2018-12-28

1.5K

【幼兒健康】保護眼睛健康,你要知。保護眼睛「遠離電子奶咀」

一直以來我哋對於「電子奶咀」,都係嚴守防線。因為我自細已經係戴眼鏡,而家直情係大近視。所以我係好唔希望,和牛b好似我咁,細細個就戴眼鏡。

而我哋今年因為有懷疑過和牛b (3歲) 有斜視眼,所以都已經去咗眼科專科醫生到驗眼。驗眼報告係無近視、無斜視、無鬥雞。

見專科醫生診斷為正常,我哋就打算安心等到和牛B四歲去,衞生署家庭健康服務嘅「學前兒童視力普查」。

衞生署家庭健康服務專為香港4歲或以上嘅學童,進行「學前兒童視力普查」

而服務會由註冊視光師/視覺矯正師會為學前兒童檢查,項目包括視力雙眼協調(包括斜視),但不包括色覺檢查眼疾(如青光眼、視網膜病變等)評估近視、遠視或散光嘅度數。

如果四歲之前,想帶小朋友去驗眼。
大家可以考慮去香港理工大學眼科視光學診所(紅磡),但輪候時間就比較耐。
所以我當時就選擇去眼科專科醫生到做檢查,而健康院則只能做到追光等簡單檢查。

最近和牛b讀嘅學校,有免費學童眼科講座及驗眼服務(視覺健康檢查服務)。
亦因為是次係喺學校禮堂進行,和牛B就有一個項目唔合格。
我哋又要再一次,去「普通眼科及低視能中心」驗眼。

最後視光師重新幫和牛b做所以檢查,全部項目都合格。佢解釋或者當日喺學校進行,而並非好似而家咁有間房一對一,所以當日可能令和牛b分散注意力。所以,無好好配合到檢查,就有唔合格嘅結果出咗嚟。

視光師建議,學童要每半年驗一次眼。

<當日講座內容分享>

8歲前係矯視黃金期,所以如果有懷疑要儘早帶小朋友去驗眼。

日常生活,都要注意;

1. 書寫嘅距離同光線,如果太暗就要加書台燈。
2. 書寫時,要留意坐姿,眼睛不能太近。(以小朋友嘅手做標準,坐直托頭嘅高度距離。)
3. 坐姿方面,不要趴喺書台上書寫。
4. 睇電視嘅距離愈遠愈好,令眼球放鬆啲。
5. 睇電視或手機每20分鐘停一停,望一望遠嘢等雙眼放鬆一下。
6. 用手機或電腦,屏幕切忌太光,每使用20分鐘就要停一停。
7. 晚上切忌喺暗燈下玩手機,因為黑暗環境下瞳孔會擴張,亦係最容易吸收有害嘅光線㗎。
8. 小朋友嘅最佳睡眠時間係10pm-6am (呢個時間,係可以抑制眼球生長長度。)
9. 出外陽光猛烈,記得要配戴防紫外光嘅太陽眼鏡 

定期檢查眼睛
視力 (睇嘢有幾仔細)
色覺
斜視
立體感
屈光 (度數)
眼底 

我都係鍾意唔戴眼鏡嘅和牛B多啲啦~

【香港盲人輔導會@普通眼科及低視能中心】

無需轉介信,一般收費:視光師 $180;眼科醫生 $280;藥費 $30起

(總會)

電話:3723 8272
地址:九龍深水埗南昌街248號東翼一樓
逢星期一至六:上午9:00至中午12:30;下午1:30至下午5:00
逢星期日及公眾假期休息

(元朗)
電話:3955 3393
地址:新界元朗安寧路169號地下
逢星期一至六:上午9:00至中午12:30;下午1:30至下午5:00
逢星期日及公眾假期休息
網址:https://www.hksb.org.hk/tc/

其實政府都有眼科,但就需要有轉介信,診金方面(新症)$110,(舊症)$80,藥費由$10起。

--------------------------------------------------

Facebook專頁: 和牛B嘅成長專頁


Instagram: wagyubmami

【編按:以上內容為作者之個人意見及立場】

相關文章

【肺炎停課】網上學習時間長影響視力 小朋友眼睛不適個案增

【眼科醫生專訪】小朋友長期網上學習會否傷眼?會變大近視嗎?

幼兒唔肯戴口罩?社工教4個方法讓孩子樂於戴口罩!

增強幼兒抵抗力 六大營養素不可缺

緊貼新冠肺炎最新相關資訊