親子廚房：芝士烤薯角

今日下午係屋企冇乜嘢做，口痕痕咁想整啲嘢食，搵吓屋企啲材料，所以我地就嚟親子廚房整芝士烤薯角，好味到小小豬話有兩個GOOD呀！

只需要呢四樣材料，真係好簡單！

首先洗乾淨粒薯仔，由於一陣係會連皮一齊食，所以一定要擦乾淨啲呀！

然後就可以切粒粒啦！

切嘅時候盡量都唔好太大舊，如果唔係就比較難熟啦！

之後就加入適量嘅椒鹽，盡量令到每粒小薯角都有椒鹽係上面呀！

加少少牛油再攪拌一吓！

最後一個步驟就係放芝士，由於我屋企只有片片裝芝士，所以就需要整碎佢平均咁放係啲薯角上面！

可以放入光波爐，以200度光波20分鐘！

為食豬等食等得幾心急！

哈哈哈...小小豬洗完白白之後，就係出爐之時啦！

睇吓個為食豬食得幾滋味兼肉緊...哈哈哈！

其實呢個烤薯角都可以有好多整法，可以因應個人口味嚟加入唔同嘅調味，好似可以加啲蜜糖、黑胡椒、蒜鹽、香草....等等，咁就可以成為自已最愛嘅好味下午茶啦！