吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 超賤99, 賤到無人有...........

婆媳關係今日: 0|主題: 27782

收藏本版

發帖

返回列表

跳至頁

查看: 9800 | 回覆: 69

超賤99, 賤到無人有........... [複製鏈接]

12 3 4

catherineleungg

男爵府

積分: 5884

1^#

發表於 08-8-7 18:16 |只看該作者 |倒序瀏覽 |打印

各位, 真係唔好意思, 編嘢好長, 因為真係好嬲...... 請見諒!

我有個超級百佳嘅99和食古不化嘅老爺, 我未結婚之前, 佢哋都好識掩飾自己, 做到自己好開通, 但我哋結咗婚, 佢哋就原形畢露, 我只好講我唔好彩!

搞婚禮嗰時, 我99啲賤格嘢, 我啲朋友和親友全部睇到和知道, 佢哋都直言無諱同我講"你99好麻煩和衰格, 好怕你第時俾人蝦, 你小心第時可能好辛苦". 結婚前一晚, 我老公發脾氣, 搞到我要自己去攞婚紗禮服和花球. 結婚當晚, 佢孻叔借醉搞事想同佢老婆離婚, 嗰晚我老公去咗陪佢阿嬸, 我就自己一個喺屋企瞓. (以上呢啲谷氣嘢, 我都算數, 唔到佢哋計較)

到我發現有咗阿B, 我原本諗住俾99湊, 但最後我決定唔俾佢湊, 我亦都唔想佢哋掂我阿B, 事因如下 :

- 我有咗阿B, 業主話想賣樓, 唔想續租, 呢個時候我哋已經好煩, 因為啲租好貴, 又唔夠首期買樓, 有一日上99到食飯, 我99叫我哋離婚(其實假離婚), 仲要個B跟我老公, 跟住由我老公去申請公屋. 我聽完之後好突然, 唔係話, 要仔唔要乸, 間公屋真係咁重要(最搞笑係我老公唔覺得離婚問題, 佢覺得佢阿媽無問題, 係我有問題). 到最後, 我屋企人幫我俾首期買了而家呢層樓, 買樓期間, 佢屋企人沒有幫我哋仲不停漏風點火(因為利益問題, 佢哋覺得佢哋無着數, 所以要千方百計搞事), 搞到我哋兩個成日鬧咬唔開心.

- 剛考佢姨丈肝癌入院(我哋同佢姨丈一啲都唔熟, 一年先見一次面而已), 我奶奶同我老公要我大住肚去醫院探佢, 縱使我屋企人反對我都就佢屋企人去探佢姨丈. 跟住佢姨丈死咗, 我奶奶好老鳳咁叫我同公司請某日假去送姨丈上山, 我心諗唔係掛, 叫個大肚婆去送葬........... 我奶奶拜開神, 呢啲嘢都知要避忌, 仲要求我去, 佢要威都唔係攞我嚟搞呢啲嘢, 我真係覺得佢好黐線................ 最後我當然無去. 除此之外, 我奶奶同我老公講要買個大花藍俾姨丈, 不過要我哋俾錢, 目的係要威, 佢明知我哋買樓要用錢, 仲喺到掠水, 我覺得佢當我哋係提款機, 正一百佳婆............

- 坐月方面, 我話我買張床俾你過嚟瞓, 你咪唔使咁辛苦九龍灣荃灣兩邊走, 但佢哋堅持要我喺佢屋企坐月, 大家上過佢屋企都知極細兼無私人空間, 仲要有4個人堅持喺屋企食煙, 所以我最後決定由我阿媽陪我坐月.

- 我奶奶又好斤斤計較, 咩到算到爆, 掠到爆, 練JEM學懶不在話, 心地又唔好, 不過佢啲仔女好聽佢講.

- 仲有佢一見到我阿B就同我阿B講唔好要媽媽, 正一百佳婆

- 湊B方面, 由於以上事件可見佢哋啲人格有幾賤, 我最後決定由我阿媽湊B.

之後, 阿B出咗世, 佢哋成日要我哋抱阿B過去, 但佢哋唔會自己過嚟探阿B, 加上阿B有氣管敏感, 佢哋4條友喺屋企食煙, 對阿B一啲唔好, 所以我唔鍾意帶阿B過去. 問題又嚟, 我老公覺得我唔尊重佢屋企人, 我哋又成日為咗佢屋企人又鬧咬.

近日, 我又有咗小B, 喺7月1日, 我哋又為佢屋企人鬧咬, 今次佢就提出離婚, 又話我唔再改, 第時唔好後悔. 當然嗰刻我無應承佢離婚, 因為為咗阿B和小B, 所以唯有啞忍, 點知佢變本加厲, 不停諸多挑剔, 上兩個星期, 佢同佢姑姐傾過, 跟住佢姑姐打俾我同我傾, 由於佢姑姐唔知頭唔知路, 加上受到我奶奶加鹽加醋啲說話影響, 就同我講問我係咪睇唔起我老公啲屋企人, 喺咪因為佢哋窮, 我就同佢姑姐講, 如果我係因為咁, 我就唔會同佢結婚, 我從來唔介意佢哋窮, 跟住佢姑姐又話我老公仲咁後生, 佢再組織過另一個家庭好容易, 你而家有阿B, 肚內又有小B, 我都唔想見到你哋搞成咁, 後來我講番個事實佢知, 佢又不停幫我奶奶解釋, 叫我將就下, 算數....... 我唔怪佢姑姐, 不過, 我感覺到佢哋成班人因為知道我有咗小B, 所以想用離婚令我同佢哋妥協.

0 0 0

私人傳訊

CLK-MB

伯爵府

積分: 16090

2^#

發表於 08-8-7 18:30 |只看該作者

原文章由 catherineleungg 於 08-8-7 18:16 發表
各位, 真係唔好意思, 編嘢好長, 因為真係好嬲...... 請見諒!

我有個超級百佳嘅99和食古不化嘅老爺, 我未結婚之前, 佢哋都好識掩飾自己, 做到自己好開通, 但我哋結咗婚, 佢哋就原形畢露, 我只好講我唔好彩!

搞婚禮 ...

我諗你同你老公都要冷靜D 傾下先...佢係唔係一個好聽阿媽話既人? 係既話..咪會覺得你唔岩囉..而且, 最好就唔好成日提住'錢' 呢樣野..特別係依家你地住果層樓係你外家幫手比錢既..你知..男人就係咁..男家又會覺得: 你女家好巴閉咩~
但我都覺得係你奶奶一家唔岩多D..唔好對住bb食煙呢d 咁基本既常識..佢地都唔知..好難同呢d人溝通.

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

3^#

發表於 08-8-7 19:11 |只看該作者

睇你咁講,你老公似乎都係一名愚孝仔!
呢個賤99真係PK到冇得再PK,我睇完都鄧你好激氣!
你老公都好過份下!你99冇常識啫唔係連你老公都冇常識掛?咁多條友喺間屋度食煙點帶BB俾佢地見呀?一個食都已經死啦!仲要4個喎!
嗰個係佢個BB喎,佢有冇為佢自己個BB健康著想架?乜都淨係顧著佢D PK屋企人!!
咁樣就話你唔尊重佢屋企人,咁佢又有尊重過你同BB咩?有尊重過呢個家咩?
佢而家開始嗌離婚,我諗第時後悔嗰個會係佢囉!

私人傳訊

已刪除用戶

已刪除用户

積分: 225652

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

4^#

發表於 08-8-7 21:42 |只看該作者

提示: 作者被禁止或刪除內容自動屏蔽

私人傳訊

KoyeBaby

子爵府

積分: 12904

醒目開學勳章畀面勳章

5^#

發表於 08-8-7 23:10 |只看該作者

睇得出你c6完全係愚孝仔一名!!唔會用下個腦諗下件事啱定錯(希望你唔好介意呀),只要出自阿媽把口就照做!

講真呀,你呢個情況同c6鬧交好輸蝕!無論你啱唔啱,只要你99加把咀落去,你c6都係會怪你!唔好講其他呀,淨係叫你帶個b去間煙房度已經夠興!!!我62都堅持要喺屋食煙架,話之囡囡張床喺佢隔離!!一個我已經頂唔順,何況你嗰度有4個咁多...唔好心軟帶bb去d咁嘅地方呀,你c6話你唔尊重佢屋企人,你就話返俾佢知bb吸二手煙嘅害處,講得有幾嚴重得咁嚴重,嚇窒佢!!

私人傳訊

E@V

大宅

積分: 1312

6^#

發表於 08-8-7 23:41 |只看該作者

睇到我好炆!
你99 pk 都算..你c6 都好無用!
佢姑姐又係, 用你d bb 黎迫你妥協?

不過長遠黎講,你真係要同老公好好溝通下...唔好因為d 賤人而影響你地呀!
對你老公, 你"奸" d 都要,唔好對佢硬黎..你要俾佢知佢屋企人點蝦你, 等佢企係你果邊嘛!

我都係咁o架..我俾佢屋企人蝦, 我都會同老公講..仲要好慘好委屈咁...咁老公點都會鍚住你o架嘛..你同佢屋企人嘈, 佢只會覺得你惡, 唔尊重佢地..咁你老公會仲反感呀!

私人傳訊

catherineleungg

男爵府

積分: 5884

7^#

發表於 08-8-8 00:09 |只看該作者

我同C6啲問題全部都係關於佢屋企人, 而佢又偏幫佢屋企人, 佢何止係愚孝仔, 個腦直情生喺屎忽到, 一啲都唔MAKE SENSE, 真係好難搞. 加上佢啲屋企人(特別係賤99)成日喺到漏風點火驚死我哋離唔到婚咁, 我上星期初終於忍唔住叫我C6返去佢阿媽到, 唔好返嚟, 跟住佢就不停打電話俾我, 同我講番個問題-就係問我覺唔覺得我自己有錯, 我谷鬼氣答佢"咩都係我錯, 所有嘢都係我錯, 你唔覺得你屋企人有錯的話, 咪當所有嘢都係我錯囖", 跟住我就CUT線, 跟住佢再打俾我扮死狗扮無事發生, 到而家佢都扮晒無嘢咁, 好關心我咁, 擺明佢哋想用離婚嚟要脅我啦.

至於食煙方面, 佢都知道阿B有氣管敏感, 起碼有幾個醫生同佢講唔好喺屋企食煙, 佢知道個嚴重性, 但佢仍然喺屋企廁所或廚房食煙, 我一聞到煙味就忍唔住大聲鬧佢, 而佢唔出聲但行為照舊, 因為佢覺得佢由細到大佢屋企人都食煙都係咁長大, 佢完全唔覺得有問題, 所以佢覺得我唔啱, 因為佢覺得我認為佢屋企人食煙唔啱好無道理........... 仲有我不嬲都唔想帶阿B去99到, 我覺得大家唔見會減少磨擦, 但個C6要帶阿B返去, 我唔想佢單獨帶阿B返去, 費事條賤嘢教壞我阿B, 所以我反對我哋又嘈咬, 唔帶阿B去佢阿媽, 個條賤99和62又加鹽加醋, 漏風點火仲同C6講話我專登唔俾佢見我阿B(但我一個月返去2-3次), 正百佳..........

而家唯有睇下C6有無心維繫呢個家, 如果無, 我都有心理準備作最壞打算 - 離婚. 個C6咁愛和聽佢條賤媽講, 咪返佢阿媽到做裙腳仔.

私人傳訊

catherineleungg

男爵府

積分: 5884

8^#

發表於 08-8-8 00:16 |只看該作者

原文章由 E@V 於 08-8-7 23:41 發表
睇到我好炆!
你99 pk 都算..你c6 都好無用!
佢姑姐又係, 用你d bb 黎迫你妥協?

不過長遠黎講,你真係要同老公好好溝通下...唔好因為d 賤人而影響你地呀!
對你老公, 你"奸" d 都要,唔好對佢硬黎..你要俾佢知佢屋企人 ...

我無同過佢屋企人嘈過, 個C6覺得我一定要就晒佢屋企人, 即佢屋企想點我就要點, 因為佢覺得佢屋企人係好重要, 我要全心全意服待佢屋企人, 所以我做到好委屈對佢嚟講只係我又係到搞事, 唔尊重佢屋企人, 真係火到嚟..............

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

9^#

發表於 08-8-8 01:41 |只看該作者

你老公真係.............冇得救!!!
我覺得,就算佢肯去維繫呢個家呢段婚姻,但係佢一日唔知個問題喺邊度,加上佢一路都覺得佢屋企人冇錯冇問題,你地既問題一日都仲喺度冇解決過!
佢完全係企晒喺佢阿媽嗰邊唔幫你,又只會聽佢阿媽講野+受佢影響,你再做d乜講d乜都冇用!
佢根本唔會聽你支笛!

全心全意服待佢屋企人?咁佢娶你把托呀!索性直接娶個賓賓啦!
你老公真係忽忽地!!佢究竟有冇當過你係老婆架?

私人傳訊

bleung

複式洋房

積分: 115

10^#

發表於 08-8-8 02:16 |只看該作者

Tell your c6 he can be a good son and his mother doesn't need an extra daughter. Being a good mother and a good wife is enough. Thunder god punish bad sons, never 'invisible' daughter-in-law.

Exclude yourself completely from c6 family functions and let them see bb in public places. Ask him if he wants peace or you going to see his family. Let c6 see his family, he wants to be a good son, you have no rights to stop this. But you have rights not to socialize with his family.

Be firm about the smoking issue, ask him if he would give adult medicine to bb, if not, why nicotine? You have every right to protect your baby and keep bb away from bad influence.

私人傳訊

YokoLai

大宅

積分: 1873

11^#

發表於 08-8-8 02:39 |只看該作者

你老公真係掙唔落......

娶賓賓都怕唔尊重佢屋企，叫你老公娶個機械人啦~~絕對尊重佢屋企人，仲唔會駁咀~

尊重佢屋企人？？那你問下佢你係咪佢屋企人？

私人傳訊

bleung

複式洋房

積分: 115

12^#

發表於 08-8-8 02:40 |只看該作者

One more thing, a good son sees no wrongs in his family. He is blind. I don't comment on my hubby's family. What they do or say is not important to me.

It's about control & manupilation. Your c6 and his family are playing this game. Refuse their unreasonable demands and offer no explanation to his family. Explain to c6 (in private) in 3 sentences and leave the scene. No more arguments and no persuasion. Show c6 he can't change your mind. End of story and act normal, show him you are not bothered by the problem and continue your sweet sweet self to him.

Men don't want trouble. If you offer him a way out, he quickly takes it. If you don't, he goes to his mother.