edea 發表於 19-7-25 18:26
我同意妳講法。唔係鬧佢,而係做女人都應該有尊嚴,今次遇到個人渣,但以後仍然希望有個好男人吧。
男人 ...
我咁睇,April無辜係拍拖五年,公認女朋友,點知原來背住佢同第二個女人生埋仔,今日突然被分手,仲要係同全部人一齊知,唔係佢知道先,如果個男人同佢私下講分手再公佈,果下唔會咁令人覺得晴天霹靂,一時三刻冇嘢可以理性分析到,只能最直接去質問。
但我同意女人唔好將男人放得太大太重,冇男人係唔會死,應該話冇人應該因為另一個人對自已唔好而要死,做人最緊要識得自己愛自己,今日被背叛,心痛難過,但如果有死嘅勇氣,不如努力活出更好人生,要俾個賤男更幸福。將怨氣恨意傾注晒落去,甚至命都唔要,對方依然覺得一文不值。
呢D賤男劣根性/死性不改,未婚妻以為會係佢最後一個女人?痴心妄想!April應該慶幸自己執身彩。
花旗太太生活在花旗國,留意時差,你問我未必即時答到。