母乳餵哺 今日: 0 | 主題: 85707

積分: 40343

好媽媽勳章醒目開學勳章陪月勳章

1^#

發表於 07-9-15 09:03 |只看該作者 |倒序瀏覽 |打印

而家個肚7個半月了(第一胎), 一有左就上黎bk睇各位sisters的sharing, 知道餵人奶對bb好(又可keep fit呢), 真係好想餵全人奶最少6個月. 如健康狀況 / 出奶唔係咁理想都希望可以餵2-3個月.

但發覺有好多解決唔到的問題, 最主要係來自99度, 而我婆婆(我冇媽咪)對人奶的認識亦只係一般, 老公的態度算係支持, 但始終係男人有好多野佢都唔會感受到.

我的煩惱...希望各位可以幫下我...

其實之前已因坐月問題搞到我勁唔開心, 人都癲! 咁我去佢屋企坐月, 買張摺床比我訓响廳中間...老公聽到都話唔work, 咁點餵奶呀? 62會行出行入嘛...同埋冇張固定的床想休息多d都唔得, 佢咪極力"勸喻"99黎我屋企, 最後佢話會黎我度. 其實根本冇諗過我有餵人奶的需要.

至於餵人奶...99 同老公提過, 話expect我坐月時只餵人奶一個月, 之後(2nd month)餵返奶粉. 我一聽到即刻好唔開心, 好似得唔到支持, 同我的expectation(3-6個月)相差好遠.

老公話佢家姐都係餵一個月人奶咁大把, 因只想返工唔想湊bb, 咁99係佢媽咪當然配合到佢啦. 而99湊過幾個孫仔, 冇一個試過食人奶多過一個月, 唔知係佢意思定係個女/新抱唔想餵, 但肯定佢冇湊全人奶bb的經驗.

我相信99係唔識cup feed的, 亦唔會學, 就算識亦唔會做, 因嫌麻煩, 同埋佢o既心態係一定要bb肥, 大隻, 所以我估計佢一定會補奶粉(係老公個家姐同我講, 叫我買定奶樽, 我話點解呀我要餵人奶, 佢話餵人奶都要用奶樽 - 要補奶粉). 就算而家, 99都話要我食多d野, 要生個8磅或以上的bb才算合格, 我當然唔會理, 容乜易有妊娠糖尿等問題.

不過其實係咪cup feed我都唔係太介意. 大家唔好鬧我住...我承認自己冇信心埋身餵, 一來nipple比較sensitive, 二來成日好驚bb個咀仔(唔知點解). 但我十分希望可以全泵, 餵到幾多得幾多.

然而, 我相信呢個只會係一個白日夢. 6299知道人奶好又點, 餵唔飽嘛, 奀得滯唔大隻嘛, 會面黃嘛...實係反對多過支持. 99都唔知算唔算開通, 可以接受到唔少新野, 但stubborn起上來又只會堅持己見. 我對餵人奶並唔樂觀.

其實响湊bb的方式上, 我承認對佢的方式有d意見, 老公梗係信晒自己阿媽, 點會信我又冇經驗. 但有d野係應該隨住時代的轉變而改變, 唔可以一本天書睇到老.

仲有就係飲食問題, 唔知99真唔知, 定係冇乜避忌, 由有左到而家都肆無忌憚叫我食d唔係咁應該食o既野, 如榴槤, 山竹, 荔枝, 芒果, 鵝, 鴨, 無鱗魚, 又飲過勝瓜湯苦瓜湯等...總之唔濕毒唔涼都唔叫我食. 佢亦唔識 / 唔會整d幫助出奶的食品比我(e.g.魚湯)...唉...真係好冇信心做個好媽媽.

好似變左數99的不是...我冇咁o既意思, 其實我同99的關係都算唔錯, 只係一講到湊bb就出問題, 真係好擔心...

[ 本文章最後由方麗娟於 07-9-15 09:07 編輯 ]

0 0 0

私人傳訊回覆引用

積分: 40343

好媽媽勳章醒目開學勳章陪月勳章

2^#

發表於 07-9-15 09:31 |只看該作者

雖然我唔敢埋身餵, 只想泵, 聽完講座後都覺得"點都埋身好d", 驚一開始只靠泵會好快冇奶. 但之前老公係咁叫我買定奶樽, 我話唔駛住想cup feed, 佢話99未必識, 亦唔會咁做, 只會用奶樽...我都話過老公, 好似唔支持我咁o既?? 佢冇再堅持話買...但成件事已令我好冇信心, 最後我都買左set奶樽連煲. (本來話連煲都唔准買, 因要用99個煲湯煲 - 新的)

題外話(唔關母乳的, 但我好唔開心):
由3個幾月開始我地同6299講有左喇...佢地都等左我地3年, 以為大家都會好開心, 點知係冇乜反應. 事緣係咁啱老公個弟婦又有左, 點知小產, 佢地好唔開心(可能對佢期望大d掛). 所以一知道我有, 第一時間係將我同佢compare, 邊個早d邊個遲d...如過佢唔係冇左就同我一樣喇...我個心真係好難受, 點解只係會關心冇左果個, 而唔多d關心而家有呢個?

我唔係介意佢地係咪關心我, 但我介意佢地唔係咁care呢個孫, 成日好似愛理不理咁. 弟婦小產完3個月後而家又有左, 佢地都不知幾開心, 成日提住, 仲猛咁話今次實冇事喇. 我都鄧佢地開心, 不過內心真係幾難受, 點解6299(尤其係99)咁對我.

我唔想99陪我坐月, 唔想阿b比佢湊!!! 同老公反映過想請陪月 -- no way! 我想坐月後自己湊返阿b -- 睇下點先啦, 始終又唔識湊...又呢樣果樣. 我話我已經做左人阿媽啦, 唔可以咩都話唔識就唔做, 點都要頂硬上. 但佢都只係一心想佢阿媽湊, 話湊得好喎. sorry我真係唔覺.

私人傳訊回覆引用

積分: 40343

好媽媽勳章醒目開學勳章陪月勳章

3^#

發表於 07-9-15 09:42 |只看該作者

早排情緒都幾困擾, 有諗過同阿b一齊跳落街就算. 但想到以後得返老公一個人好孤獨, 同埋唔可以咁自私剝奪阿b的生存權利, 最後都冇咁做. 就算幾睇唔開都要等阿b出左世先...但到時又冇左媽媽, 好慘...我知咁諗好傻, 然肉隨砧板上, 我只係任人擺佈, function係生仔, 生完就會比人霸住個仔黎湊.

唔好意思一朝早大吐苦水...或者你地會覺得我係無病呻吟, 又或是"同家人溝通不足"而已...anyway多謝你地睇呢個留言.

私人傳訊回覆引用

nicolwong

積分: 9778

4^#

發表於 07-9-15 09:44 |只看該作者

唔好唔開心!

你好呀!
見到呢個情況,我有d唔抵得!
我係餵全人奶架,bb而家2 個月3 個禮拜大!
岩岩足月就出世(37週).
係馱住我個仔果時,我都無咩信心自己可以餵阿仔餵到而家!
當然有好多媽媽都能夠餵到個仔1 歲大左右!
我當時個心係同大家一樣,餵得幾多就幾多!
開頭果一個月最辛苦,又無人可以幫到我.
下下都要自己起身餵!老公同99都幫唔到我!
但我好好彩,老公不斷支持我,叫我唔好補奶粉,一定有奶!
而我奶奶知我晚晚餵阿仔餵到好辛苦,
朝朝都會等我餵完阿仔,自己入黎抱我阿仔出去掃風!
等我可以訓多d!
我奶奶唔係餵人奶,佢對呢方面乜都唔識!
只可以做既就係焞野畀我食,幫我揍仔!
...........................................................................
餵人奶真係好辛苦架!晚晚訓得果兩個鐘就要起身餵奶!
果時真係好想放棄,同埋有d憎個仔!
但係講真果怡,我真係唔捨得放棄餵人奶!
每次半夜起身餵阿仔,餵餵下,望望佢,見到佢咧嘴笑,
個心真係甜晒,老公話呢d就係bonus.
餵人奶一個對媽媽既最大挑戰.
你除左要面對阿仔飽唔飽之外,仲要聽埋d3姑6婆既"見識"!
係我坐月期間,99個妹同佢阿媽黎左香港.
佢地都係餵人奶!
咁岩岩果排我好似無咩奶咁,阿仔食完一陣又喊要食!
個姨姨(99個妹)就係咁話我:"你都無奶既!唔駛墊條紗巾啦!"
又話我件衫無奶積,大佬呀!而家有樣野叫乳墊架!!
呢d咪係佢地既見識!!
期實果段時間係bb既猛長期,佢係要食架啦!你咪畀佢啜囉!
無奶都要畀佢啜!如果唔係點stumilate身體做奶呀!\
依家諗起果時,真係好痛苦.成日聽佢話我無奶無奶!
自己承受幾大壓力之得架!係咁喊住同老公講,我想補奶粉.
老公多次都唔肯!但最後都只係補過一次咁多!
依家返工,個個同事都話我唔似生過仔黎!
因為我收身收得好快!餵人奶就係要係累之餘(就係咁收身!!),
增進同bb既關係!
...................................................................................

唔好意思呀!講講下好似講左自d野!
我覺得你可以搵d餵人奶既朋友連埋佢99上你99屋企,
一齊講下餵人奶既影響!
叫做畀d說服力你99.
餵人奶咪幾好!唔駛佢晚晚起身幫手,又唔駛佢消毒奶樽!
又或者到時同佢一齊去健康院,等姑娘解釋返.
你同係老公需要共識,要畀佢知道餵人奶係畀bb最好既禮物.
一定要得到佢既支持先會最好!

而你就必須要信自己係可以,
我行過最辛苦既一小段餵人奶辛苦路!
所以你加油啦!

做一個c9唔係易事.

私人傳訊回覆引用

積分: 40343

好媽媽勳章醒目開學勳章陪月勳章

5^#

發表於 07-9-15 10:24 |只看該作者

nicolwong,

多謝你咁詳盡的分享和鼓勵~ thanks~

你老公好好, 簡直係fully support你餵人奶, 99都明白你辛苦. 其實做人奶媽媽最需要的是身邊最親密的人的支持, 老公鼓勵你, 99肯幫你, 其他3姑6婆真係話之佢, 佢地有佢地一套, 只要你知道自己的做法冇問題就得(我未餵過人奶都知道咩係"乳墊", 就算唔餵人奶都有機會要用啦, 之前jusco bb展買定了

)

我相信我老公係支持的, 我地一齊上產前講座, 佢都明白人奶真係好好. 但我諗"執行上"一定會面對好多阻力. 如果真係唔上奶咁點呢? 呢樣野冇人幫到我, 唯有希望自己爭氣. 加上我好怕埋身餵, 但會努力泵奶的, 希望做得到.

其實老公好好, 佢同我講"而家辛苦你喇, 要陀住阿b, 你負責湊住佢先, 出世後我會全力湊佢, 預左半夜三更起身幫手, 你到時多d休息"同埋預左生bb之前一排／坐月一個月盡量唔出公司(可以home office做野). 我真係好感動, 佢係好老公好爸爸, 只係我地初為人父母有大把野要學.

即使唔能夠全人奶, 都想起碼餵到一半或以上, 如果半夜要補奶粉我都唔係話唔接受, 我的心態係"盡力啦"~ 但一路擔心o既係, 99唔支持, 好快就話要補奶粉, 甚至趁我唔响度(出左去／或第二個月由99湊)就偷偷補奶粉, 咁我泵得幾好泵幾多都冇用!

多謝你的建議, 我到時會叫多d support餵人奶的朋友上黎, 等佢地講下應該點樣餵人奶, "導"下99先...

私人傳訊回覆引用

siufaizi

別墅

積分: 673

6^#

發表於 07-9-15 10:58 |只看該作者

方麗娟

你现在bb还没有出生，已想这么多，似乎想得太早了！实际情况可能没有你想那么差！

我也是人奶妈妈，喂奶喂到儿子1岁半。起初已下了很大决心一定要喂人奶,也预了会有很多说话要听。我奶奶也没有喂过人奶，但我未生前剪了很多报纸给她看，都是有关喂奶的好处，奶奶看后，也支持。每次到健康院，我都带奶奶去，那里的姑娘都赞我喂的好，奶奶听后也比较安心。我比较好彩，个仔一向都是大码B, 比其他奶粉B 更大件，但非常实净。
所以每次其他人赞我BB 时，奶奶也很开心，也一定好骄傲的说他是喂人奶的。

另外，奶瓶等工具是要预备的！你要翻工吗？翻工是要喂pump 出来的人奶，一定要有工具的。

私人傳訊回覆引用

積分: 40343

好媽媽勳章醒目開學勳章陪月勳章

7^#

發表於 07-9-15 11:12 |只看該作者

siufaizi,

謝謝你的安慰. 我知道自己擔憂太多了, 也一直不敢向奶奶說出自己的心聲, 因為往往過不了老公一關, 他聽了便"堵塞"住我的想法/提議. 我也希望bb出生後一切也順利.

奶瓶已買了, 現在還在看看那款奶泵比較好. 打算先買手泵試用, 有需要才買電泵.

私人傳訊回覆引用

Cammy3007

公爵府

積分: 25532

8^#

發表於 07-9-15 12:28 |只看該作者

我以母乳+奶粉鍡哺已有4個几差不多五個月了.
家人一直都反對我餵母乳
身邊有很多聲音.....(大多來自99, 連妹妹都是).....bb常常吃, 是否不夠奶....食得這麼慢, 不要再給她吃了.....很快返工了, 吃奶粉吧......不要埋身餵, 返工後她不吃奶瓶怎麼辦......自己身體唔好都冇足夠營養給bb, 又會弄壞身體.......我都不知哭過多少次......終於放棄全人奶, 因覺得人奶路很孤單, 很辛苦......得不到家人的認同, 關心及鼓勵......丈夫雖說由我喜歡, 但他已用行動說明了, 每晚都出廳睡.......

只有健康院姑娘和醫生讚賞, 叫我好好努力, 加油, (可惜只是到健康院時才有鼓勵及支持) & 各BK 媽咪的鼓勵

, 真的幫助很大, 每次想放棄都是其他媽咪叫我堅持, 我才可走過一個又一個的孤獨夜晚

現在情況好多了, 丈夫會主動烹調fish soup給我, 又會問我今日成績如何, 但另一難題又發生.......我一直都有情緒病(就是因為坐月子時和99相處不好, 很唔開心, bb又要比99湊, 還有帶她走, 感覺被人搶走bb), 已5個月了, 一直都有見健康院精神科姑娘, 但情況不樂觀, 所以下星期要見醫生, 醫生話我要食藥, 但我怕會影響bb, 我想餵到1-2歲......

希望你有心理準備, 要自己training時常當自己時運高，唔想聽的說話當聽唔到，有唔開心就上來發洩ｏ下，要記著只有媽媽才明白ｂｂ的需要，餵人奶是超級辛苦，　但見到ｂｂ食奶時的小蛋面及ｂｂ吃奶後滿足的表情就覺辛苦ｄ都值得．．．．

自己要飲多ｄ水(if no soup to drink) & eat more rice, forget your weight

人奶ｂ是聰明ｄ，囡囡３個半月就懂反身了

私人傳訊回覆引用

shrekbb

積分: 6528

好媽媽勳章畀面勳章

9^#

發表於 07-9-15 15:34 |只看該作者

:loveliness: :loveliness: 其實你唔洗理人地咁多gar,連你自己都冇信心成功餵人奶,其他人又點會對你有信心呢?我極之明白你的感受,因為我都有受過,初時我都同你一樣,好唔開心gar,但我每次一諗起我個bb,我就會開心晒,因為我只想一心一意餵d最好嘅食物比我個bb同埋湊我個bb,雖然現在已經兩個多月,而我亦仲未成功餵到全人奶,不過我會一直努力gar!!!

你都係呀,加油!!!但唔好比太大壓力自己呀:-P :-P
其實我仲有d嘢想同你傾gar,不過如果要打出來,實在太長篇la,如果你興趣想聽&傾的話,你pm我or係到覆我,我地先再聯絡吖!!
唔好諗咁多唔開心嘅嘢la,會影響到肚內個 bb gar!!!

私人傳訊回覆引用

sarah_chow

伯爵府

積分: 15086

好媽媽勳章畀面勳章

10^#

發表於 07-9-15 15:51 |只看該作者

雖然我仍算係新手媽媽, 但我都想share一下......

無疑人奶媽媽既路係難行, 記得bb剛剛出世時, 因為早出呢加上我同bb都發燒, 我地兩母子頭幾日都無得見面:-(。之後到見倒面, 見到bb插晒喉管,我開始餵佢, bb又只係識瞓, 姑娘話我乳房太大又"dump", bb根本食唔倒我既乳頭, 成個icu既姑娘都想幫我, 但自己又唔爭氣, 餵一個鐘連乳頭都未曾成功放倒入佢嘴裡面:cry:;我又試過icu度喊成個鐘,嚇到我老公死死下;加下 bb已經兩個幾月, 全人奶b, 由初初瘦到好似貓仔咁,到依加成個筋肉人咁, 其間反對過我餵人奶既（包括我媽媽）仲邊有聲出

事後當你回想番過去既點點滴滴, 你都會覺得好回味,因為呢ｄ都係自己獨一無異既經驗, 係屬於你同bb既故事, 呢一切都係值得！！！

最後我想講既係：人奶媽媽既路雖然係難行, 但其實還有好多同路人, 呢條路唔係孤單:-P

私人傳訊回覆引用

積分: 40343

好媽媽勳章醒目開學勳章陪月勳章

11^#

發表於 07-9-15 19:58 |只看該作者

先多謝你地的留言和鼓勵. 本來我打左好大段"肺腑之言", 但因太耐未post出黎, 結果一click"發表回覆"就冇晒, 當我係guest, 好慘...乜都冇晒, 又唔記得晒自己打左d乜...大肚真係好冇用.

我揀响呢版度開topic和留言, 係因為今朝才第一次進入母乳餵哺呢個版, 睇左幾頁, 覺得呢度好warm, 大家互相支持, 相信只有人奶媽媽才明白我的感受, 所以忍唔住將一路以來的憂慮和煩惱講出來.

Cammy3007,
你的故事我在你其他留言也見過, 你好tough, 雖然初頭孤伶伶一個但仍然堅持, 好叻! 希望我也可以好似你咁.

其實就算對生完bb d野都唔係好識, 係咪一定要去健康院? 我諗住同阿b打針都係去返私家, 聽過個talk只有私家才有咩5合1/6合1針...我知私家打針唔平, 但book左私家生bb, 唔知可唔可以帶阿b去健康院打針呢? 我都聽過健康院的姑娘好支持母乳, 比起私家d姑娘一定好好多.

shrekbb,
多謝你的關心和支持. 我知自己衰唔想埋身餵, 但唔代表全泵就唔理想. 我真的很希望盡力去做, 就算每日2-3個鐘就泵一次, 半夜又要泵, 幾累, 幾唔舒服都好, 我也會堅持. 已經唔埋身餵了, 唔通為左阿b連泵奶都唔捱得咩?? anyway就算只係全日餵到一半人奶也好, 只有一餐人奶也好, 我相信總好過冇! 但我知道有一定的阻力...唉...老公成日話今日唔知聽日事, 話唔定到時唔係我想像中咁差呢...但好老實, 平時觀察+聽返99/老公/佢家姐的sharing和experience, 自己都心裡有數係點啦. 由有左到而家就黎生了, 所有懷孕知識, 餵人奶d野都係learnt from internet (esp. bk sisters!), 99佢地所謂"有經驗"又點, 唔會主動話我知要點做, 有時都係我問, 答又一句起兩句止. 都唔緊要, 咁大個人我自己識搵資料, 以前讀書果陣做paper都係咁啦...嘻嘻...

sarah_chow,
多謝你o既支持和分享! 我承認自己有少少硬頸: 就算餵人奶可能會搞到bb面黃呀, 奀得滯唔肥仔呀...我都唔會理. 預左6299佢地會話我搞到阿b咁...但試問, 我至係佢媽咪, 我又何嘗不比佢地心痛呢? 但佢地唔會諗下點幫我(e.g.增加奶量, 餵好d等), 只會怪我, 呢個係定律. 我最最最擔心的是, 萬一有咁o既情況, 99實會補奶粉, 甚至迫我轉全奶粉. 佢幾pround of自己可以湊到個bb 2-3個月就轉食全奶粉!! 但我唔覺有咩咁好.

私人傳訊回覆引用

Kirin_Lui

積分: 5134

12^#

發表於 07-9-15 21:56 |只看該作者

方麗娟，你而家仲係孕媽媽，應該開心d，期待bb的來臨(什麼弟婦又小產又有左的事...你不要再操心了)

我餵了6個月全人奶，囝囝一粒奶粉都未食過，你問我有咩心得?我會覺得"信心"好重要，其實我有bb之前和開頭都無考慮過餵人奶...因為自己同妹妹(還有一齊長大的表弟妹)都係食奶粉大，竟然有bb食奶粉係理所當然的想法，直至來到bk做research，才知道人奶的好處，自此，我就覺得我要餵囝囝食人奶...我就係因為信心...所以沒有補奶粉...相信自己，初出世的bb胃仔好細...無咁多位...所以...俾佢啜就ok...我記得我在醫院時，ignore了姑娘給我的餵奶record...囝囝一喊就啜，瞓醒又啜...出院時已上奶，出世後第5日返醫院覆診時重量仲有增長(通常bb會收水，會輕少少)

奶樽奶煲我6個月時已買，因為我要返工，就算餵人奶都要泵出黎俾bb在我返工時食...

還有一件事...你話唔打算自己餵，做全泵...我想話你知，開頭的時候你唔會覺得有咩特別(因為bb都仲係一舊飯咁)去到5,6個月時...你就會發覺餵人奶係好過癮的一回事...點解過癮?當你見到你bb在你身上找乳頭...眼瞓/肚餓時一見到你就發癲邊個都唔要的時候...那種滿足感和快感是可以令daddy envy的

私人傳訊回覆引用

yoyoslam

積分: 5081

13^#

發表於 07-9-15 22:50 |只看該作者

好想做全人奶媽媽, 但我相信得唔到家人支持...

原文章由 Cammy3007 於 07-9-15 12:28 發表
我以母乳+奶粉鍡哺已有4個几差不多五個月了.
家人一直都反對我餵母乳
身邊有很多聲音.....(大多來自99, 連妹妹都是).....bb常常吃, 是否不夠奶....食得這麼慢, 不要再給她吃了.....很快返工了, 吃奶粉吧......不要埋 ...

我都忍唔住要講吓嘢. 我99由知道我有咗到現在寶寶九個月都冇問過一句,佢自已餵三個仔女人奶,最細我老公才吃奶粉的. 但佢一直唔鐘意我,固此沒有問一句.但也沒有反對一句.

媽媽話那時上圍很痛,沒試過餵一下.唔知我做乜咁堅持要餵奶.又要番工,又問會唔會唔夠奶因個囡晚晚都唔知乜事就喊餐飽.就話啲奶唔夠,最可怕就是回健康院唔夠重.但又勁塞, 塞咗兩個月,頭一個月辛苦到發顛.因冇覺好瞓.為咗比老公瞓,自己走出廳餵夜奶, 一晚三次, c6仲還會講你早上可以瞓番.那時累到唔識得鬧佢.唔體諒和幫手.仲話我可以日間休息番.好sad n disappointed.

我都間中全人奶和加一至二餐奶粉至四個月之後到現在都是全人奶.中間好彩, 真係識到好多奶媽教路.出街時去商場餵奶間也會認識到前輩的,很多都好大方教路的,我到現在寶寶九個月都仲要問人的.比心機.

兩個月時請專業餵奶姑娘上門指教,都話我奶量唔夠的,及佢都好擔心我情緒. 可想而知情況幾差.

如太累,可以試吓搽香薰油,　好有幫助. 我之前好唔開心,搽咗之後,開心咗好多,因為放鬆咗.奶量都穩定番.如有查問，不妨pm我

[ 本文章最後由 yoyoslam 於 07-9-15 22:53 編輯 ]

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

gunsou

大宅

積分: 3415

14^#

發表於 07-9-15 22:57 |只看該作者

方麗娟，

你想給bb母乳的心，很值得欣賞。

雖然bb在c+打針，但照可以返健康院見母乳姑娘同磅重，愈早返愈好。我最初兩個月係埋身餵，因一些原因，要全泵，但我想提醒你全泵比埋身餵更辛苦，如只係得你自己照顧bb係非常難，你想想當你泵奶時，你便不能分身照顧bb。

其實，陪月係我國很好的傳統，產後媽媽需要多休息去回復心情和體力，多休息對於做奶很重要，而且，有經驗的陪月懂得照顧餵母乳的媽媽。媽媽可以從中學到不少育嬰知識。

原文章由 方麗娟 於 07-9-15 19:58 發表
先多謝你地的留言和鼓勵. 本來我打左好大段"肺腑之言", 但因太耐未post出黎, 結果一click"發表回覆"就冇晒, 當我係guest, 好慘...乜都冇晒, 又唔記得晒自己打左d乜...大肚真係好冇用.

我揀响呢版度開topic和留言, ...

[ 本文章最後由 gunsou 於 07-9-16 00:13 編輯 ]

私人傳訊回覆引用

納奧美

大宅

積分: 1167

15^#

發表於 07-9-15 23:47 |只看該作者

方麗娟:

就算想泵出來餵但最初都最好要比bb多多啜.咁才會有多些奶的,而且有多些時間休息.

開頭有陪月好好多. 因為初初要餵得很密(日與夜)及較長時間, 不餵時自己要盡量爭取休息(不論日夜最好bb睡自己就洽一陣).

如果指明請陪月會較貴, 但有些家務助理是同時幫你揍bb和照顧你的.我當時就係請職工盟的家務助理但講明要揍初生及照顧我, 價錢都ok. 我在網上找了些坐月食譜及資料給她跟著做.

私人傳訊回覆引用

Jojolaw99

大宅

積分: 2982

16^#

發表於 07-9-16 00:43 |只看該作者

方麗娟:
I cannot type Chinese so quickly. So I type in English. First of all, your worries will come true if you always think at the negative side. Why don't you think that you will hv too much milk ? I want to correct your wrong assumptions :
1) you will hv not enough milk - every mom should hv the enough amt. of milk for her baby. The key is to let him sucks and be relaxed. My exp. is I had too much milk and finally had to thrown away many bags of frozen milk !

2) BB drinks breast milk will become thin - my baby (1-yr old fully BF B) was born in M size. But from month 1 until month 6, he is always the 97 percentile baby, really FAT.

So, pls prepare yourself by getting more info. and read the sharings from this forum when you hv difficulties.

It's good that you plan to breast feed. When u hv a good start you are half success.

私人傳訊回覆引用

咕嚕

別墅

積分: 582

17^#

發表於 07-9-16 08:07 |只看該作者

真係火都黎,,,

見到你個post!!! 就算一陣要趕住去我表妹度做姊妹都係要打埋先.
你宜家有左7個月,, 要先自己執返個好既心情. 個b 都知你唔開心架.

我知你好想餵人奶,但應該先信自己會有奶先得.
我自己初初都驚自己冇奶. 咁之後真係冇乜,咁點??? 買左奶粉.因醫院話我個b收左水輕左7.5%,輕左d. 咁點. 咪唔硬頸.買左奶粉.
一日係日頭餵完佢就補1安捭佢law. 之後追返.好努力咁返健康院學餵人奶.因為我冇奶係我餵得唔好, 流哂血.

之後終於餵順左.就連奶粉都掉埋.. 同自己講,宜家技術上冇問題.
我得既... 之但係.我都唔係多奶既人.咁就係咁飲水.一邊餵一邊泵.
宜家. 返左工.都泵2次.之後就餵佢law.
個冰格都儲左好多冰奶.仲有多要掉.

你估真係咁多唔夠奶既奶媽?咁要睇下你自己夠唔夠決心同努力先好講..

99既問題.連你自己都冇信心.點同佢地揮??

你既問題,要靠人就要睇人面. 咁不如靠自己.同你老公講.唔駛佢幫.

私人傳訊回覆引用

積分: 40343

好媽媽勳章醒目開學勳章陪月勳章

18^#

發表於 07-9-16 08:58 |只看該作者

好老實講, 我黎得呢度搵人傾, 真係想得到support, 如果唔係點會黎呢個版, 唔係預左比人鬧比人話我......

之前試過將自己的問題响產前產後同人講, 坐月和情緒問題會有人開解, 但餵人奶就冇乜人講. 終於發現呢個版, 真係以為發現新大陸咁好想搵呢度o既sisters幫下我...殊不知換來比人話我...:-( 我而家眼濕濕咁打呢個reply...

唔知你地有冇睇過我前幾次reply, 我係上左產前講座後, 對人奶的認識多過之前(之前係有好多誤解), 先夠膽黎呢度講. 唔係我無知, 唔通我真係想咁冇信心咩?

<要相信自己有奶>
如果我唔信自己, 點會話寧願泵到痛泵到爛(sorry講核突d, 當然唔會啦)都要泵. 但上talk時姑娘講過飲食方面可以做好多野去幫助出奶, 如飲木瓜魚湯, 食豆腐等. 但我99係唔會煲魚湯, 姑娘所講的食物list 99全部都唔會做. 我聽過坊間有咩"開奶茶", 唔知成效如何, 會再詳細了解. 如果work我會試, 但可以肯定只能偷偷摸摸地試, 因99唔識呢d野, 唔知會唔會以為我飲毒藥想毒死個仔(誇張左d~講笑, 不過由於佢唔知係乜所以真係會唔比我飲). 衰d講句, 咁我仲駛乜佢照顧呀?

只能偷偷地做一d為阿b好的事...你地諗下有幾痛苦? 我有d朋友/我妹成日同我講, "你至係媽咪呀! 自己話事啦" 如果可以講咁容易我就唔駛响度呻.

<飲人奶bb奀d>
我知, 姑娘有講. 我之前的留言係話, 好肯定6299會心痛個b點解奀d. 可能只有開頭係咁, 後來會大隻都唔定, 但老人家只係睇表面, 又要面子, 唔通滿月仲係細細隻呀? 邊有人體諒我的苦心?

我都唔明bb要咁大隻做乜, 99要我勁食, 要生個8磅以上的bb, 傻架, 當我係豬毑? 好大壓力. 我心目中一路只係想6.5-7磅幾, 收埋水都仲夠有凸, bb好快大我冇擔心過. 唔通我咁諗都唔啱? 係任性? 係無知? 99竟然對我有呢d無理要求, 佢生4個都係得2件8磅幾b啫, 其餘2個咪又係6-7磅. 佢得唔等於我得, 亦唔等於我要跟佢. 但佢唔係咁諗, 要指揮晒全世界人.

頭3個月bb唔好太肥, 否則到7歲時好容易過肥超重! 但我地呢d"新一代"媽咪識又點, 佢地識咩? 個個淨係話要肥肥肥, 到而家7個半月係咁叫我食, 想我糖尿定高血壓? 我直頭唔想見佢地, 唔識唔緊要, 聽下人講啦唔該! 我阿婆七十幾歲人唔識, 我解釋比佢聽, 佢幾唔明都好, 咪話"哦, 乜而家咁架?" 都好丫, 起碼唔係唔認同.

我覺得自己直頭被忽略, 咁多個月一滴湯水都冇, 我fd介紹我去鴻福堂買湯券, 自己搞掂! 第一次懷孕就有咁多不愉快經歷, 仲點敢要第二個???

<請陪月>
前一個月同d朋友傾開, 佢地都話我o既case最好請陪月. "99會同bb一齊瞓喎!!!" 我知有d人係得, 佢地好好彩. 但第一次做媽咪的我聽到真係超級驚! 比10個有9個人都話唔好. 第一時間同老公反映要請陪月, 我自己um荷苞啦~ 答案都係"no!" 比你地個老公只信阿媽唔信你, 你地有咩感受呢?

唔敢講請陪月(始終係陌生人)一定好過99, 但問題係, 我對99冇信心! 講左9萬幾次喊晒咁老公都唔比請, 又話點同6299交代呀, 佢d外甥都係比99湊呀, 又話會全家反目關係唔好...xyz佢講晒啦! 唔通我唔可以打破呢個宿命? 難聽d講句你阿媽年紀會大, 身體會差, 對上一次湊bb已經係4年前的事了. (佢湊過d細路, 都唔知係咪太早唔比食人奶, 個個抵抗力都好弱, 每個星期枕住病!)

所以我話自己係"肉隨砧板上", 任人擺佈, 肚都咁大就黎生得, 我仲可以走得去邊?

我唔係冇錢請陪月, 但會尊重老公, 全因佢係bb daddy. 我有話過唔請人咁我自己湊, 唔駛99陪坐月, 自己搞掂, 好多人冇99冇媽咪又冇錢請人都係咁啦...佢都唔信我得! 好孤獨, 點解有唔開心係唔可以同最親密的人講, 反而係上網同素未謀面的人講呢?

私人傳訊回覆引用

積分: 40343

好媽媽勳章醒目開學勳章陪月勳章

19^#

發表於 07-9-16 09:13 |只看該作者

Kirin Lui,
“當你見到你bb在你身上找乳頭…”我就係克服唔到呢個心理障礙…唔想自己好似乳牛咁…可能之前聽妹妹講過佢同事的case, 佢生完bb未上奶(可能都好幾日掛), d姑娘(係阿嬸)企响佢背後幫佢揤奶, 佢即刻喊出黎, 覺得自己好似一隻乳牛, 冇晒自尊…返到屋企個nipple黑晒仲好唔舒服! 或多或少我受左呢個story影響吧…

yoyoslam,
多謝你的支持, 我未試過玩香薰, 有鼻敏感怕聞香味…不過如有需要我會搵你呀~ thanks!

gunsou, 納奧美,
唔知點解睇完你地兩個o既回應, 我真係有諗過埋身餵, 頂唔順至算(e.g.損左). 其實一路以來唔係想諗咁多, 但因為身邊有朋友同我講過, 餵人奶nipple會損…仲要用超級誇張高8度的語氣, 佢o既聲音同神態而家仲歷歷在目. 搞到我一聽到 “餵人奶”就自動諗起佢…真係好想洗腦!!

我知道餵完人奶後用返自己d奶水輕擦nipple呢個方法, 姑娘都講過奶水具有修復的功能.

anyway多謝你地, 我會重新、認真考慮, 睇下自己能否衝破此心理關口! 為左阿b希望我真係 “乜都得”啦^^

私人傳訊回覆引用

Kirin_Lui