2020-06-03

3.5K

小一派位未如理想? 叩門準備必看攻略

小朋友貶下眼就大,話咁快又到咗小一統一派位出爐嘅日子。今年政府為為減少社交接觸,放榜結果會係6月3日至4日以郵遞方式通知家長,家長們記得唔洗親自去「統一派位中心」拿派位結果!

不過,面對競爭逐年激烈,相信好多家長都會做好準備,以妨囝囡入唔到心儀學校後,可以以小一叩門嘅方法讓囝囡有多一次機會。咁叩門準備要帶定咩文件?面試嗰陣多數會問乜?衣著方面又有無咩要注意?以下一一話你知!

熱門討論:分享去年2019年成功叩門經歷

所需文件(建議可準備多份以下文件副本)
-小朋友出世紙
-家長身份證
-已填妥的學校叩門報名表
-扣門自薦信
-個人檔案(獎狀、證書、子女作品如圖畫、美藝作品等)
-小一註冊證
-幼稚園成績表
-半身證件相
-教會證明書/領洗紙(適用於天主教及基督教小學)
-貼上足夠郵票的回郵信封

更多文章:當媽就是經常懷疑自己

面試題目
每間學校收生準則不一,雖然不能一慨而論面試題目定會問以下問題,但大部份學校都較著重小朋友嘅品格修養,所以小朋友係面試期間自然、有禮貌咁同老師交流其實已加分不少,最重要記得同老師要有眼神交流,唔好一路講一路周圍望!

最簡單的,是小朋友要懂得自我介紹,例如叫咩名、爸爸媽媽又叫咩名、鍾意食咩做咩、係邊間幼稚園讀書、平時鍾意睇咩故事書等。其次,面試時多會叫小朋友讀一啲中英文嘅基本詞語,又或會問加減數等基本數學問題,近年更會增設生活常識題,例如點解要戴口罩?

至於家長方面,亦要係面試前先了解學校嘅教學理念和發展重點,希望子女入讀嘅原因、對學校嘅期望等,畀老師同校長感受到你嘅誠意。

衣著打扮
作為名校,叩門嘅家長一定不少,要係云云考生入面留下好印象,衣著打扮自然不容忽視。不論家長定小朋友,最重要斯文整齊,家長不妨考慮穿上套裝,子女則可穿上斯文便服或幼稚園校服,切忌過份華麗隆重,所有「公主裙」、「英雄戰衣」通通收好,斯文舒適嘅服裝最好不過。

【編按:以上內容為作者之個人意見及立場】

相關文章

當媽就是經常懷疑自己

人人去面試,唔係人人都想面試

你不去面試,面試也會找你

緊貼新冠肺炎最新相關資訊