2021-02-04

1.2K

【新年答問大會】奶奶催生B 新抱難頂壓力戲言:「想捏爆子宮!」

以前成日聽人講結婚根本唔係兩個人嘅事,而係兩家人嘅事,正所謂多個人多把口,過程中愈多人比意見,就愈容易出現意見分歧甚至爭拗,隨時喜事變生氣事!之不過簽咗紙之後,又係咪「過咗海就神仙」呢?兩夫妻喺計劃將來方面,往往要承受三姑六婆嘅意見,特別係新年期間,未結婚就問幾時結婚,結咗婚又問幾時生仔,生咗個就叫你追多個,追多個都仲話趁後生快啲再生?依家生咗出嚟唔使養?唔使湊?定你打算資助下?

更多文章:【屋企點解變咗示範單位?】當媽以後新年最唔想面對嘅事...

咁到底生兒育女仲係唔係只係兩口子嘅事?最近就有位台灣新抱喺社交平台群組《爆怨2公社》求安慰;已經育有一個小寶寶嘅佢,提到每次同奶奶見面都被催再生BB,又會被嫌仔仔唔識笑,作為媽媽已經唔好受,再加上返到娘家嘅時候,自己家人即使再鍾意小朋友,都會話湊小朋友好辛苦,唔捨得佢再生,面對截然不同嘅對待同暖暖體諒,不禁令佢對「趕快再生幾個來」嘅語句敏感起來,就算本來有計劃再生,依家都嬲到想捏爆子宮一了百了!

更多文章:BB車坐到幾歲先合理?港媽:「影響唔到人都要被冷嘲!」

其實生唔生、生幾多個,本來就應該係兩口子嘅事,人生規劃、家庭負擔,根本有太多事係難以向其他人交代,生個小朋友除咗要供書教學,仲要付出無限嘅愛同時間陪伴;時代不同,養育仔女嘅目標自然有所改變,面對外間壓力都只能一笑置之。

【編按:以上內容為作者之個人意見及立場】

相關文章

【婆媳恩怨】奶奶迫生仔承諾幫手湊 產後食言害新抱患情緒病

幾時生B都要被99操控?網民:呢個年代仲要追仔 真係唔通氣!

緊貼新冠肺炎最新相關資訊