心聲留言 今日: 0 | 主題: 17572

積分: 5552

1^#

發表於 15-2-25 04:22 |只看該作者 |倒序瀏覽 |打印

細b:

上年今日，媽媽去了醫院，做了引產，生了你。當時你已經差不多24週了，已經是個小小的人兒。爸媽能在醫院裡跟你相處了一小時，已覺感恩。唯一遺憾的沒有好好抱你一下，這讓媽媽到現在也未能悉懷。

你，明明是我和爸爸期待的孩子，但無奈因為你的染色體出了毛病，縱使萬般不捨，我們最後都決定放棄你，心裡真的很痛很痛。這是我一生中最難下最痛苦的決定。

媽媽很怕有一天你會問我為何明知你不是個健康的孩子，但仍要將你帶到世上受苦受難。說真的我真的不懂回答，我也無法說服我自己。因為我知道你將來的路非常難行艱辛，如果硬要把你生出來的話，你會面對承受很多令你難受的事情。

媽媽在這一年間很努力的去過日子。媽媽如常的去上班，如常的照顧姐姐，有時也會好好想想你。細b,雖然你不在媽媽身邊，希望你知道你仍是媽媽的乖女兒，媽媽的心肝寶貝。

寶貝女，讓我們一家人將來在天國相見，讓爸爸媽媽和姐姐好好的去抱抱你，親親你!

愛你的媽媽

點評

SiuBBee

發表於 15-3-24 21:15

0 0 0

私人傳訊

cacababe

積分: 2569

2^#

發表於 15-3-1 00:40 |只看該作者

回覆：bbcmp 的帖子

感動

我仔仔都係因染色體問體要引產離開左我了
好明白你感受，雖然時間係可沖淡傷痛，但bb永遠都係我地心中，將來一定可以再團聚的！
共勉之！

私人傳訊

積分: 5552

3^#

發表於 15-3-1 10:39 |只看該作者

引用：感動我仔仔都係因染色體問體要引產離開左我

原帖由 cacababe 於 15-03-01 發表
感動
我仔仔都係因染色體問體要引產離開左我了
好明白你感受，雖然時間係可沖淡傷痛，但bb永遠都係我 ...

多謝你既回覆。

講真為左呢個bb,真係流左好多眼淚

。自問自己都算係個堅強既人，成世人都無因為咩事流過咁多眼淚。但引產後真係好多時都會忍唔到，平日返工放工一個人唸起佢既時候，的眼淚都有時忍唔住湧出黎，遇著的特別既日子如預產期個個月或生產個個月就尤甚。

不過我成日同自己講，掛住bb就一定會架啦，我係bb個媽咪，邊個媽媽唔疼錫自己仔女，要成日提醒自己要保持積極樂觀，要多的唸的開心既事。

係我出呢個post既當日，我係一路喊一路打既，誰知幾個鐘頭後，我竟然收到診所姑娘打黎既電話，通知我細細b既nifty報告(我陀緊第3胎)，話全部low risk,真係令我放下心頭大石。雖然上天封左我既門，但仍感恩佢為我打開一扇窗。

你都要加油呀，我地大家都要一齊努力，要開開心心。

私人傳訊

cacababe

積分: 2569

4^#

發表於 15-3-1 14:30 |只看該作者

引用：Quote:原帖由 cacababe 於 15-03-01 發表感

原帖由 bbcmp 於 15-03-01 發表
多謝你既回覆。

講真為左呢個bb,真係流左好多眼淚。自問自己都算係個堅強既人，成世人都無因為咩 ...

我都係上年11月開始知道bb可能有問題，再四出尋醫，到最後抽羊水報告confirm 呢段日子裡我都不停喊，加上我bb得來不易，由知道bb有事那一刻每一天都心如刀割。到而家每段情景仍然會出現係我腦海中。

其實引產完我心情都平伏不少。但每當聽到某d歌時或睇到同我差不多預產期既po，我就會好唔開心又會喊

黎緊5月就係我仔仔既預產月份，我都唔知自己到時會點，唔想面對

bb回來搵你喇，好戥你高興。

衷心祝你今次順順利利，bb健健康康

私人傳訊

ming1020

侯爵府

積分: 23268

5^#

發表於 15-3-1 15:02 |只看該作者

回覆：bbcmp 的帖子

你好叻，仲有勇氣生，我個女出世一直住nicu，去到17個月就走左，暫時都未知咪基因有事，我大仔好想我生，但我完全冇勇氣再陀喇

祝你今胎順順利利

私人傳訊

tingandwin

積分: 2280

6^#

發表於 15-3-1 17:07 |只看該作者

回覆：bbcmp 的帖子

對仔女既愛無論生或死。點都唔會變。應每個做過媽媽既。最能體會。希望你天上的女兒開快樂。保守住姐姐，妹妹或弟弟的平安。祝福你們一家

私人傳訊

Sosofun

積分: 1069

7^#

發表於 15-3-1 23:15 |只看該作者

回覆：給女兒的說話

我仔仔都係38週被天父接走
已經三年啦
剛剛過左佢嘅生日
頭一年真係好難過
每次帶家姐去公園玩
見到其他人一家大細
我都忍唔住返到屋企係廁所喊
因唔想嚇親家姐
但又真係忍唔住
好多時等家姐瞓左
自己就係廁所爆喊

我本身都係一個積極樂觀嘅人
所以都係通常係夜深先喊
日頭變返個正常人

時間係可以沖淡傷感
但唔會沖淡我對仔仔嘅思念

而家我都有第三個寶貝啦
佢已經五個月啦
同家姐相處好融洽
希望樓主都可以順利生產啦

其他媽媽都要加油
雨後必有彩虹

私人傳訊

積分: 5552

8^#

發表於 15-3-1 23:30 |只看該作者

引用：Quote:原帖由 bbcmp 於 15-03-01 發表多謝

原帖由 cacababe 於 15-03-01 發表
我都係上年11月開始知道bb可能有問題，再四出尋醫，到最後抽羊水報告confirm 呢段日子裡我都不停喊，加上我 ...

jm, 你係bb既媽媽，你為bb既健康而喊，或者為bb既離去而喊，都係好正常架。始終你既bb都係走左無耐，你仍然會掛住佢都係人之常情，想喊就喊啦，喊係正常既宣洩，唔好屈係個心度。

不過都唔可以得個喊字，而唔去同人傾呀，將你既難過既感覺講比老公，朋友，家人聽啦，雖然佢地未必有咩實質既野幫到你，但有佢地係你身邊，聽你既心事，呢份支持係好重要架。

要調理好身子，等你身心都準備好就再考慮試下啦。由衷祝福你，希望你快快走出陰霾，係2015年所見所遇都充滿陽光。

私人傳訊

積分: 5552

9^#

發表於 15-3-1 23:54 |只看該作者

引用：你好叻，仲有勇氣生，我個女出世一直住nicu

原帖由 ming1020 於 15-03-01 發表
你好叻，仲有勇氣生，我個女出世一直住nicu，去到17個月就走左，暫時都未知咪基因有事，我大仔好想我生，但 ...

之前都睇過你既post, 知道你囡囡既事，覺得你好堅毅樂觀，相對你既堅毅，我既勇氣只係小毛見大毛。

醫院係我引產後有幫我同先生驗過血，話應該唔係我同先生既基因出問題，係bb係細胞分裂時出錯了。醫院方面有幫你同先生驗的咩嗎？

多謝你既祝福，我亦祝福你同家人生活美滿，囡囡係另一個國度都健康愉快。

私人傳訊