國家地區媽媽會 今日: 1 | 主題: 20234

積分: 429

1^#

發表於 20-5-5 13:23 |只看該作者 |倒序瀏覽 |打印

本帖最後由 tomobaby 於 22-2-3 11:05 編輯

隨老公回流溫哥華兩年，以前係香港結婚後一直用姐姐，來到要適應環境做家務，學買餸煮飯，物價比香港貴，初來到樣樣都要慳，之後經歷過考車牌的艱辛過程，自己車個仔返學放學。度過了溫哥華四季，這段日子充滿挑戰，現在已經適應得七七八八了。
有無JM準備過來，心理忐忑不安，想知多啲溫哥華真實生活情況，一齊來傾吓吖

0 1 0

私人傳訊

sfly97

積分: 2432

2^#

發表於 20-5-6 10:03 |只看該作者

tomobaby 發表於 20-5-5 13:23
隨老公回流溫哥華剛好一年，以前係香港結婚後一直用姐姐，來到要適應環境做家務，學買餸煮飯，物價比香港貴 ...

物價比香港還貴嗎？

私人傳訊

aa06

子爵府

積分: 10928

3^#

發表於 20-5-6 13:51 |只看該作者

回覆 tomobaby 的帖子

我也準備過來，請問你而家住在溫哥華那裏？租盤易搵嗎？可否分享一下點樣報學校？

私人傳訊

積分: 429

4^#

發表於 20-5-6 14:39 |只看該作者

sfly97 發表於 20-5-6 10:03
物價比香港還貴嗎？

物價比香港貴10-20%, 但遇著減價時亦會減好多。
蔬菜水果會比香港貴，肉類比香港平。
日用品一定貴過香港，買支1L澳寶沖涼沐浴露，香港藥房below$30, 呢度係$7.79(未計税), 税後大約$8.8左右，即是約$50hkd. Dove 淋浴露呢度税前係$10-$13/支，視乎邊間超市。買返呢度品牌都要差不多$8-$10/1L裝，M巾 $7-9包/24片裝，最平嘅品牌$7.79/40片裝。主要食冰鮮魚/急凍魚，急凍倉魚$8-$10/條，活的游水魚最平都過$10/條。蛋牛奶肉類就比香港平。蛋$3-$4.5/打，奶最平$4.49/4L, 平時百佳買開嘅盒裝豆腐呢度$2.2-$3/盒
以上價錢係税前價格。加元x6等於香港價錢。
以前我係香港比錢姐姐買餸，我係無飯主婦。現多行超市，好熟價

私人傳訊

積分: 429

5^#

發表於 20-5-6 14:39 |只看該作者

sfly97 發表於 20-5-6 10:03
物價比香港還貴嗎？

另外，出街食一定比香港貴，出街食飯同零售購物一樣要比GST(消售税), 另加12-15%小費。有些高級少少的餐廳要比20%小費。比得少個waiter會追住你問係咪服務唔好。

私人傳訊

積分: 429

6^#

發表於 20-5-6 14:41 |只看該作者

sfly97 發表於 20-5-6 10:03
物價比香港還貴嗎？

税前計:老麥一個餐大約$9-$12，乾炒牛河$16/碟不包飲料, 珍珠奶茶$6-7/杯，飲茶點心最平由$6-7起跳。平時到普通茶記食個早餐大約$10-12, 午餐人均消費(税後+小費）大約$18-$23。所以一般人都會在家煮食。
買衫褲鞋襪，呢度無乜日韓款，搵到都貴同唔靚。呢度著衫多是function 性質，hoodie + leggings +風褸。遇著大減價可以好平，平到$5買件牛仔褸我都試過，不過款色一定不及香港。

整体說食物物價比香港貴少少，個質素高。日用品真係比香港貴，家用品香港隨時買到HKD$20-$30嘅嘢，呢度最平都要$6-$10(加元)起跳.
不過公平啲講，呢度冇乜娛樂，又無乜地方用錢消費，所以人工都係用哂落食同生活用品中。

私人傳訊

積分: 429

7^#

發表於 20-5-6 14:53 |只看該作者

本帖最後由 tomobaby 於 22-2-3 11:06 編輯

aa06 發表於 20-5-6 13:51
回覆 tomobaby 的帖子

我也準備過來，請問你而家住在溫哥華那裏？租盤易搵嗎？可否分享一下點樣報學校？ ...

我住Vancouver 租盤難搵，通常租盤一放出來，不消兩週就有幾個準租客查問。業主會挑最穩陣的租客，所以租樓有點似搵工，唔知自己係咪幸運兒。一般有寵物的業主都不租，這點要留意一下。

私校應該係直接去該學校查詢。讀公校你要去嗰區嘅school board登記，按照你嘅住址證明分配最近你家的catchment 學校比你，假如該所學校無位就會派第二近。公校間間差不多，間間都有叻同唔叻嘅學生。若想行香港mode催谷式就建議讀私校。現時查得好緊，父母最好都同時在加拿大居住，學校會不時查詢下你的家庭狀況。好似話驚啲人扔低小孩比啲老人家 /媽媽湊，爸爸返香港搵錢，變相攞了福利又交稅不多。

私人傳訊

積分: 429

8^#

發表於 20-5-6 15:09 |只看該作者

tomobaby 發表於 20-5-6 14:53
我住Richmond. 租盤難搵，通常租盤一放出來，不消兩週就有幾個準租客查問。業主會挑最穩陣的租客，所以租 ...

本帖最後由 tomobaby 於 20-5-6 15:28 編輯

到步搞掂居所和報學校後，應盡快學車。呢度考牌比香港複雜。我係香港有揸開車，來到都要從筆試考過。
分別在於:
香港無車牌/車牌2年或以下: 筆試+2次路試
香港有車牌2年牌以上: 筆試+ 1次路試

搭巴士唔係唔得，但是:
巴士站未必近你家門口，或是
可能要轉車先到目的地。在這個站落車可能要行一個block先到另一個站轉車，一個block大約行8-10分鐘。班次通常15分鐘，轉車又要夾時間。落雪日子更加想死行，步行極艱辛。
我去99家揸車8分鐘，未考到牌前，要行2個block後搭巴士，車程10分鐘，但計埋步行同等車，落車又要行少少，卻要50分鐘。之前未考到車牌，足不出戶，因為好怕搭巴士，好鬼煩。

私人傳訊

積分: 429

9^#

發表於 20-5-6 15:39 |只看該作者

回覆樓主：

本帖最後由 tomobaby 於 20-5-6 15:44 編輯

頭半年比較辛苦要適應環境。
好多人怕悶，唔呃你，對香港人來說，加拿大生活平淡乏味。呢度無乜商場，店舖擺設唔吸引貨品十年如一日，無乜街行。出街買野去邊都要揸車，呢度買餸買嘢係bulk purchase , 次次都幾大袋，無車搞唔掂。或者對習慣方便嘅香港人來說這裡好唔方便。

若你愛大自然喜歡寧靜，溫哥華生活真的不錯。生活是平淡，但小朋友上學好開心，食同住質素都比香港好。
四季分明，春天賞櫻，夏天到water park玩，秋天楓葉超靚，冬天滑雪。

生活模式跟香港完全不同，有些人一直不能適應(怕悶，太靜)所以又回流香港.但適應後會喜歡這裡生活，空氣好，環境好。
大家要加油啊！

私人傳訊

aa06

子爵府

積分: 10928

10^#

發表於 20-5-6 17:36 |只看該作者

回覆 tomobaby 的帖子

你小朋友讀的學校有幾多percent 是華人？我本來諗住在Richmond 住，但朋友話Richmond太多華人。你住condo 還是townhouse? 如果未有車牌，是否住downtown 比較方便？

私人傳訊

積分: 429

11^#

發表於 20-5-7 13:47 |只看該作者

aa06 發表於 20-5-6 17:36
回覆 tomobaby 的帖子

你小朋友讀的學校有幾多percent 是華人？我本來諗住在Richmond 住，但朋友話Richmon ...

90%係華人。溫哥華生活好難避免華人，想少啲華人可能要住得偏遠少少和環境僻靜一啲區份，因為白人都怕了華人嘈搬哂去較偏僻嘅地區。不過那些地方無乜超市，可能只有一間外國人超市，少少店舖，又會覺得好難適應。

未有車牌就算住downtown 都解決唔到問題。一來downtown 啲樓係天價，住落Vancouver 都比Richmond 租金/樓價貴好多，Richmond 又比Burnaby 貴一些。其實主要係加拿大地方大，唔同香港咁方便集中埋一齊。就算住downtown 可能都要走幾噠地方先買得齊，對腳頂唔順

私人傳訊

積分: 2876

12^#

發表於 20-5-7 14:55 |只看該作者

aa06 發表於 20-5-6 17:36
回覆 tomobaby 的帖子

你小朋友讀的學校有幾多percent 是華人？我本來諗住在Richmond 住，但朋友話Richmon ...

Richmond四隻角落頭相對華人比例低啲，我女個班得4成係。其實唔好太戒懷華人比例，大家係學校都係英文溝通，小朋友好快融入到。

你要華人少既地方就要去ladner、port moody、south Surrey、north van同delta，不過學樓主話齋，呢啲地方交通唔方便，揸車出入Vancouver同Richmond買嘢會晒好多時間，你要睇你點取捨。

未有車牌我強烈建議你住burnaby Metrotown附近，你買grocery、shopping、睇戲行路絕對okay，有skytrain可以出downtown。唔好處就係品流複雜，租金都唔平，亦都唔係非常小朋友friendly

私人傳訊

積分: 2876

13^#

發表於 20-5-7 15:11 |只看該作者

tomobaby 發表於 20-5-6 14:39
物價比香港貴10-20%, 但遇著減價時亦會減好多。
蔬菜水果會比香港貴，肉類比香港平。
日用品一定貴過香港 ...

蔬菜水果你試下夏天幫襯Richmond country farm，大部分新鮮蔬果價錢比超市低一截，freshco大部分蔬果價錢平過save on同Safeway

呢度蔬菜水果合時令我覺得抵食好多，夏天食多啲蕃茄青瓜黍米berries，秋天食多啲南瓜蘋果根莖類，加加埋埋grocery用少好多錢

私人傳訊

sfly97

積分: 2432

14^#

發表於 20-5-7 17:02 |只看該作者

tomobaby 發表於 20-5-6 14:39
物價比香港貴10-20%, 但遇著減價時亦會減好多。
蔬菜水果會比香港貴，肉類比香港平。
日用品一定貴過香港 ...

好詳細！ thanks!!

私人傳訊

aa06

子爵府

積分: 10928

15^#

發表於 20-5-7 22:13 |只看該作者

回覆 tomobaby 的帖子

多謝你的分享，請問找家庭醫生容易嗎？特別是華人醫生。

私人傳訊

積分: 429

16^#

發表於 20-5-7 23:18 |只看該作者

aa06 發表於 20-5-7 22:13
回覆 tomobaby 的帖子

多謝你的分享，請問找家庭醫生容易嗎？特別是華人醫生。 ...

本帖最後由 tomobaby 於 20-5-7 23:41 編輯

難啊，現在好多家庭醫生都不收新症，你要努力碰碰運氣。有經驗老一輩的華人醫生都收滿病人，新一輩較年輕的有些人嫌經驗不夠，不過我認為找到家庭醫生收新症已是幸運了。
我找到的是年輕華人醫生，不會說廣東話，會說普通話和英語。未搵到家庭醫生前，都可以walk in睇醫生，只是他不會存你的病歷紀錄。

一般傷風感冒醫生都未必有藥比你，通常都是叫你回家多休息，食多啲維他命C嘅食物補充。

找外藉家庭醫生會比較容易。

私人傳訊

積分: 429

17^#

發表於 20-5-7 23:38 |只看該作者

schokoladeheiss 發表於 20-5-7 15:11
蔬菜水果你試下夏天幫襯Richmond country farm，大部分新鮮蔬果價錢比超市低一截，freshco大部分蔬果價錢 ...

謝謝分享啊。Freshco 蕃茄比出面平，Richmond country farm我最愛那處的popcorn kettle

呢度買餸係好有趣，A超市疏菜比人平可惜肉類選擇少，B超市燒味靚啲但蔬菜貴，C超市罐頭日常用品最平但又無乜華人喜歡的菜類選擇肉類更是超大pack裝.......所以我地買餸若有時間會走渾幾間超市同其他farm格吓價，價錢可以差幾遠吓。亦會常常上網看Flyers睇睇那間超市有貨品做本週特價。
係香港，可能去一個wet market 一間超市就執齊所有嘢，非常方便。這裡可能要走幾處地方才買齊心水貨品，所以，有車確係重要。
當初來到我未考車牌時，就待weekend 老公放假，一家總動員去買餸，走渾幾間超市買哂一週要煮嘅餸菜。

私人傳訊

積分: 429

18^#

發表於 20-5-7 23:51 |只看該作者

schokoladeheiss 發表於 20-5-7 15:11
蔬菜水果你試下夏天幫襯Richmond country farm，大部分新鮮蔬果價錢比超市低一截，freshco大部分蔬果價錢 ...

哈哈，對啊對啊，我現在在花園種豆豆。如果自己能栽種，慳返唔少

私人傳訊

積分: 2876

19^#

發表於 20-5-8 02:46 |只看該作者

tomobaby 發表於 20-5-7 23:38
謝謝分享啊。Freshco 蕃茄比出面平，Richmond country farm我最愛那處的popcorn kettle

呢度買 ...

係呀，佢啲爆谷真係好好味！我期待佢今年快啲開翻，我好掛住1蚊5條黍米同1蚊kale

我都覺得係呢度買餸好晒時間，有時買乾貨零食我會買多啲，費時走一星期去咁多間超市。

你有無發覺華人超市某啲蔬果價格仲貴過save on，最麻煩係佢係好多都無upload flyer，真係要好清醒先好入去。

宜家pandemic好難好似之前逐間超市慢慢行，T&T人多到我唔想再去，食簡單啲算數。

私人傳訊