蝦除咗可以煎、炒、蒸，仲可以鹽焗！買一斤都一百蚊都唔使，所以就買咗一斤嚟整新菜式 - 鹽焗花竹蝦！
材料真係好簡單，就係只需要呢三樣。
用鹽焗方式嚟做餸，當然係需要大量嘅鹽，加上啲鹽都係唔可以再重用，所以建議大家去街市啲雜貨店買一包散裝鹽，咁就可以平啲之餘，仲一包已經做得到啦！
先清洗啲蝦剪去腳、鬚及挑腸。
用玫瑰露酒醃大約15分鐘，如果鍾意多啲酒香味，可加多小小酒嘅分量呀。
然後用個小鑊放鹽在底。
然後將啲蝦一隻隻咁鋪係上面，唔好將啲蝦插得太入個鹽山度，鬆鬆地放就可以啦。
之後用大火蒸大約8分鐘。
掃走大部分嘅鹽，就可以上碟食得啦。
哈哈哈...呢個做法又真係唔錯，簡單得嚟又好味，加上啲蝦又好彈牙，大肥豬同小豬爸都可知幾鐘意食，見佢地食完一隻又一隻，都真係幾有滿足感呀！
