嬰兒食譜

跳至

首頁

尾頁
   2


侯爵府

積分: 20034


發表於 03-2-11 16:32 |顯示全部帖子

有無煲粥好介紹

有無好介紹呀?


男爵府

積分: 9720


發表於 03-2-11 16:44 |顯示全部帖子

Re: 有無煲粥好介紹

妳係未想知用mug材料煲粥好呀?!
我通常會用:
甘筍,菠菜,小棠菜,南瓜,節瓜,蕃茄...
旦黃,銀鱈魚,鯇魚,廋肉...
我仔仔八個月大,最鍾意菠菜魚肉粥!


侯爵府

積分: 20034


發表於 03-2-11 17:08 |顯示全部帖子

Re: 有無煲粥好介紹

蕃茄同南瓜點樣


複式洋房

積分: 140


發表於 03-2-11 17:39 |顯示全部帖子

Re: 有無煲粥好介紹

HeiHeiMa

請問菠菜魚肉粥你點煲, 係唔係d粥同菜一起煲,d魚另外蒸, 跟住
溝埋一起.可否教o下我呀


大宅

積分: 4029


發表於 03-2-11 17:43 |顯示全部帖子

Re: 有無煲粥好介紹

可以用三文魚、白飯魚、沙猛魚、大眼雞……容易起骨
菜心、白菜、西蘭花、小唐菜……切碎
豬肉用水柳、雞胸肉、牛肉……切碎


大宅

積分: 2950


發表於 03-2-12 00:23 |顯示全部帖子

Re: 有無煲粥好介紹

肉類: 肉片 / 牛肉 / 魚 / 鴨腎 / 鴨心 / 雞肉
蔬菜: 冬瓜 / 節瓜 / 蕃茄 / 紅蘿蔔 / 木瓜 / 菜心 / 菠菜 / 南瓜
另類: 雞蛋 / 芝士 / 蜜棗 / 淮山 / 龍牙百合 (黃色O既, 未漂過果種)

我煲過一次淮山粥仔, 不過我個仔就唔多鐘意食. 所以冇再煲, 如果你想煲淮山粥仔, 可以用野山淮山(黃色), 磨成粉, 一匙羹淮山粉,凍水連米一同落, 煲好就食得.

蜜棗粥仔, 一至兩粒蜜棗, 洗乾淨, 凍水同米一齊落, (食味架咋, 蜜棗唔駛俾bb食), 煲好就食得. 呢味粥仔可以去痰火, 如果bb 岩岩起啖又或者傷風尾有幾聲痰聲, 食呢味都幾好. 亦都可以加入龍牙百合,先洗一洗D百合,然後浸佢半個鐘與蜜棗同下

雞蛋粥仔, 可以配一d蔬菜, 六個月大o既bb 只可以食蛋黃, 九個月之後先可以試食蛋白. 先將雞蛋烚熟, 去殼去蛋白, mashed 左d 蛋黃, 到d粥仔差唔多煲好, 就加入蛋黃. 九個月大之後, 可以先用四分之一隻蛋白, 加入蛋黃, 攪云, 到粥仔差不多煮好, 就可以加入準備好D雞蛋, 再煮, d蛋花都熟哂就食得架喇.

芝士, 都係九個月大之後先開始試, 煲好左o既粥仔 (肉類加菜o既粥仔), 加入一粒笑牛牌芝士 (原味), d 芝士會溶入d粥仔到o既. 又食得喇.

鴨腎 同 鴨心都有去奶積o既功效, 又係食味唔食材料o既, 洗鴨腎要去哂d黃衣, 洗鴨心要去哂d血, 用鹽黎洗就最好架喇.記住要過清哂d鹽喎
居天下之廣居,立天下之正位,行天下之大道;得志與民由之,不得志獨行其道;富貴不能淫,貧賤不能移,威武不能屈:此之謂大丈夫。


侯爵府

積分: 20034


發表於 03-2-12 09:40 |顯示全部帖子

Re: 有無煲粥好介紹

係邊到買三文魚


男爵府

積分: 9720


發表於 03-2-12 10:20 |顯示全部帖子

Re: 有無煲粥好介紹

Kittywin:
菠菜魚肉粥做法好簡單,首先將魚蒸熟,去骨後將魚肉整碎,
至於菠菜只要葉,切碎,待粥差唔多滾就落菠菜,滾一陣就得o勒,
最後落埋d魚肉就食得!
希望妳BB都鍾意食! :-P


大宅

積分: 3140


發表於 03-2-12 12:48 |顯示全部帖子

Re: 有無煲粥好介紹

nnfonder,

你好勁!! 真係我哋o既飲食顧問呀!! 你bb就好啦咁多好嘢食!! :-P :-P


大宅

積分: 3140


發表於 03-2-12 15:18 |顯示全部帖子

Re: 有無煲粥好介紹

nnfonder,

請問 "奶積"係乜?? 係面上o既奶癬, 還是係身體裡面o既呢??
咁鴨心 & 鴨腎係咪隨水落就得架啦??


大宅

積分: 1022


發表於 03-2-12 16:07 |顯示全部帖子

Re: 有無煲粥好介紹

nnfonder :
我想問下煮雞蛋粥仔,是否不用加肉類.....
是否蛋黃和蛋白一起加在粥內,好像煮粟米湯+雞蛋一樣做法
我豬仔都有13個月都味食過蛋白呀
豬仔媽


男爵府

積分: 8633


發表於 03-2-12 17:26 |顯示全部帖子

Re: 有無煲粥好介紹

nnfonder,
我囝囝唔鍾意吃蛋黃, 點算 我能佢唔like蛋黃果陣味, 我加落D粥度比佢吃, 佢吃一兩啖, 就唔吃啦, :-( :-(
小肥肥一族 我家有個 肥 爸爸, 又 有個 肥 媽媽,一定有個 肥 囝囝


大宅

積分: 2950


發表於 03-2-12 17:50 |顯示全部帖子

Re: 有無煲粥好介紹

No.2: 太抬舉了, 唔敢當呢.奶積係在身體內架, 好似熱氣咁囉. 唔係奶癬. 我就習慣左一個星期一定會煲一次鴨心, 一次鴨腎飯仔俾豬寶寶食架, 佢都好鐘意食. 兩樣都係水滾就可以放落去架喇

豬仔媽: 你個仔都13個月喇, 當然可以試下食埋蛋白啦, 你可以試下用豬肝, 瘦肉 同雞蛋黎煮飯仔丫, 我個仔食呢款飯仔就唔食豬肝O既, 只係食味, 瘦肉我用柳梅, 可以MINCED埋俾佢食.係呀, 好似粟米湯D蛋花一樣囉

YUYUNG: 你CHECK一CHECK PM先丫!
居天下之廣居,立天下之正位,行天下之大道;得志與民由之,不得志獨行其道;富貴不能淫,貧賤不能移,威武不能屈:此之謂大丈夫。


伯爵府

積分: 18372


發表於 03-2-12 23:42 |顯示全部帖子

Re: 有無煲粥好介紹

hi nnfonder:
D 蛋是否要烹了, 先至放落d congee到呢?


大宅

積分: 2950


發表於 03-2-12 23:49 |顯示全部帖子

Re: 有無煲粥好介紹

LITTLE_CY

你如果蒸開水蛋, 當然可以俾幾匙羹落D飯仔到啦,冇咩局限O既. 不過我自己就唔係成日食蒸水蛋, 所以都係用蛋花O既方法多D囉
居天下之廣居,立天下之正位,行天下之大道;得志與民由之,不得志獨行其道;富貴不能淫,貧賤不能移,威武不能屈:此之謂大丈夫。


大宅

積分: 3140


發表於 03-2-13 12:18 |顯示全部帖子

Re: 有無煲粥好介紹

nnfonder,

又係我呀!! 仲想問吓你關於煲紅蘿蔔粥 :

我之前叫菲傭將d紅蘿蔔切粒、蒸熟、整蓉, 然之後等d粥差唔多得就加落去, 但菲傭話多功夫, 咁佢將舊生紅蘿蔔刨碎, 之後d粥ok前30分鐘直接加落d粥度, 我想問吓邊個方法好d呢???

另外, 如果整波菜粥, 應該將d菜烚熟先切碎, 還是切碎再加落d粥度呢???

唔好意思呀咁多問題!!! :-P


男爵府

積分: 6184


發表於 03-2-13 18:25 |顯示全部帖子

Re: 有無煲粥好介紹

阿二

係呀,nnfonder好勁架!!!
阿女係我心肝小寶貝.希望佢大左開開心心,無憂無慮. 佢快樂就是我快樂.


大宅

積分: 2950


發表於 03-2-13 22:21 |顯示全部帖子

Re: 有無煲粥好介紹

NO.2: 其實我加任何蔬菜落去D粥仔到, 我都係切碎/磨蓉架,
我都係用生切/生磨O既方法, 因為好多BB 都唔鐘意食蔬菜, 問題係因為牙仔未能夠完全咬碎D纖維, 為左令我個仔食菜, 我寧願煲林D囉.

用蒸O既方法我都有聽過, 冇話邊個方法比較好O既, 只要你可以令BB食倒, 就OK架喇.

到BB兩三歲大, 你想佢食菜, 都係要煮林D架
居天下之廣居,立天下之正位,行天下之大道;得志與民由之,不得志獨行其道;富貴不能淫,貧賤不能移,威武不能屈:此之謂大丈夫。


別墅

積分: 516


發表於 03-2-13 23:53 |顯示全部帖子

Re: 有無煲粥好介紹

nnfonder你好勁!請比些意見,如煲粥仔,你話用煲好或用電子煲好呢?因為太黏身.


大宅

積分: 2950


發表於 03-2-14 00:34 |顯示全部帖子

Re: 有無煲粥好介紹

小B: 我係用瓦煲架, 出面煮煲仔飯果D瓦煲O既SIZE囉, 因為我個仔一日食兩餐飯仔, 而兩餐係唔同款式配搭, 我就貪呢D瓦煲仔細細個, 易HANDLE D.而且好多媽咪都話要浸米, 用瓦煲係由細火開始, 直至煲好都係用細火, 連浸米都唔駛架, 米就咁凍水落就得架喇!當然用瓦煲係好易痴底, 所以就係要D"人工, 心機, 時間"咁囉.

我個工人在我個仔八個月大O既時間, 開頭就係用電飯煲煲粥仔, 不過煲出黎係好似潮州粥咁,水還水, 米還米, 唔夠綿呀,我個仔唔肯食, 結果我用瓦煲煲粥仔, 個仔至肯食囉, 之後我個工人學識點用瓦煲,佢都話真係正過用電飯煲煲出黎O既粥仔, 仲打電話返去俾佢SISTER叫佢用瓦煲, 皆因佢SISTER 個仔細過我個仔兩個月,遲D都要食粥仔.

居天下之廣居,立天下之正位,行天下之大道;得志與民由之,不得志獨行其道;富貴不能淫,貧賤不能移,威武不能屈:此之謂大丈夫。

首頁

尾頁

跳至