吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 彥媽與你: BB讀書/學習交流站 (精華篇)

大仔大女媽媽會今日: 0|主題: 177860

收藏本版

發帖

返回列表

跳至頁

查看: 94247 | 回覆: 43

[2006年] 彥媽與你: BB讀書/學習交流站 (精華篇) [複製鏈接]

12 3

彥彥媽咪

子爵府

積分: 12314

2024年龍年勳章

1^#

發表於 06-10-27 00:10 |只看該作者

彥媽與你: BB讀書/學習交流站 (精華篇)

Dear all

多得各位響之前個"彥媽交流站"一直咁捧場, 依家個個 topic 已達 3x pages la!! 當中係有好多媽媽係問一d 個別性既問題, 所以會將一d 本來彥媽既"心得分享"被升遠左...

有見有d 新加入媽媽想睇又真係都 scroll 得幾慘....因此彥媽再開一個 topic here 將個 system 分得好d...

以後呢樹將會只用作俾彥媽 post 一d 心得分享, 同 answer 一d common questions...

當中請大家別在此發問/回應.....想傾偈 or 有野問請仍舊過去個舊個 topic (我已易名為"彥媽與你: 讀書/學習交流站 (答問區)"), 方便我回應各媽媽個別問題....

CLICK :

1) 彥媽與你:BB 讀書/學習交流站 (答問區) ~ Part 1
http://forum.baby-kingdom.com/viewthread.php?tid=716478&extra=page%3D1

2) 彥媽與你:BB 讀書/學習交流站 (答問區) ~ Part 2
http://forum.baby-kingdom.com/viewthread.php?tid=1047502&extra=page%3D1

咁樣分左之後, 有新媽媽想 find 料就唔駛 scroll 足幾日喇...

不過.....我都希望大家支持 both topics ga....

多謝幫襯....

((((((麻煩版主可唔可以幫我將此 topic also 置頂 ar? Thanks!! )))))):mrgreen:

P.S. 記得溫哂書先入去再 chat 會更 effective ga~~

[ 本文章最後由彥彥媽咪於 08-7-21 11:04 編輯 ]

私人傳訊

彥彥媽咪

子爵府

積分: 12314

2024年龍年勳章

2^#

發表於 06-10-27 00:13 |只看該作者

Re: 彥媽與你: BB讀書/學習交流站 (精華篇)

第一講 : 幼兒園 Nursery VS. 幼稚園 Kindergarten 有乜唔同呢??
=====================================

1) 先搞清楚, HK 既學前教育係有兩種 (a) 幼兒園 Nursery (b) 幼稚園 Kindergarten; (a) 係 2 years old 可以入讀, (b) 要 3 歲先得

2) 幼兒園係 under 社署管轄, 形式係似半托兒咁, 以舒緩在職家長為照顧小孩而不能安心工作既煩惱, 大部份由志願團體辦個d (e.g 救世軍, 基督教服務處, 浸信會...etc) 都係全日制形式, 課程模式係跟社署指引去做, 所以好多都好一樣, e.g. 上下課時間係 9:00am-4:30pm; 因係半托兒既形式, 所以其實佢地 8am 已開始收仔 (即係可以 8am after 就送佢去, 去到就玩住先, 至9am 先有"課程"), 另最遲可以 8pm 先湊佢 (good for 有d家長要 OT, 呢d就叫"延展服務", 不過唔係間間都有, 但最起碼都會去到 6pm, i.e. 4:30pm - 6pm 任何時間湊走小朋友都唔會另收費..但因為其實 after 4:30pm 就已無"課程", 只係留佢響學校睇吓 VCD, 俾d茶點咁佢食嚟等家長接走, 實在都幾悶吓, 所以多數可以湊得就 4:xx pm 就已帶佢走
更新 here: 依家幼兒園已都歸埋俾 EDB 教統局管轄了, 所以最明顯既分別係, 依家幼兒園既 school year 都同 KG 一樣係 Sep - Aug , 唔係以前 Aug 開始的, 但好奇怪 so far 依家要揾幼兒園個 list 都係要去社署度先, 可能仲未搬去 EDB 樹呀 (彥媽補充)

3) 幼兒園係因應在職家長而設立, 所以時間係較長 (whole day school), 假期亦較少 (佢地係放 public holiday, 但暑假只有 7 days 左右, 唔同幼稚園, 有成 2 months summer holidays

4) 幼兒園係 under 社署管轄, so 聽天氣報告都唔駛聽教統局, i.e. 幼兒園 3 號風球都會開 (你番唔番去就另計, 因為要揾食既家長都要返工架嘛), 幼稚園就 3 號風球就停課, 係唔同既....

5) 幼兒園因為係較近似"托兒"形式, 亦因為 if 2 歲就入學 (i.e. N1) , 咁細, 更唔會有大家心中個d'課程"喇...2歲班多數唔係玩就係食, 以教佢地自理能力為主 (e.g 自己食野, 拍好 chair , 摺毛巾仔), so 可以好 train 到佢地 discipline, 所以好多人 (包括我) 都會比佢一足2歲就返 N1, 但代價係, 小朋友始終細, 又成日一大班人去玩, 一定好易惹到傷風咳之類, 身體弱d既會有機會成日病....呢點亦係有d家長唔想太早送佢去 N1 既原因, 大家可以自已衡量得與失

6) Nursery "返足一日" 亦唔係真係"上足一日堂", 大家唔好誤會, for all whole day nursery, 12:30-2:30pm 多數係 afternoon sleep....成班小朋友一齊 zzz , zzz 醒就再玩....不知幾過瘾 (佢地), 2 歲班唔會教寫字, 最多係唱吓兒歌, 認吓物件, 亂畫圖畫, etc....

7) 若有見有半日 school 個d nursery 就十居其九係私營既...因為逢係志願團體個d一定係 whole day, 仲唔會俾你番半日 (除非你以"暫託"個d去返喇, 即逐日計), 設半日係捉住有d家長唔想阿仔"返全日好辛苦"既心態而形成....志願團體個d nursery average price is $2xxx per month (whole day), 而私營個d 就好浮動...睇名氣...由 $2xxx (half day) 至 $5xxx (half day) 我都見過....

8) 幼稚園同幼兒園"經營" concept 幾唔同, 因為前者 99%係半日 class, 以 3 hrs 計, 課程會較緊湊, 真係去到就係"學野", 老師唔會教你摺毛巾, 亦唔會等你 tum 你食茶點....因為有好多野要教 (認字, 聽課 etc), 唔同幼兒園咁"攤長"嚟玩.....所以好多幼稚園 K1 時都會 "assume" 小朋友識一d基本野, e.g. 想去 wee wee 要識出聲, 唔好成日賴尿, 有d規矩...etc (咁當然 K1 時老師都會好好人咁教小朋友既)..亦因為幼兒園會花唔少時間 (throughout N1-N4) 去注意同培養小朋友秩序呀, 紀律呀咁, 所以相對教學時間會較幼稚園少, 亦因此外間會形成"幼兒園係淺過幼稚園"既觀感

9) 幼兒園收生一般係以"先到先得"方式, 話要"interview" 都係傾吓偈而已, 有d家長會響小朋友 only a few months 就去報, 此舉主要係因為其中一團體 (救世軍) 係肯響 BB 有出世紙就收報名表大家才有錯覺話要好早報名, 其實好多 other groups (e.g. 基督教服務處, 浸信會) 都係 18 months 起先收表既....之後亦係"先到先得", 佢地收夠就唔收....有人走就又會 call waitlist 緊個 d 嚟讀

10) 救世軍出名既係以 Montessori (檬特利梳) 教學方式, 而另一有名 group 基督教服務處就係以"瑞吉歐" (唔記得英文點串喇...
), 兩種教學方法都係由d出名教育人士提出, 方法分別唔太大, 主要係以 Project based approach 去教小朋友, 訓練佢地去求知, 唔係坐響樹等 feeding 個停, Montessori 會較 knowledge based, 而瑞吉歐就較傾向啟發小朋友既創意 (which is something that you will lose as you grow older)...方向上有d唔同, 但理念都係一樣....睇你想要乜....用d "街坊"d字眼, Montessori 會較學術d, 小朋友會"識多d野", 而瑞吉歐就較 free flow, 即係響有d人眼中玩為多, 學野較少 (其實都唔係話少, 不過係由得小朋友自發咁去思考喇....so 有d家長會認為太 "free", 即係="淺")

11) So if 大家唔係打算去考救世軍轄下個d 幼兒園, then 可以唔駛咁快諗住喇...又或, 可以就當先填張 form 去排住隊, 佢地都唔會依家就 call 你 interview 既 (放心), 都係等到 BB 18 months after 先會揾你....到時你地再決定俾唔俾小朋友去都未遲既

12) 再者, both 幼兒園 (N1-N4) 同幼稚園 (K1-K3) 都係之後考小學, 大家都冇分別...不過因為 most 小學 in HK 都係"傳統教學"為主, so 有d家長亦會認為 if 小朋友讀足四年幼兒園 (因我上面講過, 幼兒園係較"淺"), 怕佢地上到小學會跟唔上, so 就會考慮先讀一年 N1, then 就轉 K1-K3, 但其實轉唔轉都好睇家長對小朋友既期望同間學校是否令你滿意喇....凡事都不能一概而論既, so 我講既係 general trend only.....

[ 本文章最後由彥彥媽咪於 08-2-27 16:25 編輯 ]

私人傳訊

彥彥媽咪

子爵府

積分: 12314

2024年龍年勳章

3^#

發表於 06-10-27 00:18 |只看該作者

Re: 彥媽與你: BB讀書/學習交流站 (精華篇)

第二講 : HK 小學類別
============

好多媽咪會成日響人地口中聽聽埋埋話 "你想bb考某小學, 就要去讀某幼稚園喇...." 咁係咪真係咁呢....??

我可以話...以前就係, 依家都仲可以話私校/直資可以咁, 但官津小就唔得了....先等我 introduce 下呢d學校既分別~~

1) 現今 HK 既小學主要可分為 4 大類 :

(a) 官立/津貼小學 (Govt schools/Govt Subsidized Schools)
呢個係全港有最多學校, 因為呢d學校係由政府全資或大量地津貼, 收得阿公錢...就當然要由阿公去"幫"佢地分配學額喇...而 under Govt 9 年 free education 既機制, 家長就唔駛俾學費既, 有好多有名學校都屬此別, e.g. 協恩, 喇沙, 英華小學, 油天, Marymount, Maryknoll Convent etc ....

(b) 私立小學 (Private Schools)
呢d講明係"私立", 即係由該辦學團體自己俾錢辦喇...但因為辦學真係所需不菲, 所以呢d學校一定要收學費先可以生存, 學費收多少視乎該辦學團體係咪有錢咁喇....亦睇名氣, 係有名個d就有機會收得貴架喇 (e.g. 佢地話自己係雙語教學呀, 學校又大呀咁, well ..羊毛出在羊身上, 家長係"消費者", 自要同學校一齊負擔呢d開支架喇....一般而言, 我見過私小學費由 HK$2xxx - HK$6xxx 不等... e.g. 培正小學, 民生小學, 高主教, 女拔萃, 禮賢小學, 九龍塘小學都屬此類

(c) 直資 (Direct Subsidy Schools, 簡稱 DSS)
呢個係阿公近年積極鼓吹而出現既"產品", 原因係因為教育開支 (esp that 9 yrs free education) 對阿公既負擔都實在沉重, 而當中又因為家長都好一窩蜂追求名校, 阿公想"淡化"名校響 HK 既 influence, 費事成日都係有d學校就其門如市, 有d 就出埋校車, 津貼埋書簿費都冇人吼, 浪費阿公資源 (因為津小係要阿公俾 assistance 架嘛, 咁冇人讀都要俾, 即係 waste taxpayer's $$$, 所以要諗計....)

於是阿公早幾年就發起神經改左個小學計分機制, 取消左校長可以酌情俾個 10 分 (容後再同大家講個分點計, 但 in simple words here, 個 10分直情係有起死回生之用架, 因為 if 仲有個 10 分, 都可以憑"本事" 就有機入心儀學校, 因為校長有呢 10 分既俾分權...但依家取消左, 咁考小學 (官津) 就係一個純靠 (a) 關係, 即係要世襲 or (b) 運氣 , 即係搞珠既遊戲

因此, 以前有d名校之所以咁有名, 全因佢地主要收既係 Band 1 生 (校長可以揀嘛) , 點知阿公一 cancel that 10 points, 嘩....大獲...即係間名校收d乜人佢地 cannot control , 咁即係收生質素冇保証...咁點保有佢地名校既身份喎..... ?

then 阿公就"引"佢地, 同呢d學校講...係架喇...想攞我地 govt 既 subsidy 就係要跟我地個 system , 但若佢地想仍保持自主收生權, 但又唔駛變私立 (要變私立要好多 $$$ 哇) , 咁就另有計...就係變 DSS (表面上係俾"更大 freedom 呢d學校" , 但說穿了, 只係另一條"用者自負"既屎橋...好似醫療服務一樣...要唔俾錢就要頂得順佢地行"分流", 行唔同 system, 你唔等得既咪去私立囉....same principle here)

DSS 最大特色 : (a) 可以收家長學費 (b) 阿公會就該 DSS 既學生人數按人頭去津貼一個數目 (c) DSS schools 有自主收生權...阿公唔過問 ==> 嘩...呢個最 attractive, 係校長都唔想受政府干預太多架喇....你地亦知阿公係 short ge, 一時一樣架...一陣又母語教學, 一陣無那那又要分 CMI (中中) /EMI (英中) , 發起癲又話 334, 真係人都癲....小學要保障到佢學生可以升到好中學先有用架嘛...唔係揾鬼去讀咩....

因此, 有d學校 (尤其一d名校) 為保自主性, 而做 DSS又可以仍有 govt subsidy ar ma...咁佢地又係名校, 駛乜擔心冇學生丫...so 大家不難發現有好多傳統名校 (e.g. 男拔, St Paul Co-ed) 都轉 DSS, 費事同阿公斗纏喇...反正大把 old boys/girls 去 support, 亦有好多家長千里迢迢都要去報, 而呢d學校d學費都都唔算平, 以 2005 price 計: DBS $3800/month, St Paul 仲要 $4800 添...La Salle / Maryknoll 呢d未轉係因為天主教區唔想因為要自主權就令有d負擔唔起既好學生 lost 左一個力爭上游既機會, 所以就唔俾佢辦個d學校轉喇.....不過.....響咁既情況下 (乜人都可以派入去) 會唔會仲可以保持到 high banding 呢....我都唔敢講....then 就要拭目以待喇...

d) 國際學校 (International Schools)
呢d較另類...佢地係以活動教學主, 我會形容係一條"不歸路", 即係讀佢除左要俾較多錢外 (average $5xxx+ per month, 仲要睇邊間, 好似 German Swiss Schools 呢d super international school) 俾成萬銀學費仲要買 debentures, 絕對係有錢人既玩意, ESF 算係平, 係 group schools, 不過要排隊, 據知就學費要 $5xxx 都仲要排哂大隊, interview (5 years old 起可以讀) 要全英對答....so 要好睇小朋友語文能力...

但即使小朋友得, 都要預左...讀得呢d就唔好想入番 HK D local schools, 因為大家教法 is totally different, so 讀得 International schools 都係預左第日去外國升學, or for 有d家庭打算第日移民 or 係回歸番佢個 country 用多d...

好嘞....講到呢樹, 又要 pause 先....手軟喇...

彥媽後記:
=====

1) 有人會問...well...咁貴點讀呀....唉....HK 地就係咁架喇....我地唔讀, 大把人都死慳死抵都想俾bb讀到...之前仲考 N 張 cert 做 profile...為既係乜呢....咪又係想佢第日條路易行d, right?

2) 你地 maybe will ask 咁唔怕丫....反正官津都有 super 名校丫...考到個d咪好囉....我當然 100% 同意...不過你識咁諗, 人人都識咁諗.....so 冇既....咪大家鬥 (a) 關係囉...e.g. 有d人無情情十世唔去教堂突然為個仔一家都變信徒, 為既係個 5 分宗教分, 咁你做唔做丫....or (b) 運氣喇, 就等於大家一齊買 Mark 6 金多寶, well...實有人中既, 不過唔知係咪自己喇.....

3) 因此, 私小同 DSS 係唯一一條比d 冇關係, 又冇運氣既人, 但又勉強可以 afford既家長既一條好出路...so 有d家長會寧取較有把握既, 亦唔想搏一個唔知得唔得個種七上八落既心情....所以寧俾錢都唔等搞珠了.....so 究竟取私小/DSS or 考阿公d學校, 就睇大家 (a) 想唔想搏搞珠 (b) 可以 afford 幾錢 (c) 對邊類學校既教學質素有冇信心 (d) 有幾多時間同心機陪仔讀書/溫習...etc (仲有好多 other factors) 去秤先可以決定架....

私人傳訊

彥彥媽咪

子爵府

積分: 12314

2024年龍年勳章

4^#

發表於 06-10-27 00:23 |只看該作者

Re: 彥媽與你: BB讀書/學習交流站 (精華篇)

第三講 :　小學入學派位機制 (只適用於投考官津小學)
===============================

上面都講過...想讀唔駛錢既, 就要接阿公一d唔多令人信服既規矩.....想憑"實力"入學...唔駛諗....阿公派小學係靠 (a) 關係 or (b) 運氣 only, 即係小朋友精定笨對考官津小學係冇關係乜滯既.....

先睇下機制的守則:

依家考官津小一, 係有 2 rounds

FIRST ROUND ==> 小學自行派位
~~~~~~~~~~~~~~~~~~~~

假設該小學小一有 100 位....then 根據阿公要求, 50% (即係 50 個位) 就要留用作 1st round, then the rest 50 個位就係 2nd round

頭 50 個位會以下列次序分配:

Max 30% (即 30 個位) 會先給予有兄弟在同一小學/父母在同一小學就職就必收, 一定要收....若呢類人多過 30 個, 就會食左d 2nd round 用作搞珠既位 (i.e. if 有40 人係此類別...咁突出嚟個 10 個位就會用左搞珠d位, 即係話第 2 round 可搞珠既位只會得 40 個, 亦即係話競爭又大d喇....

1st round 另外個 20% (即 20 個位) 就會按照以下計分表去排, 先收高分既...收哂就仲有位就再收低一個級別, etc...

個分表就係 fifi618 之前 post 個個....let me post here again....但個表其實有分幾 group...

(一) 父�母全職在與該小學同一校址的幼稚園或中學部工作 (20分)
(二) 兄�姊在與該小學同一校址的中學部就讀 (20分)
(三) 父�母為該小學的校董 (20分)
(四) 父�母或兄�姊為該小學的畢業生 (10分)
(五) 首名出生子女（即為家庭各子女中最年長者）(5分)

<<<<以上 5 項只可以選一項, 一般嚟講...item 1-3 既人唔多, 最多係以"父/母係 old boys/girls" 身份, 因為有 10 分嘛...多過我地d"普通人" 即係我地大部份都係響呢 part 得 5 分 only, 我三仔仲衰...唔係"首名子女", 連 5 分都冇埋 :-( >>>>

以上得分再加下列是但一項:

(六) 與該校的辦學團體有相同的宗教信仰 (5分)
(七) 父�母為該小學主辦社團的成員 (5分)

<<<<呢樹就係最多人出"蠱惑"既地方喇 (sorry to say that, but I do see a lot of these cases, 十世唔信教, 但為攞呢 5 分真係乜都做得出...唉...為人父母愛子女, 想佢地好我好同意, 不過明明唔信教, 突然為左呢樣去入教我就真係不能認同~~ :evil:

>>>>

(八) 適齡兒童(即在九月開課時年滿五歲八個月至七歲) (10分)

<<<<呢 part 就基本上人人都有喇....除非係一d 回流既學童, 又或內地移民到 HK 既子女, 佢地嚟個時程度上只可讀小一, 但年紀上又大過 7 歲個d.....>>>>

So...綜合以上所講而計.....普通人, 即係 : "冇背景家庭" 既第一個小朋友 (mostly 70% 以上都係) 就只有:

Item 5 (5 分) + Item 8 (10 分) = 15 分.....

咁既得分即係等於冇分...因為全世界都係喇.....而 1st round 係先收高分個d架嘛...so 用番我上面個 example...

有 20% (即 20 個位) 係以此計分制度嚟收既...so that means 若有 8 個小朋友係 :

父/母係 old boys/girls" (10 分) + 同宗教 (5 分) + 適齡 (10分) = 25分....呢d會先收....

then 仲有 12 個位....就會收d 20 分架喇... e.g. 首名子女 (5分) + 同宗教 (5 分) + 適齡 (10分) = 20 分, 假設已有 25 人有此分數...但只有 12 個位咁點....very simple~~ "抽籤"囉...教統局會派人 supervise 學校去抽....so 有 12 個小朋友就好 lucky 地派到喇...

So....咁我地呢d"凡人"....15 分.... :evil: 哼....抽都冇得你抽喇....依家你地明我點解咁不滿阿公呢個咁既 policy la....因為 this policy only tells me....if 我同我老公都係雞校出嚟就等於我地d細路一出世都已被 label 係唔會有機會入到好學校喇 (因為"好"學校大多係歷史悠久, so 多有 old boys/girls, 又多係有宗教背景既, 咁我地冇又要出局 lu) ...所以我早知係咁...明知我老公係讀雞校就唔好嫁佢 lu

....除非超級好彩響 2nd round 抽得入先可以"脫貧"喇...揾笨既...
:tongue: :tongue:

我就唔明點解要行此"世襲"制喇..對我地呢d"冇背景"人士簡直係"歧視"呀...!!!!

叫我去無那那入教我又唔忿氣喎...明明唔信, 做乜要呃人喎....同埋點解要搞"門戶"丫...我唔信就唔俾我讀...算係乜道至先.....

乜"神"唔係話"人人平等"既咩~~~~~ :evil: :evil: 係抽就全世界一齊抽..有乜理由有班人要"優先"丫....

彥媽又呻完喇.....Take a rest sin... :mrgreen: 下回再講 2nd round 點玩法~~~

Finally, 所有響 1st round 派唔到位個d小朋友就會自動撥去 2nd round, 齊齊買六合彩喇~~~~

[ 本文章最後由彥彥媽咪於 08-1-8 10:30 編輯 ]

私人傳訊

彥彥媽咪

子爵府

積分: 12314

2024年龍年勳章

5^#

發表於 06-10-27 00:25 |只看該作者

Re: 彥媽與你: BB讀書/學習交流站 (精華篇)

好嘞...依家彥媽 tea 完喇....又係再講野既時候 lu~~~~

首先, 話說回來, 大家先唔好俾個制度嚇親, 好似好難考小學咁...其實絕對唔係架...我意思係, 若大家唔係好 log 死一定要考某小學, 仲係個d超級多人爭個d學校 , 咁 15 分其實一定冇問題, 呢個世界係咁架喇....冇人爭就冇問題架喇...因為 HK 地d學校"實力"真係可以好懸殊, 所以會形成有d學校就爭崩頭, 有d就 ngai 到冇人吼而已, so 若我地心儀個d唔算係多人爭個d , 咁問題就不大既....不過我見多數d人都係爭親都係個幾間咁囉....

第四講 - 小學派位機制 2nd Round 搞珠仔
~~~~~~~~~~~~~~~~~~~~~~~~

好嘞....上回講到....1st round 係不計校網只可揀一間學校, 然後就計分派位...派到就一天光哂等開學, 派唔到就要等 2nd round 搞珠仔喇....

你小朋友個間幼稚園響 1st round 之後 (應係九月入小一學年個年既一月) 就會俾 form 家長去 apply 2nd round...

教育局會將全港各區分成唔同校網, 大家就會收到你居住既校網可以報讀既學校, 如大家仲記得我上述 1st round 個例子...某小學咪有 40 個位可以 for 2nd round ge (記得冇?), 若該小學位於九龍塘, 咁就係 41 網, 該小學必須將大部份學額提供俾居住於 41 網之家長去申請, 但當中亦會預留好小量既學額俾其他網之家長去申請既 (間間學校都係咁) , 即係 40 個位之中可能有 5 個位左右係俾 other net 既人去申請, 35 個位就係同網至可以申請既...

so 呢點亦就引申到....因為同網係先會有最多學額可以搞珠, 咁若個個網係有好多 Band 1 小學的話, 而你又想申請, then 就梗係要住響個個網先有最大既機會喇...right? So that's why 大家會聽到電視有時報導 xxx 家長為左令個仔入到某九龍塘名校而斥資 xxxx 萬去買個單位, etc....為的就是想提高成功機會而已...

但其實大家都睇到...咁都唔包生仔架喎, 因為佢買間屋 1000 萬都唔代表實得, 因為係"抽"架嘛.....so 只要係同一校網, 某程度上就係"same chance", 大家搏一舖喇...咁當然, 填張志願表時都有d technique 既, 因為派位搞珠係以隨機編號 (冇人會知個隨機編號係乜, 係 EMB assign 既, top secret wa....) 派既...

即係每個小朋友會有個 no..... If A 個隨機編號係 1 , B 係 2 , then 電腦會先派 A 既 1st choice 先, then 就派 B 既 1st choice.....so if A 同 B 既 1st choice 都係同一間學校, A 會派先囉...而又如果間學校只有一個位, 咁就 A 會成功, B 就派唔到 1st choice 喇.....要去 2nd choice ga la...

但要留意.....電腦係會按個隨機編號先派哂d人既 1st choice 先, 唔得先再同你 try 2nd choice, then if, for example, if 你1st choice 係 Maryknoll, 2nd choice 走去揀 (協恩), then 就要留意, 因為兩間都係 super 多人爭之學校, 咁排法最不智...因為 if 個小朋友隨機編號唔夠前, then 1st choice 一定派唔到, 但我頭先都講過係按所有人既隨機編號去派1st choice 既, so if 有另一個人雖然佢隨機編號唔夠你個小朋友前, 但因為佢揀協恩係 1st choice (你係 2nd ma) , so 就會派俾佢唔派俾你...明冇.....so if 你將所有d受歡迎學校順序排就極有機會死梗, 因為有其他人會以個d學校做 1st choice, then 後果係....你 1st choice 一唔掂, 就會一派就派間 8th choice or after 既俾你...老老實實...一個校網裡面, 你會想俾個小朋友讀既唔會超過 5 間, 咁既話....派個 8th choice 俾你, 同叫你去讀私校/DSS 怕都冇乜分別lu~~~~

So 當然, if 是但一間你都 OK 既咁小朋友係唔會冇書讀既, 不過你想唔想俾佢去讀某間就係另一個故事喇...

因此, 好多家長都喜歡先申請定d 私校/DSS "打底", 為既係萬一派得唔好, 就疊埋心水讀私校/DSS 咁囉...

但要注意....私校/DSS 一般係好早招生既 (約係入小一個年既之前 9, 10 月就招生), 而按阿公規定, if you accept the offer of the DSS, 就唔得再搞珠, 有d私校亦有此規矩, 所以到時就要"人生交 char 點喇"......

好嘞.....咁......if 真係搞唔到好學校咁點呢.......下回又再講 3rd round ==> 叩門是也....

先去去廣告時間先~~~

私人傳訊

彥彥媽咪

子爵府

積分: 12314

2024年龍年勳章

6^#

發表於 06-10-27 00:30 |只看該作者

Re: 彥媽與你: BB讀書/學習交流站 (精華篇)

(copy and paste from SFAA)

幼稚園及幼兒中心學費減免計劃
=================

申請資格

1. 學生�兒童必須：
　 a. 是香港居民；及
　 b. ․ 在教育統籌局（教統局）轄下的註冊幼稚園就讀；並年滿三歲。如未足三歲，則最少在2006年8月31日年滿兩歲八個月（即在2003年12月31日或之前出生），並在八月或九月開課的幼稚園就讀。如在2004年1月1日或以後出生，必須年滿三歲才可申請；或
　　 ․ 在教統局�社會福利署（社署）轄下的註冊幼兒中心（即幼兒園及育嬰園）接受全日制託管服務。
　
2. 凡現正領取綜合社會保障援助（綜援）的人士，將不獲考慮，以避免雙重福利。但如果領取綜援的家庭成員名單並不包括申請兒童、學生在內，申請人可將填妥的學費減免申請表連同社署發出有效的「綜合社會保障援助受惠人醫療費用豁免證明書」副本，一併提交學生資助辦事處（本辦事處），以資證明。

You may read here for further details~~

幼稚園及幼兒中心學費減免計劃

:mrgreen:

彥媽補充
=====

由於早前阿公出左個"學劵制", 已對大部份幼兒/稚園家長提供到資助, 因此盛傳此資助計劃會因為有新制度而取消...我有 info confirm 會再 update here... :mrgreen: :mrgreen:

私人傳訊

彥彥媽咪

子爵府

積分: 12314

2024年龍年勳章

7^#

發表於 06-10-27 00:33 |只看該作者

Re: 彥媽與你: BB讀書/學習交流站 (精華篇)

好...又再 continue 先....

第 5 講 : 3rd Round 叩門遊戲
=================

其實呢個 round 機制好簡單, 一般嚟講, 即使係名小學, 校長點都手上仲有 1-2 個位俾佢走盞既 (慢吓手會唔止, 因為校長有幾多個位可以自行收生係好睇 2nd round 最後真係有幾多人會 confirm 去讀個間學校) , 因為有d家長派完位後可都想俾小朋友讀私校呀, International school ar 咁, so 絕對會有位剩, 不過就一定唔多...

亦因為學校 1st + 2nd round 都受盡 EMB 操控...冇哂自主性, 嘩~~~ 到呢個 3rd round 仲唔盡情去揀d佢地 likey 既學生咩...so 要叩門真係一d都唔易....不過又係個句, 六合彩咁難中都有人中, so if 真係好 likey 某學校, 我又會 support 家長老虎都盡力再試多一次囉......唔得都叫同自己/bb 有個交待嘛...起碼叫做試過....

好嘞.....通常叩門就係要等 2nd round d小朋友註哂冊之後先去學校攞 form 同交 profile 既....因為係各學校各自收叩門生, so 究竟佢地收唔收叩門生, 又或幾時收, 就要睇番各自學校既 policy, 到時你地要 gup 緊d你地既心儀小學呢方面既資料....

叩門手續通常係:

1) 攞 form + 填 form (if 該校要做的話)

2) 寫封"賺人熱淚"既信以表誠意, 講吓 why 我咁想個小朋友讀到之類, 話時話, 要表現"誠意", 當日就要響 1st round 同 2nd round 都揀呢間學校做 1st choice 先得, 即使 1st round 係陪跑 (15 分抽都冇得抽) 都要"送死", 因為咁先顯得出你俾學校睇你真係"好鍾意佢"丫嘛~~ 好多學校 (尤其係 heat 個d )if 佢地見你 1st round 同 2nd round 唔係揀佢就根本唔會俾你叩門, 因為你"三心兩意"丫嘛)

呢 part 最好自己有"創意"d , 因為你地都知喇...你叩人又叩, heat 個d學校分分鐘都成幾廿人去叩個三幾個位, then 校長收收埋埋咁多 letter, 唔搞d 特別又點可以 attract his/her attention lei?? right? 我指 attract attention 唔係整d colour 呀, 公仔個d呀...而係諗d 好d既理由喇...convincing d 既 (唔好又係"你學校德高望重, 喜歡你既教育理念之類咁 vague 又行既野....) 咁 chance 面 (有得 interview) 點都會高d既....你地可以幻想吓你搵工個時點樣可以令 HR 響幾百個 candidate 中留意到你封信丫...差唔多係咁 feel ga la....

3) 夾一份細路既 profile ==> 呢樹就勁咯, 有d媽咪為左呢 part 可以 "豐富" d , 個細路由識行開始怕且已 send 佢學野呀, 考乜考物呀, cert 都一大堆, 就係等呢一日放響呢樹...希望憑籍小朋友呢d "特異功能" 可以"為校爭光"..咁校長就會對佢"青睞"...之類...If 打算咁做, then 就真係要"由細做起"喇...

但依家因為越嚟越多人識咁做 (我見過出面有d公司專幫家長做添呀, 收錢之嘛...幫做 editing, packaging ar gum...又係搶錢...我至唔 likey 呢d咁既公司 :evil: ), 所以依家有 18 般武藝反而唔係好吸引到個校長喎...因此唔係一定個 profile 厚就有用既....

你地問我咁校長要個乜 profile ar, 我都好難答到你..因為個個校長 preference 都唔同架嘛...有d真係想揾武學奇材, 有d就想揾溫馨家庭 (我見過有d家長響個 profile 樹唔係 highlight 個小朋友有幾叻, 而係佢地家庭有幾 warm 俾哂d一家三口家庭歡樂照 , 父母對小朋友有幾關心之類...想証明比校長睇...see!? 我地好緊張仔女學業架...之類)...有d校長又 buy 呢套架...

so...see?! 真係五花八門, 乜都有架....呵呵...呢 part 係考父母多過個仔喇.... :mrgreen: :mrgreen:

4) 之後, if lucky enough, shortlist 到你地, 就會 normally call for interview 既...咁...嗱...又要一家大細出席喇 (咁先叫 support 丫嘛...考 DSS/私校時 interview 都係), 不過就唔駛一定成身 LV 呀, GUCCI 呀咁既, 除非你真係考貴族學校喇...否則一家人企企理理已好足夠...

我記得當年我大彥考 DSS 個時我真係見到有對父母帶住個 5 歲小朋友 (考小一丫嘛) ...嘩...個日 3x 度, 熱死人...個對父母成身名牌不特止, 仲要個女一身 Burberry, 格仔裙配長袖白恤衫 (d 料真係好鬼厚), .....嘩~~~

大佬...真係..佢地熱就好喇...唔好搞到個女熱成咁嘛....佢地一去到 (因為學校好多地方都係冇 a/c 架喇) 就係咁同個女撥扇, 又問個女熱唔熱

嘿...我真係想代答 : 比你咁著丫, 睇你熱唔熱...?? 個女都"吽"哂, 我個心真係唔知好嬲定好笑....

小朋友, 斯文整齊咪得囉....好多野係父母想當然而已...唉~~

Interview 都係普通對答喇....又唔係考試...係傾吓偈咁喇...最緊要小朋友肯出吓聲已經好好架喇...

5) Few days later 就知得唔得架喇...得就有 call, otherwise 即係肥-ed....得就恭喜, 唔得...都冇計架喇...讀住 2nd round 原先派到個間先囉...又或 if 有私校/DSS 打底, then 就去囉....再等 P2, P3 呀睇有冇機插班喇...

彥媽心聲後記
========

1) 我就冇呢個叩門經驗, 因為某程度上我信"東家唔打打西家", 全世界又唔一定得一間係好, so 唔存在"非君不嫁"此情況...好多野係"塞翁失馬"而已~~~

2) 講到呢度, 大家已應發現....若你地係 go for 阿公個 system, 咁小朋友讀邊間幼稚園根本扯唔上關係, 係 luck only, 要真係計...maybe 3rd round 怕都有d機既, 不過為左搏個幾個位既 3rd round 而去考某幼稚園好似有d "浪費資源"噃, 又唔係包得....

3) 若真係要計...if 考私小/DSS 的話, 係邊間幼稚園先會有較大既 impact , 一般嚟講, 其實唔係"某小學特別鍾意收某幼稚園既學生", 當然我唔排除 maybe 真係有, 但就算係都唔會多, 因為...其實大家有"某小學特別鍾意收某幼稚園既學生" 呢種感覺係因為該幼稚園d學生有某d能力 (e.g. 英語) 係較強既...所以咪收多d 囉 (if 間小學又係咁著重英語), so 多數家長為左令小朋友"競爭能力"高d, 都會 send 佢地去d較深既幼稚園, 因為咁佢地既小朋友會比一般幼稚園小朋友"識多d野", 自然獲取錄機會較大了...但點都好, 最緊要都係睇個個小朋友, so if 小朋友表現唔得, then 就算係同一間幼稚園畢業生都會係 A 考到, B 考唔到架喇...所以唔單憑呢樣就 conclude 話 ""某小學特別鍾意收某幼稚園既學生" 咁啦.....

私人傳訊

彥彥媽咪

子爵府

積分: 12314

2024年龍年勳章

8^#

發表於 06-10-27 00:38 |只看該作者

Re: 彥媽與你: BB讀書/學習交流站 (精華篇)

Common Question 1 :

依家 BB 幾個月, 我想佢學多d野, then 我想問究竟買 Disney World of English 好定 English Time 好 ar?
=================================

有d野想先同大家分享吓~~

任何學習都要以不同形式去 stimulate 先會 work, 再輔以 reinforcement, 教材只係一種工具, 佢既存在係用嚟協助 learning, 唔係主導 learning~~要 learning successful, 就要輔以 other stimulus...仲要係 continuous stimulus, 當中亦以個人(即係bb) 及其引導之人 (即媽咪) 有否適當輔助 then 大器先可成, 世上都要有伯樂先有千里馬喇....冇劉亦婷阿媽去 help 同 support, 又如何可以有"哈佛劉亦婷"呢?? 冇學校老師不停 give support, 陳亦希點可以由一間 Band 3 學校脫穎而出丫....

因此, 我認為我地買教材要先問自己我想阿仔第日點, 我又可以付出多少資源, 時間, 心血去配合之類...再去選同我"目標"一致既教材...somehow 同揀學校一樣~~

好多人以為 (又或d sales 係咁講), 放套 DWE (or other educational materials) 自細比個小朋友睇就得, 我會話呢d睇法流於表面, 因為要先明白學習, 尤其係語文, as I said above ==> 有 stimulus 冇 reinforcement 係冇用既, 語文要好係需要有適當既環境配合先可以學得好, 即係就算由朝睇VCD 睇到晚都冇用格, 全家都講中文, 睇又睇翡翠台, 親朋戚友又係講中文, 咁睇幾多都係冇用....第日生活環境又以中文為主, 返工又寫中文 memo, then 英文幾叻都俾番哂先生喇~~

Let me 打個比喻, 好似 xx 堂 sell 人減肥, 梗係話自己個減肥 mechanism 有幾好幾好架喇...我亦信對有d人真係 work (六合彩都有人中喇...) 但有幾多人 fail 又知唔知....?? From business point of view, of course 報喜不報憂既....我只係質疑個成效是否值得用幾萬銀去做咁 je...cos 大家要知, 減肥得唔得, 除左 xxx d 儀器之外, 自己既配合都好緊要 (e.g. 飲食, 運動), so 就算真係 work 係咪就等於間公司掂呢...??

因此我只係想 comment 任何若以教育為基楚的教材都唔應該以金錢掛帥....三萬幾銀一套, 即使計埋 Disney 既專利權都唔駛收咁貴, 好多大師級學者做 N 份實驗, Y 份 research, 再著書立說埋都未駛收三萬幾銀一本喇...更何況若真係要用三萬幾銀, for sure 有 a lot more alternatives 可以 choose in order to achieve the same results, 我唔會否定任何教材都有 certain extent of benefits to BB, but 我夠膽講個 benefits 唔大得過 $3x,xxx only...

However, 呢個現象響 HK 特別明顯, 我好多時去外地公幹 (e.g. SIN), 佢地d 語文學習教材好平, 好多, 百花齊放, 家長亦會自己去比較當中既 concept, 亦因為平, 就可以 try 多幾樣唔同既, so finally 會 get one that best fit their BBs, 但 HK 就唔同, 越貴就越多人買, 但成效又唔係成正比喎....因為做生意既都明白, HK d baby 好矜貴, 好多 family 係 1 kid only, 當然係想比"最好"既野 bb la...睇中呢點, 自然乜都貴.....

而 HK 地依家就係好多乜乜教材, 乜乜學校係捉住家長"希望最好既俾bb"......而出好多好多價錢高, 成效低既野, 家長就為此用左好多錢...唉~~even BB equipment, HK 一架賣 $1,xxx 既 Combi baby car, same model, 我響 SIN 見過...less than $500...你話丫....

我記得有一次我響另一個 BK topic 有媽咪討論生兩個好唔好...etc...of course 好多媽咪話: "唔喇...因為冇能力同時間養, 再者唔想分簿對大個個既愛, 及"想集中火力俾最好既野個bb, so 1 個已足夠"云云.....但同時有個另一個媽咪回應佢話 : "我認為"俾最好既野個bb" 係應該包括一個弟妹, 因為佢地可以從中學懂與人相處, 關心別人" 等等, 我睇到時不住點頭.....

我點頭唔係 about agree 人地生一個定兩個, 而係佢既 "mindset" , 佢好能 demonstrate "俾最好既野個bb" 不是只從物質出發, 亦可以包括好多 intangible things....呢點先係 all rounded learning....

BB 唔會 feel 到 $3x,xxx 同 $3,xxx 幾既教材對佢有幾大分別, 就等於著一件 Burberry 夾衣同一件永安 $39 夾衣既分別, 佢地睇到既反而係媽咪有冇一齊陪我學, lead 我學, this is far more important than any expensive 教材喇...再好既減肥機都要配合"均衡飲食"先得架嘛...係冇...

好多教材都係 based on certain basic teaching principles 而製成, nothing really special...好多平平地既教材都係 the same...睇你點 lead 而已....

基本上所有教材唔花時間係唔會有成效, 我想講既係家長要有心理準備 learning 係一項"長期抗戰", 不能鬆懈, 做吓唔做吓咁幾多錢既教材效果都係一樣~~

話時話...我若用佢去請個外籍英文老師呀 (以$300 <= 呢個價錢係可以請得好好 quali + 單對單添架喇, average 4-5 人 class 係 around $150 only) 都可以請佢教到 100 hours+ la (以 1 week 上 1 hour 計, 可以上足 100 weeks, i.e. 2 years, if $150/hours, 嘩...可以上足四年

) ...我就唔信"真人對話"講足四年會差得過睇隻 VCD....

so 先唔好講俾唔俾得起 $$ , 我信好多家長都唔係話真係俾唔到, 只係"值唔值得"而已.....同埋 a matter of choice la... :mrgreen:

因此, 買定唔買.....消費者自有決定, 我亦絕對尊重, 只係想籍此機會比多幾個角度大家諗吓先去 decide 都未遲丫...

畢竟...our BBs are just about a few months old only....

[ 本文章最後由彥彥媽咪於 08-1-8 10:31 編輯 ]

私人傳訊

彥彥媽咪

子爵府

積分: 12314

2024年龍年勳章

9^#

發表於 06-10-27 00:49 |只看該作者

Re: 彥媽與你: BB讀書/學習交流站 (精華篇)

Common Question 2:

我應該幾時開始俾 BB 學野先好呢?....尤其語文 (English+Putonghua),
有d人話 BB 早學既話吸收會更好...是嗎..??
===========================================

About this 就好兩極....一派係支持自小要耳濡目染, 即係最好幾個月就開始睇 VCD, 同佢講...比佢學...etc (無論英語定普通話 (PTG) 都係), 咁佢第日語文能力就可以更高了...通常有呢種心態既家長都係"希望小朋友第日條路好行d, 識多d野, 咁競爭能力都會高d"咁喇...所以家長好早就會問定讀書呀, 升學呀, 邊樹有好 playgroup ar...etc...etc....怕"遲"左會過左個"黃金時期", 起步就會比人慢了....

另一派就支持小朋友要生活愉快先叫好...即係唔係一定要係咁塞塞塞比佢既....語文既野, 由得佢自由發展, 只係當中間唔時同佢講故事, 比佢聽吓唔同語文既 CD 呀咁....係就可能係冇前者咁學得咁多, 但佢亦有多d時間可以 "free flow" , 因為冇學得咁多, 家長同子女亦唔駛咁細個就為呢d 野去煩....開心多一兩年先算, 因為佢地信"早學 =/= 效果係好d" , 但咁唔等於唔理佢既....到時間咪去囉...

兩邊之中冇話邊個至岩, 我只係會諗....幼稚園係學前教育, 一個建立小朋友對學習感興趣既地方, 咁我認為除非本來小朋友既母語已經係英語/PTG, otherwise 佢上堂學學埋埋回去其他世界都係變回廣東話的話, 咁意義就不大....

在我而言, 我一向都話...讀書條路係好長既, 所以我唔係唔贊成早學不同語言, 但真係唔駛太快, 我會較 prefer at KG stage 先搞好中文同英語, Then 上小學先加 PTG 都未遲丫....唔係真係慢人好多 je...等小朋友響 KG 時 enjoy 多d free time 都好嘛..

個人而言, 我較 prefer 去到小學先再加強多d佢語文上既訓練, 幼稚園我會想佢開心d, 玩吓呢樣玩吓個樣...

當然, 有人會話...唔係丫...就算幼稚園中英普都係玩玩吓咁教 je....我都同意, 但亦就係因為咁你付出 additional $1000 可能只得回 $200 impact, 可能我份人較著重 training effectiveness la....我從來唔係介意要用錢, 但我介意用出去既錢 (尤其係學習上) 有冇成效, 以我大彥為例, 佢 3 歲幾時我都有試過 send 佢去學d e.g. "英語 fun fun fun" ar, "普通話唱遊"呀...個d咁既 course, 我當時見既係佢好似從同我家賓賓講野仲學得多響學校, 梗係喇...要注意, 語文學習係要師生比例越小越好...咁先可以多d attention to improve, 但觀乎依家好多 public courses (even KGs), 好多都成十幾廿人一班, and 當中只有 1 hour only (得幾歲人仔點可能上太耐丫, 佢地都冇 patience la...) 好嘞....咁有數得計....一班 if 12 人, 60 mins only, then 你諗諗...每人得個 5 mins , 你又認為學到學唔到呢咁....?? 你諗番中學個陣我地學就知喇...人一多....嘿...老師都顧唔到咁多喇...

於是你會諗, then 揾d 1:3 etc ga lor...同意...this proportion is much better (no matter English or PTG) 但對一個得 3 歲既小孩 (or even younger) 嚟講我又唔認為有此必要丫....不如先用一d唔駛錢既方法 (e.g. 睇下 Pearl Channel, go to library to read whatever story books) 去先建立佢對英語好, PTG 也好既"學習興趣" (learning motives) 咁會仲有用....當中父母可以不斷用 d story ar...cartoon ar...咁引吓佢地...等佢地可以先學懂聽, 認, then 再等佢地大少少, (about 5+ la) 可再以較有 system 既方法去教佢地會好d...

當然....咁你放佢去中英普幼稚園都冇話唔得, 點都有dd help ge, 但就正如我上面所言, 成效點都唔會大得過 if you spend time with kids to speak and listen and learn既, so 某程度上我地只係將個波比左學校想佢地幫手搞掂? 以為咁就一天光哂??...er...er...唔好怪我直言 ....咁就真係有點貪心囉......

再者, 語文....在我眼中係一種用嚟 commmunicate 既工具而已 (多過其他 (e.g.成績)), 因此我就會更在意小朋友既"表達能力"同"思考能力"多過佢既講...因為有前者後者要解決問題不大, 多練發音, 多講都就可以了 (好多成功人士都唔係牛津出身, 英語亦有濃重其他口音, 但 OK wor...聽得到, 睇得明就可以), 但冇前者, 英文幾叻都冇用, 隻隻字係標準牛津發音又如何? 我都聽唔明佢講野, 佢表達唔到, 又係得個桔, 須知道...將來要佢要 work independently, 我見過唔少英文攞 A 架...咁又點....同佢講野都 lak lak kut kut....問佢佢都要諗一大輪先逐隻字 dun 出嚟..唉呀...咁就死得喇.....

反而我見過唔少 (以前我大學有d professor 就係) 佢地 grammar 唔係最叻, pronounciation 又唔係最好, 但 they can speak very "fluent" English....and present logical ideas ...呢點先會重要d.....

又好似長氣左d 添...我只係想講....if 唔太介意用多少少錢, 但都等小朋友有個 learning environment ge...then go to 中英普 KG 都未嘗不可既 (不過要留意佢地d師資是否 OK), otherwise 可考慮用同樣既金錢 (or even dun need so) 先去令佢地較 expressive (方法好簡單, 多同佢地傾偈....講得多 = practice 多喇嘛 ==> 要注意, 係佢地講得多, 唔係做阿媽個個講得多喎), 令佢地先習慣同願意去表達自己想法...likes or dislikes (先用中文, 唔係一陣要將諗到既野又要轉台先講, 都好難架對佢地...) 等佢適應了, 再輔以另一語文, 咁個成效會更大....

(請注意, 以上係個人意見 only, 亦係我既 "priority" 當然唔同家長係有唔同睇法....所以當我地個個 priority 唔一樣, then decision 就唔同架喇 :mrgreen: )

到我仔仔時已經係冇左會考呢樣野, 冇公開考試公開計分, 只係鬥校內成績, 咁英文叻唔叻就睇個人要求呢?
==> 我就會咁睇.....呢個係好事壞事都未知....因為係得 HK , 就算唔考試, 個個都有大學讀又如何??....始終 if 供過於求的話 (想揾好工人人都想, right?) 咁就有比較 and choices ga la...employer 梗係會想揾叻個d la (in terms of language, communication skills, results, etc)...咁就算冇公開試你估d employer 分唔分到邊個好邊個更好呢....?? 只係個時 (study 個陣) 你唔知, 到揾野做個陣咪知囉....so somehow 有時考試都係一個 feedback to myself 自己 performance 係點嘛...係就係殘忍d...但都起碼知道自己水平如何, then 就諗諗如何提升囉...

私人傳訊

彥彥媽咪

子爵府

積分: 12314

2024年龍年勳章

10^#

發表於 06-10-27 00:58 |只看該作者

Re: 彥媽與你: BB讀書/學習交流站 (精華篇)

彥媽有感而發 (1) :

好多家長成日好想小朋友可以早d 就學多d 野...為的是為佢將來舖條"易行d既路", 但 who is to define what is "易行d既路呢?"
是否"學多d野"就 = 揾到份好工 = "易行d既路" 而就 = 開心??
===========================================

我記得我以前曾經講個以下呢番說話~~~

我一向較 prefer 外國生活...唔係因為我祟洋, 又唔只係因為人地地方空氣好...而係佢地有足夠既條件 (佢地唔似 HK , govt 既 social security 較豐厚, 足使d人唔駛搏命去表現自己去爭學校, 爭工作) 去 accept people's difference, i.e. even 一個只係掃垃圾既清潔工人, 普遍d人都會尊重, respect them as an INDIVIDUAL 而唔係因為"嘩..佢掃街架...幾 cheap...!" But I am sorry to say that it does not happen in HK.

好多做父母既成日教d仔女唔好睇低別人, 但老老實實, 到問心個句, 佢地會想第日掃垃圾個個係人地個仔, 而唔係自己個個囉....right? so what does this reflect?

咁係 reflect quite a lot of HK people 睇人係會夾雜好多 other factors ge...e.g. status, $$$, or even English standard!?

英文好唔好同尊重一個人並冇必然關係...但好多時呢樹就係咁...so 以心比心, 人人都唔想比人睇低 (even though 自己話"我可以唔理人", well, somehow this is not that easy to do la...) 咁就要做d "人地睇得起"既野, or even 讀d "人地話有用既野", so in HK, 人人都話英中好, 中中係次等中學, 於是補習補習補習補習都要補到個仔入英中, 人地個個話讀某某學校先好, 因為第日出嚟可以考名校...well...仲要係人人都識個d 先算名校, 考 N 個 A 個d 先好....為既係第日要揾份好工...於是又一窩蜂去考, 但又唔知自己考緊乜...同讀哂書攞哂 A 但又唔知學過乜一鬼樣~~~ :-x

有時我心諗...好工既定義係乜...?? 老實講, 比我講..我真係一d都唔介意第日d仔同我講..."媽咪, 我想去做垃圾佬" ==> the key is 佢可以自己獨立生活到又滿足 then that's fine la....大佬呀...要掃街掃得企理唔係容易架...你估真係求其那個掃把係咁"了"就叫得呀...? In my eyes, 學會 appreciate others 遠比高成績嚟得重要.....但可惜的是...眾人已 label 了某d行業係低等...某d (e.g. 坐房嘆冷氣) 就叫高等...咁梗係人人都想高等架喇....邊個想被人看扁..??

因此我一直都想去d簡簡單單既地方, 個樹人人都會尊重一d 好唔同既 occupation even though they are not making a lot of $$$$, e.g. 博物館管理員丫...係 HK 呢d 叫做"揾唔到錢既行業, 好似 drawing 咁...唉~~) then everybody 都可以生活得冇咁大壓力, 我同阿仔都唔駛為測驗考試而劍拔弩張~~~

但係....sorry to say as long as I still 生活在 HK, 我無法唔去"介意"阿仔做垃圾佬, 因為就算我真係幾唔介意, 好多人 (including even relatives, friends) 都會"鄧我介意"...成日講....哎呀...乜你阿仔咁"唔好彩"呀...要做垃圾佬"...Well...奇怪....做垃圾佬有何不何?..又唔係偷又唔係搶....都係靠自己創天下....我唔覺有問題喎..但俾人講得多...我識睇得開 =/= 阿仔都識....我唔想佢辛苦 (even though I always wish to train him 唔好太介意人地...) 嘩...即使佢唔介意, 佢又點可以確保佢第日個老婆同佢外父母都唔介意呢?...唔嫌個"衰佬要佢一齊捱"? 哈哈 (苦笑).....我真係唔敢講...so 都係"保守" d 好...which means...又係要考好學校喇....

I have to "equip" him with such ability 去"唔被人介意"丫嘛...唉~~~~

但換著響外國...我係指d small city, 唔係好似 New York 個停 busy+big city (New York 同 HK 一樣喇, 一樣係咁爭名逐利)...你做乜起碼d人唔會覺得你 cheap, they just take that as a job..so nothing special...咁已足夠....

Then 我先唔會因為想阿仔"力爭上游"而迫佢, 什至自己去做d我同佢都唔多想做既野...(老實講...你估我想佢有 N 個課外活動咩), 但響 HK , 我都明, 你唔向前行, 人地個個行, so what does that mean ==> 你會被形容為"不思進取"囉...似隻"異形" in other's eyes...so now everybody 都要 move, 但可笑的是..其實問番d人, 原來冇個鍾意不斷行架....激死....

But that is a 大圍既 "concept" , so it is not easy (or quite impossible) to change that within a short period of time...so 人在江湖就要 fulfill the "rule of the game" la....我唔會怨 why the "rule" is like that, 我就努力同自己講...then what can I do to overcome all this la...so 唔俾阿仔響 HK study too long (真係太頂唔順個 education system) is the first step.....

But somehow this is a goal only, 冇 guarantee 實得架...but anyhow....有 hope 先有 motivation ga ma...hehehe......人要 positive D ma...

so 努力揾錢買六合彩先.... :evil: :evil: :evil:

~~多謝收看~~

私人傳訊

彥彥媽咪

子爵府

積分: 12314

2024年龍年勳章

11^#

發表於 06-10-27 01:09 |只看該作者

Re: 彥媽與你: BB讀書/學習交流站 (精華篇)

彥媽有感而發 (2):

想入名校的代價 (回應一媽咪好想仔仔入到名校呢個問題)
================================

仔女既路父母應當盡心盡力去舖...呢點我贊成, 所以我會俾大彥有唔同既機會去考/學唔同既野, 但絕對唔應以"sacrifice 佢一d 小朋友應享受既時間/生活 (學太多唔同既野去 strengthen 個 profile) 去追求一D 唔知會唔會實踐既夢 (第日條路因為讀左某d學校而好行d, etc...)" 因為呢點係從冇 statistics prove 係必然架喎..又或反過嚟講...亦冇 evidence 可以 prove 讀普通學校第日條路就一定難行架嘛...Right?

), so 要珍惜眼前既野 (小朋友既快樂先係最重要架) ~~ 明嘛

從你講呢番說話令我諗起我一個朋友, 佢地又係一個仔, 依家升 K2 la... 快考小一, 都係唔會再生喇, 所以成擔心機都響個仔樹, 次次同我傾都話想個仔入 La Salle, DBS, 又問我係咪入 CCKG 就得...依家如大家估到, 佢就係放個仔入 St Catherine, 本來上年考 CCKG 想轉, 但又 fail 左, 依家佢就 continue to stay at St Cat, 好大 expectation 希望去到 La Salle/DBS, etc..佢地係講到明好想阿仔第日入名校...

就算轉, 係DBSSD 出來, 我諗都應該絕對唔係問題... 唔知你點睇 ?
==> 呢點我個個 friend 都係咁諗...嗱....我諗你應從多角度去睇....讀得呢d學校, 先唔好計鬥錢 (事實亦唔係個個家長都好有錢既, 咁你又放心) 但入得去, 而又留得低既一定有其過人之處, i.e. maybe 有某d才能好好..etc... so 點會出局..?? 出得局個d 多數真係頂唔順 (e.g. 真係自己讀唔上, or 父母真係 no more resources to help la..) 咁既話...先唔計人地點睇....先諗諗個小朋友喇...當佢入去 DBSPD 冇耐, 就會知呢間係名校, then 同學之間亦好 competitive (even parents) , 咁第日 no matter 佢因為 whatever reasons 要出局 (冇錢又好, 唔夠人叻又好), 我擔心既係佢點睇佢自己而已....人人都可以留低, but I can't, so imagine how he look at himself?? 自我形象會如何...男仔仲係一般較 tends to put things in their heart (內歛)...so 有好多野你要預左佢第日唔會同你講架喇 (including 功課有幾大壓力), so 入得去, 就真係唔好出嚟....你所指既"唔係問題"純係以家長角度去睇 only , but 感覺係係佢樹...then try think think his position????

當然我咁講唔係話你唔應該俾佢考, 只係我想講任何野都有一個 price, so whether parents are willing to take that price 係好重要....入得名校就要預左俾 $$ 之餘, 仲要時間, 另外又要參加好多 different extra curricular activities...well...唔可以話唔好既..有d人真係得 (see 沈靜轁, that piano kid?) 但佢背後父母放左幾多心機同時間我諗冇人會估到有幾大, 又可以幾 consistent 咁去 pay this price.....另仲要配合小朋友既天份喎, 叻人行既路會比普通人辛苦, 因為佢地會知自己係叻人, 所以唔可以做得差比人睇, cos 家人對佢 expectation 會好大, then 久而久之, 能否如此承受得了就另計..........

我地好多時要承認, 亦接受 (不過我見好多人唔係好得 here) 自己既小朋友係一個普通人, 個個都想佢條路第日易行d...嗱...咁..大家出嚟做野咁耐...係咪一定名校出嚟就實得呢...頭個d或者係既...但一級 150 人 P1 仲係有好多係好普通 ga ja...以前我識一個係 DGS 出嚟既女仔, 佢考唔到大學, 但英文真係好得..well..我明"爛船都有三分釘"呢個道理, 但佢眼光真係都幾目空一切, 成日覺得人地英文唔得, 唔多同人埋堆玩架...我心諗...唉...你得個一瓣得, 其他就瓜哂有鬼用咩....剩睇佢同人相處就死得喇~~~

出嚟做野, 你都知....人際關係係好重要, so it's very important to train the kids more on 全人發展 (this include communication skills, interpersonal sensitivity, ability to look at things from different perspective, etc) 多過讀到英文 lak lak 聲 or 計數快過計數機喇...cos all these 都可以用更多後天去學 or 補救喇..

我成日都同朋友講, 入名校讀千萬唔好只睇佢俾到你既 benefits , 而係亦要自己要付出既 obligations, 好多人把口就想個仔/女入名校, 但又唔想付出相應既心血, there's no free lunch in the world ga...知冇.....

因此...我想講...我依家隔住張紙都可以 feel 到你有幾愛你個仔, 所以先想佢入到 DBSPD, 但我更想同你講既係....去接受同欣賞"你個仔就係一個如此這般你眼見的一個人"會比"你想佢第日係個咩人"會令雙方關係發展得更 smooth 同 harmonized ga... cos 兩種心態所引申出嚟既行為可以好唔同架...

so 唔係想潑你冷水, 因為我想俾定心理準備你...基於 DBSPD competitors 眾多, 亦真係天外有天, 人外有人, 唔係 profile 厚就有用架嘛.....but 你盡管去做你認為可以幫到仔仔既野 as long as you feel comfortable, 但就要同時學懂去接受有機會你花盡心神亦會無功而還個種失落...if you are ready for this , then go, I will support~~

:mrgreen: :mrgreen:

私人傳訊

彥彥媽咪

子爵府

積分: 12314

2024年龍年勳章

12^#

發表於 06-10-27 01:12 |只看該作者

Re: 彥媽與你: BB讀書/學習交流站 (精華篇)

Continue 上面有感而發 (2) 呢 part, 因為仲有 d sharing inside:

成日都已經擔心緊: 點先可以教得距好
==> 見你咁講, 我又忍唔住要搭訕....."好"....呵呵...何謂"好"呢....你既"好"係你 define only, 唔係你個仔...我明父母既苦心...但...你又有冇 step into your son's shoes 去想想呢...e.g. 當你係細個時, 你最想見既係邊個...係咪父母呢...想父母同你玩...而唔係日日返唔同學校見老師學呢樣學個樣...??

你成日 send 佢出去學野係為佢好 (我明, 但小朋友唔會明), 佢只係會好直覺地睇到一個"事實"就係 : "父母唔想我響屋企, 所以塞我去呢樹去個樹, so 佢地都唔係好錫我 je", 久而久之, 佢地就 being trained up 到可以有同冇父母都得, 親同學多過親你, 有開心唔開心都同人講唔同你講....well...你係咪想見到一個名校畢業十項全能但同父母關係極疏離既一個仔先...?? 我想講人唔可以要哂全世界...小朋友成長尤其最初既階段父母既支持同陪伴係好緊要架 (你冇見好多問題兒童, no matter 係有錢個d 定冇錢個d 都係因為父母冇乜時間同佢地一齊而出問題既咩....)

so 好多時唔好用 "想佢第日好d" 作為 excuse 就將佢地搓圓 gum 扁....."好"我都話係你諗 only, they somehow never ask for that...而且...響你心目中要有咩地位先叫好呢.....be a Director? Manager? Own a big car? big house? 點解我地唔可以接受阿仔係一個普通人而只做一份普通既工呢...

需知呢個世界每個人都有唔同角色...and every role has its value and responsibility....有將軍都要有兵, then 將軍先可以叫"將軍"架...冇兵的話, 將乜鬼軍唧~~ so 梗有人係 higher level, 也有人係 middle level...etc...呢樣野我唔覺有問題, 問題係你點睇呢個問題而已...so your value system will definitely affect how your son view this world...so you must be very careful here ar~~

Maybe you (or most parents) thinks 讀得到書第日就唔駛捱得咁辛苦...well...咁不如我又試吓講 D facts 過你聽丫...等你又秤吓...

我有個 girl friend 佢係 St Paul Convent 畢業, 佢老公係 DBS .. 男既依家響 large international bank 做 very senior position...佢地有個女 5 years old...

但男既日日放工 10:xxpm , 一返到屋企第一時間又係開電腦, but for work wor..唔係我地咁八卦喎...個老婆想同佢講吓個女d 野佢唔係唔想聽, 係真係攰到聽唔入耳了, 個老婆同我講因此佢都唔想"煩"佢老公...但我話...個女係兩個人架嘛...can't leave all responsibilities to you ga...但佢話, 佢都知, 但佢亦明白佢老公做得d咁既位, office d 野唔係你話唔理就唔理, 再者, 讀得咁多書, 自會對人對事都有要求, 咁就更 drive him to work harder..then again, no free lunch in the world...higher $$ job means less time with family ga la....

So...the point is....你想唔想第日你個仔忙到連打個電話俾你既時間都冇..or do you really think 呢d就係叫"開心"同"等佢條路易行d"呢...好多名校畢業之人對自己都有一定要求, 因為名校呢個"label" 已賦予佢地無窮具大既壓力 (因為 HK 係一個咁既地方, d人 if 聽到你讀 DBS 但只做一個 clerk 一定會"登"起對眼, 之後用無限"同情"既眼光同說話話你知...唉呀...乜咁唔好彩呀...之類....)

So...do you want this to happen one day?

好喇....我好似太多咀喇....無論你認同我講既與否, 請勿介意我直言

我只係好希望你響 pave your son's path 之前先問自己..你想佢入 DBS 係想滿足你既成功感同令你自己覺得好過d因為你為佢做左好多野, 定係真係想令佢開心呢....??

so if 你係後者, then take it easy, friend...順其自然地去考, profile 唔駛多做, 呢幾年佢想學乜就由佢喇..得唔得亦無必要谷....最後, 收固之然喜, 唔收亦可欣然接受另一d option, 再以另一d方法去薰陶佢, 咁既生活態度係咪令你地都可以少d conflicts, 多d體諒呢...?? :mrgreen: :mrgreen:

亦怕自己身教方面未必係最正確 .....其實有無一d好既課程or 書本可以指導下呢d 家長呢 ???
==> before you start with any books...I will first advise you to 先調較自己既睇法...cos as I said above, how you see things will affect your kid...so 你都咁諗, then 你個仔第日會因為"不能滿足你既要求 = 我唔係一個好仔喇..我令媽媽擔心", 而有好大 pressure ga...想佢生活 relax , then the first thing is: you relax first la...知嘛...

私人傳訊

彥彥媽咪

子爵府

積分: 12314

2024年龍年勳章

13^#

發表於 06-10-27 01:19 |只看該作者

Re: 彥媽與你: BB讀書/學習交流站 (精華篇)

第 6 講 : 何謂一條龍？
＝＝＝＝＝＝＝＝＝＝

我地成日講想幫小朋友考一條龍學校, 好多家長就由想揾幼稚園至中學既一條龍, 但現實係...冇既....因為:

根據阿公既定義, 一條龍辦學係指小學同中學結龍 only, 幼稚園係唔計在內既...若 A 小學同 B 中學係結龍學校, 即係意味所有 A 小學既畢業生都可以直升至 B 中學 (無論成績係點...)

點解阿公有呢個做法呢....咁當然佢"唔想小朋友有升中壓力喇"...好嘞...咁由小學升中學又有乜壓力呢...?? 係咁既...

現行升中制度, 同升小學係唔同, 升小學就係睇關係 (1st round) 同運氣 (2nd round), 但升中就有少少睇實力架喇...

事緣依家中學有幾種"經營"形式....

1) 直屬 - e.g. 培正中學, 香港華仁, 協恩女子中學, 喇沙 etc...呢d中學可以預留 not more than 85% of 中一學額俾番佢地既小學畢業生, so 讀佢地既小學會比街外人有"優先", 因而亦做成好多家長想讀到佢地既小學....

2) 聯繫 - e.g. 皇仁書院, 英皇, e 利沙伯官中..PLK 第一張永慶 etc...呢d 學校係可以預留 not more than 25% of 中一學額比佢地既"聯繫"小學既畢業生既..... e.g. 皇仁/英皇呢d係官校, 所以佢地既聯繫小學都係一d 官小 (e.g. 軒小) 如 PLK No. 1 佢既聯繫小學係 PLK 何壽南小學...etc (有表可以 check 到既), so 25% 都好過冇丫嘛...so 都有好多家長因而好想俾小朋友讀到呢d聯繫小學...

3) 冇關係中學 ...即係就咁中學一間, 冇其直屬/聯繫小學...

但阿公早前推出一條龍制度就係要"瓦解"上面幾種中學, 因為無論係直屬又好, 聯繫又好...都少不免要以'成績' 論英雄...then that means 學生又要被谷谷谷先可以搏到 Band 1 schools la...so 阿公就又諗d 屎橋嘞...結龍...then 就唔駛考試都可以直升中學喇...right? 咁好多學校都想既...之但係...要結龍就要 fulfill 3 criterias:

(copied 自立人's web)

結龍中小學必須符合三個原則, 最棘手的為:

第一, 資助模式要相同, 而私立和直資會被等同。
==>現時, 天主教教區和天主教修會內有六間學校均是中、小學同一學校舍, 可能會結龍。不過, 部分學校的小學部屬私校, 中學部屬政府資助,故先要解決資助模式不一的問題。再者現在更要解決中學教學語言的問題，直屬英中當然希望維持英中的地位，但若與直屬小學結龍，小學部能否保証七成半小學生為第一組別？

彥媽註解
==>因阿公又規定若結龍升上去d學生唔可以達到 75% 英語合格水平, then 本來係 EMI 既英中要變做中中架...then 真係嚇死d老牌名英中架, 你知喇..小學收生已經係 uncontrollable, 所以好多學生水準可以好參差, then if English 唔得, 變做中中喎...一來好醜怪, 二來名氣不保呀...揾鬼讀咩...(你地都知 HK 好多家長係唔理學校係乜學校, 只要係英中就死要入架喇....

) , so 早前有聖馬可中學結咗都話要斷龍, 搞到d家長要抗議, 另好多名英中本想同其直屬小學結龍, 但有見此 kick 手條件, 都先拖住先喇...)

第二, 中學學額需超逾小學, 據規定中學須全數收取小學所有小六畢業生, 在減去5%留級學額後, 還要保留不少於中一學額的15%(新校為20%), 供其他學生循自行收生或統一派位入讀,
例如香港華仁現時中學學額不足以全盤接收小學學生, 故要尋求解決方法, 例如另建小學, 縮減小學班數或擴大中學校舍等，但現在新問題卻是中學教學語言。

直屬和聯繫學校符合該三項原則最遲在2006年5月31日要表示願意結龍, 並在2007年9月開學的小一採用一條龍辦學, 若中小學有意在結龍那學年為其他各級小學生實施一條龍升中，必須先取得各級家長們之同意。如果該條龍為私立或直資而附設幼稚園的話, 則在2004年入讀K1的孩子可循一條龍辦法升中, 即小六畢業生可選擇直升中學, 或經自行分配學位, 申請其他中學, 如不獲得其他中學的自行分配學位後, 仍可參加統一派位(可選擇原屬一條龍之中學) 。但不轉為一條龍的話, 要在2006年中宣佈解除直屬或聯繫關係, 在升中時, 即2012年9月, 按當時的升中收生機制辦事, 即是中學只可在自行收生中名額中有自主權。

直屬和聯繫學校未能符合該三項原則則最多有十年時間考慮, 如不轉為一條龍, 最遲需要於2012年中解除關係, 並於2019年9月升中時, 按當時的升中收生機制收取中一學生, 即是中學只可在自行收生中名額中有自主權, 如轉為一條龍, 則在2013/14學年的小一開始一條龍模式, 死線為2012年, 這類型直屬和聯繫學校為數不少, 絕大多數是私小和津中, 而其中部份的私小設有幼稚園, 即最遲在2010年9月入讀該等幼稚園K1的小朋友就被影響。

在此之前入學的幼稚園生, 皆按現有的直屬和聯繫學校機制升中,即直屬中學在扣除重讀生及校方自行分配的中一學位後, 可保留最多至餘下的85%給其直屬小學學生, 聯繫學校則為最多至25%, 而在直屬和聯繫學校就讀的小學生, 如以直屬和聯繫中學為第一志願時, 而該小學生為第一或第二派位組別時, 便有資格獲派其直屬和聯繫學校。

彥媽又註解:
==> 唔駛俾d 年份搞到暈陀陀, 一句講哂, 我地d 0406 bb if 可以入到有直屬/聯繫小學既, 都會照此方法考其聯繫/直屬中學, or if 結埋龍就仲好..即係全數收哂, 連 85%/25% 都唔駛理, 因為要解除直屬/聯繫關係都要好耐, 我地d仔唔關事喇...)

:mrgreen: :mrgreen:

私人傳訊

彥彥媽咪

子爵府

積分: 12314

2024年龍年勳章

14^#

發表於 06-10-27 01:20 |只看該作者

Re: 彥媽與你: BB讀書/學習交流站 (精華篇)

以下內容亦是 copy 自立人的網頁 ==> too lazy to type here..hehe :mrgreen:

第 7 講 - 為什麼學校要參加一條龍呢?
=====================

因為不願意轉為一條龍學校的直屬和聯繫學校, 須由2012 / 13學年開始解除連繫關係, 按一般公營學校的收生機制分派中一學位, 即是說沒有選擇, 不是轉為一條龍, 便是解散, 再不能保持目前的關係。

部份傳統學校都是完全符合一條龍三個基本要求, 有條件轉為一條龍的, 如喇唦, 瑪利諾, 香港華仁, 聖羅撒, 聖保祿, 聖瑪利, 聖心, 瑪利曼, 瑪利諾神父, 聖家, 拔萃, 協恩, 聖士提反女校, 循道, 等等, 其中部份需解決中學學額不足以全盤接收小學學生的問題, 例如香港華仁書院與番禺會所華仁小學。

亦有部份決定不會轉直資, 亦不會實行一條龍的辦學模式, 四所真光中學及書院會利用自行收生學額取錄來所屬小學的學生, 位於大坑道的香港真光中學及九龍真光中學設有私立聯繫小學, 而鴨脷洲的香港真光書院則申請開辦一所直資小學, 但九龍窩打老道真光女書院未設有聯繫小學。

而其中擁有不小私立學校的天主教教區雖然反對直資, 但為了解決結龍的相同資助模式, 讓部份天主教傳統名校維持學校質素, 脫離政府的教改政策, 也逼不得已不反對它們中約十間可能轉為直資的意願。但亦有私小的直屬或聯繫中學決定不會轉為直資, 如聖母小學及德貞小學. 但仍希望和現時的中學保持關係, 聖母小學正積極尋找新校舍, 希望將小學部轉為津貼, 以便能與聖母書院結龍, 德貞小學則至今仍未有所決定。

以往小一入學時校長擁有的十分恐怕不能復辟了, 而現時的小一入學暫緩機制亦恐怕沒有太大的修改, 因此不論現在將來, 沒有足夠分數和運氣的小朋友, 最好選擇質優的私立或直資小學, 最美滿是還有直屬中學, 該等學校之幼稚園勢必成為家長的目標。

私人傳訊

彥彥媽咪

子爵府

積分: 12314

2024年龍年勳章

15^#

發表於 06-10-27 01:23 |只看該作者

Re: 彥媽與你: BB讀書/學習交流站 (精華篇)

彥媽有感而發 (3) :

五歲囡苦讀13課程
06/09/2006

「幼童課外活動課程」熱潮席捲港九新界，以開辦幼童課外活動為主的部分機構，其課程直至明年中皆全數爆滿，座無虛席。由於需求甚殷，家長要為子女成功報讀心儀的課程，動輒要輪候半年或以上。現時不少院校中心所提供的幼童課程，都要預早登記報讀，尤其是一些知名度較高的，情況就更為明顯。欲報讀通利琴行的「音樂小天地」（適合三歲至三歲半兒童），至少要輪候九個月，甚至年半；想在博藝堂繪畫創作室報讀繪畫班，亦需等上幾個月以至一年不等，該畫室表示輪候時間的長短，則要視乎其他學生的「退學」情況。

由於報讀的人數太多，張太憶述，兩年前她為了要讓五歲的兒子成功報讀柏斯琴行的「小小莫札特啟蒙課程」，當年兒子只有兩歲多，便要預早大半年輪候該三歲幼兒才適合報讀的音樂啟蒙課程。

為了迎合「新一代家長」的需要，市面上不少院校及中心都有開辦幼兒課程，部分課程甚至年齡小至兩歲半的小朋友都可以報讀。有家長坦言，為子女報讀多項課外活動課程，除了希望子女可有一技傍身外，最重要的是要為子女升小升中鋪路。

「能否考到好學校，小朋友的課外活動十分重要！」林太五歲的孻女珈嘉現就讀於約克英文幼稚園，為來年升讀小一鋪路，早在女兒兩歲半時，林太已開始為女兒報讀各式各樣的課外興趣班，最初期只有芭蕾舞課程，其後愈讀愈多，至今校內校外所報讀的課程，合共有十三項，包括：校外的鋼琴班、小提琴班（兩個）、陶壓式畫班、繪畫班、書法及水墨畫班、芭蕾舞班、普通話班、珠心算班、英語會話、游泳班，以及兩項校內課外活動課程，分別是 EQ 非洲鼓班及 JET/SET 英語評檢測驗課程等。

追求一疊疊活動證書
林太表示，六年前為長女珈瑩（十二歲）報考小學時的失敗經歷，令她今天學懂了要為孻女的升學作預備。林太指當年知道長女不被心儀小學所錄取時，深感徬徨，而且百思不得其解。其後林太幾經轉折，打聽到獲該校錄取的同學，都擁有一疊疊各式各樣的課外活動的證書，她才初次體會到課外活動對子女升學的「威力」。

為保兩名愛女升學之路，林太不惜月擲千金。現時單是孻女珈嘉的十三個課外活動課程，林太每月便要花費大概七千元，再加上長女珈瑩的課外活動，每月開支過萬元。林太認為，正是因為這個社會的育風氣及制度，令她的經濟負擔加重，也令父母和子女的精神壓力變得沉重。

天天練習奧數至半夜
「大女有個同學仔在剛完結的暑假報讀了奧數（奧林匹克數學訓練課程），佢父母就要佢每天練數練到夜晚十二點，我見到真係好驚！覺得個細路壓力好大，又好驚自己個女唔夠人爭！」林太向記者透露，家長之間存在「私心」，將子女的課外活動視之為日後報校的「秘密武器」，這不時令她感到不愉快。「邊間補習社好，或者其他家長自己設計了一些練習、試卷，都會互相交流，不過講到課外活動，在哪學，就一定不會講，驚你會跟佢學！」

眼見其他同學所報讀的課程更多，林太苦言：「唔係你想同人比，係唔可以停下來望住人去到好遠都唔追！」林太更表示，個別的課外活動課程對升學特別見效，她指近期傳聞最熱門的「助學課程」是圍棋及乒乓球，她亦打算會為珈嘉報讀這兩項課程。

不過，林太強調，無論為女兒報多少項課程，都必須是女兒喜愛的才會報。

彥媽心聲分享:
========

睇見上面講既野...與其我地怪d個父母"盲目", 我反而明白佢地既苦心....因為佢地都係愛子/女之心 only, 我絕對諒解....但我更怪既係父母好多唔係教育界就話唔識 je, 但點解仲係咁多人喜歡利用父母愛仔女既心去 somehow "誤導"人呢....我係想反問現今辦教育d人既 principle 何在呢...唉....我明"供求定律", 有人想讀佢地開班, 但換轉又嚟講....唔係呢d所謂辦學機構為生存而係又乜鬼都開個班, 乜都整隻 VCD (唔理d小朋友實際係咪真係 absorb 到...) 咁係咪又害苦d家長呢....好多家長揾錢真係唔易...死慳死抵想俾小朋友學d"真係有用"既野, 而唔係 dum 佢波鐘呀....唉~~~

好幾年前我有睇輯好似新聞透視咁既訪問, 佢訪問一個以前係做 credit card marketing 既男士, 佢最近搞左間 kids learning centre (印象響中環, 唔知仲係樹冇...offer d 細路 course, e.g. English ar, EQ ar, 個停), 我 1st impression 已經係樹諗...吓....賣 card 既搞教育..? 我已覺唔多對路, 教細路唔係買賣, 當中 involve 好多 beliefs and ethics...唔係純睇"供求"架嘛.....

OK...唔好先 assume 人地唔得...或者人地真係有心辦教育呢...then 我睇落去....佢響入面講...大致就係"依家學前教育係有 market" ; ”我地投放左好多錢響個 centre 上”　（佢地係 decorate 到個 centre 好靚, 甚麼德國來的 chair, etc...搞到個 centre 真係一入去就覺好 grand 好 high 咁) ; 所以個男士仲話...係呀, 好多家長要呢d feel, so 佢地開業冇耐就回本喇 (佢好似 invest about $1M)...即係好好賺...云云...

我一睇就拎哂頭...唉.........首先...乜辦教育, 有錢唔係放響 course development and teacher's training...以提升教學質素, 又或...推行小班教學 (e.g. 得個幾歲人仲要一班 1x 人既 English, 嘿嘿...成班細路玩多過聽喇...老師搞得秩序嚟都放學 lu

) 架咩...而係花響d external factors...仲係同教學冇 direct linkage 既 factor....唉....我都唔知講乜好...

我之前去過一d 俾細路既 "development" course 個d introductory talk.... 話提升佢地 (or so to say, "analyse") 多元智能... (MI)...嘩...做個 test $5xxx, 成個 course 又幾萬銀 (依家仲有賣廣告丫)....我承認個個 sell 個 course 既人 (should be the centre-in-charge) 把口真係好叻....仲好似醫生咁將d cert 貼哂出嚟比你睇...但我睇d Cert....well...... MSc in Marketing...

Marketing....??!! 又係個句...我唔係唔信讀 business 可以講教育...不過...我更信 (從佢既 behaviour) 佢真係好能掌握家長 (customer) 既購買心理 (buying intention) 去令"消費者" 購買囉...

佢一定係 Distinction 畢業既....

之後我問佢....有冇野 (or proof) to show me any changes of my kid if 真係 join 個 course...同埋, what you will do to evaluate (佢話有 report ga ma) 我個小朋友既 MI....reliability level 有幾多....佢d師資 (佢 claim 有個 clinical psychologist 一齊 design the course, 但我事後去 check , 又 check 唔出佢呢位外籍人士有乜來頭

)...呢位後生仔 (呢個 Marketing 人) 又俾唔到個 convincing answer 比我...then 我梗係唔落疊喇...不過...就現場所見, 好多家長俾佢講到心郁郁架...事後有冇 join 亦唔到我理了...

如此這般呢d talk 我都去過唔少....又係個句...講就天下無敵...曾幾何時, 我都同自己講...我把口都識吓講野, 亦唔差丫...d cert 又都嚇得吓人....咦...等我都開番間呢d tutorial centre....大吓人 (真係好多人唔識架) , 開個 Kids Development Course...提升 AQ, EQ, SQ, CQ (真係乜 Q 都得

, 做埋 Mind Mapping, 6 Thinking Hats, 再加埋 NLP 都得) 每個收 $10,000 (俾佢地免息分期), 之後寫個個人都差唔多既 report...) 嘩~~~~我同我三個仔+我老公一定唔駛幾耐可以好揾過個d 乜 Kelvin Ko ar...Richard Eng ar...咁喇.....搬埋入富豪海灣同楊千華做鄰居都得喇...呵呵~~~

不過....衰在我就係過唔到自己個關....做教育若冇個種堅持同信念 (教好下一代) 係唔得架...教育唔可以 treat it as a "business" , 唔係有求 (家長想學) 就要供 (開d唔知乜班, 乜都有得你讀一餐), 係要讀先讀架嘛...唔係個個 level 俾佢讀 or 冇 that need then 讀嚟做乜呀..... :evil:

外國邊有咁多呢d古靈精怪既 course ar....咁唔通人地就蠢d...??

私人傳訊

彥彥媽咪

子爵府

積分: 12314

2024年龍年勳章

16^#

發表於 06-10-27 01:26 |只看該作者

Re: 彥媽與你: BB讀書/學習交流站 (精華篇)

Common Question 3:

What is the difference between playgroup and nursery (pre-school)?
===========================================

Playgroup ==> 有名你叫...係 Play 既 group 囉...即係純粹一大班人 get together , 當中有人做 lead 去帶d activities, then others 就 follow. 起源自外國, 因為外國地方好大...好多小朋友出世時真係方圓百里都冇乜 babies, then 佢地又冇咁早讀 KG (normally 係 4 years+ 先讀架嘛), then D mothers 就自發地 contact D neighbours ar..friends ar gum....約埋一齊等d 小 BB get contact with each other lor....see, 佢地係純為 get to know more about other BBs, 都唔係一定要有 "syllabus" ga ma....Lead 都係自己 group 內d moms 去 lead, but 傳到嚟 HK 之後就成為好多 centre 既揾錢工具了....

Pre-school 同 nursery 分別唔大, 只係多數係d 英文幼兒園 (國際化個停) 就鍾意 called those N1 as "pre-school" la....即係學前教育既一種而已....but HK style 就多數叫幼兒園, 有埋托兒成份~~

私人傳訊

彥彥媽咪

子爵府

積分: 12314

2024年龍年勳章

17^#

發表於 06-10-27 01:33 |只看該作者

Re: 彥媽與你: BB讀書/學習交流站 (精華篇)

Common Question 4:

早灌輸既知識係咪咁有用呢?
=================

嘩~~~呢個係一好大既 topic...等我諗諗點先可以"簡單作答", 而唔悶死大家先.... :mrgreen:

我會咁睇...我份人一向 prefer "中庸之道", 因為凡事要識得取得平衡生活先易過...唔會側埋一邊....so I agree "灌輸知識係有用", 而唔係 "早d灌輸ge知識就一定有用"....

成件事我會咁睇....小朋友學習 (learning) 可以分好多個 mode (in fact same as adults)

a) Lecturing (e.g. 上學聽老師講 or watch VCD)
b) Experience (e.g. 因為有"跌親"既 experience, so kids learn 下次行路要小心)
c) Role modelling (e.g. 有d父母佢地 smoke, so 好快細路都會 smoke)

一生人要學既野又可大致可分為 3 types:

i) Value/Attitude (This will be affected by VALUES, e.g 對與錯, 是非黑白 etc)
ii) Knowledge(知識, e.g. 1+1 =? , shoe 呢個字點解, 鞋帶的作用 etc)
iii) Skills (技巧, e.g. 如何表達自己, 思維模式)

以上 3 types, use an example to illustrate (廚師 cooking)....

1) Attitude (A) ==> 佢"認為" 凡事要盡心盡力 (this is his values), so 佢 cook 一定會好用心機, 即係佢會先去了解客人乜野食得唔食得, preference 係乜, 鍾意咸定淡 (有冇睇味吉洋一套 cartoon?

), 但有d人就只會 follow receipe only, 都唔理其他, 並認為咁就叫做 "responsible" 了

2) Knowledge (K)==> 要煮得一手好菜..有 attitude 係唔夠既...仲要有 knowledge...即係話...佢要知每一種食物既食用價值, e.g 魚有 calcium 合細路骨骼生長 etc, 佢先可以諗得到d好既食物去俾小朋友架嘛....唔係的話, 想整都整唔出喇..

3) Skills (S) ==> 要整得有技巧囉...即係佢 steam 一條 fish, 有d廚師是鬼但就 put on a plate, 但有d人會因為對方係小朋友, 佢會特登揾隻 "叮噹" 既公仔碟去放條魚, 仲切到d 薑成朵花咁引d小朋友...well...to be honest, 小朋友唔係食d薑, 也唔會食埋隻碟, 但佢地就一定會因為有呢d 吸引而食得好開心囉...right?

好嘞....就係咁...3 樣野配合我先會形容個人係"成功"....

我對學習要求比較認真, 因為我認為只學其表面, 而不了解 (即係識講英文, 但又唔多明點解要咁講) 咁係冇用既, so 回應你既問題....."早灌輸ge知識係咪咁有用?"

Then based on what I described above....if 你講既 "知識" = Attitude/values 我會答你"係"

但若你問我係 "knowledge" 我會答你"冇必要咁早"...

再問我係 "skills" 更可以遲一步

what I am talking about ""冇必要咁早", "遲一步" 唔等於人地三歲返學, 我就六歲先返學個停...

我係想講...唔需要"快人一步", 搏"著著領先"既...因為 Knowledge and skills 係可以透過長時間不同既機會學得到, 同埋恆心係可以補償一切 (即係今日唔得, 聽日再 practice, 總有一日會得)

但 values/attitude 就完全唔同, 佢係 directly affect whether the kid would like to absorb knowledge and skills 既 most important factor.... 而且 K and S 係可以透過我上面講 method (a) 都做到 (lecturing)

but values+attitudes 就唔係....(a - lecturing) 一定唔可以, 最大係要靠 (c - Role Modelling) (b - experience) 唔係唔得, but this could be risky...e.g. 小朋友偷糖食俾阿媽打...佢個 learning 唔一定係 "我下次唔可以偷糖食", 因為好睇阿媽點 handle the case, 小朋友分分鐘可以 learn 到既 message 係 "我下次要諗個好d既方法唔好俾阿媽知我偷糖食" 咁就大獲.....

So for attitude/values, 越早越好.....尤其你識講 "而家d 細路真係叻過我果代好多".....你唔去 lead 佢去諗"應該諗既野", 咁佢就好易被人地 (e.g. 傳媒) 去 lead 佢諗左另一d野, 而 value 一旦 build up , 除左佢自己, 係冇人可以令佢改架....so this is far more risky than K and S

但可惜的是, 比較多父母較 focus on equipping their K and S, but not A, 咁的話我會形容係"資源錯用", 又或用錯方法, 即係用 lecturing - 比佢學呢d學個d , 希望佢會因此鍾意讀書, 有一技之長, etc...well...咁冇話完全冇效...but the impact is really really slow.......so I would say (c) Role modelling/influence...即係...e.g. 你想個仔鍾意讀書, 唔駛下下都要 send 佢學乜學物, 係自己得閒就係屋企睇書比佢睇..佢見得你多睇, 自然就會又 lar 嚟睇架喇...so in fact 佢係 learning 緊喇...and this learning is "free of charge" right? :mrgreen: :mrgreen:

So you said "幼稚園生涯真係好模糊, 亦唔覺有幾大影響我日後既路;", I would say 唔止幼稚園, 就算連中小學都係喇...因為 K and S 唔用就好快唔記得架嘛.... 你試諗下你仲記唔記得個d Maths 既 LCM ar...HCF ar 咁丫...三角幾何你仲記得幾多?? :mrgreen:

但學校老師/同學既生活態度就已經唔覺唔覺緊 influence 緊你喇...你唔覺之嘛....

so 點解d家長揀學校要揀校風為主也就是如此......

:mrgreen: :mrgreen:

私人傳訊

彥彥媽咪

子爵府

積分: 12314

2024年龍年勳章

18^#

發表於 06-10-27 01:37 |只看該作者

Re: 彥媽與你: BB讀書/學習交流站 (精華篇)

Common Question 5:

語文學習應由何時開始好呢?? 學邊樣先好呢?
=========================

大家請先要明白....語文學習 (no matter what languages) 要學得好 (i.e. 讀, 講, 寫都要得), 呢個係一個好漫長既 learning process, 當中要 continuoulsy 去浸同 practice 先可以做得好既....所以就算頭 10 年唔停咁操, 之後 10 年用都唔用, 咁就好似揸車咁, 話之你考牌個時係 A 級畢業丫, if 考完之後 10 年唔 drive, then 再要你 drive, 你敢唔敢?...就算你敢, then 可否講係"純熟"丫......so language is the same...唔用就會唔記得, or we may say, 會好生疏, so it will need a long time to get the skills picked up again.

So based on the above principles....大家應該會明, 學語文重點就係不在於用d 乜教材, 幾時開始...而係"有幾多時間係俾小朋友去操練呢個 skills"...language 係 skills (當中係要包括有 knowledge back up, 即係要識生字, 讀音etc), 但以我睇法, 要語文好, 唔止係識幾多個生字, 個人叻過本成本字典咁都冇用格...我見過好多大學生, 佢係識唔少字, 不過硬係 speak English 時講到 luck luck kuck kuck 咁...一問佢佢個腦就淨係識用中文譯成英文....呢個一眼就知係冇(or 少) chance 去 practice 既原因喇....

So...我地首要重 reinforcement, 即係要先諗到一套配套先可以令到我地之前既心血 (即係唔理你買乜 DWE ar, Mother Goose ar, Flash card, 乜鬼都好) 唔會白廢....

So, the first thing is : create a "learning environment" ==> 即係個個環境可以令小朋友 practice 到你想佢學既語言...e.g.

1) 請個 English-speaking 既賓賓 (咁當然唔係要求小朋友講賓式口音既英文, 而係 through their conversation, 佢地就識同乜人講乜話, 亦會肯去講) ....係"肯", yes, most of the cases 係個小朋友唔係唔識, 係死唔講 only, 咁會營造到佢肯唔怕英文先....仲要叫個賓明識聽中文都唔好見個小朋友用中文問佢, 就英文答 (or even 中文), 係要扮唔識, 聽唔明, then 小朋友自然就肯用英文去講.....

For Putonghua, 都一樣, 但當然唔係揾個大 6 helper 咁解喇 (不過 if 得又唔拘呀, 好就得..hehe...我反而諗我係想有時若有d內地朋友 or parents, can ask them to come and join gathering, then 全程 Putonghua 咪得囉...) ...可以 organise 一d Putonghua speaking gathering.... 當中小朋友透過聽講就有得著, we may do the same thing for English too (i.e. English speaking fun group, etc)

2) 響屋企...可以的話...睇既係 Pearl , World Channel (or Discovery channel)

3) 去 Library, read English Story Books....係阿媽伴讀個d.....唔係掉低人叫人地自己睇, 當中睇完可以用 English to ask them a few questions (e.g. How do you feel about the story ar, like it or not, and why?...What do you think you could do if you were Peter in the story? etc...) 從而 stimulate 小朋友去用腦組織英文句子.....this is "skill drilling"

4) 就算出街, 都可以一邊行反斗城一邊指吓d玩具既英文名稱教佢認, or指住一d 物件問吓佢英文佢乜, etc...（當玩咁...咪鬼太認真, 即係唔識就停哂步要佢答岩個停...otherwise 會有反效果, 佢會覺得出街仲辛苦過番學架, 個阿媽成日考佢...) so 你要睇時機...佢答一次就唔想答 2nd time 就咪再死 goo goo , 下次再趁機出手就得, 唔駛一定次次都係咁...等佢估你唔到丫嘛....otherwise 佢下次一定寧願唔跟你出街 je.... :mrgreen: :mrgreen:

如是者....慢慢做 + 不定時 (but continuously) 去做吓以上d野, 再 + 一d English lesson at school ar 咁就好好多架喇....但我強調, 父母 "永不放棄", "永不言敗"既心係好緊要架...唔好因為小朋友唔投入就用"迫" or "打壓" or even "give up" ~~ 咁係 never get things done ga...

好嘞........睇完我上面講, 你地都見到, 好多 method 係都要小朋友有個"意識"先可以做到既...so that means 我唔係太鼓勵太小就去學語文, 我咁講唔係話細學唔好, 而係...要留意...效果唔會太高, 係"雷聲大, 雨點少"既工作 only....so 有d家長話幾個月就開始俾 English VCD ar , flash card 呀佢咁...well, 我唔會話唔得, but I do not support gum lor...因為尤其係 TV (i.e. VCD) , 佢學到既唔係英文呀, 係學到睇 TV ja, 咁就大獲, 因為 TV 係一種抹煞左"思考"既工具 (乜都"一目了然"丫嘛....駛得用腦咩...) 到時耐左, 小朋友就變成無 TV 不歡, 要戒就難矣....

因此, 我自己既 choice 係....我會等 bb 近一歲 (or at least 識行識走) 先會提供多d語文俾佢 (i.e. give him CD ar gum...仲唔一定要係 VCD, just occasionally, 平時可以聽講為主) 去令佢學習, 我唔認為歲幾先學會慢過d 幾個月就學既 bb lor

而且....尤其男仔, 佢地天生語言能力平均較女仔慢, so if 仲係初期就幾種語文一齊灌...一定腦袋大兜亂....以我二仔為例, 佢小時候 (before 1 yrs old) 就已聽英文 (因有賓賓, 同成日放 VCD 比佢聽) 結果係, 佢開始講野慢大彥好多 (大彥以前係早好多就識講野, but not 中彥 (二仔), 講野亦唔叻 (即係唔夠大彥"肯"講), 但之前大彥係姑媽湊大 (即係 HK 人), 當時只係單一語文, so 真係快好多, 好快就識有單字...仲大膽過中彥好多...起碼肯去講.....

因此, 依家細彥, 我唔會太早俾 VCD 佢睇喇....費事好似中彥咁, 依家成日要睇 TV ar... 我會等佢識行先 (around 1 yr old) 先開始俾d English materials 佢....依家呢個stage 係靠我地有時同佢講....等佢有d 印象咁架咋...唔係期望佢透過咁去識喎...

不過, 我當然唔排除個個天份唔同, 唔可以單一而論, 有d人好細個就 language 好好, 但以一般情況而言, 實不認為有需要咁早就 start 太多 "training" la..... not only language, but whatever training 都係喇 (train 佢 ng ng 就唔同...)

我亦唔 suggest 太多 language 夾雜一起既 environment, 因為每種 language 佢既 sentence structure 都唔一樣, grammar 亦可能有出入, 聽得太多唔同組合會令小朋友 logically 仲難 follow, so 佢搞唔掂就更唔想講, 因為佢講唔出丫嘛...仲會發 mung 爭架, 因為佢想表達比我地知既野佢唔知點講出嚟...會谷住咁咪易發脾氣囉....

so I suggest at one time, not more than 2 types of languages are more than enough ga la....

私人傳訊

彥彥媽咪

子爵府

積分: 12314

2024年龍年勳章

19^#

發表於 06-10-27 01:42 |只看該作者

Re: 彥媽與你: BB讀書/學習交流站 (精華篇)

彥媽有感而發 (4):

TKO 區的問題
=========

響別區討論中看到有家長寫出這個~~~我認為很有參考價值, so 想同大家分享吓~~

<Quote>

由於在育兒上自知不治，所以近日修讀了一個兒童成長發展心理學課程．導師係一位資深的社會科學心理輔導學碩士，現職有關幼兒工作�治療師．提及他的背境不是想吹噓佢幾咁猛料，只想話佢講既嘢係有理據，有值得參考的價值．有一天有同學問到類似"孟母三遷"的問題,引伸到區域選校的困擾，導師提到將軍澳係一個比較高危但被忽略的地區（因為此區比較中產，家長教育程度一般較高）原因有4：

1) 但凡一個無歷史包袱的地區，都係社團可以埋手的地方

2) 由於此區人口正急速澎漲，又多小家庭，是青少年聚居之地，亦係社團有興趣的發展地

3) 該區社工與人口比例目前係全港最少的，因此支援較慢，輔導工作較困難

4) 學校較新，基礎較薄弱．社署亦有密切留意該區發展．最後佢話做父母的要小心孩子青春期的交友，成長．學習環境不容忽視，孩子青春期有許多不能預計的事情會發生，朋友是佢地溝通的首要對像，父母往往是最後的援助，因此同學的質素係好重要．

孩子由 0-3 歲係無律期，以自我為中心， 4 -6 歲為他律期，亦係家庭教育能發揮最好效用的時期，要好好把握將正確人生觀，學習態度等灌輸比孩子，7 歲後是自律期，基本上小朋友巳發展了一套個人價值觀及自我形像，父母的影響力將會愈來愈下降．即係唔聽你支笛．因此要常常保持與孩子溝通，學習接納佢地既意見，成為佢地既朋友之一（例如選校上都要問下佢地意見，喜歡與否，當然父母不是放手不理，兩者情況不同，不必再在此問題上糾纏）．

<Unquote>

彥媽心聲 sharing~~~

我十分同意上述的 lecturer 所形容 TKO 的形勢, in fact 天水圍亦給我同樣的感覺, 將來的東涌亦然...大家可以睇到, 新發展的社區是有很多潛在的問題....所以, 我先一直強調 "如何營造一個有效的 learning environment 去協助小朋友建立正確的人生價值觀 (Attitude/Value)" 遠較去想"用d乜野 tools 去 train up 小朋友英語水平 etc" 嚟得更迫切同重要...

因為....你都睇到上面講....7 歲打後, 你想講佢都已唔一定聽得入耳架喇...so 點解唔趁做父母既仲可以對小朋友有影響力時先做較重要既工作呢...

so 我會唔止睇間學校教d野深唔深, 夠唔夠, 而係仲會緊張埋阿仔同d咩人一齊返學呢點會更多......因為我深明 peer influence 可以有幾大.....多過識幾多個字...cos 後者我有一千幾百個方法可以補救, but not 前者....打個比喻....你就算日日抹屋, 將間屋保持得一塵不染係冇用既...只要你隔離屋個鄰居係污糟爛蹋, 我包你唔駛幾耐間屋都一定有蛇虫鼠蟻....你肯用幾好既殺虫水都冇用....係咪...??

[ 本文章最後由彥彥媽咪於 08-3-10 23:32 編輯 ]

私人傳訊

彥彥媽咪

子爵府

積分: 12314

2024年龍年勳章

20^#

發表於 06-10-27 01:45 |只看該作者

Re: 彥媽與你: BB讀書/學習交流站 (精華篇)

號外: 曾蔭權公布任內第二份施政報告 ==> 幼稚園學劵制
================================

行政長官曾蔭權公布任內第二份施政報告時表示，將準備集中力量，從支援家庭出發，減輕家長的財政負擔。政府將以「學券」形式為３至６歲兒童的家長提供學費資助，繼而理順各項現有的資助計劃。

　　他表示，由下學年（即２００７╱０８年）起，以提供「學券」予家長為資助方式，每名學生全年的資助額最高為１﹒３萬元，其中不少於１萬元必須用作減低學費，其餘３０００元用以資助教師進修。

　　曾氏續指，隨著教師的資歷和薪酬逐步提高，計劃逐步增加資助額。到２０１１╱１２學年，每個學生每年的資助額將會增加至１﹒６萬元，全數用作減輕學費負擔。所有本地的非牟利幼稚園只要收費不超過２﹒４萬元，都可以按收生人數兌現「學券」。

　　他估計，到２０１１╱１２年，政府為推行這項計劃每年額外投放可達２０億元。全港９０％的３至６歲學童會受惠，合資格參與計劃的學校將達到８０％以上。期望５年後所有幼師都具備幼兒教育文憑的資歷，部分教師更達到大學程度。並鼓勵所有幼稚園的校長都積極進修，在２０１１╱１２年前取得大學學位資格。

彥媽補充 here:
=========

學劵制的意思就好似一張 discount coupon, 拎住佢可以有政府一個一定數額既資助, 俾家長用作補給學費之用...外國有好多國家都有此 practice, 但 HK 今次行學劵就冇外國咁大自由度, 有d rules...就係:

1) 幼稚園/幼兒園一定要係非牟利既先得, 依家 HK 既幼/兒稚園係可以分開為兩一類 : (1) non profit making 非牟利 (2) Private Independent (私立獨立), (1) 要 somewhat under 政府監管 (要俾阿公去視學) whereas (2) 係唔駛既, 鍾意點都得....

2) 學費唔可以超過 $24,000 (half day) or $48,000 (full day)...因為有d non profit making 既都收超過此數 (e.g. CCKG 基督堂, 佢地係 non-profit making, but 收$28,200 per year, so 即係又唔得)

3) 學劵明年開始有, 上限係 $13,000, 即係各合資格幼稚園可以按收生人數向政府申索此額, 但只係當中$10,000 用作學費之用, 其餘 $3,000 係用作教師培訓i之用, so take an example, 若以一間收年費係 $16,000 既幼稚園嚟計, 即係家長只需付 ($16,000-$10,000 = $6,000 per year), 若分 10 個月收, 即係每月 pay $600 only, 的確有減壓之用

4) 此計劃只惠及 3-6 歲之小朋友, so that means N1 係唔計既 (兩歲班, 因為此乃"不一定要返既學" so it's only for 家長自己 choose 了)

後記:
===
因此, FYI, St Catherine, Kentiville or most of the Kowloon Tong KGs 佢地都係"私立獨立"幼稚園, 因此, 政府呢個計劃都會對佢地做成幾大既影響, cos 家長 may 因為有資助而轉選其他都唔錯但係 non profit making 既幼稚園, St Cat 同 Kentville 呢d都因為"歷史悠久", 有一定既教學賣點都或可以繼續生存, 但其他 (e.g. Cannan, York, 方方樂趣呀呢d) 就真係要諗諗係咪要減費 or 轉做 non profit making 了....