繼之前嘅人奶心路歷程後，今次就簡單講講餵母奶、擠 母乳嘅必備用品啦。
首先如果選擇泵奶，第一樣需要當然係奶泵啦！
相關文章：母乳媽媽錦囊—8招應對塞奶或奶量不足問題
了解更多餵哺母乳資訊
1：奶泵 - 類型有以下幾種: 手動 / 電動 / 單泵 / 雙泵
當初我為了慳時間，所以買電動雙泵想一次搞掂兩邊，不過後來用落發覺其實並唔係咁方便，而且係泵奶個時邊泵邊輕力推更加能清空乳房造更多的奶，所以我用用下就變了用單泵。
2：哺乳枕
我原本用枕頭代替哺乳枕，但高度不合適下用多幾次反而引起腰部酸痛，所以各位務必要選用合適高度既哺乳枕呀，我自己係用產前講座送既哺乳枕。不用下下為母乳 按摩（大家應該都知係邊間，可能因為依個原因個間既講座係特別難抽中！）
相關文章：咖喱味母乳？母乳媽媽的飲食習慣和禁忌食物
3：乳頭滋潤膏 / 羊脂膏
餵奶前我以為只有姿勢唔岩先會造成乳頭痛楚，但原來就算姿勢正確亦會出現疼痛！相信各位媽媽同我一樣喺初頭餵奶時，乳頭短時間內受寶寶不斷磨擦而形成痛楚，每每再要餵奶時其實真係好驚！而我當時唯一急救方法就係餵兩餐奶之間短暫滋潤吓乳頭！
餵奶前我以為只有姿勢唔岩先會造成乳頭痛楚，但原來就算姿勢正確亦會出現疼痛！
4：綜合維他命及益生菌
相信大家係懷孕期間亦有服用不同嘅營養補充劑，若果餵奶期間維持服用，無形中亦可帶到額外營養比寶寶，所以我都有KEEP住食嫁！
5：儲奶袋 / 儲奶杯
雖然我是埋身餵的媽媽，不過我盡量都會儲定少量奶放冰格做儲備！
6：哺乳內衣
對於每天要不停泵奶或埋身，一件無鋼線的哺乳內衣係超方便的！
7：乳墊
我記得曾經有位哺乳媽媽喺健康院餵奶時，先發覺原來無痴到乳墊出街，結果非常狼狽要即刻用紙巾墊著。
記得曾經有位哺乳媽媽喺健康院餵奶時，先發覺原來無痴到乳墊出街，結果非常狼狽要即刻用紙巾墊著。
如果選擇埋身餵奶，除左上面的物品外都需要以下的物品啦！
1：餵奶巾
無疑係外出餵奶既必備既用品啦！
2：仿乳頭保護罩
如果各位唔想用乳頭滋潤膏 / 羊脂膏，可以考慮選購仿乳頭保護罩，保護乳頭減少因餵奶造成的痛楚。
我嘅人奶之路至今維持左兩個多月，捱過左初頭辛苦嘅階段，但又未到寶寶出牙仔嘅另一痛苦階段。
其實餵人奶無疑係增添同寶寶之間嘅互動，而且又可以提供到足夠營養比寶寶，真係幾辛苦都值得嘅，而且有時見到佢望到奶奶嘅興奮表情，真係好搞笑嫁，祝各位人奶媽媽都輕輕鬆鬆渡過依段同BB嘅特別時光呀！
