比左錢先, 或者都可以
【本地代購】 港媽「好日唔過海」 搭網友幫人買禮物捱轟
為咗買嘢你可以去到幾盡? 有網民喺Facebook大埔群組公開發帖，問有無網友喺銅鑼灣Sogo返工可以幫手買對童裝鞋返大埔交收，原因係「好日都唔過一次海」。
此post一出，引嚟一眾網友嘩然。事關細問之下，原來呢位媽媽非自用，而係佢嘅家姐想買對鞋送俾朋友，佢應承咗家姐，但佢本人要湊小朋友好少過海，所以喺谷度搵人幫手過銅鑼灣買。有網友話「尖沙咀都有sogo，坐271出去都好方便」，「唔係sogo著唔上腳乎」，而樓主就話「如果你係其他地方買到我都想 唔幫手或者唔知咩事可以skip 唔需要係到gut人」、「廢事講要湊小朋友咪就係怕左果班湊小朋友大哂 過海要申請果班道德L囉」。不過…… 有網友上網check，其實間舖有多個銷售點，根本不用過海。無幾耐樓主報喜，真係有人願意幫手買。
網友就覺得，湊著小朋友唔過海唔係大唒，麻煩唔識嘅人搭上搭買嘢亦都唔多妥當，「叫唔識嘅人幫你買對波鞋，原來係送比人﹐佩服」，「有人幫你唔代表你岩，只係你好彩，湊小朋友唔方便可以選擇送你買到既，同埋睇下間野有冇分店」，「買禮物送俾人梗係自己handle到㗎啦(無論金錢定能力)身邊無朋友幫到手嘅時候就應該轉目標啦」，「如果post係相熟嘅媽媽谷，或者有人會好心情唔怕蝕底幫你，但呢度係大埔谷，39唔識7，唔該都無句」，「真係估唔到會發展到咁嘅地步，遲D連飯盒都要幫人買......」。
但亦有人覺得，「有人願意幫忙之下，又可以省車錢省時間，幫嘅人又好樂意，真係關其他人叉事！」、「如果我方便又識買，都可以幫你呢？我都係銅鑼灣返工，衣家搵到人就好啦」。
經過呢件事，有人仲講笑話要大力發展香港境內代購，潛力無限呀！你又肯唔肯幫呢位媽媽呢?
https://www.facebook.com/looop.hk/photos/a.763949130440724.1073741828.763939457108358/1000029836832651/?type=3&theater
發表於 
大開眼界
返回列表
