2020-08-31

737

【母乳媽媽】坊間乳墊品牌大比拼 | 專題研集

唔係廣告,純粹想分享一下作為母乳媽媽,貼身用品嘅選擇同埋考慮因素。

乳墊對母乳媽媽嚟講都幾重要,特別係初期好容易就谷奶。
如果無貼上乳墊,就會搞到胸圍、面衫都濕透…

唔知你哋又有冇試過?

我仲記得頭一胎生完和牛B咩都唔識,無用乳墊瞓到半夜件衫濕晒!! 又羶又臭…

如果出街,而件衫又因為漏奶而濕晒,就真係超尷尬呢!!我今次分享同比較一下3款坊間容易買到嘅乳墊品牌,俾大家參考一下。

更多文章:【上奶催乳】産後媽媽必修一課,增乳上奶話咁易 | 避免退奶

日本製Piegon、德國品牌Nuk以及香港品牌Tenson。

首先,我會從價錢方面去分析。

Tenson 高級即棄乳墊
大概$45/盒 (40片) 圍返$1.1一片

優點:
3D立體設計,緊貼媽媽胸部,舒適自然
表層為纖柔無紡有材料,柔軟透氣
吸水表層特製網格壓紋,加速導流,快速吸收溢乳
內層吸水性強,防止回滲,保持乳頭及衣物持久乾爽

Nuk 超乾爽即棄哺乳墊
大概$60/盒 (60片) 圍返$1一片

優點:
採用高分子吸水材料製成
模擬母親乳房的圓弧外形
單片獨立包裝
衛生且攜帶方便

日本製 Piegon 加厚母乳墊
大概$108/包 (136片) 圍返$0.8一片

優點:
吸收母乳黏膩感不殘留,常保乾爽舒適
5個防滑黏膠,讓服貼度、安全感再升級
棉花糖般的柔軟觸感,呵護媽咪的乳房
吸濕聚合物能防止母乳溢漏,使用更安心
防溢乳墊的立體罩杯,能維持形狀不崩塌

總括嚟講,似乎日本製Piegon都稍為優勝。
而優點大致都係差唔多咁上下,分別唔太大。

更多文章:【二寶孕記】一胎 VS 二胎大不同 | 懷孕生產里程碑

其次會同大家分析包裝上,邊一款較為方便同埋有咩唔同。

Tenson 高級即棄乳墊
獨立包裝,包裝袋中間位置上有一條易撕線。

撕開包裝袋,乳墊兩邊位置會有兩張貼紙需要撕下,先可以貼上胸圍裡。

最後,手上會有三張要掉嘅包裝垃圾。

Nuk 超乾爽即棄哺乳墊
獨立包裝,包裝袋紙易撕開。

撕開包裝袋,同樣都係乳墊兩邊位置會有兩張貼紙需要撕下,先可以貼上胸圍裡。

最後,手上會有三張要掉嘅包裝垃圾。

日本製 Piegon 加厚母乳墊
獨立包裝,包裝袋附有一條易撕線。

撕開包裝袋,就可以直接撕出乳墊貼上胸圍裡。

最後,手上只剩低一張要掉嘅包裝垃圾。

總括嚟講,似乎又係Piegon優勝。

第三樣比拼就係乳墊嘅大小尺寸了,我會以cm嚟量度直徑。

^ (左) Tenson 11cm, (中) Nuk 12cm, (右) Piegon 12cm

乳墊尺寸方面,Nuk同埋Piegon一樣大。

而黏力方面,我覺得Tenson, Nuk 比Piegon好。

而柔軟度方面,Piegon就最柔軟,Tenson排第二,Nuk比較挺身。

我嘅資料同分析唔係專業,只希望同大家分享一下。

而我係一個懶人,在包裝上我都係比較鍾意Piegon,因為有時沖涼都唔係好梳乎。
咩快手快腳,所以就連簡單同乳墊都要揀最方便就手嘅款式~

今次就同大家分享到呢到~下次再搵啲產品做個大比拼先。

【編按:以上內容為作者之個人意見及立場】

相關文章

緊貼新冠肺炎最新相關資訊