婆媳關係 今日: 0 | 主題: 27778

積分: 6333

1^#

發表於 08-4-18 16:50 |只看該作者 |倒序瀏覽 |打印

我曾經有一段時間好唔like我奶奶的，話說我係好中意買衫的，咁一年當中都買埋唔少，而我見我姑仔的生活環境唔係太好，佢又瘦過我，咁我好多時都會將d唔著但係新淨的衫執俾佢，由於我姑仔當時日日都返奶奶屋企食飯，咁我會將d衫先攞去奶奶屋企等姑仔攞。可能我奶奶唔知d衫全部都係用我自己的錢買，見到我買咗咁多衫又唔要，竟然叫c6話我，叫我唔好咁大使wor，我當時聽到，真係好唔開心，就算我買咗好多衫唔著，我都唔係用c6 d錢，就算唔要都唔係益其他人，係俾佢個女咋。佢有無諗番轉頭，我可以將d衫送俾其他人的，我只係見到姑仔環境唔好，佢要養自己同2個女(因為佢老公唔理屋企的)，咁我俾佢，佢可以慳番d錢唔好咩。

另一方面，佢同我媽的關係又几好的、几關心我阿媽的，好多時都會主動打電話同我媽傾計，試過有一次我地新年去咗旅行，但我媽無去，佢知新年得我媽一個人係屋企，就同姑仔大年初二搵我媽去飲荼，等佢唔使咁悶。
如果我地兩家人一齊出來食飯，佢一定要我呀媽同佢坐，又成日幫我呀媽夾餸，照顧佢wor

你地話，我奶奶算唔算係好奶奶呢 ?

0 0 0

私人傳訊

均均媽

積分: 2249

好媽媽勳章

2^#

發表於 08-4-18 16:56 |只看該作者

其實咁少事例又睇唔出你奶奶係好定衰既...
其實老人家擔心你地用得多錢,驚你地唔夠錢洗都好正常,其實你可以叫c6同奶奶澄清返囉,你又可以同奶奶講,你工作係有壓力既,有時用自己辛苦搵既錢獎勵下自己問題都不大,可能呢個係你舒緩壓力既方法,同埋俾佢知道你地咁大個人識預算架喇,大家講出黎好過你自己唔開心啦

私人傳訊

我愛Corina

瑪瑙宮

積分: 138772

2025勳章蛇年勳章 2024年龍年勳章好媽媽勳章醒目開學勳章環保接龍勳章

3^#

發表於 08-4-18 17:01 |只看該作者

我諗你99都係唔想你咁大洗je...我以前都係有幾錢就會洗晒佢,唔覺錢係重要既野,因為我覺得用完我又再會有錢...
但而家冇做野,加上生埋個女,就覺得錢係重要囉....因為呢個社會咩都講錢,有多個錢旁身係好重要...可能你99都係唔想你洗慣je....
不過我99同你99相反,我買咩佢都好支持我,我媽咪話我'晒'錢時,99就會話,後生係咁ga la..

你99對你媽咪好,係一件好事黎ga....我99都對我媽咪好好ga..我覺得自己好好彩囉...因為我媽咪得我一個女,我99又對我好好..如果有d咩節日可以同佢地一齊過,我會覺得好開心ga...

私人傳訊

8C9

積分: 1078

4^#

發表於 08-4-18 17:03 |只看該作者

我覺得唔理係咪用你既錢家你老公既錢, 老人家覺得你花太多錢買衫, 勸你唔好咁大駛, 儲個錢養老或將來用, 都係一片好心. 佢又好委婉咁叫個仔同你講, 算係一個好識做既奶奶黎架啦. 佢係關心你先會叫個仔同你講啫, 如果街外人, 佢就唔會話佢啦. 你都見到佢對你阿媽都咁體貼, 相信佢都係一個好心腸既老人家黎既.

私人傳訊

積分: 6333

5^#

發表於 08-4-18 17:04 |只看該作者

其實呢件事都過咗好耐，只不過我有時諗番起會忟lor，所以呢件事之後，我唔再攞d衫去99度，直接打電話約我姑仔﹐等佢係屋企先攞俾佢，我亦都無同99講番其實我唔係使老公的錢買衫，一來我怕老公唔開心，好似大家分得好清楚咁，二來以後唔俾99知我買咗几多就算

私人傳訊

積分: 6333

6^#

發表於 08-4-18 17:08 |只看該作者

係的，我見99對我媽几好，我都感動架，所以有時99唔舒服，唔敢話俾d仔知，只係同我媽傾開電話先講，咁我媽講番出來，我就叫c6打個電話問吓99仲有無事，使唔使幫忙呀

私人傳訊

shanbbmami

複式洋房

積分: 474

7^#

發表於 08-4-18 17:10 |只看該作者

系啊系啊，我都係好似你甘，D老人家係甘架喇，雖然吾係用到距錢，但係距都系好似覺得我地好大使，我媽同我奶奶都好F架，真系念吾明

私人傳訊

8C9

積分: 1078

8^#

發表於 08-4-18 17:13 |只看該作者

你唔好同佢講你用自己錢買衫. 有d人聽落會覺得你寸同哂命. 仲有, 有d老人家會覺得兩公婆既收入都係屬於個家庭既, 而家咁多唔同既家庭財政安排, 佢地未必明既. 其實你奶奶都可能冇再擺心度, 你又同姑仔安排到, 多一事不如少一事. 你都唔好擺係心度. 無謂為d咁小既事唔開心.

原文章由 水媽媽 於 08-4-18 17:04 發表
我亦都無同99講番其實我唔係使老公的錢買衫，一來我怕老公唔開心，好似大家分得好清楚咁，二來以後唔 ...

私人傳訊

cherry1498

積分: 3008

9^#

發表於 08-4-18 17:14 |只看該作者

講真...如果我真係咁多舊3,我寧願拎去捐...俾姑仔..好似唔知點咁...掉轉係你,成日著人舊3你會點諗丫...我明白你都係一番好意...你99算係咁啦,如果我99...唉...阿B仲係1歲個陣,有次發燒,我地好緊張...不過我老公番唔到黎住...我就同我DADDY, MUMMY一齊去左急症...點知我99話唔好等,去私家好...係人都知邊到D切備齊全D啦...仲要兜口兜面話我DA MU,好唔叫我去睇私家,貪平...

私人傳訊

debbyma

水晶宮

積分: 53120

畀面勳章

10^#

發表於 08-4-18 17:15 |只看該作者

就咁睇少少你講,她算好奶奶,對你媽媽咁真係好好人,至於話你買衫,可能覺得會係個仔比錢買,就算係你自己買都覺得你地唔慳家大使,而且係佢心目中覺得買得太多(老人家覺得著唔哂),因我媽咪同老豆都會咁講,所以我以前未結婚時,有時買衫回來收埋唔比佢地知,費時煩!

私人傳訊

Leomummy

積分: 7723

11^#

發表於 08-4-18 17:21 |只看該作者

原文章由 水媽媽 於 08-4-18 17:04 發表
其實呢件事都過咗好耐，只不過我有時諗番起會忟lor，所以呢件事之後，我唔再攞d衫去99度，直接打電話約我姑仔﹐等佢係屋企先攞俾佢，我亦都無同99講番其實我唔係使老公的錢買衫，一來我怕老公唔開心，好似大家分得好清楚咁，二來以後唔 ...

其實我覺得你99都算唔錯，你亦都無錯，你出發點係想幫吓個姑仔啫，你99出發點係關心加擔心，驚你哋唔save money啫，你而家都索性唔俾佢知仲有買衫仲有攞衫俾姑仔囉，咁咪算囉﹗你不如諗吓難得佢咁好人，會真心關心你媽咪，當俾面你媽咪囉，唔好忟啦﹗忟得多好易皺，唔靚ga

私人傳訊

積分: 6333

12^#

發表於 08-4-18 17:22 |只看該作者

我媽就唔會話我的，因為我讀書個陣已經幫屋企手做野，咁時時都會搵到零用錢，因為我唔使問父母攞錢使，所以我買咩佢都唔會理我，可能一直以來都係咁，所以突然俾人管我點用d 錢，會覺得唔好受lor

私人傳訊

8C9

積分: 1078

13^#

發表於 08-4-18 17:23 |只看該作者

你梗係由細到大都冇憂米哩. d老人家捱過窮日子, 錢對佢地黎講係要用得其所, 我老豆好多錢都好孤寒, 我有時請佢去食貴少少, 都會俾佢鬧架. 佢地既價值觀同我地唔同, 聽完咪算, 個心知道佢地為我地好, 搵機會對佢地好d就得架啦.

原文章由 shanbbmami 於 08-4-18 17:10 發表
系啊系啊，我都係好似你甘，D老人家係甘架喇，雖然吾係用到距錢，但係距都系好似覺得我地好大使，我媽同我奶奶都好F架，真系念吾明

私人傳訊

OneOneMa

積分: 1038

14^#

發表於 08-4-18 17:23 |只看該作者

你奶奶都幾好呀, 起碼唔會口衰衰咁話你先啦, 有D 99 把口好得架(唔收), 我估你 99 可能都係"鄧"你肉赤, 驚你使得多日後冇個錢旁身, 所以唔好睇得咁認真啦, 你可以約你姑仔自己攪仲好。佢又對你媽咪咁好, 你都要對佢好呀。

私人傳訊

beautykong

積分: 5814

15^#

發表於 08-4-18 17:25 |只看該作者

原文章由 OneOneMa 於 08-4-18 17:23 發表
你奶奶都幾好呀, 起碼唔會口衰衰咁話你先啦, 有D 99 把口好得架(唔收), 我估你 99 可能都係"鄧"你肉赤, 驚你使得多日後冇個錢旁身, 所以唔好睇得咁認真啦, 你可以約你姑仔自己攪仲好。佢又對你媽咪咁好, 你都要對佢 ...

agree!

唔錯啦啦隊

私人傳訊

積分: 6333

16^#

發表於 08-4-18 17:32 |只看該作者

咁講真，我99對我都ok的，不過有時又會好心做壞事咁la，話說我生咗阿仔之後，佢地興煲 "黑木耳" 俾新抱飲，話幫助去除d瘀血wor，其實我都唔係好想飲，因為醫院已吩咐過我，已經同我打咗通瘀血針，唔好飲黑木耳，不過呀99一番好意，我無出聲，都照飲，飲完大鑊喇，d血流到唔停，暈到連床都落唔到，最後因為流太多血，要睇急診，仲俾醫院話添，奶奶初時唔知，後來知道咁大鑊，就唔敢再監我飲喇，個次真係嚇到佢面青呀

私人傳訊

laimanw

複式洋房

積分: 399

17^#

發表於 08-4-18 18:23 |只看該作者

原文章由 cherry1498 於 08-4-18 10:14 發表
講真...如果我真係咁多舊3,我寧願拎去捐...俾姑仔..好似唔知點咁...掉轉係你,成日著人舊3你會點諗丫...我明白你都係一番好意...你99算係咁啦,如果我99...唉...阿B仲係1歲個陣,有次發燒,我地好緊張...不過我老公番唔 ...

你這樣講令我想起了"長腿叔叔"的故事, 女主角是孤兒, 但每次有好心人送舊衫來給她著時, 她就會很憤怒, 因她覺得別人是可憐她, 看不起她, 而她也對自己的出生很感慨。

私人傳訊

debbyma

水晶宮

積分: 53120

畀面勳章

18^#

發表於 08-4-18 19:02 |只看該作者

原文章由 水媽媽 於 08-4-18 17:32 發表
咁講真，我99對我都ok的，不過有時又會好心做壞事咁la，話說我生咗阿仔之後，佢地興煲 "黑木耳" 俾新抱飲，話幫助去除d瘀血wor，其實我都唔係好想飲，因為醫院已吩咐過我，已經同我打咗通瘀血針，唔好飲黑木耳，不過呀99一番好意，我無出聲 ...

咁你自己應該同奶奶講清楚,有時佢地未必知道,雖然一番好意,醫院已經吩咐你,你唔拒絕奶奶就自己辛苦.

私人傳訊

debbyma

水晶宮

積分: 53120

畀面勳章

19^#

發表於 08-4-18 19:11 |只看該作者

你奶奶咪算好,煮嘢比你食,我奶奶話唔記得啦唔煮比我食,咁咪我亞媽煮,佢又打電話講叫我亞媽煮清D喎(清D即係什麼,講咗等於無講)

私人傳訊

ada605