吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 小產，引產打氣區

想生BB 今日: 5|主題: 109050

收藏本版

發帖

返回列表

跳至頁

查看: 18502 | 回覆: 69

小產，引產打氣區 [複製鏈接]

12 3 4

vivivo

大宅

積分: 3559

1^#

發表於 17-9-18 11:27 |只看該作者 |倒序瀏覽 |打印

我最近21周引產。引產很痛，但我心還要痛。冇BB坐月。谷奶好痛。呢種痛覺得冇人可以明白。只能自成受。
在街上看見好多人大肚唔敢望。
行過超市商店有BB嘢賣，又眼濕濕。買完M巾就快D走。
有一日，在coffee shop旁邊坐左個孕婦。我忍不住喊出黎。我當時好想走，但約左朋友。
雖然好想生多個，但怕心裡大壓力。如果怕，係唔係我未ready呢？
有冇JM可以share你地經歷？

0 0 0

私人傳訊

流沙包

大宅

積分: 2739

2^#

發表於 17-9-18 13:16 |只看該作者

vivivo 發表於 17-9-18 11:27
我最近21周引產。引產很痛，但我心還要痛。冇BB坐月。谷奶好痛。呢種痛覺得冇人可以明白。只能自成受。
在 ...

過渡期
開始時喺好大感觸，見到人地個肚就會計翻如果喺自己都有噤上下大，最慘就喺之前登記落嘅媽媽會，喺預產期打比你問候嗰時，只想即刻收線，同朋友分享等自己不要亂諗有用咩？朋友又不是過來人，最多只會講安慰說話，自己每提一次就傷心多一次。
時間可以幫你淡忘一點

私人傳訊

Karennsiu

大宅

積分: 1628

3^#

發表於 17-9-18 13:38 |只看該作者

一開始真係會好傷心，因為我係臨生前幾日冇左。
一開始真係唔識面對其他人，出街見到其他小朋友同媽媽真係好傷心。
養好身體努力我相信大家都好快會再有。

私人傳訊

sillyhoho

別墅

積分: 560

4^#

發表於 17-9-18 14:01 |只看該作者

回覆樓主

7wks時冇在，剛剛好過在一個月了，等緊M再來，好想快d再試，但係點都要調理好身體先，等待既日子真是過得好慢

私人傳訊

vivivo

大宅

積分: 3559

5^#

發表於 17-9-18 16:03 |只看該作者

流沙包發表於 17-9-18 13:16
過渡期
開始時喺好大感觸，見到人地個肚就會計翻如果喺自己都有噤上下大，最慘就喺之前登記落嘅媽媽會，喺 ...

遲幾個月到我due date. 我都唔敢想像果日會點。有媽媽會打俾我，佢話會寄D禮物俾我。我話唔洗。睇報紙邊個明星有左，邊個生左，邊個小朋友點，我真係唔想睇

私人傳訊

流沙包

大宅

積分: 2739

6^#

發表於 17-9-18 17:00 |只看該作者

vivivo 發表於 17-9-18 16:03
遲幾個月到我due date. 我都唔敢想像果日會點。有媽媽會打俾我，佢話會寄D禮物俾我。我話唔洗。睇報紙邊個 ...

當淡淡地埋藏喺心入面嘅時候媽媽會又會再打黎話恭喜你呀媽媽，BB喺未同預產期一樣出左世呢，習慣左未呀⋯⋯。嗰刻好後悔點解當日會登記左。
個明星B百日宴喇，個媽媽產後又覆出喇，睇到個心那住那住

私人傳訊

vivivo

大宅

積分: 3559

7^#

發表於 17-9-18 17:14 |只看該作者

Karennsiu 發表於 17-9-18 13:38
一開始真係會好傷心，因為我係臨生前幾日冇左。
一開始真係唔識面對其他人，出街見到其他小朋友同媽媽真係 ...

你明白你好難過。你好勇敢。

私人傳訊

Karennsiu

大宅

積分: 1628

8^#

發表於 17-9-18 17:37 |只看該作者

回覆 vivivo 的帖子

其實1開始真係好傷心嫁，引產後見到自己個bb覺得好傷心。做身後事果陣心真係好痛，但都要努力起來，再咁落去都好難有下次機會。
所以你都要努力面對，我而家間中都會諗起bb個樣，
都會傷心一陣，希望佢會再一次返黎我身邊啦。
我相信你既bb都會再一次返去你身邊，而家係佢地比我地既考驗黎既，
你再努力面對到佢就會搵返你嫁啦。

私人傳訊

vivivo

大宅

積分: 3559

9^#

發表於 17-9-18 20:17 |只看該作者

Karennsiu 發表於 17-9-18 17:37
回覆 vivivo 的帖子

其實1開始真係好傷心嫁，引產後見到自己個bb覺得好傷心。做身後事果陣心真係好痛，但 ...

所以我話你好勇敢。
引產果日，我永遠都會記得。呢種傷痛，好像一條疤痕在我心裡面。
我冇勇敢見BB一面。怕自己受唔到。
我知道自己未ready. 好怕又會再失去。怕懐胎十月每日的擔心。其實我想知道，我會再ready 嗎？

私人傳訊

vivivo

大宅

積分: 3559

10^#

發表於 17-9-18 20:29 |只看該作者

流沙包發表於 17-9-18 17:00
當淡淡地埋藏喺心入面嘅時候媽媽會又會再打黎話恭喜你呀媽媽，BB喺未同預產期一樣出左世呢，習慣左未呀⋯ ...

希望D媽媽會唔好再打俾我。
D娛樂新聞真係好煩。D明星大肚成日show個肚出黎，又點點肥肚唔肚媽。
加油呀！而家只想心情平服D，過返正常生活再決定試唔試。

私人傳訊

yanbibi

別墅

積分: 864

11^#

發表於 17-9-18 20:36 |只看該作者

vivivo 發表於 17-9-18 11:27
我最近21周引產。引產很痛，但我心還要痛。冇BB坐月。谷奶好痛。呢種痛覺得冇人可以明白。只能自成受。
在 ...

宜家開始見到差唔多同期懷孕的朋友、同事開始生，心裏很不是味兒。引產到宜家已經3個星期，老公已經好似無事一樣，但我仲未ready, 好快就要返工，真係好怕面對所有人。今日返公司簽文件，竟然有人問我係咪生左！（我係醫院返工），相信相同既事仲會發生好多次(emoji)

私人傳訊

lovebbjai

大宅

積分: 2083

12^#

發表於 17-9-18 22:49 |只看該作者

23w6引產，原本呢幾日edd 成個月都過得好漫長好難受。

私人傳訊

lokheibaby

大宅

積分: 4764

13^#

發表於 17-9-18 23:13 |只看該作者

vivivo 發表於 17-9-18 11:27
我最近21周引產。引產很痛，但我心還要痛。冇BB坐月。谷奶好痛。呢種痛覺得冇人可以明白。只能自成受。
在 ...

我27w突然穿咪水，28W緊急開刀，bb肺部受感染，出世三天就回天家了，頭個一個月坐月期間，眼前甚麼美景，也被一層灰色霧漫掩蓋，乜都提唔起勁，過左坐月自己作出調校，因我突然剖腹生產，就放了十星期產假，我的朋友為我節目安排得密麻麻，行街，食飯，睇戲，唱K，冇一刻係獨處，務求回覆正常生活。
其實……無論任何情況失去孩子，做媽媽都承受不同程度既痛楚，因為活生生的血脈相連，身邊好朋親友亦有期待，自己受盡各友祝福，突然間既失去，【怎麼面對交待】【身心失去痛楚】【日後怕再失去】……等等，滿腦袋全是？？號！！號。
但我可以保證大家，只是時間問題，首先坐好月子，把身體調養好，除了習慣性病例，每個懷孕都獨立，最重要多同家人或好友細訴，講出感受難處，唔好屈埋自己，多深呼吸，多做帶氧運動，保持正面心境，千其唔好唔咁多點解，因怕引起負面情緒，又會哭又要兩三日先回覆正常，要把忙碌注入生活，多大班朋友約會，時間過一排，心情就會好返好多，心情靚就易

。
希望大家可以盡快走出傷痛既陰霾，回覆正常。
我事隔五年，有時返風落雨添傷感，我都會流馬尿

，掛念我在天家的女兒，其實都正常事，大家加油丫

私人傳訊

瑪麗皇后

大宅

積分: 1837

14^#

發表於 17-9-19 05:26 |只看該作者

回覆樓主:

我是照結構發現bb有先天牲嚴重心藏病，忍痛在23w4d 停心跳引產的。我和你一樣當時也沒有見bb最後一面，怕自己頂唔到。事隔都有2年了，由最初日日喊唔返工唔見人瞓唔到覺，輕微產後抑鬱，見心理醫生精神科醫生食药，幾個月後突然自己叮一聲同自己講唔可以咁，一定耍正能量先可以好身體，bb先會返來。另外老公其實都好心痛，因為bb係共同嘅，佢嘅傷唔會比我少的，我要照顧返佢感受。所以之後我好積極睇中醫調理，返番工，去做運動，所以我只係食咗2個月精神科葯就断尾。跟住我開始返正常社交，雖然直至今天仍未有bb,但已睇開了，有冇都隨緣吧。最緊要2公婆继續恩愛，健康便好了。所以樓主你也要加油，坐好月有好身體，時間是最好的良药。

私人傳訊

angelpok

複式洋房

積分: 360

DHA勳章

15^#

發表於 17-9-19 10:59 |只看該作者

vivivo 發表於 17-9-18 11:27
我最近21周引產。引產很痛，但我心還要痛。冇BB坐月。谷奶好痛。呢種痛覺得冇人可以明白。只能自成受。
在 ...

本帖最後由 angelpok 於 17-9-19 11:05 編輯

本帖最後由 angelpok 於 17-9-19 11:02 編輯

你們都很勇敢面對，我第二胎8wk因為BB停心跳，剛剛11wk做定期產檢當天流啡，馬上去照超聲波時已成定局，咩都做不到。只可以揀吃藥人工流產或刮宮。我會內疚為什麼帶不到BB來這個世界，陀仔期間自己做錯了什麼，外出見到孕婦會妒忌，朋友開解我流產是BB自然淘汰，其實是件好事，我理解事實，但接受不了現實，十個孕婦中有一個流產，為什麼偏偏是我？流產後三天我會無故痛哭，但之後已經不流眼淚了，只是仍會思念及想＂如果她/他仍在的話，會點點點＂，我踏入高齡了，也不知仍有沒有勇氣/機會懷第三胎。

私人傳訊

vivivo