基督家庭 今日: 0 | 主題: 9939

積分: 1095

1^#

發表於 10-9-30 15:47 |只看該作者 |倒序瀏覽 |打印

各位好,

剛同亞仔係屯門醫院CHECK過, 話佢有過度活躍症, 但其他人又話我個仔唔似, 因佢看電影時都可以安靜地坐半小時, 你話我信唔信好呢????

0 0 0

私人傳訊

LuiWaNam

別墅

積分: 502

2^#

發表於 10-9-30 16:17 |只看該作者

看電視不能作准，因為有過度活躍症的孩子都可以坐定看電視的。你的孩子多大？早些去處理會更好。願你得力。

原帖由 pinkykwlui 於 10-9-30 15:47 發表
各位好,

剛同亞仔係屯門醫院CHECK過, 話佢有過度活躍症, 但其他人又話我個仔唔似, 因佢看電影時都可以安靜地坐半小時, 你話我信唔信好呢????

私人傳訊

SandraLo

珍珠宮

積分: 33215

3^#

發表於 10-9-30 17:08 |只看該作者

原帖由 pinkykwlui 於 10-9-30 15:47 發表
各位好,

剛同亞仔係屯門醫院CHECK過, 話佢有過度活躍症, 但其他人又話我個仔唔似, 因佢看電影時都可以安靜地坐半小時, 你話我信唔信好呢????

你小朋友的問題是什麼？一般過度活躍症都會有專注力和情緒的問題, 即不專心所以學得不好; 如小朋友太細是較難診斷的, 暫時不須太介意是否過度活躍症, 主力幫他的弱項吧！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 8320

4^#

發表於 10-9-30 18:07 |只看該作者

我個仔都係adhd,但佢打機看電視砌模型睇漫畫書係好定的,可以做好耐都得,但脾氣唔好,由細到大在學校都給老師投訴,性格非常自我不太理會別人感受,我好有耐心咁教佢,但轉頭好快佢就唔記得囉.

私人傳訊

pinkykwlui

積分: 1095

5^#

發表於 10-10-1 12:55 |只看該作者

我好想同你傾吓...咁你個仔多大呀, 我個仔5歲半, 現在都唔知點好...

原帖由 esweet 於 10-9-30 18:07 發表
我個仔都係adhd,但佢打機看電視砌模型睇漫畫書係好定的,可以做好耐都得,但脾氣唔好,由細到大在學校都給老師投訴,性格非常自我不太理會別人感受,我好有耐心咁教佢,但轉頭好快佢就唔記得囉. ...

私人傳訊

積分: 8320

6^#

發表於 10-10-1 17:17 |只看該作者

我個仔已經11歲,7歲時確診,跟住照醫生建議食藥,食咗藥係好定的,成績也進步了,因吃藥後上堂較專心,老師也較少投訴,不過你個仔還好細喎,好似要6歲才可吃藥,醫生有什麼建議給你.

私人傳訊

pinkykwlui

積分: 1095

7^#

發表於 10-10-3 10:03 |只看該作者

係呀...佢都話6YR以上才可食藥, 但你教佢難唔難呀...佢背書個D係唔係好辛苦呀....

原帖由 esweet 於 10-10-1 17:17 發表
我個仔已經11歲,7歲時確診,跟住照醫生建議食藥,食咗藥係好定的,成績也進步了,因吃藥後上堂較專心,老師也較少投訴,不過你個仔還好細喎,好似要6歲才可吃藥,醫生有什麼建議給你. ...

私人傳訊

積分: 8320

8^#

發表於 10-10-3 23:16 |只看該作者

佢背書死記係好叻,默書每次都有80分以上,但要用腦思考就差d,所以成績一般.其實佢對讀書係無興趣,所以教佢係好辛苦,但佢最鐘意運動,尤其係球類方面,佢一玩就唔識停,仲叻過我,不過唔係個個adhd都一樣,因我都見過有d讀書好叻,但運動又唔得,所以個個吾同.你要睇番個小朋友邊方面有興趣,再培養佢較容易,我相信神創造我哋每一個人都係獨特,各有所長,做父母只可以從中發掘引導,其實神已經一早預備好了

私人傳訊

estw

積分: 5960

9^#

發表於 10-10-4 00:45 |只看該作者

唔好意思! 想多口問吓其實食藥係未真係唯一幫到個小朋友同埋有冇副作用架. 我都有朋友個仔又係有里個問題, 又係要睇醫生食藥.我係好唔明點解要將里類小朋友當成有病. 佢地只係一般老師眼中認為好難教, 好難專注上堂. 我相信每個人都係受造奇妙, 各有天父賜予唔同憂點和缺點. 聽人講以前好多天材童年時都有里種特徵, 例如愛恩斯坦, 不過以前社會唔會限制兒童發展, 以至佢地可以順住自己的天份任意發揮. 而家時代唔同, 讀唔成書就代表冇前途冇希望. 特別係香港, 資源有限唔能夠提供多d幫助比里d小朋友, 學校老師又冇里方面認識亦冇時間去照顧. 父母因為唔想個仔讀唔到書或者唔想再比學校投訢就唯有選擇用藥物控制個仔, 咁樣似乎有d扼殺左佢地嘅本性, 好似有d唔人道. 我最初聽到個朋友話個仔食左藥就專注力好d, 我個心其實好唔舒服, 心諗個小朋友原本好聰明, 只係難坐定定上堂姐, 點解當成有病咁要靠藥物控制腦下垂分泌. 我相信每一個小孩都是天父所愛, 都是可造之材.

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

積分: 8320

10^#

發表於 10-10-4 19:22 |只看該作者

我都好認同你既講法,

其實每一個人既學習方式都唔同,有d人坐定定就可以專心學到嘢,但有d人要周圍行同郁,個腦先可以思考,但奈何香港既教育制度係要坐定定,講多句都吾得,老師1班又要睇咁多個學生,邊可能理咁多,
而家全世界都走向知識型,工業會越來越少,吾讀書將來真係較難揾出路,醫生都好直接同我講,其實發明d藥係要幫助佢專心讀書,咁d成績先會好,將來較易揾出路

原帖由 estw 於 10-10-4 00:45 發表
唔好意思! 想多口問吓其實食藥係未真係唯一幫到個小朋友同埋有冇副作用架. 我都有朋友個仔又係有里個問題, 又係要睇醫生食藥.我係好唔明點解要將里類小朋友當成有病. 佢地只係一般老師眼中認為好難教, 好難專注上堂. ...

私人傳訊

叮鈴

積分: 2525

11^#

發表於 10-10-5 10:48 |只看該作者

《我的孩子為什麼不乖？》為什麼她不能應付？為什麼他不能學習？

介紹飲食與行為情緒的關係

雷久南

http://sm21.net/llg/lll/199702/19970214.html

http://tw.myblog.yahoo.com/oliver-article/archive?l=f&id=16

[ 本帖最後由叮鈴於 10-10-5 10:53 編輯 ]

私人傳訊

winniethe718

積分: 2281

畀面勳章環保接龍勳章

12^#

發表於 10-10-5 22:41 |只看該作者

sorry.我都想多口講講我我經驗分享.我小兒今年7歲現讀小二.在小一評估到有學障.仲附送專注力不足同過度活躍.但智商比同年齡的高.
我最初都好難過.但我知我唔接受都要接受.我反而越接受.就越去認識.越多認識.我就越多方法敎導小兒同幫助自己.香港地好多地方好多課程都可以幫到你同你的小朋友架.我覺得就算無障礙.學到我都會對敎導小朋友有幫助.一起努力!!

私人傳訊

kapopooh

積分: 5213

13^#

發表於 10-10-6 12:58 |只看該作者

我個仔幼稚園已經比老師覺得佢有ADHD叫我去Check.小一上學期經常比老師投訴成日出位,答問題又唔舉手,同同學仔有成日有爭執,排隊又排唔好周身郁........下學期confirm咗係過度活躍專注力不足,好多人都覺得佢唔係,其實一直我都只係覺得佢頑皮難教,或者我自己唔識教.而家要食藥,食左藥真係好d,當然有副作用無咩胃口,容易喊.但唔食就難搞好多.但投訴就真係少咗好多,可能老師都會包容咗.
我阿仔讀書一d都唔叻,叫佢做功課溫習就好似做苦工咁,最叻就係唸口王,睇電視卡通片廣告全部都記得,但叫佢讀書呢頭讀完個字,個頭唔記得. 但運動都佢算ok,游水,踢波都唔錯,總之玩佢就至叻.其實如果唔想食藥,如果有時間比小朋友落公園玩比佢跑吓,將d過多既精力釋放,佢個人都會舒服d,好似逢星六阿你都要去學游水,游完水佢又真係乖好多.

私人傳訊

estw

積分: 5960

14^#

發表於 10-10-7 01:09 |只看該作者

原帖由 kapopooh 於 10-10-6 12:58 發表
我個仔幼稚園已經比老師覺得佢有ADHD叫我去Check.小一上學期經常比老師投訴成日出位,答問題又唔舉手,同同學仔有成日有爭執,排隊又排唔好周身郁........下學期confirm咗係過度活躍專注力不足,好多人都覺得佢唔係,其實 ...

雖然我嘅仔女冇里d問題, 但聽到人地小朋友係咁真係好唔開心. 如果可以有其他方法代替藥物會唔會試吓? 参考吓上面網友叮玲介紹個兩條link睇吓幫唔幫到. 小朋友冇錯, 只係里個殘缺不全社會造就唔到佢地姐.

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

IwanBB

子爵府

積分: 10754

15^#

發表於 10-10-13 10:19 |只看該作者

我囝囝7歲, 今年4月確診ADHD, 5月開始食藥, 食藥後胃口差左瘦左. 但乖了定了很多, 成績有進步, 功課快完成. 雖然我好唔想囝囝食藥, 但"唔專心"產生太多問題, "專心"令問題減少好多, 不得不食藥. 我內心常充滿矛盾&困擾, 食藥要食到何時...

還有一個3個月大的囡囡, 很害怕她也"有問題"!

天父創造這個囝囝送給我, 我應當盡力去照顧佢. 我常禱告, 求天父賜我智慧去帶領孩子, 讓囝囝囡囡健康快樂地成長. 當內心充滿困擾時, 常告訴自己要將自己交付給神, 請神指導, 不要害怕, 不要憂慮.

同時, 我也感謝神讓我早日發覺囝囝的病, 讓我更了解囝囝, 為他尋找治療.

私人傳訊

~仔仔媽咪~

水晶宮

積分: 51912

16^#

發表於 10-10-13 12:18 |只看該作者

原帖由 IwanBB 於 10-10-13 10:19 發表
我囝囝7歲, 今年4月確診ADHD, 5月開始食藥, 食藥後胃口差左瘦左. 但乖了定了很多, 成績有進步, 功課快完成. 雖然我好唔想囝囝食藥, 但"唔專心"產生太多問題, "專心"令問題減少好多, 不得不食藥. 我內心常充滿矛盾&困 ...

雖則教養佢地係好痛苦同辛苦又易感到無助,但我覺得我地呢類囝係神賜俾我地最好既禮物黎架!至少我地因為個囝而成長咗,同個囝一齊成長,又响教養囝囝方面學識咗好多一般人未必識既野,最緊要就係我地呢班囝雖則活躍成日闖禍,但佢地確實係比一般自命係正常既小朋友純真/單純好多!無咁古惑同複雜,至少佢地對人真係坦坦白白,唔會造假;佢地又好愛好鍚父母,,,

至少我囝依家都成十二歲,但都好痴我,出街永遠主動拖實我對手,好怕我唔開心,好在意我感受,雖則佢地唔識同人社交唔太識分享,但至少又會識得同父母分享,好似早兩日我買咗兩包朱古力俾我囝食,佢食咗一包,原先我以為佢咁愛朱古力既朱古力迷會好快食埋另外嗰包朱古力,誰知佢將未食嗰包既朱古力擺响我電腦枱上,原以為佢係打算等到佢用我電腦上網時自己享用,點知佢走埋黎同我講:"媽咪您做咩唔食呀?呢包(朱古力)我係留番俾您食架!(我問:你唔食呀,駛唔駛同你一人一半呀?)...你可以食埋佢吖...我請你食架!",有時,遇上佢呢D小小心意,對於我呢個無用既媽咪黎講,已經咩都值得,已經甜在心頭.

所以我地係要為着我地能夠擁有呢個咁特別既仔女而感恩!要盡心盡力感謝天父!因祂真的很愛我們,為我地預備一份世上最好最獨一無二既禮物,我地呢班仔女,係神既恩賜!值得感恩!!!

所以各位媽咪爸爸都要加油呀!!!要靠主常常喜樂!

私人傳訊

IwanBB

子爵府

積分: 10754

17^#

發表於 10-10-13 14:08 |只看該作者

仔仔媽咪,

唔知你仲記唔記得我同你傾過電話, 好多謝你既意見同開解...

好多時上bk都見到你既留言, 有時好搞笑, 有時好感性, 仲有, 我好鍾意你隻catcat^^

你唔好話自已係"無用既媽咪"啦, 我覺得你好叻呀!! 有好多野要向你學習呀!!

我地只要將自己完全地交託神, 神一定會保守我地ga!

最近報左小童群益會既course, 唔知抽唔抽到, 不過唔得唔緊要, 再等下次.

一齊努力!!

原帖由 ~仔仔媽咪~ 於 10-10-13 12:18 發表

雖則教養佢地係好痛苦同辛苦又易感到無助,但我覺得我地呢類囝係神賜俾我地最好既禮物黎架!至少我地因為個囝而成長咗,同個囝一齊成長,又响教養囝囝方面學識咗好多一般人未必識既野,最緊要就係我地呢班囝雖則活躍成 ...

私人傳訊

IwanBB

子爵府

積分: 10754

18^#

發表於 10-10-13 14:56 |只看該作者

小童群益會& 協康會都有舉辦for ADHD小朋友既活動, 可以參考下.

而"特殊教育"論壇有關於治療ADHD既資料, 希望幫到你.

原帖由 estw 於 10-10-4 00:45 發表
唔好意思! 想多口問吓其實食藥係未真係唯一幫到個小朋友同埋有冇副作用架. 我都有朋友個仔又係有里個問題, 又係要睇醫生食藥.我係好唔明點解要將里類小朋友當成有病. 佢地只係一般老師眼中認為好難教, 好難專注上堂. ...

私人傳訊

estw