激死我啦!莫非因為你冇借財仔我就要感恩同啞忍.....
1. 講明細佬超怕羞,入房唔該先敲門!
結果︰細佬換緊衫,佢撞咗入去!細佬即時喊到似比人姦咁...
2. 講明唔該唔識唔明就問啦!問咗至做啦!
結果︰i. 買錯米,細佬提佢買錯咗,佢唔理。照開包米入哂落米缸迫你食!
ii. 比埋相,寫明要買500ml既雞湯,佢買1升既返嚟。佢話啲職員話係500ml喎!(唉...你自已有眼睇個盒寫明係1L囉!)
3. 講明午餐食魚旦米線加啲菜啦!
結果︰成碗翠玉瓜草菇米線,就係冇魚旦!(佢解釋︰有太多菜啦,所以唔買魚旦)>>>>妖,咁冇人叫你買咁多翠玉瓜同草菇囉!買多咗都可以唔落哂啫....咁家陣我係要魚旦就冇魚旦點算先?
4. 至今半年嘞,我每餐都要續杯水"要求"我地至可揍夠數每人有杯水飲吓!但有一次佢竟然問我︰MOM, NO HOTWATER! (天啊,個廚房係你既,你下午做咩唔煲水?)好嘞,細佬終於有水飲,但我一摸,啲水熱到我都拎唔起隻杯.....
5. 好,蕃茄炒蛋!我唔想再食佢嗰隻蛋餅形式既(我STYLE係大大舊蕃茄有汁嗰隻),咁我同佢講今次等我切同煮啦,點知落一落街買啲野,返嚟佢又炒哂佢做咗賓記蛋餅!唔緊要,過咗兩日我又叫佢買蕃茄返嚟諗住大顯身手,結果雪櫃冇蛋!繼而又發現有過期食物唔處理,之後原來啲油只剩半寸,米只夠一日....(總之要乜冇乜!) OKIE,再等一日,我又話自已煮啦....
結果︰我入房陪細佬做一陣功課,佢又走去同我切咗啲蕃茄,好在今次佢喺切咗6份時走入嚟問我使唔使去籽...雖然我都嬲到震(你又唔問就切咗我啲蕃茄,但既然係我想要既SHAPE咁就算啦!)所以都笑笑口同佢講Thankyou今次你做得啱嘞!...世事又邊會咁順利吖,我過咗一陣再入廚房,我就變成欲哭無淚嘞!因為我啲蕃茄再次變成碎粒.... xzxyxzyxzyx
當然又係煮唔到啦!
6. 喺見過鬼就怕黑同埋冇啖好食情況吓,我唯有自已買餸自已煮!我隔晚浸咗啲蝦米同乾瑤柱....又諗住整大龍鳯啦!
結果︰我揾極都唔見啲乾瑤柱喎,一問之下,原來佢見我話佢好切哂啲蕃茄變粒粒,佢呢就用哂我啲干瑤柱煮蕃茄做lunch!天啊!...........我可以點?? 我今晚又煮唔到我食既野,少咗味菜!(我審問佢︰咁你又唔出聲用咗我特登親自準備既材料,咁我現在可以點??>>佢叫我煮過另一味啦!) 吖......救命....啊!