懷孕前後今日: 15|主題: 329691

收藏本版

發帖

返回列表

跳至頁

查看: 2926 | 回覆: 19

我的安胎路加浸會開刀產子記 [複製鏈接]

yoyopie

別墅

積分: 641

1^#

發表於 18-1-13 22:51 |只看該作者 |倒序瀏覽 |打印

我仔仔今日滿月，好想分享一下我安胎同浸會開刀產子記

以前安胎訓床日日都睇bk ，日日都倒數bb幾時出黎，日日刨人地分享既私院開刀記，好希望自己都有一日可以分享到我產子既一刻比有需要既媽媽睇，交換下心得...

我由6週開始發現自己流血流啡到22週左右，心情係點兩個字：無助，點解？睇過好多個醫生，入過急症，試過爆血call白車，住過幾間醫院，一路有check 宮頸，只知道16週開始由3點幾一路到20週照結構都短落去去到臨界點，但當時人人只話我知流血流啡都係原因不明，咁多個醫生講得最多就係，你係作小產，你9成都係會早產了（未過24週就叫小x啦）天呀！我o係10週時做左T21驗到係男孩子既時候我同老公都開心到跳舞，你叫我點面對到。因為咁，我就同公司申請停職，我要專心養胎。當時我自行養胎，再定時番醫院呀私定醫生覆診，o係屋企食屙訓，徨徨恐恐咁過日子，因為血跟本冇流少到，我重可以點？日日上bk睇post，見到好多jm都睇佢，咁我見佢好似好出名，我就預約左去睇，橫掂我都冇方法了。

一睇，佢斷定係因為我有宮頸短問題，都係o個句，你好容易會早產，如果你唔戴托環同休息既話，bb都可能保唔住架喇。

我二話不說戴啦，唔出街日日訓床都冇問題，個時既我沖涼都坐o係度，一日訓床訓足廿個鐘，你可以話我大驚小怪，但有咩重要得過保住呀b出黎丫？
苦中一點甜係，我真係冇再流血流啡了。

日子難難過過咁過左去了，覆診的士來回外我都留o係屋企張床上面，係bk 識到個同路媽媽，大家互相鼓勵，我真係多謝佢分享好多知識我知。

中間段日子我重竟然中左妊娠糖尿，要食營養餐。我重o係35週見紅左成個星期但冇動靜重停埋血，嚇到我呢...

當中最開心就係每兩星期去覆診，雖然等好耐，但次次聽到醫生既鼓勵同報告bb既現況，我同老公對眼次次都好濕潤...

好唔容易到左38週，我選擇開刀見我仔仔。

（續）

0 0 0

私人傳訊

yoyopie

別墅

積分: 641

2^#

發表於 18-1-13 23:03 |只看該作者

yoyopie 發表於 18-1-13 22:51
我仔仔今日滿月，好想分享一下我安胎同浸會開刀產子記
以前安胎訓床日日都睇bk ，日日都倒數bb幾時 ...

浸會產子記

入浸會生仔lu
好舒服完全唔緊張
唔似入黎生b似渡假咁款
麻醉師講解好好
幾個護士照顧你一個
個個產婦order 早晨全餐食十幾樣野又粥又腸粉又蘿白糕但我聽日只可食粥水
六點換手術袍
七點推我入去手術等候室
心諗醫生係咪甩底
開始種豆打麻醉
其實手術室一d都唔恐怖
最恐怖係政府醫院照超聲波房
最驚係全身屈曲驚自己郁左會變殘廢
一打完麻醉覺得心跳好快
但慢慢對腳冇力麻痺發熱
好爽好似做facial 灘直
過程好快中間開開下刀好似訓著左
醫生話成全我所以開刀佢係出名好鐘意幫人順產
Feel到係咁有人郁你個肚但心情係爽既
老公好緊張係咁話唔使驚佢會陪住我
好似係我陪緊佢
同我支持緊佢叫佢唔好驚
呀b好快就出左黎
喊得好大聲
開眼望左我幾秒又合番眼仔
醫生話佢都幾大隻，傷口都大大地

整晒野等我情況穩定一對一姑娘睇住mon 實
上番病房，呀b沖完涼黎學啜奶影下相
之後番去佢bb房四個鐘後姑娘餵奶奶
四個鐘後麻醉藥過，子宮收縮
開始飲得水但全身都發熱
第二日已經落得床

醫生話要比番個環我做紀念因爲救番我同呀仔。

係，我衷心多謝佢幫我戴上托環...
因為我真係睇十個醫生只有佢知道我真真正正需要，
多謝你，孫醫生。