吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› Daddy，我有說話想同你講

自由講場今日: 147|主題: 1300039

收藏本版

發帖

返回列表

跳至頁

查看: 11313 | 回覆: 119

12 3 4 5...6

積分: 845

1^#

發表於 19-10-25 05:02 |只看該作者 |倒序瀏覽 |打印

爸爸，你有癌症時我有左bb，屋企人唔想我出入醫院太多，你大部分覆診都係由老公同媽咪陪伴你，你會怪我嗎？我以為每次mark低所有要問醫生嘅問題，已好有規劃，但係依家回想，好似乜都無做過咁，你會怪我嗎？

大肚後期，為左想見你多d，方便照顧你，我地開始一齊住，但我自己有時心情唔好，工作一整天返屋企又好攰，陪你嘅時間唔多，又少幫你按摩。細個我地關係唔好，我17歲時已同你分開住，可能係相處時間少，有時想同你傾計，都搵唔到話題，只係識問你有冇食野，有冇飲多d水，我不善辭令，唔識同你傾計，又唔識開解你，驚一講野就喊，影響埋你情緒，你會怪我嗎？

0 0 0

私人傳訊

jasminchow

別墅

積分: 845

2^#

發表於 19-10-25 05:04 |只看該作者

jasminchow 發表於 19-10-25 05:02
爸爸，你有癌症時我有左bb，屋企人唔想我出入醫院太多，你大部分覆診都係由老公同媽咪陪伴你，你會怪我嗎？ ...

我記得你講過叫我唔好喊，你話好似飲茶咁，只係你飲完茶走先，傻女黎嘅，唔好喊，我果次又影響到你情緒，有嚇親你嗎？

你化療期間，成日都想食咖哩角，飲鴛鴦，我見到你食完就哦你少食呢d無益食物，偏偏你咁多年都係鍾意食呢d野，到後期你根本吞唔落野，你有怪我囉囉嗦嗦嗎？

私人傳訊

jasminchow

別墅

積分: 845

3^#

發表於 19-10-25 05:06 |只看該作者

回覆樓主:

你係醫院時成日叫媽咪買白兔糖椰子糖去，後期我就專登叫阿媽唔好買。我知道癌細胞係好喜歡糖份，我驚影響到你，就唔想你食咁多糖。原來隔離post有個癌症康復者話之前介左糖後個人好負面無晒力量，飲下熱朱古力成個人唔同晒。Daddy，我以為我為你好，但可能我有份令你無胃口，食唔落野，無心機打仗，你有怪我嗎？

私人傳訊

jasminchow

別墅

積分: 845

4^#

發表於 19-10-25 05:07 |只看該作者

回覆樓主:

隔離post話佢地屋企人成日煲湯比佢地嘅癌症家人，而我只係煮左幾次飯比你，唔知係咪唔岩你口味，你次次都食好少，又叫我買樽腐乳/炸菜比你送粥，我覺得得自己做得唔夠好。媽咪話你連湯都飲得2啖，只係想食蒸水蛋，後來你唔飲，媽咪都好少煲湯，你連營養奶都唔想飲，點解啊爸?

到Bb出世，咁岩你入左院，我地同一間醫院，我唔理所有野，出院當日都要抱埋bb去你果層搵你，但你唔敢抱bb，驚身體有菌，我又只係留左10分鐘，你就叫我快d走，好多菌，阿爸你有怪我驚你有菌嗎？

私人傳訊

jasminchow

別墅

積分: 845

5^#

發表於 19-10-25 05:07 |只看該作者

回覆樓主:

後來你出左院，我又餵人奶，bb成日喊，搞到你重要擔心阿b係咪唔夠飽，點解成日喊，又騷擾你休息，係咪咁樣搞到你身體重差左？

其實我有積蓄，係我唔好，驚bb出左世要洗好多錢，無辭工，我其實應該辭左工去陪伴你，照顧你，但我無做到，係我貪錢，我唔知你重係度嘅時間咁短，對唔住！

私人傳訊

jasminchow

別墅

積分: 845

6^#

發表於 19-10-25 05:08 |只看該作者

回覆樓主:

爸，我知你最鍾意去旅行，但我只帶你去過2次旅行，有次重坐商務客艙，你記得嗎？你說已好足夠，但我卻嫌自己做得不夠！我記得問過你，你重有咩想做，你話「無啦，我成世人最想就係搭飛機，你連飛機都帶我搭過，想做嘅都做晒，好滿足架喇」爸，你真係對我無要求嗎？面對一個初生bb，一個病人，我係咪應該辭左工同你去多次旅行呢？

私人傳訊

jasminchow

別墅

積分: 845

7^#

發表於 19-10-25 05:08 |只看該作者

回覆樓主:

中秋前一曰，醫院嘅人黎家訪，覺得你情況好差，食唔到野又瘦，又骨痛到行唔到坐唔到，媽咪無受過有關照顧病者嘅訓練，靠牛力枱你去廁所，比櫈仔你坐係度沖涼，所以院方決定即刻收你入院，不過唔係入普通醫院，係係照顧重症病人嘅細醫院，契爺話入得去，無幾多個出得番黎，因為唔嚴重都唔收你。

私人傳訊

jasminchow

別墅

積分: 845

8^#

發表於 19-10-25 05:09 |只看該作者

回覆樓主:

我果陣係公司，午飯時間知道呢個消息，忍唔住喊住打比你：「點解咁急送你入院啊？有冇話幾時出院？阿爸你會無事架，我會黎睇你架，你唔洗擔心，你一定會出院架，醫生無話要幾耐呀？」我記得我一路喊，你又唔知聽得清唔清楚，只記得你答我：「無事呀，做d檢查咋，放心啦。」明明知道你被我嚇親，明明知道你連講野都無力，而我只係咁無用重要你安慰我，算唔算不孝？

私人傳訊

jasminchow

別墅

積分: 845

9^#

發表於 19-10-25 05:10 |只看該作者

回覆樓主:

後黎你入左院，屋企人輪住去睇你，可惜人丁單薄，妹妹接受唔到你病，唔識面對你，亦少黎睇你。我一星期有1至2日去探你，平曰我朝早7點出門返工，夜晚6點半放工去醫院睇你，重要拎埋係公司揼嘅人奶去醫院，8點半離開醫院，返屋企已是九點3，重要沖涼洗頭先食飯湊仔，時間真係唔夠用。每次去探你，就只識幫你洗毛巾，洗杯，不停洗野，換水，按摩，又唔識講野，成碌木咁。

私人傳訊

jasminchow

別墅

積分: 845

10^#

發表於 19-10-25 05:10 |只看該作者

回覆樓主:

我重記得你問我，你好鍾意做野咩，黎左都無停過，坐係度陪下我啦。明明知你想我坐係度陪你傾計，但係自已個樣又扮唔到開心，驚望多你2眼就喊，唯有行黎行去，搵野做。記得有次你叫我幫你剪指甲，剪完我話剪埋腳，你明明唔好意思，但我蠢到死，只識話順便剪埋，無咩問題。

其實你係我老豆，就算要我幫你清潔大小二便，又有咩問題？阿爸你知道嗎？我一直無幫你換片，唔係因為驚你污糟，而係我怕你尷尬，我驚你唔鐘意，之前媽咪叫你著尿片你話佢痴線，後來行動不便，真係要著，為左你尊嚴，我先唔敢提，係咪好傻？

私人傳訊

jasminchow

別墅

積分: 845

11^#

發表於 19-10-25 05:11 |只看該作者

回覆樓主:

爸，你走左快2年，我好掛住你，今晚喊到成地都係廁紙，係咪好無用呢？我發夢都夢到你幾次，係咪你報夢比我知？阿妹話夢到你話咩痛苦都無晒，依家好舒服，重收到我燒比你嘅電單車，希望係真。

私人傳訊

jasminchow

別墅

積分: 845

12^#

發表於 19-10-25 05:11 |只看該作者

回覆樓主:

你d錄音我重有keep住，希望有一曰我有勇氣聽番。

我想你了，我的電單車車手爸爸，謝謝你這幾十年對我的信任和給我的自由，成就了我。大家都一切如常，妹妹也生性不少，只是媽媽還在想你，有空跟她夢中談談吧，Good night Daddy。

私人傳訊

K·C

複式洋房

積分: 457

13^#

發表於 19-10-25 05:53 |只看該作者

jasminchow 發表於 19-10-25 05:02
爸爸，你有癌症時我有左bb，屋企人唔想我出入醫院太多，你大部分覆診都係由老公同媽咪陪伴你，你會怪我嗎？ ...

本帖最後由 K·C 於 19-10-25 06:01 編輯

睇完好唏噓，感同身受。當年我爸走後，我都係好內疚、好後悔，覺得自己無盡孝道，好對佢唔住，亦不斷諗翻起過往點點滴滴，偶爾會情緒失控。其實你當時有左又好難做既，好多單野本身好瑣碎，唔可以話你做錯左，只係人走左，不免無限放大。唔好再怪責自己喇，相信你爸爸從來無怪過你，只係想你開開心心。加油！

私人傳訊

199707100304

公爵府

積分: 27645

虎到金來勳章牛年勳章

14^#

發表於 19-10-25 05:55 |只看該作者

jasminchow 發表於 19-10-25 05:11
你d錄音我重有keep住，希望有一曰我有勇氣聽番。

我想你了，我的電單車車手爸爸，謝謝你這幾十年對我的信 ...

本帖最後由 199707100304 於 19-10-25 05:56 編輯

睇完係咁流淚....

樓主你都要釋懷，做仔女通常覺得自己做得唔夠，但做父母既，只想見到你地安好，唔想影響到你。你爸爸到了一個冇痛苦既地方了，你也釋懷吧！你快樂就是你爸爸的快樂。

私人傳訊

okeymama

伯爵府

積分: 15183

2024年龍年勳章 2023年兔年勳章好媽媽勳章醒目開學勳章

15^#

發表於 19-10-25 06:05 |只看該作者

加油！

私人傳訊

HyperBB

大宅

積分: 1117

16^#

發表於 19-10-25 06:27 |只看該作者

睇到眼濕濕，一定要珍惜眼前人

加油！

私人傳訊

心肝寶貝仔

水晶宮

積分: 65648

17^#

發表於 19-10-25 06:29 |只看該作者

私人傳訊

cookieman

男爵府

積分: 6191

開心吸收勳章我的育兒心得勳章

18^#

發表於 19-10-25 06:29 |只看該作者

私人傳訊

BrandonMa

男爵府

積分: 8754

19^#

發表於 19-10-25 06:30 |只看該作者

呢個post 我一路睇一路喊，因為就快到我媽媽死忌，呢兩日我亦不停諗起我媽咪，她走左已五年，但我仍然好掛住佢！我都成日問自己係咪做得唔好？我媽咪亦係癌症走的，走前兩個月已經入左寧養部，由發現有病到走差不多三年，睇住佢尾個大半年受盡折磨，痛到瞓唔到食唔落，真係好心痛！最後係落住瑪啡情況下瞓住離開，唯一可以安慰自己既就係佢終於唔駛再受苦！
樓主，相信你爸爸一定感受到你既孝心，俾啲時間自己，慢慢會釋懷的

私人傳訊