美妝護膚

945

【護膚診症室】轉換新年新髮色 不容忽視的頭部肌膚

呢排天氣乾燥,多咗病人都因為頭皮痕癢嚟求診;病人話痕都算,但返緊工痕起上嚟,實在唔好意思大庭廣眾係咁抓,令人非常苦惱,而且有時抓完,仲會成頭都係頭皮,甚至係一片片雪花咁散落喺件衫度,場面好尷尬。

其實天氣乾燥只係誘發頭皮問題嘅其中一個原因,要好好護理頭部肌膚,個人習慣都係好重要;提到有唔少嚟求診嘅女士都有染髮習慣,當中嘅染料含有刺激成份,有機會令頭皮出現敏感反應,導致發炎兼引起痕癢,嚴重的話,仲會產生皮屑問題,亦有見過藝人因為工作需要,經常要染頭髮,最後甚至出現脱髮問題!至於男士們亦都唔例外,Gel頭用嘅髮蠟同定型用品等,都會有機會產生頭皮問題。

更多文章:【護膚診症室】媽媽美肌從根本出發 去腳皮有妙法
更多文章:【護膚診症室】扮靚心慌慌!化妝品致癌?Paraben 成份你要知

要避免出現頭皮問題,就要從多方面入手!

首先,染髮話,最好可以減少次數,同埋用有信譽嘅染髮品牌,或者用天然染髮用品。另外,洗頭水方面,要仔細睇清楚成份標籤,選用無香料同防腐劑產品,如果頭皮容易乾燥,可以揀比較滋潤洗頭水,例如:含有橄欖油或堅果油成份嘅產品,咁就唔會因為洗頭,而令到頭皮乾噌噌又敏感啦!

千祈唔好睇小頭皮問題,嚴重頭皮發炎有機會令毛囊永久受損,而唔識再生頭髮,所以如果頭皮有發炎嘅情況,就應該盡快睇醫生,醫生會處方類固醇同抗生素等藥物,紓緩頭皮發炎,同時為底層消炎。

更多文章:【護膚診症室】瘦身調理一take過 5種方法為身體展開排毒旅程

【編按:以上內容為作者之個人意見及立場】

相關文章

【彩妝2020】限時三重賞 Laura Mercier復活節驚喜派送!

【彩妝2020】YSL BEAUTÉ 限時優惠選購攻略 網陷春夏美唇風潮

【彩妝2020】快閃優惠低至3折!不能錯過的美妝護膚產品

【髮型2020】AVEDA為秋冬紐約時裝週打造活力色彩

緊貼新冠肺炎最新相關資訊