有改善，但師傅手工要好同你隨時拆走俾管理處維修污水喉, 因為條喉係公用設施，理論上你無權掂佢。管理處未必會用公費係污水喉包防火隔音棉，好少甘做.

私人傳訊

momososo

伯爵府

積分: 15601

19^#

發表於 17-1-12 01:51 |只看該作者

crshk 發表於 17-1-11 07:27
如果你甘樣講, 我只可以估計係樓上單位用水量大左，例如之前無人住, 所以在繁忙時間大量污水在同一時間排 ...

多謝你回覆！是近3丶4個月日日都係咁嘈。因我九點或十點後才出門，所以八點半前是繁忙時間，朝朝在洗手間內便聽到頭頂嗊隆、嗊隆不斷的噪音；晚上亦如是，所以甚煩！初時懷疑喉內是否有隔水的東西壞咗，所以污水直瀉而下，衝激而產生噪音！但有時少量的水亦聽到流水響聲！

請問防火隔音棉在哪裏買？或可試試！

私人傳訊