影視娛樂今日: 20|主題: 16088

收藏本版

發帖

返回列表

跳至頁

查看: 533 | 回覆: 6

李英愛《師任堂》7月開拍 SBS公開超美海報 [複製鏈接]

mickeyeva

瑪瑙宮

積分: 139865

2025勳章 2025勳章蛇年勳章 2024年龍年勳章 2023年兔年勳章虎到金來勳章畀面勳章環保接龍勳章親子達人勳章 BK Milk勳章

1^#

發表於 15-5-20 14:26 |只看該作者 |倒序瀏覽 |打印

愛姐張海報好靚

流一姐「大長今」李英愛事隔12年再度拍劇，早前已落實接拍穿越劇《師任堂》，今日韓國方面就話呢部劇將由SBS製作，暫名為《師任堂，the Herstory》(師任堂)並會於7月開拍，今次佢哋會拍畢晒所有戲份後，就預計明年上半年會播出。

早前韓國節目《姜勝華的演藝手冊》就公開咗愛姐今次再拍劇嘅身價，佢以每集近1.5億韓圜（約110萬港元）嘅演出費接拍《師任堂》，連埋海外輸出版權嘅費用，節目仲估計愛姐可以收取每集近3億韓圜（約220萬港元）嘅演出費，認真和味。

而《師任堂》係講天才畫家師任堂嘅不平凡一生，佢係朝鮮王朝中期嘅著名文人、儒學學者、畫家、作家同詩人，人物集美德、聰慧，以及傑出嘅藝術造詣於一身，被視為韓國女性嘅典範，由愛姐演出師任堂絕對十分適合，愛姐喺劇中會一人分飾兩角，除了飾演師任堂外，亦會飾演現代嘅韓國美術史大學講師，故事會講大學講師偶然間發現師任堂嘅日記以及可疑嘅美人圖，於是逐步揭開秘密嘅過程。

劇組今日公開咗兩張海報，只見海報中愛姐十足十漫畫人物一樣，造型相當清麗，而愛姐透露佢本人非常喜歡呢齣劇嘅導演尹尚浩，能夠同佢合作令佢感到十分榮幸，亦都好期待呢部戲嘅開拍。