吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 我家有個好有HEART既工人, 但欠財仔好多錢, 點算?? ...

論盡家傭今日: 0|主題: 133730

收藏本版

發帖

返回列表

跳至頁

查看: 1417 | 回覆: 20

我家有個好有HEART既工人, 但欠財仔好多錢, 點算?? [複製鏈接]

Casttle

大宅

積分: 1517

1^#

發表於 12-5-30 03:01 |只看該作者 |倒序瀏覽 |打印

我家姐姐做咗3年半, 佢黎既時候我第2個BB只得6個月, 大嗰個都係2YRS, 做咗1年度我又有咗第3個, 當時我都心大心細, 點知佢叫我生啦, 佢會幫手照顧, 姐姐真係好有耐性同愛心去照顧我地, 尤其是細細b, 佢直頭當親生咁照顧, 我本來都諗住同佢續第三張約!

點知突然收到財仔電話, 話佢欠下2萬幾未還, 問佢, 佢又話係幫人借, 話佢係做担保, 因隔離屋個妹妹既姐姐有病要長期住院, 妹妹喊晒要佢幫, 所以幫佢做担保, 但因妹妹最近比人炒咗, 雖然揾到新太太, 但要係大陸過冷河兩個月, 所以冇還錢, 但我地問財仔時, 財仔話呢d錢係我姐姐借既, 唔係担保, 又話佢由2010年開始借, 一共借咗5次, 從未還清過, 每次都係還3個月又再借, 一直都係咁, 財仔不繼打電話黎先爆咗出黎, 但問極佢都堅持係幫妹妹借, 唉~~都算嗱, 我地借咗一期數比佢還錢先, 之後每個月扣糧還錢, 因為仲有5期要還, 我問佢攞還款咭同佢還錢, 佢都堅持話冇係妹妹到, 因為一直都唔係佢還錢, 所以冇還款咭喎, 佢仲話唔緊要照扣糧還錢, 因為妹妹有寫借據比佢, 佢會叫老豆係印尼嗰邊追喎, 點都好, 我地都算嗱, 話晒佢真係好做到野, 我地兩公婆有時出街都好放心佢睇3個小朋友!問清楚晒冇其他數就算嗱!

點知最近又有財仔打黎, 今次係第2間, 又話佢欠債未還, 今次仲欠3萬未還, OMG, 佢今次係話幫弟婦借架喎, 佢話弟苦想係印尼買地, 所以弟苦去借佢做担保喎, AR弟苦又唔還錢, 財仔交咗比追數公司, 追數佬又日日打N咁多次電話黎追數, 唉~~我今次冇再幫佢, 叫佢自己攪掂, 追數佬日日打比佢勁鬧, 又話再唔還錢就上黎揾佢, 我就同佢講如果收數佬上到黎我一定會將你交比佢, 因為我要保護小朋友, 最多幫你報警, 不過警察都幫唔到你, 因為係你欠人錢在先, 我仲同佢講追數佬上黎揾你唔係同你傾計, 係黎打你, 日日如是直至你還錢為止, 可能佢怕怕, 呢幾日係咁問人借錢, 同埋做野做得好好, 老公都話佢最近既工作表現超晒班!

其實我地都諗住唔要佢, 但揾緊工人時見到姐姐做野真係好掂, 真係唔知掂好, 因為依家真係好難揾到工人, 你揾到人地又未必做3個小朋友, 肯做既又未必好, 個個姐姐都黎借錢, 以為太太會幫佢, 如果炒咗請咗個又係借錢既咁又點呢??依家冇印印, 我未請過PHILL, 都好担心PHILL姐姐既工作能力同態度, 唔炒佢又成日担心再有財仔或追數佬打黎追數, 都好煩, 大家可否比D意見呢!! THX!!

0 0 0

私人傳訊

minmin

珍珠宮

積分: 40430

2^#

發表於 12-5-30 08:34 |只看該作者

咁姐姐有無能力每月還款俾財仔?

私人傳訊

CrabPincers

公爵府

積分: 28940

好媽媽勳章醒目開學勳章畀面勳章大廚勳章

3^#

發表於 12-5-30 11:02 |只看該作者

人地財仔已經同你講左，之前佢都係舊債未清，新債又後，你都還要借，還要做左3年半，你因住佢借埋借埋走佬，點還者。。。。

私人傳訊

happymanman

大宅

積分: 4560

4^#

發表於 12-5-30 14:28 |只看該作者

佢係就係好好, 不過借咁多 $$ 你自己又擔心,. 不如開始找第二個工人啦

私人傳訊

hbsbb

大宅

積分: 2390

5^#

發表於 12-5-30 14:32 |只看該作者

回覆 Casttle 的帖子

你講既故事幾個月前我工人同我講過大同小異既板本, 前幾日又有朋友打黎話佢工人又有差唔多既遭遇, 佢地個個都係話自己做好心幫人借錢, 還款咭係朋友度, 還錢時就俾錢朋友去7仔還, 所以自己冇收據, 而家朋友走左佬冇得還, 連之前交俾朋友還既錢朋友都冇還, 啲錢自己冇用過, 唔應該要佢俾..........唉! 我覺得佢地借幾間財仔都係預左走佬, 顧主再借俾佢, 咪益埋佢地囉, 我開頭都信工人, 同情佢, 話佢蠢, 幫朋友搞到自己欠落一身債, 但係當我工人走左佬, 諗番轉頭, 我覺得蠢既人係我........ 佢地係有計劃咁去財仔到借, 再問顧主借, 然後就走佬唔還錢...... 經過今次教訓, 我決定以後都唔會再借錢俾工人, 祝好運!

私人傳訊

Casttle

大宅

積分: 1517

6^#

發表於 12-5-30 18:05 |只看該作者

MINMIN

佢細嗰條數我定期扣佢糧黎還錢($3000), 大嗰筆就真係唔知佢點還!

私人傳訊

Casttle

大宅

積分: 1517

7^#

發表於 12-5-30 18:08 |只看該作者

hbsbb

其實我都聽聞過好多姐姐黎借錢, 10個有9個都借, 我就係怕會走佬所以我唔想再借錢比佢, 煩就係煩呢樣野囉, 萬一請咗佢借完走佬或做野又冇佢咁好又大濟, 唉~~

私人傳訊

yuyueng

水晶宮

積分: 59486

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 15週年勳章親子王國15週年勳章畀面勳章 BK Milk勳章開心吸收勳章

8^#

發表於 12-5-30 18:28 |只看該作者

其實一開始就吾應該借錢比工人，賒借免問！吾好話工人，就算朋友都係！除非預左收吾返都肯借囉！

私人傳訊

CD_BB

男爵府

積分: 9205

畀面勳章

9^#

發表於 12-5-30 18:42 |只看該作者

回覆：Casttle 的帖子

依個世界上唔係得佢一個做得野的工人嫁ma，工人幾好，有2種情況係留不得：一種係偷$，另一種借$!

點評

zitzai agree！發表於 12-5-30 21:16

私人傳訊

妤妤

男爵府

積分: 7009

10^#

發表於 12-5-30 19:40 |只看該作者

回覆：CD_BB 的帖子

上星期去某商廈，見有三個賓賓鬼c咁開心咁一齊搭 lift, 仲以為佢哋去咩教會敘會，原來一打開 lift 門，係安 X 財務！

**************************************** 芍妤bb 10/11/2004 在聖保祿醫院出世，體重 2.6Kg。 ****************************************

私人傳訊

妤妤

男爵府

積分: 7009

11^#

發表於 12-5-30 19:42 |只看該作者

引用：上星期去某商廈，見有三個賓賓鬼c咁開心咁

原帖由妤妤於 12-05-30 發表
上星期去某商廈，見有三個賓賓鬼c咁開心咁一齊搭 lift, 仲以為佢哋去咩教會敘會，原來一打開 lift 門，係安 ...

真係好似啲財仔廣告咁，借錢借得鬼咁開心。

**************************************** 芍妤bb 10/11/2004 在聖保祿醫院出世，體重 2.6Kg。 ****************************************

私人傳訊

YOYOYOYOYO99

禁止訪問

積分: 485

12^#

發表於 12-5-30 20:45 |只看該作者

提示: 作者被禁止或刪除內容自動屏蔽

私人傳訊

amoslaw

大宅

積分: 3623

13^#

發表於 12-5-30 21:06 |只看該作者

其實我同妳差唔多，姐姐做咗1年表現麻麻諗住用夠2年就吧！上星期放完假我見到財仔還款咕問佢她話和朋友借一人一半，我話每个月到期我幫她在7仔入$$叫她朋友比番一半佢，諗咗陣她話做埋呢个月唔做。我諗佢跟本唔想還錢！我有朋友話好多工人借錢比男人駛，越借越多，雖然佢係做到野，但再用她你会有好多麻煩，跟本每月唔夠錢還，唔通会个月還$5000妳都幫她？人工都無$5000啦。

私人傳訊

zitzai

珍珠宮

積分: 34648

14^#

發表於 12-5-30 21:26 |只看該作者

個工人幾好都係假，除非你唔介意（1）不斷俾人打電話甚至 ding dong o黎騷擾，（2）個工人遲早都係走佬

之前佢借幾多唔計，齋計呢 2 條數。為 ’幫人’ 爭人 2 萬，佢唔食唔著唔寄錢返鄉下人地唔再起佢釘，佢都要還接近半年人工。半年喎！咁佢都仲去 ’幫人’ ，仲揹條數 3 萬＝再 7 個月人工。為 ’幫人’ 願意犧牲自己 1 年人工，有無人咁偉大？？？根本就唔合情理！佢只係作緊o野話 ’幫人’！

佢而家爭人咁多錢佢亦無本事還！樓主真係唔好再借錢俾佢，仲要積極部署下o係佢爆煲走佬之前點樣追番佢爭你條數。仲有小心財物！

私人傳訊

lily-of-valley

象牙宮

積分: 223724

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018母親節勳章 2018復活節勳章 Poo得好勳章 15週年勳章親子王國15週年勳章玩具勳章畀面勳章醒目開學勳章環保接龍勳章 BK猜猜猜慶中秋 BK Milk勳章 hashtag影視迷勳章最關心BB問題熱投勳章

15^#

發表於 12-5-30 21:40 |只看該作者

樓主,
睇你點睇.
我妹99工人, 1990來HK, 過一段時間, 就貴利追上門. 我妹2000嫁到佢地屋企, 一年多, 就貴利打門. 成日話自己做guarantee. 應該為佢個bun佬老公借錢比佢嫖賭飲吹. 次次都叫工人自己4466同貴利拆掂, 點解99咁忍佢? 因個工人快手, 乾淨, 話頭醒尾, 無偷野. 好掂.

到2007, 佢bun老公死咗, 唔使借啦, 到2010, 話賺夠退休了, 任99點留人都唔做.

你忍唔忍得?

私人傳訊

Casttle