論盡家傭今日: 0|主題: 134103

收藏本版

發帖

返回列表

跳至頁

查看: 1027 | 回覆: 8

極品工主出沒搵工!注意! [複製鏈接]

iloveubobo

大宅

積分: 2545

1^#

發表於 16-1-24 00:17 |只看該作者 |倒序瀏覽 |打印

本帖最後由 iloveubobo 於 16-1-24 00:52 編輯

怪只怪自己心急請斷約。做左5個月頭2個月都仲ok, 跟住開始完全現形。
我自己辭職等炒佢，點知我last day個日佢自己resign

菲: Cynthia 其他資料後補

好: 佢有4個仔，係中東都係湊b. 唔駛點教。放假返黎肯做家務。

差: 1。機不離手。初初諗住佢湊b辛苦，叫佢bb訓左要休息，做咩都得，俾埋wifi佢用，點知之後連湊b都玩，日日玩起碼3個鐘。之後我轉pw以為佢會好d,都係買卡照玩。中午仲日日有人打黎傾電話傾半個鐘。知我睇cam見到佢玩就變左去廁所玩，4個鐘去10次廁所，每次10分鐘。

2。冇心湊b. 冬天幫b沖涼唔開暖爐，唔會事先準備好d衫。唔會同b玩，抱住bb玩自己電話. 同2歲大b去玩唔會照顧，只坐埋一邊打機。bb扭眼訓，又以為冇人見到時會狂搖bb,呼喝bb.

3。做錯野唔認，駁咀。平日自己玩電話都算。有日係cam見佢要bb一齊睇佢玩。打返屋企叫婆婆同佢講唔得，竟然用菲話鬧返婆婆。我即刻叫佢聽問佢知唔知咁會傷bb隻眼，佢話部電話係佢既，佢想點就點。仲叫我唔鐘意可以炒佢，我話唔會，叫佢自己resign.

4。玩野。話完佢後第日自動波抹大b d玩具（黎左咁耐洗過一次，係大b手足口我叫洗先洗）。以為佢勤力番，轉頭佢垃圾筒見到8，9件玩具。問佢點解唔問我掉玩具，佢話太多。

5。屈僱主。話我唔俾夠野佢食，但餐餐同枱食飯，佢想食幾多就幾多。佢interview個陣都係數前僱主唔俾lunch佢食所以斷約。聲淚俱下咁打俾agent屈婆婆打佢，實情係佢係bb隔離大叫嚇到bb喊，婆婆驚佢傷害bb，整開佢touch bb個隻手。扮慘問agent點解婆婆咁對佢，話自己好錫bb.

6。黑面。日日黑面。8點幾洗完碗自動波返房玩電話等沖涼，有一埋野未做完 eg.over6個奶樽都唔洗，叫佢洗即黑面，應都唔應，大大力整到d野跌哂。

7。講大話。同其他人講佢日日負責煮飯。實情係我買餸婆婆煮。只係間中叫佢炒飯。

8。懶。洗碗，拖地由15分鐘變成每樣45分鐘先完成。所有野唔叫唔做。日日遊魂咁只記得個電話。

9。聲大夾惡。大聲話我對佢差，朋友madam好好。我唔係100分，但自問算係好僱主。從冇限幾點起床，休息日要幾點前返，佢通常9點返，有時10點。大b全部野唔駛佢理，包括返放學，沖涼食飯。唔駛佢買餸煮飯。細b通常夜晚9~10點食奶，我自己攪，等佢早d沖涼訓覺。10點半前佢一定可休息。生日利是，幾乎個個月有小禮物 eg成盒名牌朱古力仲同佢講會一年出一次bonus。
祝下個僱主好運