每年重頭戲都莫過於中國農曆新年，新年除咗要大掃除、辦年貨之外，最重要就係去拜年。
每年團拜一到就會頭都大晒，因為一年見一、兩次嘅親戚就會聚守一堂，喺呢個時候要互相稱呼嘅時候，頭頂總會出現好多個問號，「和牛B應該點叫佢哋呢?」
未夠一歲嘅和牛B，第一年過新年。
一歲半嘅和牛B，第二年過新年。今年係和牛B第三年過新年了，要學識同人拜年了~
而家先同大家嚟個溫習先~
睇完幅圖都唔記得? 唔緊要，仲有一個apps幫到大家，iPhone 「姨媽姑姐」免費app可以幫到大家。
版面好似計數機咁，好容易用。就等我示範一下以下呢個情況，我想知爸爸個妹個仔我係點樣叫呢。輸入「父」再按「的」、「妹」再按「的」、「子」然後選擇「年長」/「年輕」(比你大/ 細嘅意思)，就會知道顯示答案啦。
拜年呢件事，相信小朋友係最開心嘅，因為有利是逗。而大人就要搲水吹過日晨，如果精通打麻雀嘅話，就會覺得拜年呢件事好有意義了。
--------------------------------------------------
Facebook專頁: 和牛B嘅成長專頁
