【父母欣慰】全班都叫我個女做「家姐」！

早前係柯豬學校嘅家長日，柯豬爸同我到學校會面老師了解小朋友嘅校內表現，整個會面氣氛輕鬆，老師對柯豬評價正面。

在班上柯豬是年紀最大嘅學生(14年尾出生的N班生)，其他同學剛好2歲或者2歲多啲，而柯豬已經足3歲了，大部分學校要求做嘅事情，身體大小肌肉發展等各方面都有好高嘅分數。

最令我同爸爸感到驚喜的是，柯豬原來好識得照顧同學仔。老師說，有一次返學時間班上有同學可能因為唔捨得屋企人而喊，柯豬走去安撫同學仔：「乖啦，唔駛喊㗎，陣間媽咪就會嚟接你㗎啦～」

❤ WOW 原來我女是咁溫柔的 ❤喺屋企，柯豬係些莉妹嘅姐姐，自然而然喺學校亦扮演著｢家姐｣ 嘅角色。

老師話俾我哋知，班上所有同學仔都叫柯豬做 ｢家姐｣的！當老師問同學：邊個屋企有家姐㗎？ 全班都指著柯豬，現在連老師都會叫柯豬做｢家姐｣，好有趣！

離開學校後柯豬媽回想當日嘅會面，感恩揀咗呢間happy school，學校老師好有心教導學生，而且非常仔地細觀察佢地嘅行為，令我對女兒認識更深。柯豬爸媽樂見到女兒唔單止喺屋企幫手照顧妹妹，原來就算爸媽唔喺身邊佢都會主動照顧年紀比佢細嘅同學，還跟同學相處融洽，大家當佢係大家姐，真係覺得好安慰。

柯豬媽高興當初有下定決心為佢提早安排入學(最初個諗法係唔讀N班)，經過4個月時間，女兒真係長大咗，但同時自開學後柯豬身體亦差咗，經歷咗幾次較嚴重嘅傷風感冒。

現在柯豬媽每日盡量安排多樣化嘅飲食，每餐有菜有肉有生果，希望佢能吸收全面營養，再加上適合兒童嘅補充劑，以加強柯豬嘅抵抗力。

而家每日柯豬都會提我，甚至係催促我俾一粒Lifeline Care嬰幼兒DHA魚油佢食，雖然佢唔知Omega-3 同維生素D係咩，但就知道入口帶柑橘味！柯豬已經可以自己吞晒全粒，直情當食糖XD 平時好日都唔會有零食，而家攞正牌食｢糖｣，睇佢個樣就知有幾開心。

阿媽我知道魚油含有嘅Omega-3 同維生素D可以促進佢正常發育，包括腦部、視力、骨骼發展，所以有時會將膠囊剪開，加入食物中餵埋畀些莉妹食。做咁多嘢，阿媽都係想個女身體強壯啲，健康發展！見到佢兩個都食得開心，我都好放心！