2018-09-20

4.3K

家長代買文具被拖數 對方:我心情平伏啲還 醒目網民教追數攻略:每日都關心佢心情!

我成日都教小朋友,唔好爭人錢,一旦真係唔記得就盡快還。因為最重要唔係金額嘅問題,係誠信問題。最近就有位家長出Post問對策,話幫另一位同班同學家長買文具,人哋完全無意思還錢,唔知點追!

事源係有人喺家長大group問,有冇人可以幫手買老師指定嘅文具,樓主出聲幫手,知道小朋友急用文具第二日已經叫仔女轉交,之後提呢位家長畀錢,佢就話銀行過數,當然最後都係無咗件事啦!我追Post睇下係唔係大數目,點知只係「一份三文治價錢嘅文具,不過難買!」個位家長咁樣都要拖數?

 

樓主都算係正路,見人哋唔畀錢,有諗過少少錢今次當送畀小朋友用,但再追問下對方竟然答:「呢排公司好忙,我心情平伏啲先入返錢。」令到樓主正式將呢個問題推到原則層面:「佢咁 cheap 唔值得我送畀佢!」

 

「我心情平伏啲先入返錢」呢個答案,令其他媽咪都好嬲,幫手出謀獻策!有家長講得好好:「小數又好大數又好,不是記性好唔好問題,只知道欠人錢點都要還的道理,咁簡單的道理都唔識,點做人?」大部分都叫事主去大Group開名追,即使最後都係收唔返,起碼都畀其他人知道!

 

今次事件樓主最擔心其他家長覺得自己小家,「個少少錢都咁緊張!」,想留返幾分尊重,唔想搞到咁疆。可惜人哋對方唔領情,連「心情平伏啲先入返錢」嘅理由都講得出!其實同學仔家長之間接觸,一年總會有機會見面,加上家長group嘅威力,如果一旦公開到大group都知,醜事真係會傳千里,盞日後無人幫自己嘅小朋友啫!不過BK班阿媽個個都魏瓔珞咁轉數好快,提供咗大量「追數攻略」,例如每日都係群組提醒一次,問佢有心情入未?如果身邊都有呢啲咁賴皮嘅家長,就入黎學吓嘢,學點樣好大方咁追數啦!

click入黎一齊傾

【編按:以上內容為作者之個人意見及立場】

相關文章

睇「港媽王國」信到十足十?旅行預「谷友」唔預老公?

緊貼新冠肺炎最新相關資訊