2020-07-22

515

家校合作事半功倍 5招教你培育禮貌寶寶

想小朋友朝早同人打招呼,總係無反應;小朋友稍為遇到唔順佢意嘅事,就會責怪他人或者大發脾氣。唔知喺子女成長過程入面,家長有冇遇過呢啲事?

子女嘅禮貌應從小開始培育,但培育呢個重大責任應該落喺家長定學校身上?早前就有調查指出,有逾5成家長認為培育子女禮貌最大責任在於學校而非家庭教育。

但正所謂:養不教,父之過;教不嚴,師之惰。家長同學校其實都有責任教好小朋友,不可能只將責任推卸到其中一方。今次就同大家分享5 個培育禮貌好孩子嘅方法,實行以身作則!

熱門討論區:培育子女禮貌 逾半家長稱責任在學校 

更多文章:餐桌上的禮儀 生活中的教養 

第一招以身作則 做個好榜樣

喺小朋友成長過程中,好多時都會由父母、同輩、學校中模仿學習。佢哋會喺日常生活中留意住父母嘅一舉一動,例如父母遇到鄰居會打招呼、出外用膳會向店員講「唔該」、「麻煩哂」。小朋友亦會從中模仿父母行為,學習待人處事。家長教育子女前,要先做個好榜樣供孩子學習!

第二招:適時向孩子解

生活中有好多機會可以向子女解釋禮貌嘅行為。例如可以向幫手開門嘅哥哥姐姐講聲唔該,解釋因為哥哥姐姐心地好好,為人著想去開門,向佢哋表示謝意係相當有禮貌嘅行為。調返轉,如果他日子女幫人門開,都會希望得到別人嘅謝意,令佢哋更加識將心比心。

第三招: 營造禮貌環境

家長同小朋友去唔同嘅場所,都有唔同展現禮貌嘅時候。例如去商場廁所,孩子要學識排隊等候嘅道理,絕對唔可以插隊。

更多文章:餐桌上的禮儀 生活中的教養 

熱門討論區:培育子女禮貌 逾半家長稱責任在學校 

第四招嘅機會

除咗身教同陪同,家長亦可以向小朋友提供體驗嘅機會,俾佢哋親身感受同學習。例如可以俾小朋友自己向餐廳店員點餐,完成點餐後向店員講聲「唔該哂」。咁有禮貌嘅小朋友,店員一定好開心咁回應或稱讚!又或者遇到鄰居時,可以鼓勵小朋友主動打招呼,都係一個良好嘅體驗機會。

第五招: 以故事形式俾小朋友思考

某啲小朋友可能性格始終怕醜,唔洗急住要小朋友去體驗,可以透過講故事向小朋友講解待人接物嘅態度,從中同小朋友一齊討論情節,給予佢哋想像同思考嘅空間。慢慢建立一套正確觀念後,就可以展現到更禮貌嘅一面。

子女嘅行為舉止都反映咗一個家庭嘅家教,小朋友要學識以禮待人,家長責無旁貸。若果全盤交由學校教導,無父母嘅督導,就唔可能持之以恆。絕對需要三方共同努力去建立!

【編按:以上內容為作者之個人意見及立場】

相關文章

英國文法學校計劃,家長意見分歧

家長遲繳午餐費用,子女被罰隔離吃飯

抗議校方禁穿短褲,男生穿著裙子上學

校長要求家長不要穿著睡衣接送子女

緊貼新冠肺炎最新相關資訊