親子王國

標題: 台北親子遊,樂園,農場溫泉樣樣齊,第一次自由行入嚟睇睇 [打印本頁]

作者: potpot    時間: 12-1-10 18:54     標題: 台北親子遊,樂園,農場溫泉樣樣齊,第一次自由行入嚟睇睇

本帖最後由 potpot 於 13-6-17 12:16 編輯

"有些媽媽(我估係媽媽多), 問可唔可以介紹去台北行程,反正之前收集唔小資料,又冩低咗些行程,唔好浪費,就整理吓post出來比些特別是新手自由行嘅媽咪參考、參考吧! 其實以下景点很多媽媽都去過,只特別挑一些容易去又啱小朋友同遊的,特別第一次去自由行的,不妨參考一吓,跳去第五頁開始."


唔想睇咁多,想直接揾料跳去37729層睇index


Click參考行程


剛在聖誔節玩完台灣,整個行程都係為個仔而設計,除一日主攻babyboss外,某它主要去桃及台北近效,發覺原來台北附近已經有好多景靚地方,好適合一家人去。去過地方有小人國,大溪花海農場,慈湖、復興鄉、又到大板根浸溫泉行山。原來台北近效重有咁多地方未去過。

大家有無其它台北附近地方介绍?等我再plan復活節去過.





作者: moonychan    時間: 12-1-10 21:02

好正呀, 第2幅相既吊橋係邊到呀?

我今個星期五去, 想知多D 景點. TKS

作者: Lqueenie    時間: 12-1-10 21:48

moonychan 發表於 12-1-10 21:02
好正呀, 第2幅相既吊橋係邊到呀?

我今個星期五去, 想知多D 景點. TKS

你 星期五去唔係應該 plan 好晒咩 ?
作者: moonychan    時間: 12-1-10 23:11

Lqueenie 發表於 12-1-10 21:48
你 星期五去唔係應該 plan 好晒咩 ?

因為已經去了好幾次, 都差唔多知做d乜, 但想了解下其他易去既景點囉.



作者: peckykoo    時間: 12-1-11 01:23

Hipot pot,

有係我哦, 認得我嗎  ? 是在BABY BOSS留言過

我想知你最近在X'MAS 去台北既行程是如何  ?

方便提供嗎 ? 我打算4月頭去台灣玩7日  

計劃1 台北+墾丁


計劃2  只是台北

台北想去既有baby boss, 木柵動物園, 同行有小朋友1個8歲, +1位3歲多

你是如何plan 呢 ? 可否分享說一下呢 ?

你POST 左2幅相好美哦  容易去嗎  ?


作者: WinkyLee    時間: 12-1-11 11:29

peckykoo 發表於 12-1-11 01:23
Hipot pot,

有係我哦, 認得我嗎  ? 是在BABY BOSS留言過
Hipot pot

我都計劃EASTER去台。

我都想知行情點行。  方便俾埋我嗎?  THANK YOU!!

我想去台中+台北。


peckykoo

你book左機票+住嗎?





作者: potpot    時間: 12-1-11 11:41

本帖最後由 potpot 於 13-2-7 18:09 編輯

回覆 moonychan 的帖子

個度係復興橋‧羅浮橋,去小烏來途經的。如果你會去桃園,有時間可以去行吓,不過平時公車很疏,最好包車或自駕,可早上去小人國或六福,下午去大溪花海小烏來。如果去大溪花海,記住行兩步去埋隔鄰慈湖睇睇,都好正.



作者: potpot    時間: 12-1-11 11:49

回覆 WinkyLee 的帖子

你好,你Easter去?我又收集梗資料再去過。以前剩係識去日本,自從日元高企再加地震幅射,至改去台灣。以前只懂去台北市,都是人多車多的地方,一直提不起勁再來。不過自上一年去過懇丁,再加今次去台北桃園,至發覺台灣真是一個很美又適合一家人去的地方,最感動兩次自遊行都遇到一些很熱情的台灣人,我這個井底之蛙至驚覺為甚麽台灣是港人至愛旅遊的地方。


作者: potpot    時間: 12-1-11 11:57

忘記寫行程-其實此行原於見到一間很平而又在網上有很好評語的桃園酒店,一晚才三佰多港幣去邊度搵?所以,以此為中心看看附近可玩的地方,大致行程如下:

Day 1: 下午機場>桃園酒店>行桃園中壢Sogo百貨(呢間百貨規模如台北Sogo但人小很多)

Day 2: 今天主力去BABYBOSS並試試搭高鐡。行去Sogo搭免費車到桃園機鐡站,约20分鐘已身在台北市,再塔捷運到京華城。夜乘高鐡回桃園酒店.

Day3:  睡到11点至起程去小人國.夜晚行中壢夜市(我想呢個夜市應是最小港人到的夜市)。
Day 4: 今天要去看点景色了,第一站慈湖->大溪花海->復興小烏來->夜宿三峽大板根溫泉渡假村(呢間個溫泉夠大,阿仔直頭當個溫泉spa係個戲水池. 夜晚露天浸溫泉好舒服)
Day 5: 只行大板根森林,黃昏機走(本來plan去行三峡老街,鶑歌陶瓷,唔夠時間留待下次去過)
成個行程都係hea住去,所以景点不多但很relax.
作者: EggBB    時間: 12-1-11 12:40

回覆 potpot 的帖子

Hi potpot, 你好。

我想請問你在桃園是Book那間酒店? 經那處做Booking?

酒店位置的交通方便嗎?

有沒有包車遊玩? 可否介紹給我?

Thanks.



作者: WinkyLee    時間: 12-1-11 13:42

potpot 發表於 12-1-11 11:49
回覆 WinkyLee 的帖子

你好,你Easter去?我又收集梗資料再去過。以前剩係識去日本,自從日元高企再加地震 ...

係呀!  我朋友又係同你一樣想法, 只識曰本。 佢又原聖誕去完宜蘭後已又想再去台灣了。 
而我10多年前都係去過台灣一次(係台灣朋友車我地遊台北)當時感覺十足十返大陸咁。

ANYWAY,多謝你既分享!

作者: potpot    時間: 12-1-11 16:47

回覆 peckykoo 的帖子

我記得你呀!你第一個plan好似將我去年及今年去過地方一次過去,墾丁台北都是很正的地方,不過一個係南一個係北,可能浪費很多交通時間。通常墾丁會搭配高雄台南等地方,如只去台北七天就真係可以深度遊.

因要顧及小朋友,所以我的行程一定會預去有主題樂園、睇動物同有得玩的活動再加自己最想去的景点,另每車程盡量小於兩小時. 所以上次四月去墾丁我就搭配:

主題樂園-高雄義大

動物-海生館

活動-夏丁沙灘玩沙游水

至愛景点-出火,鵝鑾鼻,佳樂水,風吹沙,墾丁夜市

今次台北之旅上面已提及.

其實自遊行最大滿足是去前搵資料返來又可分享,我又plan四月去,今次好大機會去另一熱門地方-台中清境日月潭等.記住多些上來一齊交換意見.分享多一幅今次意料之外風景相—慈湖楓樹.


作者: shirleyng817    時間: 12-1-11 17:30

想復活去,唔知大約幾錢??有咩行程提供,兩個大人,一個6歲,一個2歲??
作者: cstchan    時間: 12-1-11 21:23

回覆 potpot 的帖子

雙溪茶花莊 http://hn84068550.myweb.hinet.net/

聖誕時去過,沒有很多人,但遇著莊主,他親自介紹,還用蘆葦編了牙刷、孔雀和傘送我孩子,又和孩子玩 "片石"。

作者: peckykoo    時間: 12-1-12 00:03

POTPOT,

謝謝你記得我,我想問你以往去台灣玩是幫襯那間旅行社買package 呢 ? , 或是上航空公司book 呢 ? 坐什麼機呢 ?

我都知一次性去兩個地方玩, 交通方面會浪費一點時間, 因同行的友人想去多幾個地方玩 , 心多多 所以每個地方就好似走鬼咁,

如果按照以下這樣好嗎  ?

day 1 香港---> 高雄----> 墾丁 (好似高雄去墾丁要2- 1/2小時)
                                    預計  3:30會到墾丁--> 去民宿 check
                                     in 完成手續估計己是 5:00--->
                                    墾丁大街--> 回房休息

day2 海生館, 出火,鵝鑾鼻,佳樂水,風吹沙 ( 但一日時間可能不夠)

day 3 吃完早餐---> 出發到高雄 (又要花3小時左右) , 估計去到要2:00了 , 之後要check in  , 預計完成所有野要3:30左右吧 之後先可以四處看

day 4  木柵動物園
day 5   baby boss
day 6   六福村, 小人國
day 7   早上未想到去那裡   , 預計下午回港

按照上述時間表你看法如何呢 ?
作者: peckykoo    時間: 12-1-12 00:05

pot pot


未問你有可包車司機資料呢 ?
作者: peckykoo    時間: 12-1-12 00:09

Winky Lee,

     我未book 機票, 酒店架, 你呢 ? 有無好推介呢 ?

      你打算幾號出發呢 ? , 我打算3月31日出發
作者: peckykoo    時間: 12-1-12 00:31

POTPOT,

你話桃園酒店, 個名是否叫桃園大飯店呢 ? 你話3xx, 真的很平, 我search 了最少也要6xx ,間飯店外形幾好, 不知道四圍有什麼呢 ? 交通方面如何  ?
作者: JJJJJJJJ    時間: 12-1-12 09:36

Potpot 你好....我地一家三口..plan Easter 出發..可否教路..酒店及行車..點安排...及baby boss..邊度訂票....謝謝!
作者: moonychan    時間: 12-1-12 09:44

babyboss 網路購票


我明天出發, 已經訂好票
作者: WinkyLee    時間: 12-1-12 10:12

peckykoo 發表於 12-1-12 00:09
Winky Lee,

     我未book 機票, 酒店架, 你呢 ? 有無好推介呢 ?

我都係什麼都未呀, 行情, 日數, 機票....只係大概想去台中+台北.  我估4月第二個星期才去.

我又要包車, 其實去呢D郊區都唔知方唔放便.  我2公婆都無車牌.  

台中D景點重係好亂.  

你呢?  

作者: kc1016    時間: 12-1-12 10:15

新年去唔知仲有無花海呢?
作者: kc1016    時間: 12-1-12 11:11

pot pot,

我又係有2個小朋友, 2.5yrs+7yrs, 我想初五去4-5天, 唔知而加book仲有無呢?
- 我想問下去Babyboss要唔要book.
- 如我住同一間酒店去晒你講的地方, 邊到最方便.
- 租車邊間好?
Thanks.
作者: Karinachu    時間: 12-1-12 12:54

想問下各位, 唔知初一去台北, 當地店舖是否全都休息呢?
作者: peckykoo    時間: 12-1-12 18:00

Winkylee,

我也是什麼也未PLAN , 所以要密D 上來找POT POT取經LOR


我只是想去台北玩7天咋

主攻要1DAY Baby Boss
作者: potpot    時間: 12-1-12 18:37

回覆 shirleyng817 的帖子

6歲是很適合去babyboss的年齡,不過2歲或者可以試試隔鄰個親子體能館玩波波池。再預一天到動物園順道去貓空乘纜車,再預一天轉戰桃園小人國大溪農場,如包車不妨行行九份或者去放天燈-我都未試過,睇睇有冇其他爸爸媽媽介紹一吓

Babyboss可參考之前個post。

http://www.baby-kingdom.com/forum.php?mod=viewthread&tid=4517528

幾多錢很難說看看旺季與否,住甚麼酒店,是否包車。我上次本來總Budget是約一萬元兩大一小五日四夜,結果OVERBUDGET約2000元因住了一晚溫泉酒店及多租了一天車。


作者: potpot    時間: 12-1-12 18:39

本帖最後由 potpot 於 12-1-12 18:41 編輯

回覆 cstchan 的帖子

好介紹呀!我喜歡去影花,呢度應是好有人味的茶花園,花很美!你的行程怎安排的?是否九份,十份或平溪放天燈這一缐?


作者: potpot    時間: 12-1-12 18:45

回覆 EggBB 的帖子

我是用都很common的網站(hotels.com,Agoda)book酒店的,一般情況下,只要七天前改動取消都不叧收費,好flexible. 

那不是叫桃園酒店,我住係叫古華花園,如你自駕最好,因佢地下有個大停車場,住客免費泊。但今日再看價錢已提升到400多元,如果四月至去不妨等等,等到有特價至訂也未遲。

我是自駕遊的。所以無包車資料可从介紹,睇睇其它爸爸媽媽有冇好介紹。


作者: potpot    時間: 12-1-12 19:36

本帖最後由 potpot 於 12-1-12 19:37 編輯

回覆 peckykoo 的帖子

day 1 香港---> 高雄----> 墾丁 (好似高雄去墾丁要2- 1/2小時)
                                    預計  3:30會到墾丁--> 去民宿 check
                                     in 完成手續估計己是 5:00--->
                                    墾丁大街--> 回房休息

有冇心水民宿?最好揾間可以步行到墾丁大街的,咁就他他條條行大街揾食,食飽飽回民宿訓覺‧(我住係夏都,雖貴了一点但位置處於墾丁街頭,真不錯)。

day2 海生館, 出火,鵝鑾鼻,佳樂水,風吹沙 ( 但一日時間可能不夠)

其實可把海生館放在第三天回程順便去,其他景点應一天足夠有餘了,記着去出火應排在黃昏日落時去最好,一來可以看日落,等到夜晚火焰精采很多,記住買包爆谷感受煲爆谷彈彈聲,好過隠!

day 3 吃完早餐---> 出發到高雄 (又要花3小時左右) , 估計去到要2:00 , 之後要check in  , 預計完成所有野要3:30左右吧
之後先可以四處看

打算住邊度?夜晚同小朋友去夢時代坐摩天輪也不錯。

day 4  木柵動物園

應該在左營站坐高鐡回台北嗎?還是包車或自駕直回台北,如是,這程車可能是半天時間了。坐高鐡花算一点,先回酒店再去吧!要去動物園何不順道坐纜車遊貓空飲個茶?

day 5   baby boss

day 6   六福村, 小人國

你打算住係台北起程嗎?雖然兩個距離很近,一天去兩個可能小朋友很累。或者分一個第七天早上去,不過先決條件是你要住在附近,或者試試住六褔莊,就可以很輕鬆還可以安排去埋大溪。去機場也可快些
day 7   早上未想到去那裡   , 預計下午回港


作者: potpot    時間: 12-1-12 19:44

回覆 moonychan 的帖子

回來記住報料呀。玩得開心D


作者: cstchan    時間: 12-1-12 21:09

potpot 發表於 12-1-12 18:39
回覆 cstchan 的帖子

好介紹呀!我喜歡去影花,呢度應是好有人味的茶花園,花很美!你的行程怎安排的?是否 ...
因為是在酒店的小冊子找到這地方,所以是即興去,那天只打算先到那兒,看看時間才再打算。回程火車時才發現那兒離九份十份很近,但也沒有去,因為孩子也累,我也不能在火車上找到方法到九份十份。

作者: peckykoo    時間: 12-1-13 00:42

Pot, Pot

謝謝你的回應哦

我有了最後決定就是只去台北玩啦  照舊玩7日

7日內要去2個車程相距太長時間地方, 想到d 小朋友未玩先謝就怕伯怕, 打算是hea 住玩, 而不是要走難 , so ...

現在我只玩台北, 5知道如何可以玩盡去呢 ?  預計11:30到台北
                                                                             8:00  到HK
如果你去7日行程會如何去好呢 ?
有2個小孩  8歲(Boy)+3歲半( Girl)
你說baby boss, 旁邊有個親子體能館玩波波池 , 除左波波池有其它野玩呢 ? , 因同行朋友個女兒3歲半, 怕未識玩 baby boss , 現在可以按排他們去玩了

木柵動物園大嗎  ? 我去過長隆和星加坡個zoo park , 有該兩者大嗎  ?

如果10:00出發 可以玩幾耐, 之後你說坐纜車去貓空, 是否就橡我們的大平山呢 ?

六褔莊我打算住2晚 , 小人國如何去呢 ?
HELLO KITTY CAFE 我也很想去 , 因我是Kitty既粉絲 你去過嗎 ?
以前台北有個多啦A 夢小人國 , 是否即是小人國呢 ?

台北去桃園要幾耐呢 ? 坐什麼車會好D 呢  ?

我7日行程是否買張火車票會好一點, 比較化算
現在個RATE 是如何呢 ? 在那裡換好一點呢 ?
夜市邊個好行d 呢 ?

因我從未去過台灣, 而同行的朋友, 又叫我PLAN 行情 唉....
真煩   
作者: shirleyng817    時間: 12-1-13 09:24

回覆 potpot 的帖子

好多謝妳提供小朋友玩意,其實最重要係小朋友唔悶就得~~
作者: potpot    時間: 12-1-13 13:20

回覆 kc1016 的帖子

大溪花海一年四季都有花的,春夏是最美的


作者: potpot    時間: 12-1-13 13:34

回覆 kc1016 的帖子

1.新年去babyboss可能很多人,在網上預訂比較隠陣.

2. 因為我plan的景点除了babyboss外全在桃園附近,所以原本只訂一間桃園中壢酒店(古華花園),貪佢夠平又可在可步程下去到夜市及購物中心(Sogo).但老實說,如期待好像台北市之交通便利是不可能的,因為桃園中壢始終是二線城市。不過要去高鐡站或火車站是很近的。如去小人國、六福、大溪等全都可在中壢客運站找到車(酒店離中壢站十分鐘以內車程,如步行約25分鐘)

因我想同小朋友一齊浸溫泉,但又不想去北投等熱門的地方(有時人太多了),所以偶然搵到在桃園附近找有間叫大板根,它位於三峽,交通是不方便的(只有從台北出發的公車),所以行程中換了一間酒店(一晚等於我在中壢古華花園三晚), 我覺得物有所值,阿仔回來經常說個溫泉池舒服又好好玩.

你租車是自駕嗎?我每次都租格上,因為佢用email溝通就可以,有時在电話怕他不明白我那些很爛的國語。用HSBC咭又有八折.


作者: potpot    時間: 12-1-13 18:06

回覆 peckykoo 的帖子

,你真係當我是台灣通,雖然以前經常出入台灣,但真係去玩是近兩年事,好,試答,有錯希望有人指正,(不分先後)-

1.你咁鍾意Hello Kitty Cafe, BabyBoss個日順道去埋就OK. 都係捷運復興站

2. 貓空鑬車應該似昂平360多些,見你安排去動物園,反正有園內鑬車站,試試無妨, 不過如多人要排很久,咁就要考慮考慮.也可先在網上預訂(唔知比唔比香港人訂)

3. 林栅動物園規模應該不及長隆. 感覺上跟星加坡差唔多.

4. 多啦A 以前在小人國的,不過已經沒有了。不過六福有海綿宝宝,係咪fans?

5.台北去桃園要幾耐呢? 最快高鐡20分鐘.不過如果打算去小人國六福大溪,坐台鐡到桃園中壢站會方便轉車. 坐台鐡自強等列車約40分鐘.台北也有公車直去小人國六稫,不過時間就長很多,可能要2小時或以上

6. 六福小人國好似沒有車互到的,可能唯一方法是叫出租車(Taxi)

7. 我以前會買一天任搭票,唔知以家重有冇,不過個次要搭去淡水遠一些又去很多站至有so.買張悠遊卡可能方便喎,塔捷運就算到桃園搭公車都用得,唔駛煩.

8.個親子體能其實有嘢學,好似香港個間Gymnastic.唔知有冇D一堂完課程,可以寫email去問問.

應該答完了,是嗎?mouth:


作者: potpot    時間: 12-1-13 18:27

回覆 peckykoo 的帖子

好似答漏兩條:

換錢可以落機(桃園)未過关時換,但通常很多人,我會岀关後在出面銀行玩,不用等。個rate差不多。

台灣夜市各有特色,以前(是很久以前),仕林是我最欣賞的,現在佢剛重新開,不過聽說反應一般,你試試返來話我知好嗎?


作者: peckykoo    時間: 12-1-14 01:35

pot pot ,

你是在我2012年(暫時為止遇到最好的人啦)比無限個叻叻你

我真是當你係我的盲公竹架   

我都有想你會不會理睬我咁鬼多問題 , 哈哈... 點知你答覆完我想知既野


不過如果你可以幫我想一下7日既行程, 咁就太原美啦


我只是用來參考作用

你通常在那裡book 機票呢 ? 是搭中華/cx /長榮 呢  ?
作者: potpot    時間: 12-1-14 11:49

分享都開心,我口味都很另類,好似你問我搭飛機,人地要早機晚返,我一定要選午去入夜前返,hea得來可能很浪費,所以怕我建議行程唔啱你,即管幫你想想....

我冇一定去邊度book機票,邊度平就book邊度。不過近來都係直接幫航空公司book,貪佢弾性好,比數佰元就可以改期,你明啦,拖住小朋友去,有乜頭暈身慶就要改,好似早輪有媽媽post話訂咗package,忽然一個人去不了,就全家都唔比出發,所以直接幫航空公司訂好了.

我有個facebook日日都更新邊度有平飛買,以家條link唔係呢部機度,遅些PM比你

我一定唔會撘CI,因為陰影揮之不去,雖則一般佢最平。CX,長榮都不錯,但因儲分,所以通常都係CX.
作者: leung_michelle    時間: 12-1-16 17:52

Hi potpot, can you also PM me, I have the same plan as peckykoo, I also have 2 kids to go along. Hope to book airticket and hotel online.

Many thanks
作者: potpot    時間: 12-1-16 19:02

已PM.
剛剛睇到CI有Promotion, 年初八或九出發台北或高雄,1000大元來回不連稅(連稅1684元).如果訂之前我提過400元樓下嘅在桃園嘅4星級酒店,全程用最便宜當地交通(免費轉接車、公車、火車) 分分鐘用政府個6000元再加仟多2仟幾元,就可一家三口玩個5日4夜。不過先決條件是你可以多取一星期假!


作者: leung_michelle    時間: 12-1-17 11:22

really v cheap ar
作者: kc1016    時間: 12-1-17 11:38

回覆 potpot 的帖子

我想初五去玩4-5日, 邊到有promotion呀.

我個仔剛考完試, 我而加先plan咋. Thanks.

作者: mikihouse    時間: 12-1-17 15:08

之前, 同小朋友去左次台灣...(babyboss, 小人國, 台北市立動物園)
依架, 計劃想再去....
小朋友4-5yrs, 仲有咩地方/影點啱小朋友?

作者: potpot    時間: 12-1-17 18:46

回覆 mikihouse 的帖子

你去過墾丁未?可以試試台北以外另種風味. 我覺得墾丁是好啱帶小朋友去的,我呢個帖提到樂園、溫泉、風景、農場等基本上墾丁已有齊,唯一缺点可能是由最近國際機場(即高雄小港機場)到墾丁都要成2個小時,不過另一方面墾丁每個要去的地方都很近,呢度都慳翻唔小時間, 試試睇吓以下綱頁渡假地方的相,一個大人,一個專比小朋友,睇吓會唔會有些心動:

http://uukt.idv.tw/_tw/member/01_detail.php?kd=5

http://uukt.idv.tw/_tw/member/01_detail.php?kd=3476



作者: potpot    時間: 12-1-17 18:59

回覆 kc1016 的帖子

初五都重係旺日,買平票似乎頗難。剩係見到個去莫斯科初五岀發做Promotion,,HK@1040來回 (哈,小心稅要成2000,乜稅咁貴)不過你今日開始留意吓,話唔定有last minute promotion. 反正如去台灣,酒店一般唔成問題,今日攪好機票,明天就可以起行。


作者: Lqueenie    時間: 12-1-17 19:38

peckykoo 發表於 12-1-13 00:42
Pot, Pot

謝謝你的回應哦
hello kitty sweets 有 mini charges, 高過 100 cm 每人最低消費 300 台幣, 不過一 set 甜品已經 over 300, 我之前去係打電話 book 左先

作者: peckykoo    時間: 12-1-18 09:49

回覆 Lqueenie 的帖子

Lqueenie ,


謝謝你的提點, 我想知你提及的金額是台幣或是港元呢?   如是台幣也可接受

是否一定要book 位呢?




作者: mikihouse    時間: 12-1-18 10:13

Thanks potpot.

墾丁都好吸引呀....
其實, 我仲未決定幾時出發, 可能3月至6月....所以依架諗住plan下行程先....
因為想趁阿仔最後一年幼稚園, 可以請假係D淡季去下旅行....

因為D仔好想再去babyboss....而我見到"飛牛牧場"又好似唔錯幾吸引....

台北有冇類似墾丁既"海洋生物博物館"?

台北又想去...墾丁又唔錯喎...

我諗plan定2個行程先...一個台北, 一個墾丁...睇下到時去邊個好....

可唔可以再比多D 資料我, 台北同墾丁仲有邊D好玩既啱4-5yr既小朋友?
我2個仔比較active, 鍾意D"動"既活動...

唔該。





作者: yeemelody    時間: 12-1-18 11:31

我從未去過台灣,是否全程捷運己可以呢?台灣搭的士貴嗎?
作者: WinkyLee    時間: 12-1-18 12:13

本帖最後由 WinkyLee 於 12-1-18 12:13 編輯
potpot 發表於 12-1-14 11:49
分享都開心,我口味都很另類,好似你問我搭飛機,人地要早機晚返,我一定要選午去入夜前返,hea得 ...

我都想知FB邊度有平機票. 可唔可以PM埋我呀!

CI = 中華?
有什麼問題?  以前的不是過去嗎?

我都BOOK左4月去係坐呢間.

作者: potpot    時間: 12-1-18 15:53

回覆 mikihouse 的帖子

如果我去飛牛牡場,我或者會放它在台中缐一齊遊比較近,並住一晚享受田園生活.如果近近地去桃園味全埔心牡場,都可以睇牛學揸奶. 想睇花又睇動物就去大溪花海農場,要刺激点就試試去小烏來行天空步道(即似大峽谷突出縣崖個玻璃橋).

台北仕林個邊有個海洋館,不過規模小很多.

不如去自來水博物館乘捷就到,可以玩水又有教育意義

唔係去台北兒童育樂中心-機動遊戲勾起童年去荔園feel, 有3D電影,又係捷運站行小小就到.

再遠些小可去烏來坐小火車, 浸溫泉.都啱小朋友一齊.

我個仔都係最後一年讀幼稚園,所以煩完揾學校,就密密去旅行,玩到自已都覺得有些過份,我又要準備出發去也! 遲些等我再組織吓以前去墾丁資料再傾過!


作者: potpot    時間: 12-1-18 15:54

回覆 yeemelody 的帖子

很多地方捷運都到,搭的士同香港唔差很遠。一般短程台北市內走會睇錶,長程先議價.之前Cap咗以下網頁去計價(用Google 先計距離再用佢計吓合理價)

http://www.taipei-taxi.com/taipei-taxi-fare-calculator.php


作者: potpot    時間: 12-1-18 15:59

回覆 WinkyLee 的帖子

Yes, CI即中華。只是個人經驗而已,放心好了。PM比你了。你決定去邊度?分享吓


作者: mikihouse    時間: 12-1-19 10:52

potpot 發表於 12-1-18 15:53
回覆 mikihouse 的帖子

如果我去飛牛牡場,我或者會放它在台中缐一齊遊比較近,並住一晚享受田園生活.如果 ...
我想係飛牛牧場住一晚....如果由飛牛牧場去台北, 沿路仲有乜好地方?

我應該會包車...

作者: tabolau    時間: 12-1-19 12:05     標題: 回覆:potpot 的帖子

我會esther假期到墾丁呀!有冇行程,民宿 介紹呀!thanks!




作者: Lqueenie    時間: 12-1-19 19:09

peckykoo 發表於 12-1-18 09:49
回覆 Lqueenie 的帖子

Lqueenie ,

最低消費係每人 300 台幣, 我上次去食左兩個甜品餐, 埋單 7xx 台幣, 其實我覺得 book 左就穩陣 d
作者: Lqueenie    時間: 12-1-19 19:10

potpot 發表於 12-1-18 15:53
回覆 mikihouse 的帖子

如果我去飛牛牡場,我或者會放它在台中缐一齊遊比較近,並住一晚享受田園生活.如果 ...

台北兒童育樂中心 --> 我岩岩都去完, 近近地幾好, 有 d 似荔園, 又唔貴, 又唔遠 ~ good 呀
作者: wingyee_ma    時間: 12-1-19 22:26

回覆 Lqueenie 的帖子

請問台北兒童育樂中心 點去架?
作者: Lqueenie    時間: 12-1-19 22:41

wingyee_ma 發表於 12-1-19 22:26
回覆 Lqueenie 的帖子

請問台北兒童育樂中心 點去架?

圓山捷運站行5-10分鐘, 要比入場費, 入面每個遊戲再收錢, 每個 game 20 台幣, 大小同價, 都有 around 10 個機動遊戲, 又有公園仔同小食亭, 係一個唔錯的選擇
作者: Lqueenie    時間: 12-1-19 22:43

wingyee_ma 發表於 12-1-19 22:26
回覆 Lqueenie 的帖子

請問台北兒童育樂中心 點去架?

http://www.tcrc.taipei.gov.tw/MP_104041.html

作者: wingyee_ma    時間: 12-1-19 22:47

回覆 Lqueenie 的帖子

thanks~ 又真係好近
作者: happygirls    時間: 12-1-20 17:21

各位好,預祝新年快樂! 有行程想請教大家, 因首次帶3歲及2歲小朋友去台北玩3日,可給予意見嗎? 計劃如下:

第一天:
1125 抵達桃園機場及乘shuttle bus 去台北市酒店check-in
1400 乘捷運去美麗華百樂園食野及坐摩天輪

第二天:
1000 乘私家車(尚未有聯絡,可提供電話給本人)去大溪花海農場玩
或 去動物園+坐貓空
1800 返酒店附近食飯


第三天:
1000 淡水行行買下野
1500 返酒店取行李去機場
1810 起機返香港

希望比d意見給我呀!謝謝!

作者: potpot    時間: 12-1-20 21:05     標題: 回覆 回覆:mikihouse的帖子

從台北出發,應途經桃園新竹,可以順路去概地方都很多. 如果未估錯你應該經過三峽大溪龍潭等桃園景點,不過從台北到飛牛要2個多小時,如沿途再停景點你可能要大半天至到.怕不怕太晚到浪費了在飛牛的時間?




作者: WinkyLee    時間: 12-1-21 00:34

回覆 potpot 的帖子

sorry, 遲左覆.  今天才有時間上來bk. 我BOOK左台中入, 高雄走, 共8天. 其實都重係planning中.  

高雄想去義大樂園, 六合夜士, 夢時代.  (2天)
懇丁(不過看書d活動又好似未適合小朋友玩?) 係唔係呢? , 另想去埋四重溪(溫泉)
台中(清境, 其他景點仍未決定)

其實, 我想想下又想去babyboss, 不過車費好貴.  同埋我上面3個地方既車費都好貴.  包車都唔平.  看書又講要包車較好.  計下計下坐高鐵, 包車...加埋車費真係重皮.  所以都未知點好.  真係重係好初步.


作者: potpot    時間: 12-1-21 22:28     標題: 回覆 回覆:happygirls的帖子

第二日去動物園同貓空好些,因如只去大溪花海包車比較浪費時間,倒不如全程捷運沿線遊,方便又經濟.看你編的行程都頗悠閒,看來你同我一樣鍾意Hea 住行




作者: happygirls    時間: 12-1-21 23:02

係呀, 多謝您的回應,我會跟你所講去玩.
作者: potpot    時間: 12-1-27 11:22

回覆 WinkyLee 的帖子

剛去完陽光沙灘,今曰心情仍在旅行,怎辨?我都準備復活節又去過,暫定台中,曰月潭,埔里、清境。先在台中住一晚,曰月潭可能停二曰玩埋九族文化村,再住一晚清境,四月台中唔知夠熱未,因想去月眉水上樂園,唔得就去浸溫泉。剛上綱check吓機票,國泰港龍把四月頭個多星期當旺季,可能都要過了紅曰至出發。你去台中book咗邊間航空公司?華信或香港航空?有時間真係要上嚟交換資料。叧我又試把我之前去過台北行程寫個紀錄分享吓,希望幫到些第一次帶小朋友自遊行旣爹媽。
作者: mikihouse    時間: 12-1-27 11:36

potpot 發表於 12-1-20 21:05
從台北出發,應途經桃園新竹,可以順路去概地方都很多. 如果未估錯你應該經過三峽大溪龍潭等桃園景點,不過 ...

potpot,

THANKS.

我check過D航機班次, 我想揀去到台灣桃園機場大約中午12點幾...預入境攞行李唱$等...大約1點可以搭車出發去飛牛。
根據, 其他媽媽經驗, 大約2小時車程, 桃園機場->飛牛, 咁即係大約下午3點先到飛牛, 又要check in, 而飛牛牧場主要活動都係朝早, 下午4,5點已經冇野玩...即係我得1個小時玩, 咁所以我諗不如留返第2日先係飛牛朝早玩.....如果有錯, 請糾正我。
所以諗住不如落機之後, 會包車由機場去飛牛, 想睇下途中仲有冇咩景點可以順路去埋, 然得晏小小去飛牛check in。

你講既"大溪"係唔係等如"大溪花海"?
"三峽"即係咩? 有咩睇/玩架?
"龍潭"即係咩? 有咩睇/玩架?

作者: potpot    時間: 12-1-27 14:40

回覆 mikihouse 的帖子

原來你plan中午落機就去飛牛住個晚上,第二朝至玩,咁當然要用盡架包車啦(或自駕車)!(点解唔用台中機場,去飛牛近好多喎).

我所指大溪有花海農場、慈湖、大溪老街
龍潭-小人國、龍潭觀光大池
三峽-三峽老街及附近的鶯歌陶瓷街

不過幫你再睇Google map,要去以上地方可能要多一小時多的車程,反正你已經去農場,去小人國又不夠時間,反而發覺可能比較順路遊我上次唔夠時間去嘅新竹景点:

小叮噹科學遊樂區–同小朋友去最正,透過遊戲親子教育
南寮/新竹漁港-可以放風箏,撐船踏單車,又可睇沿海景色

去以上應多花一小時內之車程,可能只夠揀一個去。如果你包車,問問司機他一定有好介紹的。

作者: mikihouse    時間: 12-1-27 16:26

potpot 發表於 12-1-27 14:40
回覆 mikihouse 的帖子

原來你plan中午落機就去飛牛住個晚上,第二朝至玩,咁當然要用盡架包車啦(或自駕車 ...
因為今次行程一定要去babyboss, 所以點都會係台北返HK...
check 過, 如果出發台中, 返HK台北, 機票價錢會貴好多同埋台中航機D時間唔係好啱...
所以出發返HK會係台北機場....

小人國上次去過, 所以今次唔去...
我都想睇花, 但大溪花海農場, 好遠唔順路....

我應該點樣係網上Search有冇景點係附近or順路?

如果冇, 我諗最後只好直接去飛牛....

Day 1 機場->飛牛
Day 2 飛牛->台北
Day 3 Babyboss
Day 4
Day 5

另外, 我仲有2日行程唔知去邊好???
有冇好介紹?
(以下係已經去過既地方: 淡水, 台北市立動物園, 美麗華摩天輪, 小人國, 台灣故事館 )


作者: vickieso    時間: 12-1-27 17:01

我都打算復活節去
作者: evon688    時間: 12-1-27 18:53

回覆 vickieso 的帖子

我都想復活節幾家人一齊去台北, 但係有無 d 啱大人玩架, 例如沙灘 / 溫泉地方 !
thanks


作者: evon688    時間: 12-1-27 19:09

leung_michelle 發表於 12-1-17 11:22
really v cheap ar
POPO,

請問你知唔知復活節有無 D 咁平嘅機票呀 ?

作者: WinkyLee    時間: 12-1-27 20:16

回覆 potpot 的帖子

我去程係台中坐AE, 回程係高雄CI.

原先想4月8日出發, 但無位.  改為7號仍係high season. 大人每張加左$300, 因在高雄走.  又每張飛再加$200.  所以張機票好貴.  每人要$2180另加tax.

我去8日.  心思思想去: 台中->台北->高雄->懇丁->高雄

但高鐵車費加埋每人都要差不多hk$600(台中->台北->高雄)又真係唔值.  我去台北主要想去babyboss.  想淨一層, 原來去台灣玩交通費真係昂貴.

想問下其實去清境係唔係一定要由台中去, 若再去其他地方又要經回台中走?  同樣地, 去懇丁, 是否要必經高雄呢?  

重有若去溫泉, 四重溪定盧山好呢?  

另, 紙教堂及紙箱王係邊度呢?  

其實去清境及懇丁係唔係最好係包車呢?  我一家四口, 又無車牌.

哎...機票定左, 但對台灣的景點, 交通仍係未攪掂.

作者: 12312    時間: 12-1-28 08:45

本帖最後由 12312 於 12-1-28 08:48 編輯

高雄和墾丁是比較大小小的小朋友去,最好是小學生,去海生舘摸海參等、賽車等,小朋友太小只能住yoho hotel有小小活動,科學博物館適合二至二十歳的人玩。n
八日時間只夠玩兩處地方。


作者: yanyvonne    時間: 12-1-28 18:35     標題: 回覆:原來台北效區親子遊也不錯,樂園、農場、溫泉樣樣齊

我想復活節去only 玩台北有什麼好介紹5日4夜

我小朋友5yes &11yrs 是不是要book 3人房?邊間酒店好!help thx




作者: potpot    時間: 12-1-28 22:17

回覆 mikihouse 的帖子

原來是這樣,其實如果你想去大溪花海,何不安排從飛牛回程時順道遊桃園,或停一晚桃園,玩埋桃園景點後再去台北,這樣看起來也頗順的。有沒有興趣去台北近郊,即近來熱點十份,平溪又或過往多人去的野柳(唔知點解近年很小人提野柳,其實佢風景都不錯的)?
至於點搵順路景點,其實真係睇你點走,由機場到飛牛途經三個縣,即桃園、新竹及苗栗。最快應走國道一號再轉三號,那你就可以看看這兩路附近有沒有景點
作者: potpot    時間: 12-1-28 22:18

回覆 mikihouse 的帖子

原來是這樣,其實如果你想去大溪花海,何不安排從飛牛回程時順道遊桃園,或停一晚桃園,玩埋桃園景點後再去台北,這樣看起來也頗順的。有沒有興趣去台北近郊,即近來熱點十份,平溪又或過往多人去的野柳(唔知點解近年很小人提野柳,其實佢風景都不錯的)?
至於點搵順路景點,其實真係睇你點走,由機場到飛牛途經三個縣,即桃園、新竹及苗栗。最快應走國道一號再轉三號,那你就可以看看這兩路附近有沒有景點
作者: potpot    時間: 12-1-28 22:23

回覆 WinkyLee 的帖子

如果為babyboss專登去台北,然後又返台中,似乎真係成本(包括時間)都幾高,倒不如今次集中火力遊台中高雄及懇丁,可能比較充實。

去清境通常由台中去,因台中是一個交通樞紐(機場,高鐵)距離清境最近(話近都要2個幾小時車程)途中必經埔里,所以通常順路遊. 同樣,高雄是最近懇丁的交通樞紐,所以必然去懇丁的起點(都要2個小時車程)。

四重溪是台灣四大溫泉之一,而盧山經過前年風災好像還未完全復元,如果會去墾丁,我個人會選四重溪。

紙箱王如果你留在台中可以去大坑試試

有小朋友當然包車最好。去墾丁,其實也不需要全程由高雄包車到墾丁,在高雄左營站巳經可以有公車去墾丁,可以到墾丁後叫民宿或酒店幫忙安排一天遊墾丁景點,至於去清境,冇記錯都要先搭公車到埔里再轉車到清境,可以試問清境民宿是否可安排從埔里接送到清境。

訂機票後就要想行程,然後就訂酒店了,其實你心目中有乜景點想去?不如列出來一齊度度。

作者: potpot    時間: 12-1-28 22:36

回覆 evon688 的帖子

復活節真係好難揾平機票,唔加價到已經執到。真係有都通常last minutes (即去前幾日)至放出嚟。以家連新開個港航到台北都揾唔到傳聞的九舊幾水復活節機票,唯有再等等,有嘅會盡快放料.
作者: Lqueenie    時間: 12-1-30 13:04

回覆 Lqueenie 的帖子

我記得應該 100 cm 就可以自己玩, 如果唔係, 大人陪都得
作者: potpot    時間: 12-1-30 18:24

本帖最後由 potpot 於 12-2-29 15:41 編輯

先講個人住宿推介–

帶小朋友又唔係自駕遊嘅,梗係揾間交通方便又乾浄的酒店,我之前去台北市一定揀位於台北火車站附近的旅館。你打開張捷運圖就知台北火車站嘅重要性,捷運、高鐡、台鐡、公車站等係埋一点,方便得無倫. 以下是自己住過或見綱上有好評的, 全部價錢約HK$500 – 1000多元不等

1.天成飯店 – 很老牌,外表舊,不過內部装修不久,勝在對住捷運出口,方便首選.
2.凱撒– 又係老牌, 比天成高級 ,有家庭房. 聽聞又係剛內部裝修.
3.City Inn Hotel A館 – 夠亁淨,不過房間相對以上較小
4.新站旅店 – 藏在舊大厦的一間很乾淨服務又好的酒店,有家庭房(四人).

(聲明: 其實除了以上,台北市真係有很多平靚正的,最緊要花些時間睇comments,有冇媽媽有其它好介紹?)
以下是有些MaMa之介紹-
1.懷寧旅店-便宜方便之選
2.君品酒店-開放式浴室,大浴缸


全程一間酒店,帶小朋友不換太多,經大綱站訂,一般要用credit card 先hold hotel,通常七天前取消都可全退錢,我通常訂好機票,大槪行程就訂酒店。如訂後行程改変或發覺其他綱站有promotion, 就先訂再取消之前嘅酒店,不過記緊睇過酒店個取銷policy, 有時間間唔同.

作者: potpot    時間: 12-1-30 18:28

本帖最後由 potpot 於 12-2-29 15:43 編輯

景點推介: 主要是一程公車 or 捷運到逹, 最多加一程短途接駁:-

-林珊動物園,貌空(預一天), 晚歺於101 大樓

-BabyBoss, (預一天), 晚歺於Hello Kitty Sweets

-小人國/六福(選一個,預一天), 晚歺回到台北於饒河街夜市

-兒童育樂中心(舊式玩意),士林官邸(賞花)/國立台灣科學教育館(恐龍谷,地震劇場), 士林官邸(選一組,預一天), 是夜行仕林夜市

-北投浸溫泉,順行地熱谷,北投博物館, 黃昏去淡水漁人碼頭睇日落,行老街食飯 (預一天)

以上可以夠用六日五夜Hea住遊,或 減小一個半個至五日或四日遊, 如小朋友太累skip過推介晚歺,直回台北車站個微風廣場食嘢回酒店去睡也.

下回介紹点搭車去……..

作者: potpot    時間: 12-1-30 18:44

本帖最後由 potpot 於 12-2-2 19:46 編輯

以下用台北車站為住宿點,很多地方都是搭捷運,唔想煩就買張悠遊咭。

1. 桃園機場->台北車站

落機出关後睇牌沿着去機場巴士指示牌行, 去counter 買票. 可選大有西線或國光巴士到台北車站落. 大有會停在很多酒店門前,國光就係台北車站落車. 如很早到台北就放下行李於酒店,跟住馬上行程。如已黃昏就checkin 酒店後就行行地下街或去車站對面Sogo行行揾吓嘢食或回微風广場食晚飯, Hea Hea 吓行.


2.台北車站->木柵動物園->貓空

今曰去睇動物搭纜車,落捷運搭籃線南港方向兩個站就到忠孝復興站然後轉啡線直去動物園站.到站出口1就見到動物園入口。

如同遊兩地方,不妨買張321貌空動物園套票,可以來回兩次纜車 + 動物園及貓空遊園列車。最梗要睇企鵝館同大河馬,沿路行吧。睇完企鵝,小朋友應肚餓,就到河馬隔鄰餐飲館整個兒童餐. 食完,行多陣,如小朋友累了,正好用埋張套票搭遊園列車遊園(記得入口同埋企鵝館都有站)

玩完動物園就可以係動物內園站搭纜車,去到貓空站落車去嘆個茶,買吓茶葉,有時間又買咗321套票就用來搭貓空遊園公車欣賞其他貓空景點。差不多就回程去動物園站走人。


動物園->101

搭回捷運到忠考復興站再轉藍線南港方向到市政府站行過去約10分鐘,一場來到唔食飯到上去觀景台睇睇(約佰多元港纸,去玩就唔覺貴).是日隨便揾間嘢食,跟住回程搭捷運反方向(永寧站方向) 回台北車站.


3.台北車站->京華城BabyBoss

今日行程簡單但會很累(要企成日…). 又係搭捷運籃線南港方向到忠考復興站5號出口一路向前行就到京華生活車站免費車去京華城。唔寫咁多,可以參考之前寫個攻略帖.

食於babyboss內,玩完搭回京華生活車到忠考復興站(小心,回程中途有站,唔好落錯車). 有興趣又有預約嘅就去Hello Kitty Sweets 去食晚歺(我未食過,其它媽咪介紹的),其它媽咪介紹的綱站話忠考復興3號出口.如太累就回台北車站揾食.


4. 台北車站-> 小人國/六福

今日要坐比較長程車去小人國或六福。去邊個好?覺得小三以下去小人國,以上就去六福。因六福比較啱大些小朋友去。另外,如熱天去小人國不妨帶泳衣去,因上次去至發覺佢原來都有個水上樂園,真係孤漏寡聞。朝早玩水,下午玩機動咁就一日行程,多暢快。


從台北車站出發,可以有兩個方法去。一是搭台鐵到中壢站再過對面(記得好似要穿過墜道)到中壢總站搭新竹客運(5653),約半小時一班。由台北去中壢约40-50分鐘(搭區間車即站站停就慢些,搭自強、復興就快些因只停大站),再由中壢到小人國或六福就約半小時多的車程(唔計塞車),全程約1.5小時以上。


叧一途經就係搭捷運篮缐又係南港方向到忠考敦化站,8號出口行過對面中間公車專用道搭台聯客運直達小人國(尾二站)或六福(尾站)。全程應一個半鐘以內。

有大有小緊係唔煩搭一程公車最好。不過小心佢約50分鐘才有一班車,記緊睇台聯時間表預時間。

揾到條link -

http://www.e-go.com.tw/web2010/cht/busline_2.php


要点玩,唔駛教自由發揮。個日就食在園內,特別要提小人國食嘢,佢真係冇乜選擇,入口無耐得間餐廰,重係得火煱(係呀,真係打邊爐,唔同諗住大人冇乜好玩,打吓火煱打發時間,唔知夏天係咪继續火煱),另一選嶧就係搭小火車過到機動遊戲就有一間食堂,飯麵供應-唔駛問至在塡飽,味道就....


->饒河街夜

是日從小人國回程去饒河街夜,
点解會揀饒河街?哈,因為我想食世祖胡椒餅(不過係台北車站書局衐都有分店) . 其實揾過籍口回程試搭台鐵回台北站。從小人國/六福就搭回台聯到忠考復興,跟住打的去(唔算遠,好快到. 唔建議搭捷運,最近是後山埤站,行好遠.另如果你從九份瑞芳搭火車回台北, 咁就更加要去饒河街,落早一站而已). 食完就行去松山站,搭一個就到台北車站。

continue....



作者: wingyee_ma    時間: 12-1-30 22:58

回覆 potpot 的帖子

可唔可以推介 101 大樓有咩好食? 微風廣場又有咩食 ?
作者: WinkyLee    時間: 12-1-30 23:34

回覆 potpot 的帖子

POTPOT,

你真好人!  

行情己暫定左, 可以俾D意見? 看看有無什麼要改?

第一天:
中午到台中機場 ->清境, 放低行李後去蘆山浸溫泉, 其實四重溪會興趣大D.  不過想不到第一天有咩其他地方去.

第二天:
全日清境

第三天:
清境包車一天遊. (紙寮, 集集, 車埕, 紙箱王...重有無其他呢?) ->下午往日月潭住.
想問下我呢幾個景啱小朋友嗎?

第四日:
九族文化村+歐洲公園 (下午坐高鐵往高雄)

第五日:
高雄市內(義大世界, 六合夜市, 或瑞豐夜市及夢時代)

第六日:
早上由高雄往懇丁(沙灘, 行大街)

第7日:
懇丁一天遊(出火/半潛艇/草地飛球) 或四重溪->下午回高雄

第8日:
高雄市內(水陸兩用鴨子船, 橋頭糖+小火車之旅+買手信) ->回HK

其實, 我都好想去台中(苗栗內之大湖採士多啤梨及東勢林場看櫻花, 重有去埋飛牛牧場)但好似唔太順路.  所以我仍考慮緊第三天究竟係清境一天遊定去我講呢三個景點好?

那個景點較適合小朋友及值得去呢?  

各位有無認為有什麼地方要改呢?


作者: 棉花糖媽媽    時間: 12-1-31 11:16

回覆 potpot 的帖子

hello, pothot,
我都打算去個4日3夜台灣之旅呀~ 一家3口, 小朋友5歲多~ 想問下以下行程ok 嗎?
day 1 : 落機 + 木珊動物園 + 貓空
day 2 : babyboss
day 3 : 小人國 (上午) + 小烏來坐小火車 + 浸溫泉
            (溫泉酒店有咩好介紹呢?? & 呢個行程會唔會好急呢??)
day 4 : 台北兒童育樂中心

另想問, 有咩機係早機 (有咁早得咁早) then 下午機返架?? (5-6點機) thx ^^

作者: potpot    時間: 12-1-31 11:42

回覆 wingyee_ma 的帖子

,其實我對食冇乜要求,101只想睇台北夜景,所以只懂去頂層(應該83)個兩間觀景餐廳,坐在高空一邊食一邊睇夜景。記得一間是義大利,另一間是台菜,名字忘記了,不過記得預約,上次就撲個空了。唔知好不好食,但一定好貴。唔記得個名,等閒有時間上綱查查。冇位就試試地下間鼎泰豐,覺得台灣就算分店都好食個香港,唔知係材料問題或是心理作用。

台北車站微風個美食街真係好多選擇,我平時在香港很小食牛,唯獨去台灣必要食牛肉麺,推介牛肉麵競技館.


作者: potpot    時間: 12-1-31 11:48

回覆 WinkyLee 的帖子

唔駛客氣,難得有個地方比我做紀錄,又可交換情佈,預備旅行已是快楽事(個人感受,很多人都覺得是苦事,如果唔係好多旅行社要執笠).

末講行程先提醒四月份墾丁有春天吶喊,如果唔係想適逢其會,最好避避,因個幾日酒店民宿好full又貴,滿街人, book車又難。個官方綱站好似未定曰期,等我搵我個死忠fans朋友問問今年定咗邊幾日!夠鐘食飯,等陣再講....


作者: htts    時間: 12-1-31 12:03

本帖最後由 htts 於 12-1-31 12:12 編輯

我plan Eastern去懇丁或台北自由行 (4d3n), 如去懇丁, 就唔去台北或相反, 第一次去, 乜都唔知,  帶11歲女, 可能有老人家, 玩下食下, 有行程推介嗎?  交通點搞?  邊樹book package? 謝謝!
作者: potpot    時間: 12-1-31 20:12

回覆 WinkyLee 的帖子

唔該哂,因其實我都度緊去南投清境條線,你提既景点又帶比我些靈感。

你苐一天中午到台中就即去清境,可能已是黃昏了。然後再落山再到盧山浸溫泉,清境那些山路都幾易暈車浪,怕小朋友頂唔住,第一天太盡岀事就麻煩,倒不如將盧山侵溫泉放在第二日,另外你會唔會計劃去合歡山睇日出,如果是就更加第一天到清境就早些訓!

另外第二天包車你有乜計劃去邊度?我都有計劃會停兩晚清境,第二朝去合歡山睇日出(這程未預小朋友,自己去也),回來後去清境牡場、瑞士花園,然後會去奧萬大(個人嗜好,睇大山大草), 然後回程去盧山浸溫泉(你比的靈感),再回清境.

你第三日雖然好似有些回頭路,由清境出發應該會經過日月潭,再到埔里。但沒辦法因看來你要會台中搭高鐵,因我自駕所以我或會可以先去日月墰再去埔里(集集,紙箱教堂etc). 跟着去嘉義(去埋阿里山?)

今日很累,揾日再寫


作者: WinkyLee    時間: 12-1-31 20:35

  我都估到, 我既行情一定啱唔少家庭.  而我也記得之前你講過PLAN緊台中遊.  不過,我都好佩服你咁有心機花咁多時間分享台北遊.  見你寫既行情都好吸引.  

第一日你都講得對, 去到清境都差唔多黃昏了.  我去蘆山你見清境唔係距離好近咩?  不是15分鐘車程嗎? (因我朋友借書, 佢有份單張寫住)

也多譏你提醒懇丁既演唱SHOW,我都有D擔心; 真係check check先.

我第二日咪係去清境牡場、瑞士花園; 我唔會去合歡山了.  你唔預小朋友咁由誰看住佢地?  

因第一, 二都不用包車.  (我正確嗎?)
第三日才包車所以, 走回頭路我估不成問題掛?

其實, 我最未決定係, 我都好想去台中(苗栗內之大湖採士多啤梨及東勢林場看櫻花, 重有去埋飛牛牧場)但好似唔太順路.  所以我仍考慮緊第三天究竟係清境一天遊(集集/車埕....)定去我講呢三個景點好?

另外, 你住宿又點呢?  





作者: wingyee_ma    時間: 12-1-31 23:13

可唔可以分享下你地係邊度訂酒店
作者: wingyee_ma    時間: 12-1-31 23:13

可唔可以分享下你地係邊度訂酒店
作者: yanyvonne    時間: 12-2-1 11:30

回覆 potpot 的帖子

THX 你資料好有用. !

小烏來坐火車??? O廿個到是不是有溫泉浸? 
個度同台北車程幾遠? 
要唔要住一晚? 如要有什麼好介紹 我2大2小(11YRS & 5YRS ) 

THANK YOU SO MUCH !

作者: potpot    時間: 12-2-1 11:53

回覆 htts 的帖子

去台北可以睇我樓上個行程,不過你個女11歲可能有些地方唔適合,如BabyBoss,兒童育樂中心,可能對你個女太幼稚。倒有一個地方自己很想介紹,不過怕比人話悶又老土,個地方就係故宮博物館,個舊小白菜玉石同舊五花腩至今難忘。

如去墾丁都很適合,遲些等我又寫吓我之前怎遊墾丁高雄,其實我覺得去墾丁除了車程長之外,交通都唔難安排。


作者: potpot    時間: 12-2-1 11:58

回覆 棉花糖媽媽 的帖子

你個行程好ok呀,除了第三天。我想你是講烏來小火車(有個小烏來就真係幾近小人國,可以睇翻之前介绍過小烏來景点)由小人國去烏來都幾遠,如果你住台北一早便要乗車到小人國,又再乘多超過一小時的車去烏來,小朋友會很累,倒不如Hea 些,小去一個地方加個浸溫泉。如果去烏來當然去埋烏來浸溫泉,唔識介紹因真係冇去過烏來浸溫泉。

如去小人國回來台北可以去北投,唯一介紹是北投春天,貪佢有戲水池啱哂同小朋友一齊玩,如果你咁去,可能到北投已是夜晚,順便去埋淡水行老街。遲些會介紹吓點搭車去。

又夠鐘,去食飯,稍後再談。



作者: natalie_lee1010    時間: 12-2-1 12:10

hihi potpot~

我將會2/11-15去台北,一家3口,阿仔3歲多D..
住舞衣新宿.請問我下面既行程順嗎,請比D意見

DAY 1 2 :00 到桃園機場->酒店CHECK IN ->抖下-->KITTY CAFE-->睇高達-->光南批發-->KMALL食MO MO PARADISE-->返HOTEL休息

DAY 2 早餐-->小人國(LUNCH)-->西門町行街食飯

DAY 3 動物園->貓空->信義新天地,玩波波池,同做手工(DINNER A380餐廳)

DAY 4 汽車BUBU餐廳->北投地熱谷->淡水老街-->漁人碼頭(情人節行下情人橋)-->淡水(榕堤DINNER)

DAY 5 鼎泰豐LUNCH,跟住行下誠品,跟住機場

其實最諗唔到係DAY 1同DAY 5,時間又唔多,又唔想太辛苦..KITTY CAFE又唔知擺係邊日好~~

請指教,謝謝
作者: htts    時間: 12-2-1 12:13

potpot 發表於 12-2-1 11:53
回覆 htts 的帖子

去台北可以睇我樓上個行程,不過你個女11歲可能有些地方唔適合,如BabyBoss,兒童育樂中 ...

Thanks!  Wait for your 墾丁 part.

台北係咪有書城架?  如去台北, 我女話想買書.





歡迎光臨 親子王國 (http://alpha.baby-kingdom.com/) Powered by Discuz! X1.5