2020-01-31

2.1K

【武漢肺炎】停課也可在家學習!推介3個免費網上學習平台!

武漢肺炎疫情日趨緊張,教育局早前鑑於新型冠狀病毒感染確診及懷疑個案增加,加上市民於春節期間較多外遊及探親,短期內可能會增加病毒於人口稠密環境傳播風險,為保障學童的健康,早於1月25日宣佈,全港學校(包括幼稚園、小學、中學及特殊學校)延長農曆新年假期至2月16日止(即2月17日復課)。

更多文章:【武漢肺炎】新型冠狀病毒本地抗疫情況(不斷更新)

更多文章:【新型冠狀病毒】預防武漢不明肺炎 買得到的口罩是酸的?!
更多文章:【武漢肺炎】新型冠狀病毒殺到!呼吸系統醫生提出12個注意事項

數數手指個新年假期幾乎放足成個月,小朋友延長年假真係都唔知好事定壞事,從好方面諗,有部份父母都可以留家工作,或者係多咗親子時間,之但係為免染病一直侍在家中,小朋友要盡情放電,真係有啲難度!有JM就問大家喺呢個情況下,仲會唔會帶小朋友去露天遊樂場玩。

「no,留喺屋企安全啲!」

「會呀!唔覺得有咩問題囉!只要唔係密集多人就覺得無咩問題,當然自己都要做足保護安全措施啦!」

「遊樂設施好多菌。」

討論區熱話:仲會唔會帶小童去露天遊樂場玩?

對於以上呢個問題,鯊魚太覺得大家真係要考慮清楚疫症擴散問題,安唔安全絕對唔係肉眼可以睇到,雖然話病菌係人傳人,但唔係等於無人就無病菌,皆因若然有患者到過嘅地方,病菌都有機會懸浮於空氣之中,小朋友玩起上嚟又係咪可以確保戴好口罩、唔捽眼呢?

如果各位父母認真考慮過之後,都係覺得暫時唔好同小朋友出街比較穩陣,但又唔知應該如何為小朋友打發時間?不妨花多少少時間同小朋友睇書又或者玩:【武漢肺炎】101個在家親子遊戲合集!(幼兒篇+小學篇)

另外,除咗小遊戲之外,其實網上都有唔少適合幼兒至高小程度嘅學習資源!大家不妨同小朋友一齊「停課不停學」!

免費網上遊戲及影片︰

funbrain(按此連結

內含多款適合幼兒至小學生嘅益智遊戲,而且仲有小學程度嘅免費電子英文書閱讀!

British Council(按此連結

有多款適合幼稚園至小學生關於英文生字、文法、串字等的歌曲、小故事、影片和遊戲等,我最欣賞這個網站的地方是小朋友看完每個故事影片後,還可以把故事文字內容及相關工作紙列印出來,令學習更全面

Learning Games for Kids(按此連結

內含不同題材教材,當中包括:地理、生活常識、健康、英文,以至數學等小遊戲,趣味十足同時,更富教育意義!

 

【編按:以上內容為作者之個人意見及立場】

相關文章

【武漢肺炎】新型冠狀病毒本地抗疫情況(不斷更新)

【武漢肺炎】SARI不等於新型冠狀病毒 各區急症室輪候時間(不斷更新)

幼兒唔肯口罩?社工教4個方法讓孩子樂於戴口罩!

【武漢肺炎】口罩難求! 一文睇晒全港連鎖店供貨情況(不斷更新)

緊貼武漢肺炎最新相關資訊