本帖最後由 pang329 於 20-5-26 19:17 編輯
我係新手,講錯嘢請多多包含
我係香港出世,細個跟媽媽移民去澳洲住,攞咗澳洲公民。
老公係土生土長嘅香港人。
香港工作穩定,暫時唔會考慮返澳洲。同埋工種關係,返去人工會比而家少一半有多,而且老公英文唔叻,過去難搵工。
因為跟呀媽入籍(同一張cert 有我名),雖然有住夠2年,但唔知我生嘅bb 可唔可以申請到做公民。因為最近有同我差唔多背景嘅朋友,生咗個女,已經半年。但澳洲唔批佢個女入籍,佢哋仲要已經成家都住喺澳洲。
預產係12/2020, 如果返澳洲生。我膽心個Covid-19 未完,會唔會好大risk?
如果返澳洲生,最遲幾時要返去?
可唔可以攞住香港醫生紙到3x 週返去生?同埋有啲咩要準備?
因為我係香港搵咗私家醫生生,如果要改就要係14/7前決定。希望有人可以指點迷津