2019-08-23

1.4K

【學童營養】西式快餐=唔健康?一文教你準備健康西式午餐及小食

唔少家長都想為小朋友準備西式健康午餐同小食,可能會問:「快餐係西方飲食文化嘅象徵,假若小朋友偏愛西式飲食,咁係咪唔健康?」其實健康飲食習慣係建立壯健身體嘅基礎,只要由食材、烹調手法上入手,自製健康西式午餐簡直係輕易而舉!然而香港人生活步伐急速,大多以快餐解決膳食問題,以坊間標示「健康午餐」為例,烹調方式或會採用大量食物添加物、食用油、調味料等,營養欠缺均衡。

更多文章:【學童營養】8款適合帶回校的兒童健康小食(內附詳細列表)
更多文章:【學童營養】「在校免費午膳計劃」助減輕基層家庭經濟壓力!

西式健康午餐之食材使用

西餐少不免有沙律一環,除咗新鮮蔬菜或水果外,瘦肉片、腰豆、鷹嘴豆都是唔錯嘅選擇,搭配低脂沙律醬、黑醋、檸檬汁等脂肪含量較少嘅醬汁。

主食上,穀物類食品含豐富碳水化合物,亦係能量嘅主要來源。可揀選糙米、紅米、燕麥片、麥皮,而加入咗濃郁醬汁嘅意大利飯或意粉儘量少食為妙!

餸菜方面,挑選新鮮蔬菜如:蘆筍、西蘭花、椰菜花、紅蘿蔔、蕃茄為佳。肉類或魚方面,瘦肉或家禽最好去皮同多餘的脂肪;而雞翼、香腸、午餐肉、煙肉雖然係小朋友至愛之選,但含有激素或高鈉,屬於高危食物,亦應限制每星期食用次數。

至於湯羹,非忌廉類湯,如:肉湯、羅宋湯、意大利菜湯是較理想嘅種類,同時可加入已裂開嘅豌豆、小扁豆;避免忌廉類湯羹,例如:粟米湯、忌廉雞湯、周打蜆湯。

更多文章:【學童營養】學校小食部有乜食?零食都要食得有營!
更多文章:
【學童營養】飯盒夠營養嗎?不得不知孩子便當盒不可缺少的營養

西式健康午餐之烹調手法

使用食用油時,採用芥花籽油、橄欖油、茶籽油等植物油為佳,避免用牛油、豬油等脂肪含量極高嘅動物油。調味料應該少糖、少鹽、少味精,避免選用現成醬汁,例如:番茄汁、香草醬等;配合蒸煮、水汆、清燉,甚或低溫烹調嘅烹調方式都較煎炸、燒烤為佳。

健康西式小食

適量小食可以補充每日所需能量同營養,選擇小食時應以少脂肪、少鹽、少糖為標則。優先選擇食物:新鮮水果、全麥包、芝士三文治、果仁、水果乾、烚雞蛋/馬鈴薯/粟米粒、蔬菜/水果沙律。如果想準備飲品,可以揀牛奶、豆奶、原味乳酪,並以高鈣、低糖/無糖、低脂/脫脂為選擇準則。

更多文章:【學童營養】怕小朋友揀飲擇食所以不准帶飯?「有要求」和「挑食」是兩碼子的事!


相關文章

【小朋友營養】水果代替蔬菜會令小朋友出現營養不良

外出及家中飲食少鹽糖!

【學童營養】怕小朋友揀飲擇食所以不准帶飯?「有要求」和「挑食」是兩碼子的事!

【學童營養】送飯家長必知!小學生健康午餐食物及黃金比例!

緊貼新冠肺炎最新相關資訊