母乳餵哺今日: 0|主題: 85708

收藏本版

回覆發帖

返回列表

跳至頁

查看: 23391 | 回覆: 72

上奶上得好 & 全泵奶媽的小小心得 [複製鏈接]

12 3 4

blueboy

大宅

積分: 2503

1^#

發表於 12-11-2 21:32 |只看該作者 |倒序瀏覽 |打印

本帖最後由 blueboy 於 12-11-3 22:33 編輯

見依家越來越多人想餵人奶餵唔到真係好想出分力幫吓，所以集合咗我自己同朋友們嘅小小心得希望可以幫到各人奶媽
大家覺得有用值得分享就請幫手push，我平時好少入呢版因我d仔女已經戒晒奶

，路過呢度想鼓勵吓大家，希望唔好比佢停，大家有乜心得都一齊分享吓先可以有機會比其它媽媽睇到，呢度靠你吔啦！

上奶小心得

要上奶上得好唔可以太早飲湯水谷，生完最好只飲炒米茶同普通食物，飲多d同食多d飯就得，盡快比BB埋身啜，啜密d。陀B後期到生咗都一定要食磷卵脂丸，煲湯亦加d通草，務求乳腺暢通無阻，到d奶轉晒奶白色又上得順就可以開始飲上奶嘅湯水，太早谷自己上奶但乳腺未ready係好容易塞，因有入無出，一塞唔出奶就會易發炎而且身體亦以為你唔使咁多奶而唔做咁多，咁就好難餵得成功，

最後都要提返句，BB埋身啜最好，唔知點埋身就去附近母嬰健康院，d姑娘好pro而且唔使點排，有個餵奶房入面就有人教，就算無約姑娘都會有其它人奶媽教你

明白唔係個個BB都可以埋身餵，所以亦節錄咗朋友兩年前寫嘅泵奶媽心得比大家睇睇

全泵奶媽的小小心得

今日我細女8個月大亦係我掛泵嘅日子，當年大仔亦一樣係餵咗8個月人奶，無偏心。以下嘅小小心得可能好多媽媽都知但我亦想係我完成泵奶任務呢日同大家分享和留作紀念，各位媽媽有增奶心得都好歡迎係度交流下。

係呢2段泵奶嘅日子裡面我發覺好多人都話要多奶就要埋身餵，全泵的話會越泵越無奶，我依家就想話比你地知事實上係未必嘅，只要你泵得其所，知道要點泵仲可以越泵越多奶添！

能夠埋身餵然好，但係要個BB配合先得，識啜之餘亦要勤力啜，如果好似我大仔咁心急，一少d奶就發脾唔啜就唔得，好似我細女咁細食成日""下咁都唔得，除非你自己真係勁多奶，否則只埋身餵唔泵的話好易會比佢地越啜越無。

解決方法當然就係泵啦，但係泵都要知點泵先會越泵越多奶。
1) 勤力
一定要保持每3小時泵一次，每次最少30分鐘

2) 乳腺暢通
我2次都試過有奶出唔到，如果摸到有硬粒一定要搵BB啜下，自己按下，務必要盡快清除硬粒，我就試過搵lactation consultant通乳腺，係超痛嘅！亦有好多媽媽話食卵磷脂丸令d奶無咁杰，有太多supplement不能盡錄，我只試過卵磷脂丸。紅棗亦唔適合食。

2) 泵
有決心餵人奶嘅話最好用雙泵，個泵亦要夠力，因為2邊一齊泵可以多10%。我自己就租咗個醫院規格嘅雙泵(~$2300 6個月) 點解唔買呢？因為買呢個泵要$18000，一定夠力之餘亦泵得快好多，我試過用細泵會少成oz，不過泵呢家野係因人而異嘅，貴嘅又唔一定個個都岩用。咁點知個泵岩唔岩自己呢？就係睇下個泵容唔容易引到你有奶陣(let-down)
註: 呢d資料係講2年前嘅，依家幾多錢我唔知啦亦唔方便講喺邊度租，租嘅係medxla symphoxy

3) 引奶陣
首先奶陣係乜呢？當有奶陣嘅時候你個nipple會感覺酸酸痕痕咁，酸痕嘅時候你就會有多d奶出多奶嘅人係會噴奶柱嘅，而且呢d係後奶(hindmilk)，脂肪成分高d杰d個B會長肉重得快d。
點引奶陣呢？有d人會自己"了"個nipple黎引奶陣，亦有好多人話聽見BB喊聲會易引奶陣，但當你聽BB喊聲聽到無特別感覺嘅時候就無用，自己用手"了"又好似唔係幾衛生而且用雙泵的話係幾難做到嘅，我嘅方法係搵個岩自己嘅奶泵，我一共試咗4款泵只有2款泵得較清，個泵有2段suction，我對頭段suction比較敏感，所以我係不斷重複頭段suction黎引奶陣，半個鐘內最好引多d奶陣，我會引到3次奶陣先收手，開始時會泵超過30mins但唔會多過45mins，與其話要泵幾耐我覺得個目標定係有幾多次奶陣會實際d，因為唔識泵的話可以泵1個鐘都無奶陣咁就只係浪費緊你寶貴嘅休息時間，之後我亦係唔睇鐘咁泵夠3次奶陣就收工。

點解奶陣咁重要呢？個原理其實好簡單，例如係你未有奶陣時泵到30ml，泵到多一次奶陣多10ml，keep住咁做你遲下就會係未有奶陣時都泵到40ml，引多次奶陣就有total 50ml，一直咁泵你就可以越泵越多，我餵細女呢次用呢個以奶陣為目標嘅方法泵到全人奶(每日大約900ml，我個女細食我亦只想泵到剛剛好唔使冰奶)，咁做係因為你出幾多奶個腦先會做幾多奶，你泵一陣泵到無就唔泵即係話比個腦知夠奶，久而久之就做少咗，但你keep住泵引多幾次奶陣即係話比個腦知唔夠奶飲所以先會做多d，並唔係個胸識認泵定埋身餵，當然BB啜得叻亦有相同效果但埋身餵時你有奶陣唔會感覺到nipple酸，你只會見到佢咀唇邊有奶吞唔切。

當你泵順咗嘅時候就可以因應BB食幾多而保持/減少泵奶嘅次數由3小時一次改4小時一次或者半夜起少一次身泵少一次，我自己唔主張泵太多奶黎冰，因為人奶會隨天氣/BB年齡而配合，一定係新鮮嘅較好，而我亦試過飲解凍咗嘅冰奶，係有d涸喉嘅感覺唔同新鮮/無冰過嘅人奶帶甜味，所以亦解釋咗點解有bb唔肯飲冰奶。

我的小小心得就係咁多，祝各位想餵人奶嘅媽媽們成功！