吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 樓市動向› 苦惱⋯⋯想要中肯意見

樓市動向今日: 0|主題: 74655

收藏本版

發帖

返回列表

跳至頁

查看: 2021 | 回覆: 32

苦惱⋯⋯想要中肯意見 [複製鏈接]

starsloverss

別墅

積分: 804

1^#

發表於 15-7-20 18:11 |只看該作者 |倒序瀏覽 |打印

手揸舊樓細單位一個，同男友住一齊供緊。
層樓係我媽子早期買落，雖然我一直都當係租屋企人既心態咁住。
老實講，有個落腳地試下獨立，叫做供得輕鬆我已經好滿足。唔介意新定舊
但係媽子一直想我換新樓換大些少既單位，什至提出一家三口加我男友買大單位住埋一齊既意見。
其實之前同屋企人住就係為左買賣物業事宜搞到大家都勞氣，所以我先搬出。
面對屋企人上左年紀但投資仲係進取型的確好擔心，但係每次溝通都會被屋企人話～話我不思進取。
實在唔明白而家樓價真係過左火，點解要咁博⋯⋯⋯⋯每次有機會家庭聚會食飯都會為呢個話題搞到不歡而散
係咪我唔就範就係不孝？
真係想要一個開心既家

0 0 0

私人傳訊

Daeng

男爵府

積分: 7544

2^#

發表於 15-7-20 18:29 |只看該作者

回覆：苦惱⋯⋯想要中肯意見

雖然系一家人，買樓呢樣嘢好難有共識，我每次買樓屋企總有人話我傻，又話高追又話仲有得跌，到今日就話我只系死好命食到個升浪~

私人傳訊

ismandy

男爵府

積分: 8044

3^#

發表於 15-7-20 18:40 |只看該作者

引用：雖然系一家人，買樓呢樣嘢好難有共識，我每

原帖由 Daeng 於 15-07-20 發表
雖然系一家人，買樓呢樣嘢好難有共識，我每次買樓屋企總有人話我傻，又話高追又話仲有得跌，到今日就話我只 ...

一家人都咁樣講你？

私人傳訊

starsloverss

別墅

積分: 804

4^#

發表於 15-7-20 18:48 |只看該作者

回覆：Daeng 的帖子

我覺得自己有早期買落有既已經好好，錢無人嫌多，但係都唔會搵得曬。為錢令到家人互相不了解我覺得好可惜

私人傳訊

Daeng

男爵府

積分: 7544

5^#

發表於 15-7-20 21:30 |只看該作者

引用：Quote:原帖由 Daeng 於 15-07-20 發表雖然

原帖由 ismandy 於 15-07-20 發表
一家人都咁樣講你？

兄弟姐妹都諗法吾到，一樣有人睇好睇淡

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

6^#

發表於 15-7-21 13:12 |只看該作者

starsloverss 發表於 15-7-20 18:11
手揸舊樓細單位一個，同男友住一齊供緊。
層樓係我媽子早期買落，雖然我一直都當係租屋企人既心態咁住。
老 ...

爭拗的源頭正是你阻礙咗你媽咪投資. 你"心態一直都當係租屋企人既心態咁住", 但係又有冇俾巿值租金呢? 如果只係負責供樓, 你媽咪變相收少好多租. 你以低成本住緊層樓係既得利益者, 唔好講到媽咪逼你換樓係過份要求. 若你媽只睇錢的話, 佢唔洗問你意思, 直接叫你搬走俾番層樓佢賣啦.

你媽咪想換新樓換大些少嘅單位係人之常情. 早年買落嘅舊樓細單位唔保值, 想為自己資產增值係人之常情. 而家樓價雖高, 但有誰能保證樓價一定在三兩年內跌三成以上? 買樓唔一定係進取型的, 佢話買股票你應該驚D.

唔想"聚會食飯都會為呢個話題搞到不歡而散", 你就俾番層樓你媽咪, 由得佢換乜都好.

點評

zzoeyy

發表於 15-7-22 11:06

文德

發表於 15-7-21 16:45

Juho

發表於 15-7-21 13:51

私人傳訊

gigi1020

珍珠宮

積分: 47029

好媽媽勳章畀面勳章環保接龍勳章 hashtag影視迷勳章

7^#

發表於 15-7-21 15:02 |只看該作者

睇唔明, 你已手揸舊樓細單位一個，同男友住一齊供緊? 層樓系你定你媽媽?

定系你自己一個物業, 你媽媽又有另一物業?

私人傳訊

5R2H

子爵府

積分: 14097

2024年龍年勳章秋日勳章炎夏勳章春季勳章冬日勳章畀面勳章

8^#

發表於 15-7-21 16:02 |只看該作者

回覆：苦惱⋯⋯想要中肯意見

樓主你住緊阿媽買既舊樓，供款當交租，梗係覺得輕鬆，但唔好忘記層樓你只係租客，你阿媽有冇話第日你供完俾左你? 家庭成員意見不一就係因為層樓唔係你，只係用超平租租俾你2公婆，阿媽想換大換新又趕你唔走，你講到好似係你既咁。不如你地搬開自己出面租，俾返層舊樓你媽以市值放租或者換樓，由佢決定。

私人傳訊

YYcar

大宅

積分: 1012

9^#

發表於 15-7-21 16:38 |只看該作者

樓主, 想問一問, 層樓做按揭既時候是否也是用你媽媽既名去借錢??? 如果係, 事情就清晰得多, 即係成層樓係屬於你媽媽, 雖然你名義上係供緊層樓, 但實際係上係你媽收少租金黎補貼你住屋. 正如樓上所講, 你應該立即搬走俾返層樓你媽,自己再去找地方住. 你媽媽想換乜都由得佢.
但如果層樓係用樓主既名義去借錢就另一回事, 你可以講係合伙人, 即係同你媽媽夾份買樓, 理應按業權擁有比例去分享回報. 但係講到尾而家樓主都係佔用左層樓, 而你媽媽係毫無回報. 你不如掉轉頭幫你媽媽諗下, 俾左筆錢出去, 拿唔返筆錢之餘仲要無回報. 總之錢銀上大家分得清清楚楚, 自己有能力出去獨立便什麼煩惱也沒有. 想自己獨立又要靠家人補貼.....說不過吧.
如果樓主真心為你家人切想, 難道你不明白, 你家人始終都唔放心, 想你返黎同佢地一齊住, 連同你"男友"一齊住都接受既父母, 我諗世間也真不多啦.

私人傳訊

文德

複式洋房

積分: 189

10^#

發表於 15-7-21 16:48 |只看該作者

意會是不想失去一些好處！

私人傳訊

starsloverss

別墅

積分: 804

11^#

發表於 15-7-22 00:47 |只看該作者

回覆：苦惱⋯⋯想要中肯意見

唔⋯⋯⋯可能係我講得唔夠清晰
媽子唔係想賣樓我住緊個度換層新
而係另外買新單位一齊住，只不過係住埋一齊多拗撬，而買一個新單位相信大家都睇到每月供款有幾甘，有多餘錢我都希望俾父母過輕鬆生活，但唔係供係層樓度！供樓講緊係離不開三十年既事，但係大家都一面倒認為我媽子要賣樓而我做人兒女阻人發達

私人傳訊

gigi1020

珍珠宮

積分: 47029

好媽媽勳章畀面勳章環保接龍勳章 hashtag影視迷勳章

12^#

發表於 15-7-22 09:53 |只看該作者

你媽子唔係想賣樓你住緊個度換層新, 而係另外買新單位一齊住?
即是再買多一個新單位, 舊果層樓出租?

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

13^#

發表於 15-7-22 10:47 |只看該作者

"但係媽子一直想我換新樓換大些少既單位，什至提出一家三口加我男友買大單位住埋一齊既意見。"

因為見到呢句使我誤會了你媽咪想賣咗而家層樓而換過層大D新D嘅樓.
如果是另外買一層, 可以將而家佢住緊同你住緊兩層樓出租, 夾埋就算唔夠新樓供款都幫補到好多. 但你又唔願意一齊住, 即唔會free你住緊出黎放租幫補新樓供款, 條數自然難計D.

唔係針對你, 但以外人睇, 你的確係阻住你媽發達. 不過, 我相信你媽咪唔係志在發達, 佢想買層新D大D嘅樓都係為你著想. 早開始供早甩身, 而家樓價貴, 但可能遲D更貴, 到時要買層大D嘅更難. 你而家未婚, 你可能未諗到將來結婚生B後嘅住屋安排. 而家層細舊樓夠唔夠一家3/4口+工人住? 做咗媽媽的好自然會想預早為仔女安排架. 可能我年紀大, 我明白你媽咪果種我為籌謀你卻怕辛苦唔領情嘅感覺, 搞到每次聚會都因講樓不歡而散.

父母想的唔係一定最啱仔女的, 你唔一定要贊成你媽咪再買樓, 但至少, 你應該明白你媽咪為你付出的. 唔好怪佢令你感到壓力.

私人傳訊

starsloverss

別墅

積分: 804

14^#

發表於 15-7-22 10:55 |只看該作者

回覆：苦惱⋯⋯想要中肯意見

係啊
父母接近退休年齡，想將佢地住緊個間換樓齡較新較大既，如實行此計劃，父母既現金流將會放曬係新屋首期，佢地既應急錢會無曬
我覺得好大風險，而原本唔行呢一步，佢地可以有筆錢退休後用
近數年媽子都不斷為投資要我做好多支援，細節唔方便講
不過當我每次相處時都係圍繞投資話題我就會覺得好唔開心

私人傳訊

starsloverss

別墅

積分: 804

15^#

發表於 15-7-22 11:09 |只看該作者

回覆：tantanmama 的帖子

作為兒女，當然好感激媽子為我著想，從來佢都無打算係我身上獲金錢利益，我知我已十分幸運，有安落窩落腳
但係如果佢地換單位而一齊住，我感覺就好似我食左佢地筆退休金咁⋯⋯⋯⋯
自知未來數年有結婚生子打算，自己又搵得唔多，如果實行一齊住既計劃，我無乜信心應付供樓之餘再兼顧到全家人生活開支，當然租出我而家住緊既地方係可以幫補，但係無人知未來租金會如何⋯⋯⋯⋯⋯⋯

私人傳訊

Tracy~

大宅

積分: 4083

16^#

發表於 15-7-22 12:14 |只看該作者

如果你媽咪唔系甘積極的話, 你同男友應該系外面捱貴租lor~
如果你媽咪唔著重投資的話, 以後就冇幾層樓用黎應急lor~
如果你媽咪唔著重投資的話, 退左休就冇租金收入, 要你俾好多家用ga~

點評

PandaRabbitttt

發表於 15-7-22 15:19

私人傳訊

uumeme

大宅

積分: 1971

17^#

發表於 15-7-22 14:37 |只看該作者

回覆：starsloverss 的帖子

你這文真係令人誤會，我調整一下先。應該是你父母本來跟你住a屋，但之後因某些原因你自己搬到父母另一舊b屋，平供款由你負責，現在母親想把a屋賣掉換大屋c，你認為風險高供唔起？

理論上可行，一舉几得添，當a換C時，可以把舊屋增值，如a屋並非高特別高質數樓宇，更加要好景時換，到市差就賣唔出，真係等重建。另外，C屋預埋你和你男友，可能見你地穩定，幫你推一推，加速婚事，又可以照顧下你地，揍細路你媽幫你諗埋。而b屋可收市租，多出來的租可能作C屋部分供款。你和男友負責其餘的，應該無問題。

假設你而家供b約5k, 如出租市值估10k, c供15k, 以你兩個成人，若月薪共3萬，供10k應該無問題。問題係你男友願唔願意承擔供樓，願唔願意結婚。

你媽想法合理，係一個醒目媽，應該afford得到，C樓幾錢就影響你們要付出多少。