2024-06-08

698

吸煙10年老公有意戒煙卻無從入手 心急港媽求問網民經驗分享:一嚟佢就情緒低落又躁底...

不少煙民爸爸媽媽為了小朋友的健康著想,都下定決心想戒掉煙癮,但要實現絕不簡單!一位港媽在網上發文分享,指老公有吸煙的習慣逾10年,近來因為煙草不斷加價,加上為了小朋友著想,老公終於開始有戒煙嘅念頭,但卻無從入手,不出兩三天就會煙癮起,在戒煙的過程亦會影響到他的情緒,「一嚟佢就情緒低落又會躁曬底咁」,港媽一心想鼓勵及協助老公戒煙,因此求問網民相關經驗及心得。

一位港媽在網上討論區親子王國以「老公想戒煙,但總係戒唔甩」為題發文,希望求問網民的戒煙經驗分享,希望可以協助老公戒煙。港媽稱自認識老公10年來,對方一直都有吸煙的習慣,但由於有家人同樣是吸煙的,所以就習慣了。但近來因為煙草不斷加價,加上為了小朋友著想,老公終於開始有戒煙嘅念頭,但卻無從入手,不出兩三天就會煙癮起,「每次唔夠兩日佢已經周身唔聚財,佢一返到就聞到陣煙味,就知道佢破咗戒。」

港媽指近來老公再開始嘗試戒煙,但發現他在這戒煙過程中情緒受到影響,「呢排見到佢又再開始試戒煙,但一嚟佢就情緒低落又會躁曬底咁」,但港媽很明白對老公來說,吸煙是根深蒂固的多年來的習慣,並不是一時三刻可以戒掉,加上體諒老公是因為壓力大及精神緊張才會持續吸食,港媽很想鼓勵和協助老公戒煙,更透露跟對方一起訂立了目標,「希望佢今年內戒煙」,因此發文求問網民的意見和心得分享。

帖文引起熱議,部分網民認為只要有心戒一定會成功,「只要係真心戒就好快戒到」、「唔買就好易戒」、「唔買就一定戒到,D煙咁貴唔會有人日日請你食。」、「家人因為加煙草稅就狠狠地戒咗 當佢認真坐低計返每個月買煙仔條數 就突然好有決心 一年就幾萬銀喇 拎去全家旅行唔好咩」、「如果搵到一個認真想達到的目標就好容易戒到,我食左十幾年煙,曾經試過好幾次話想戒煙,好快就放棄。婚後十年想備孕生bb,一日之內就戒了。」

但亦有網民抱持悲觀的態度,「食咗咁多年又好難要戒就可以戒得甩」、「要頂得住心隱」、「我老公曾經戒了,我好開心以為真係成功。但戒了2年,又食返」。

此外,一眾網民集思廣益,提供了不同的戒煙經驗及心得,不少人提議食香口膠,「家人食香口膠戒甩咗,慢慢連香口膠都無食」、「一係慢慢戒,叫佢由一日減1,2 支煙開始。一係一刀切,叫佢改食香口膠,上網代替。」

另外有不少人建議尋求戒煙中心的協助以及用煙貼,「我先生經唔記得乜野機構拎戒煙貼,成功戒到,已一年無食。另外有位戒煙多年既朋友計,先戒自己最鍾意食果支,即例如如果每日只可以食一支煙,你會揀邊一個 moment 食,如果係晚餐後果支,就先戒呢支,朋友話慢慢心癮會細左」、「我老公戒過幾次, 用煙貼」、「搵戒煙診所,等醫生姑娘評估。 比戒煙貼同戒煙香口膠或戒煙糖。其實貼戒煙貼都係一個不錯嘅選擇」

亦有網民直言最緊要是戒煙者的心,心底裡要一個很確切的原因,「首先佢自己要有個好supportive既原因,推動自己戒先,其次,用戒煙貼/食藥來輔助。之後,戒左去一D易食煙既場合,如飯局酒局」。


相關文章

父母長期用汽水沖奶粉 致4歲女兒滿口蛀牙糖尿病身亡

【身教】 2歲男童受父親慫勇吸煙成癮 日抽40根煙 14年後現況曝光

【幼兒安全】2歲半男童疑貪玩用毛巾按壓初生妹妹的臉 險致其窒息!

【育兒悲劇】紅夫妻盲信曬太陽能吸取營養存活 1個月大兒子慘遭餓死

緊貼新冠肺炎最新相關資訊