夫妻分開房睡覺，一定影響感情？有媽媽近日十分懊惱，家中只有2間房間，但一對仔女開始長大似乎需要分房。媽媽開始生念頭︰「媽媽囡囡一間，爸爸仔仔一間，會唔會好奇怪？」
該媽媽將煩惱分享在「親子王國討論區」，又問其他網民會否與另一伴分房睡覺。有不少網民認為兩夫妻分房會影響感情，「我識幾PAIR （對夫妻）都係分房瞓, 最後分開…」、「如果想有性生活咁點算？」
然而，有不少人亦分享分房瞓都有好處，兩夫婦的睡眠質素均有所提升。「因為老公係大鼻鼾又發開口夢嘅人，之前一齊瞓，反而成日因為瞓覺問題嗌交，分房瞓後，反而大家都開心啲」。
但大部分人均認為，若果是為了子女而分房，就本末倒置。倒不如許可的話，改動家中少許空間，例如多間一個小房間、或換一張梳化床，就可以暫時解決問題。
大家對於分房瞓的睇法又如何？
