2020-03-11

3.8K

【媽媽心聲】成為母乳媽媽的四個心態

1.不要鑽牛角尖

每個母乳媽媽都會因為開頭餵唔到/奶量不足而感到氣餒,就算需要餵奶粉都唔好當成自己嘅錯呀因為擔心唔夠奶令到自己感到壓力,對造奶都好大影響嫁!亦都唔好太介意身邊人嘅說話,只要堅持同放鬆心情面對當中問題,搵其他母乳媽媽一齊傾下有無咩解決方法

2.不要比較

每個媽媽嘅造奶量都唔同,好似Hailiah 細個咁從來都係食得4安至6安左右,特別我係再度泌乳所以奶量都只係啱啱夠咋!總之夠佢食就得,每個人身體狀況不同,奶量當然會唔同,埋身嘅媽媽身體會幫你造夠奶,所以就唔洗怕唔夠嫁!

3.保持心境開朗

我以前啱啱餵返母乳嗰時,好怕自己食錯嘢而影響bb,小心飲食係好嘅,但搞到我自己精神緊張,食錯嘢又好自責咁。

其實有時食吓啲自己鍾意食嘅嘢(只要唔收奶嘅食物),做下treatment 、整下頭、整下甲,最多泵咗岀黎唔餵一餐,其實都未嘗唔係壞事,湊bb已經係好辛苦,但媽媽都更加要自己尋找快樂,對bb對自己都會好啲心情影響奶量係真嫁!

4.不要怕辛苦

好老實講做母乳媽媽係辛苦嫁而且唔可以懶,一懶泵奶又會塞奶,要照顧bb又要兼顧奶量,樣樣要小心,bb奶睡成日醒要啜奶,面對埋身bb會比較痴身,一定有足心理準備先做到母乳媽媽,雖然辛苦,但因為係愛呀,咁辛苦都係為咗俾最好嘅抗體佢哋。

【編按:以上內容為作者之個人意見及立場】

相關文章

新手媽媽二三事 母乳有助預防小朋友第時變肥仔肥妹!

【媽咪二次懷孕9W】原來保護好自己最要小心身邊的BB?!

筋肉寶寶養育記26M:母乳媽咪即將完工+邁向第26個月母乳生活

新手媽媽別崩潰 教你一次過KO BB腸絞痛、塞奶問題

緊貼新冠肺炎最新相關資訊